လံာ်စီၤပၤခံဘ့ၣ်တဘ့ၣ် 22:10 - Sgaw Karen Common Bible

¹⁰ ဝံၤဒီးအဝဲစံးဝဲ, “ယအိၣ်ဒီးလံာ်တဘ့ၣ်, ဖဲအံၤလၢစီၤဃံးလကံယၤဟ့ၣ်ယၤန့ၣ်လီၤ.” ဒီးအဝဲဖးထီၣ်န့ၢ်စီၤပၤလၢအကလုၢ်ဖးဒိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 22:10 Iomraidhean Croise

လံာ်စီၤပၤခံဘ့ၣ်တဘ့ၣ် 22:11

တုၤစီၤပၤနၢ်ဟူဘၣ်လံာ်အံၤဘၣ်တၢ်ဖးန့ၢ်အီၤဝံၤဒီး, အဝဲဖှီကွံာ်အကူအသိးတဖၣ်လၢတၢ်ကမၢကမၣ်အပူၤ,

လံာ်စီၤပၤခံဘ့ၣ်တဘ့ၣ် 22:9

အန့ၣ်ဝံၤဒီးအဝဲက့ၤကဒါက့ၤဆူစီၤပၤအအိၣ်ဒီးပာ်ဖျါထီၣ် ဝဲဒ်အံၤ, “နခ့နပှၤတဖၣ်ဟံးန့ၢ်စ့လၢအအိၣ်လၢယွၤအတၢ်လုၢ်ဟံၣ်အပူၤ, ဒီးဟ့ၣ်လီၤဝဲဆူပှၤအခိၣ်တဖၣ်လၢအကွၢ်ထွဲပၢဆှၢဂ့ၤထီၣ်က့ၤ အတၢ်မၤအအိၣ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 34:18

ဒီးစံးအါထီၣ်ကဒီးဝဲ “အအံၤ, ယအိၣ်ဒီးလံာ်တဘ့ၣ်လၢစီၤဃံးလကံယၤဟ့ၣ်ယၤန့ၣ်လီၤ.” ဒီးအဝဲဖးထီၣ်န့ၢ်စီၤပၤ, လၢအကလုၢ်ဖးဒိၣ်န့ၣ်လီၤ.

လံာ်စီၤနဃ့မယၤ 13:1

တုၤစီၤမိၤၡ့အတၢ်သိၣ်တၢ်သီဘၣ်တၢ်ဖးဖျါထီၣ်အီၤသီၣ်ဒိၣ် ဒိၣ်ဆူပှၤဂီၢ်မုၢ်အအိၣ်ဒီးတုၤဖဲတၢ်ကွဲးအသးတတီၤလၢအမ့ၢ် ဝဲပှၤဧၣ်မိၣ်ဖိမ့ၢ်ဂ့ၤ, ပှၤမိၤအးဖိမ့ၢ်ဂ့ၤတၢ်တဟ့ၣ်ဘၣ်အခွဲး လၢကပာ်ဖှိၣ်အသးဒီးကစၢ်ယွၤအပှၤဂီၢ်မုၢ်ဘၣ်န့ၣ်လီၤ.

လံာ်စီၤနဃ့မယၤ 8:18

စးထီၣ်လၢမူးအခီၣ်ထံးတနံၤတုၤလီၤလၢအကတၢၢ်တနံၤန့ၣ်, ကိးနံၤဒဲးအဝဲသ့ၣ်ဖးကစၢ်ယွၤအတၢ်သိၣ်တၢ်သီလၢပှၤယူဒၤဖိ အဂီၢ်တပတီၢ်ဘၣ်တပတီၢ်န့ၣ်လီၤ. အဝဲသ့ၣ်မၤမူးန့ၣ်နွံသီဒီးလၢဃိးသီတသီန့ၣ်မ့ၢ်ဝဲတၢ်မၤ ကတၢၢ်ကွံာ်မူးဒ်ယူဒၤအတၢ်သိၣ်တၢ်သီပာ်ဖျါဝဲအသိးန့ၣ်လီၤ.

လံာ်ယၡါယၤ 66:2

ယကစၢ်ဒၣ်ယဲယတ့လီၤပာ်လီၤဟီၣ်ခိၣ်မူခိၣ်ခဲလၢာ်လီၤ. ယသးမံသးမုာ်ဒီးပှၤတဖၣ်လၢအဆီၣ်လီၤအသးဒီးပီၢ်ယၢ် လီၤအသး, လၢအပျံၤယၤဒီးစူၢ်ယၤန့ၣ်လီၤ.

