လံာ်စီၤပၤခံဘ့ၣ်တဘ့ၣ် 21:6 - Sgaw Karen Common Bible

⁶ အဝဲလုၢ်ထီၣ်အဖိခွါဒ်တၢ်လုၢ်မ့ၣ်အူအသိးန့ၣ်လီၤ. အဝဲမၤတၢ်ဒုၣ်တၢ်အဆၢအကတီၢ်, ဒီးတၢ်မၤကဒါမဲာ်ဒီးသံကွၢ်တၢ် လၢပှၤဖးတၢ်ဟဲဝံဟဲစိာ်တဖၣ်ဒီးပှၤသံအကလၤတဖၣ်, န့ၣ်လီၤ. အဝဲမၤဒဲးဘးတၢ်ထီဒါယွၤဒိၣ်မးဒီးထိၣ်ဂဲၤထီၣ် ယွၤအတၢ်သးကဲၤထီၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:6 Iomraidhean Croise

လံာ်တၢ်ကဲထီၣ်အခီၣ်ထံး 13:13

ပှၤဝ့ၢ်စဒိၣ်ဖိသ့ၣ်တဖၣ်န့ၣ်မ့ၢ်ပှၤအၢပှၤသီဒီးပှၤမၤတၢ်ဒဲး ဘးထီဒါယွၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:3

ဒီးပိာ်ထွဲကီၢ်အံၣ်စရ့လးအစီၤပၤတဖၣ်အဒိအတဲာ်အခံန့ၣ်လီၤ. အဝဲလုၢ်ထီၣ်ဒၣ်လဲာ်အဖိခွါဒၣ်ဝဲဒ်တၢ်လုၢ်မ့ၣ်အူတမံၤဆူ တၢ်ဂီၤတၢ်ဖီၣ်တဖၣ်, မၤဒိးလုၢ်လၢ်လီၤသးဘၣ်အၢလၢပှၤဂီၢ်မုၢ် မၤတ့ၢ်ဝဲ, ပှၤဂီၢ်မုၢ်လၢယွၤဟီထီၣ်ကွံာ်တ့ၢ်အီၤလၢထံဧိၤကီၢ်ဧိၤအပူၤ ဖဲပှၤအံၣ်စရ့လးဖိတဖၣ်ဟဲထီၣ်ဒုးတၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:17

အဝဲသ့ၣ်လုၢ်ထီၣ်ပာ်ထီၣ်အဖိခွါတဖၣ်ဒီးအဖိမုၣ်တဖၣ်ဒ်တၢ်ဆိၣ် ကဲၤနၢမူဆူပှၤတစူၢ်တနာ်ယွၤအကစၢ်တဖၣ်အအိၣ်လီၤ. အဝဲသ့ၣ်သံကွၢ်တၢ်လၢပှၤသံအကလၤဒီး, ပှၤဖးတၢ်ဟဲဝံဟဲစိာ် တဖၣ်အအိၣ်ဒီးအဝဲသ့ၣ်ဟ့ၣ်လီၤအသးလၢာ်လၢာ်ဆ့ဆ့ဆူတၢ်မၤတၢ် လၢအကမၣ်လၢယွၤအမဲာ်ညါ, သတးဒီးထိၣ်ဂဲၤအဝဲအတၢ်သးထီၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:24

လၢတၢ်ကမၤပိာ်ထွဲတၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဘၣ်တၢ် ကွဲးလီၤတ့ၢ်အီၤလၢလံာ်ပူၤလၢပှၤလုၢ်တၢ်အခိၣ်အဒိၣ်ကတၢၢ်စီၤ ဃံးလကံယၤထံၣ်န့ၢ်ဝဲလၢယွၤအတၢ်လုၢ်ဟံၣ်ပူၤအဂီၢ်န့ၣ်, စီၤပၤယိၤၡံယၤသုးကွံာ်ဝဲကယဲၢ်ပှၤအိၣ်ဒီးပှၤသံအကလၤ, ပှၤဖးတၢ်ဟဲဝံဟဲစိာ်တဖၣ်, ကစၢ်တဖၣ်လၢတၢ်ပာ်အီၤလၢ ဟံၣ်ပူၤ, တၢ်ဂီၤတၢ်ဖီၣ်တဖၣ်, ဒီးပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ် အလီၢ်အဂၤတဖၣ်လၢဝ့ၢ်ယရူၤၡလ့ၣ်ဒီးကီၢ်ယူဒၤတၢ်လီၢ်အဂၤတဖၣ် အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 10:13

