လံာ်စီၤပၤခံဘ့ၣ်တဘ့ၣ် 21:8 - Sgaw Karen Common Bible

⁸ ဒီးကီၢ်အံၣ်စရ့လးအပှၤဂီၢ်မုၢ်မ့ၢ်စူၢ်ကယဲၢ်ယတၢ်မၤလိာ်တဖၣ် ဒီးတိၢ်န့ၢ်ဖံးဃာ်ယူဒၤအတၢ်သိၣ်တၢ်သီခဲလၢာ်လၢယခ့ယပှၤစီၤ မိၤၡ့ဟ့ၣ်လီၤတ့ၢ်အဝဲသ့ၣ်န့ၣ်, အန့ၣ်တစု, ယတပျဲအဝဲသ့ၣ်ကဘၣ်တၢ်နီၣ်ထီၣ်ဟီထီၣ်ကွံာ်အီၤလၢ ကီၢ်တဘ့ၣ်အပူၤလၢယဟ့ၣ်လီၤတ့ၢ်အဝဲသ့ၣ်အမိၢ်ပၢ်ဖံဖုလၢပျၢၤ တဖၣ်န့ၣ်ဘၣ်.”

လံာ်စီၤပၤခံဘ့ၣ်တဘ့ၣ် 21:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:10

ယဃုထၢတ့ၢ်တၢ်လီၢ်တတီၤလၢပှၤဂီၢ်မုၢ်အံၣ်စရ့လးအဂီၢ် ဒီးသူၣ်လီၤဆီလီၤအဝဲသ့ၣ်ဖဲန့ၣ်, ဖဲအဝဲသ့ၣ်ကအိၣ်ဆိးဝဲ တအိၣ်ဘၣ်ဒီးတၢ်မၤအၢမၤနးအီၤနီတစုဘၣ်န့ၣ်လီၤ. စးထီၣ်လၢအဝဲသ့ၣ်နုာ်လီၤဆူကီၢ်အံၤအပူၤလံၤလံၤန့ၣ်, အဝဲသ့ၣ်ဘၣ်တၢ်ဒုးအီၤလၢပှၤမၤတၢ်လၢတၢ်စုဆူၣ်ခီၣ်တကးအပူၤ တဖၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:9

ယဃုထၢပာ်တ့ၢ်တၢ်လီၢ်တပူၤလၢယပှၤဂီၢ်မုၢ်အံၣ်စရ့လးဖိ အဂီၢ်ဒီးဒုးအိၣ်ဒုးဆိးအီၤဖဲန့ၣ်, ဖဲကအိၣ်ကဆိးဘၣ်ဝဲတအိၣ် လၢၤဘၣ်ဒီးတၢ်မၤနၢၤမၤပ့ၤအီၤန့ၣ်လီၤ. စးထီၣ်လၢအဝဲသ့ၣ်ဟဲနုာ်တ့ၢ်ဆူကီၢ်အံၤအပူၤန့ၣ်အဝဲသ့ၣ်ဘၣ် တၢ်ဒုးတ့ၢ်အီၤလၢပှၤမၤဆူၣ်မၤစိးတၢ်တဖၣ်, ဘၣ်ဆၣ်, တၢ်ဒ်သိးအံၤတမၤဘၣ်လၢၤကဒီးအသးဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 33:8

ဒီးဖဲကီၢ်အံၣ်စရ့လးအပှၤဂီၢ်မုၢ်စူၢ်ကယဲၢ်ယတၢ်မၤလိာ်တဖၣ် ဒီးတိၢ်န့ၢ်ဖံးဃာ်ယူဒၤအတၢ်ဘူၣ်တၢ်ဘါအတၢ်သိၣ်တၢ်သီခဲလၢာ် လၢယခ့ယပှၤစီၤမိၤၡ့ဟ့ၣ်လီၤတ့ၢ်အဝဲသ့ၣ်န့ၣ်, ယတပျဲအဝဲသ့ၣ်ကဘၣ်တၢ်ဟီထီၣ်ကွံာ်အီၤလၢထံကီၢ်လၢယဟ့ၣ်လီၤ တ့ၢ်အဝဲသ့ၣ်အမိၢ်ပၢ်ဖံဖုလၢပျၢၤအပူၤန့ၣ်ဘၣ်.”

စံးထီၣ်ပတြၢၤ 37:3

သန့ၤနသးလၢယွၤဒီးမၤတၢ်ဂ့ၤတက့ၢ်. အန့ၣ်ဒီးနကအိၣ်နဲကဆိးနဲလၢထံဧိၤကီၢ်ဧိၤအပူၤ ဒီးမုာ်လၤသးခုလၢတၢ်ပူၤဖျဲးအပူၤန့ၣ်တက့ၢ်.

လံာ်ယၡါယၤ 1:19

ထဲသုမ့ၢ်ဒိကနၣ်ယၤန့ၣ်ဒီး, သုကအီၣ်တၢ်အဂ့ၤတဖၣ်လၢ ထံကီၢ်ဟ့ၣ်ထီၣ်ဝဲန့ၣ်လီၤ.

လံာ်ယံးရမံယၤ 7:23

မ့မ့ၢ်, ယမၤလိာ်တ့ၢ်အဝဲသ့ၣ်လၢကစူၢ်ယၤ, ဒ်သိးယကမ့ၢ်အဝဲသ့ၣ်အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်အဂီၢ်န့ၣ်လီၤ. ဒီးယစံးဘၣ်တ့ၢ်အဝဲသ့ၣ်လၢကအိၣ်မူဒ် ကျဲလၢယမၤလိာ်တ့ၢ်အဝဲသ့ၣ်အသိး, ဒ်သိးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ် လၢအဝဲသ့ၣ်အဂီၢ်န့ၣ်လီၤ.