လံာ်ယၡါယၤ 66:5

သုဝဲပှၤလၢအပျံၤယွၤဒီးစူၢ်အီၤသ့ၣ်ဧၢ, ဒိကနၣ်တၢ်လၢယွၤစံးဝဲန့ၣ် တက့ၢ်. “မ့ၢ်လၢသုသးတီဒီးယၤအဃိ, ပှၤတနီၤလၢသုပှၤဂီၢ်မုၢ်ဒၣ်ဝဲအကျါသးဟ့သုဒီးတမၤဘၣ်ဃး အသးဒီးသုနီတမံၤဘၣ်. အဝဲသ့ၣ်ဒုၣ်ဒွဲၣ်သုဒီးစံးဝဲ, ပျဲယွၤဒုးနဲၣ်အတၢ်ဒိၣ်တၢ်မုၢ်ဒီးအုၣ်က့ၤခီၣ်က့ၤသုဒ်သိး ပကထံၣ်ဘၣ်သုသူၣ်ဖှံသးညီန့ၣ်, ဘၣ်ဆၣ်ဒီးအဝဲသ့ၣ်အကစၢ် ဒၣ်ဝဲကဘၣ်တၢ်မၤမဲာ်ဆှးအီၤလီၤ.

လံာ်ယံးရမံယၤ 13:18

ယွၤစံးဘၣ်ယၤ, “တဲဘၣ်စီၤပၤဒီးအမိၢ်လၢအကစံၣ်လီၤလၢ အလီၢ်ပစိာ်တဖၣ်အဖီခိၣ်တက့ၢ်. အဂ့ၢ်ဒ်အံၤအတၢ်လၤကပီၤ အခိၣ်သလုးဃံလၤတဖၣ်လီၤတဲာ်ကွံာ်လၢအဝဲသ့ၣ်အခိၣ်တဖၣ် အလိၤလံန့ၣ်လီၤ.

လံာ်ယံးရမံယၤ 36:13

စီၤမံၤကါယၤစံးဘၣ်တဲဘၣ် အဝဲသ့ၣ်တၢ်ကိးမံၤဒဲးလၢ အဝဲနၢ်ဟူတ့ၢ်ဝဲ စီၤဘၤရူးဖးထီၣ်န့ၢ် ပှၤဂီၢ်မုၢ်န့ၣ်လီၤ.

လံာ်ယံးရမံယၤ 36:15

အဝဲသ့ၣ်စံးဝဲ, “ဆ့ၣ်နီၤတက့ၢ်. ဒီးဖးထီၣ်န့ၢ်ပှၤလံာ်ထူ အံၤတက့ၢ်.” လၢတၢ်န့ၣ်အဃိ, စီၤဘၤရူးမၤဝဲဒ်န့ၣ်လီၤ.

လံာ်ယံးရမံယၤ 36:21

အန့ၣ်ဒီး စီၤပၤမၢလီၤ စီၤယဟူဒံၤလၢ ကလဲၤဟံးန့ၢ်လံာ်ထူန့ၣ်လီၤ. အဝဲဟံးန့ၢ်လံာ်ထူအံၤလၢစီၤအလံၡမၤအဒၢးပူၤဒီး ဖးထီၣ်န့ၢ် စီၤပၤဒီးပဒိၣ်ပပှၢ်ခဲလၢာ်လၢအဆၢထၢၣ်ဝးတရံးအီၤန့ၣ်လီၤ.

လံာ်ယံးရမံယၤ 36:6

ဘၣ်ဆၣ်ဒီး, ယအဲၣ်ဒိးလၢ နကလဲၤဖဲန့ၣ်ခဲကိာ် တဘျီဖဲ ပှၤဂီၢ်မုၢ်ဒုၣ်တၢ်အီၣ်အဆၢကတီၢ်န့ၣ်လီၤ. နကဘၣ်ဖးထီၣ်တၢ်ဂ့ၢ်လၢ လံာ်ထူပူၤအံၤလၢ နကလုၢ်ဖးဒိၣ်, ဒ်သိးအဝဲသ့ၣ်ကနၢ်ဟူတၢ်ခဲလၢာ်လၢ ယွၤစံးဘၣ်တ့ၢ်ယၤဒီး တၢ်လၢယကိးထီၣ်န့ၢ်နၤန့ၣ်လီၤ. မၤတၢ်အံၤ ဖဲတၢ်လီၢ်လၢ ပှၤကိးဂၤဒဲး, ဃုာ်ဒီး ကီၢ်ယူဒၤအပှၤဂီၢ်မုၢ်လၢ အဟဲလၢအဝ့ၢ်ဒၣ်ဝဲ တဖၣ် နၢ်ဟူနၤကသ့န့ၣ်တက့ၢ်.