စီၤစီလူးသံဝဲ, မ့ၢ်လၢတတီဒီးယွၤအဃိန့ၣ်လီၤ. အဝဲတဒိကနၣ်, ယွၤအတၢ်မၤလိာ်တဖၣ်ဘၣ်. အဝဲကျဲးစၢးတ့ၢ်ဒ်သိးကမၤန့ၢ်တၢ်နဲၣ်ကျဲတဖၣ်ခီဖျိဃ့တၢ် ဟ့ၣ်ကူၣ်လၢပှၤသံအကလၤတဖၣ်အအိၣ်, လၢကဃ့ဝဲလၢယွၤအအိၣ်အလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:3

ဆူးကဲၤထီၣ်တၢ်နၢမူတဖၣ်လၢဟံၣ်နိၣ်အတၢ်လူၢ်တၢ်တြီၤဒီးလုၢ် ထီၣ်ပာ်ထီၣ်ဒၣ်လဲာ်အဖိခွါတဖၣ်ဒ်တၢ်လုၢ်မ့ၣ်အူအသိးဆူတၢ်ဂီၤ တၢ်ဖီၣ်တဖၣ်အအိၣ်, မၤဒိးဝဲတၢ်သးဘၣ်အၢအတၢ်မၤတဖၣ်လၢပှၤဂီၢ်မုၢ်မၤဝဲ, ပှၤဂီၢ်မုၢ်လၢယွၤဟီထီၣ်ကွံာ်တ့ၢ်အီၤလၢကီၢ်ပူၤ, ဖဲပှၤအံၣ်စရ့လးဖိတဖၣ်ဟဲနုာ်တ့ၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:6

အဝဲလုၢ်ထီၣ်တ့ၢ်အဖိခွါတဖၣ်လၢဟံၣ်နိၣ်အတၢ်တြီၤအပူၤဒ်တၢ် လုၢ်မ့ၣ်အူတဖၣ်အသိးန့ၣ်လီၤ. အဝဲမၤတၢ်ဒ်ပှၤနာ်တၢ်ဝံတၢ်ကလၤဒီးတၢ်မၤကဒါမဲာ်ဒီးသံကွၢ် တၢ်လၢပှၤဒွးတၢ်ဟဲဝံဟဲစိာ်ဒီးပှၤအိၣ်ဒီးပှၤသံအကလၤတဖၣ် န့ၣ်လီၤ. အဝဲမၤတၢ်ဒဲးဘးဖးဒိၣ်ထီဒါယွၤဒီးထိၣ်ဂဲၤထီၣ်အတၢ်သးထီၣ် န့ၣ်လီၤ.

လံာ်ယၡါယၤ 19:3

ယကတြီတံာ်တာ်ပှၤအဲၤကူပတူးဖိအတၢ်ကူၣ်ကျဲၤတဖၣ်ဒီး မၤဟးဂီၤအဝဲသ့ၣ်အသးန့ၣ်လီၤ. အဝဲသ့ၣ်ကဃ့အတၢ်ဂီၤတၢ် ဖီၣ်တဖၣ်လၢတၢ်မၤစၢၤအီၤအဂီၢ်, ကလဲၤဃ့တၢ်ဟ့ၣ်ကူၣ်လၢ ပှၤကွဲပှၤသံအကလၤတဖၣ်, ဒီးသံကွၢ်ပှၤသံအကလၤတဖၣ်လၢ တၢ်ဟ့ၣ်ကူၣ်ဟ့ၣ်ဖးအဂီၢ်လီၤ.

လံာ်ယၡါယၤ 66:4

လၢတၢ်န့ၣ်အဃိ, ယကဟဲစိာ်တၢ်တတၢးတနါလၢအဝဲသ့ၣ် အဖီခိၣ်, တၢ်သ့ၣ်တဖၣ်လၢအဝဲသ့ၣ်ပျံၤဘၣ်ဝဲန့ၣ်လီၤ. မ့ၢ်လၢ, ဖဲယကိးထီၣ်န့ၣ်ပှၤတစံးဆၢနီတဂၤဘၣ်မ့ၢ်ဂ့ၤ, ဖဲယကတိၤတၢ်န့ၣ်, ပှၤတဒိကနၣ်နီတဂၤဘၣ်မ့ၢ်ဂ့ၤအဃိလီၤ. အဝဲသ့ၣ်ဃုထၢတ့ၢ်တၢ်တစူၢ်ယၤဒီးမၤတၢ်အၢတၢ်သီလီၤ.”

လံာ်ယၡါယၤ 8:19

ဘၣ်ဆၣ်ဒီး, ပှၤကစံးဘၣ်သုလၢသုကဃ့န့ၢ်တၢ်ကစီၣ်တဖၣ်လၢ ပှၤဖးတၢ်ဟဲဝံဟဲစိာ်တဖၣ်အအိၣ်, ပှၤကွဲပှၤသံအကလၤတဖၣ် အအိၣ်လၢအကတိၤတၢ်ပံးပံးပးပးဒီးကတိၤတၢ်ကတူၢ်ကတူၢ် တဖၣ်န့ၣ်လီၤ. အဝဲသ့ၣ်ကစံးဝဲ, “ဂ့ၤတက့ၢ်လၢပှၤဂီၢ်မုၢ်ဃ့ န့ၢ်တၢ်ကစီၣ်တဖၣ်လၢသးတဖၣ်ဒီးသံကွၢ်သံဒိးပှၤအသံလၢ ပှၤအမူအခၢၣ်စးန့ၣ်လီၤ.”

လံာ်ယံးရမံယၤ 19:4

ယကမၤတၢ်အံၤမ့ၢ်လၢပှၤဂီၢ်မုၢ်လဲၤသဒၣ်ယၤဒီးမၤဘၣ်အၢဘၣ်သီ တ့ၢ်တၢ်လီၢ်အံၤခီဖျိအလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဖဲအံၤ ဆူကစၢ်အဂၤတဖၣ်အအိၣ်, ကစၢ်တဖၣ်လၢအဝဲသ့ၣ်မ့ၢ်ဂ့ၤ, အမိၢ်ပၢ်ဖံဖုလၢပျၢၤမ့ၢ်ဂ့ၤ, ကီၢ်ယူဒၤအစီၤပၤတဖၣ်မ့ၢ်ဂ့ၤ, တသ့ၣ်ညါတ့ၢ်ဝဲလၢအဂ့ၢ်နီ တမံၤဘၣ်အဃိန့ၣ်လီၤ. အဝဲသ့ၣ်မၤပှဲၤတၢ်လီၢ်အံၤဒီးပှၤလၢ အတၢ်ကမၣ်တအိၣ်တဖၣ်အသွံၣ်,

လံာ်ယံးရမံယၤ 19:5

ဒီးအဝဲသ့ၣ်သူၣ်ထီၣ်တ့ၢ်တၢ်လုၢ်လီၢ်တဖၣ်လၢဘဧၤလးအဂီၢ် ဒ်သိးကဆိၣ်ကဲၤထီၣ်အဖိတဖၣ်လၢမ့ၣ်အူအပူၤဒ်တၢ်လုၢ်တၢ်ပာ် တဖၣ်အသိးန့ၣ်လီၤ. ယတမၤလိာ်တ့ၢ်အဝဲသ့ၣ်လၢကမၤတၢ်အံၤ နီတစုဘၣ်. တၢ်အံၤတဟဲနုာ်ဒၣ်လဲာ်လၢယတၢ်ဆိကမိၣ်အပူၤ နီတစုဘၣ်.

လံာ်ယဃ့းစက့လး 23:39

ဖဲမုၢ်တနံၤဃီလၢအဝဲသ့ၣ်မၤသံယဖိတဖၣ်ဒ်တၢ်လုၢ်တၢ်ပာ်တဖၣ် ဆူတၢ်ဂီၤတၢ်ဖီၣ်တဖၣ်အဂီၢ်အသိးန့ၣ်, အဝဲသ့ၣ်ဟဲဆူယတၢ်လုၢ်ဟံၣ်ဒီးမၤတရီတပါအတၢ်စီတၢ်ဆှံန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:21

ဟ့ၣ်နဖိနီတဂၤလၢတၢ်ကဆူးကဲၤထီၣ်အီၤလၢတၢ်ဘါထီၣ်မိလး အဂီၢ်တဂ့ၤ. အဂ့ၢ်ဒ်အံၤ, ကကဲထီၣ်တၢ်မဲာ်ဆှးလၢကစၢ်ယွၤ အမံၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:26

အီၣ်တၢ်ဖံးတၢ်ညၣ်လၢအအိၣ်ဒီးအသွံၣ်အဖၢမုၢ်န့ၣ်တဂ့ၤ. ဒီးမၤမုၣ်ကီၤလံၢ်အတၢ်မၤတဂ့ၤ.

လံာ်တၢ်ဘူၣ်ထီၣ်ဘါထီၣ် 19:31

လဲၤဆူပှၤမၤန့ၢ်ပှၤသံအကလၤအအိၣ်ဒီးဟံးန့ၢ်အတၢ်ကူၣ်လိာ်တဂ့ၤ. နမ့ၢ်မၤဒ်န့ၣ်ဒီးနကကဲထီၣ်တၢ်တကဆှီဘၣ်န့ၣ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်မံကၤ 6:7

မ့ၢ်တၢ်ကဘၣ်ယွၤအသးဖဲယဟဲစိာ်န့ၢ်အီၤသိအဒုလၢအကထိ တဖၣ်မ့တမ့ၢ်သ့ၣ်စၤယံးအသိလၢအယွၤလီၤဝဲ အကတၢၢ်တအိၣ်ဘၣ်န့ၣ်ဧါ. မ့ၢ်ယကဘၣ်လုၢ်ထီၣ်အီၤယဖိဝဲၢ်ကိလၢယတၢ်ဒဲးဘးတဖၣ်အဘူး အလဲအဂီၢ်ဧါ.

မၤတၢ် 16:16

ဘၣ်တနံၤဖဲပလဲၤဃီၤပဝဲဆူတၢ်ထုကဖၣ်အလီၢ်န့ၣ်, ပဘၣ်တၢ်သဂၢၢ်ပှၤလၢကုၢ်ပိာ်မုၣ်သးစၢ်တဂၤလၢအအိၣ်ဒီးတၢ်နါ လၢအဒုးဖးအီၤတၢ်လၢအကမၤအသးလၢခံတဖၣ်န့ၣ်လီၤ. ခီဖျိအဝဲဒၣ်ဖးတၢ်အဃိန့ၣ်, မၤန့ၢ်စ့အါအါဂီၢ်ဂီၢ်လၢအကစၢ် တဖၣ်အဂီၢ်လီၤ.

လံာ်သိၣ်လီၤသီလီၤတၢ် 32:16

အဝဲသ့ၣ်အတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်န့ၣ်ဒုးအိၣ်ထီၣ်ယွၤ အတၢ်သးက့ၣ်, တၢ်အၢတၢ်သီလၢအဝဲသ့ၣ်မၤတ့ၢ်န့ၣ်, မၤသးဒိၣ်ထီၣ်အီၤလီၤ.

လံာ်သိၣ်လီၤသီလီၤတၢ် 32:21

အဝဲသ့ၣ်မၤသးဒိၣ်ထီၣ်ယၤဒီးအတၢ်ဂီၤတၢ်ဖီၣ်တဖၣ်လၢအဘှီဝဲ, မၤသးက့ၣ်ယၤလၢကစၢ်ဒ်န့ၣ်အသိးတဖၣ်, ကစၢ်တဖၣ်လၢတမ့ၢ်ဘၣ်ကစၢ်အမ့ၢ်အတီတဖၣ်ဘၣ်န့ၣ်လီၤ. လၢတၢ်န့ၣ်အဃိ, ယကသူပှၤဒ်န့ၣ်အသိးတကလုာ်လၢကမၤသးဒိၣ်ထီၣ် အဝဲသ့ၣ်, ယကဒုးသးက့ၣ်အဝဲသ့ၣ်လၢပှၤကလုာ်လၢအမ့ၢ်ပှၤဟးဂီၤဖိတဖၣ်န့ၣ်လီၤ.