လံာ်စီၤပၤခံဘ့ၣ်တဘ့ၣ် 21:5 - Sgaw Karen Common Bible5 လၢယွၤအတၢ်လုၢ်ဟံၣ်အဂၢၤခံတီၤအပူၤန့ၣ်, အဝဲဘှီထီၣ်တၢ်လုၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်ဆၣ်ဧိၤဖီ ဧိၤအဂီၢ်န့ၣ်လီၤ. Faic an caibideil |
လံာ်စီၤပၤခံဘ့ၣ်တဘ့ၣ် 21:5
17 Iomraidhean Croise
တၢ်လုၢ်လီၢ်တဖၣ်လၢကီၢ်ယူဒၤအစီၤပၤတဖၣ်မၤထီၣ်က့ၤဝဲ လၢနူၢ်ဧိၤစီၤဧိၤအခိၣ်ဒုးလိၤ, လၢအအိၣ်ဝဲလၢစီၤပၤအၤဃး အိၣ်ဆိးအလီၢ်အဖီခိၣ်န့ၣ်, စီၤပၤယိၤၡံယၤမၤလီၤပှီၢ်ကွံာ်အီၤဃုာ်ဒီးတၢ်လုၢ်လီၢ်တဖၣ် လၢအဘၣ်တၢ်ပာ်ထီၣ်လၢစီၤပၤမနၤၡ့ၤ, လၢယွၤအတၢ်လုၢ်ဟံၣ်အဂၢၤအဂၤခံတီၤအပူၤန့ၣ်လီၤ. အဝဲမၤလီၤကလဲကွံာ်တၢ်လုၢ်လီၢ်တဖၣ်အံၤဆူအက့က့အခီခီ ဒီးတ့ၢ်လီၤအီၤဆူကံဒြိၣ်အတၢ်တြီၤအပူၤန့ၣ်လီၤ.
ဝံၤဒီး, စီၤယိၤၡံယၤဟ့ၣ်လီၤအကလုၢ်ဆူပှၤလုၢ်တၢ်အခိၣ်အဒိၣ် ကတၢၢ်စီၤဃံးလကံယၤ, အဝဲအပှၤလုၢ်တၢ်အခိၣ်စၢၤတဖၣ်, ဒီးပှၤခိးတၢ်အိၣ်မူအိၣ်ဒါဖဲယွၤအတၢ်လုၢ်ဟံၣ်အကျဲစၢၤတဖၣ်လၢ အကဟဲစိာ်ထီၣ်ကယဲၢ်တၢ်ပီးတၢ်လီခဲလၢာ်လၢအဘၣ်တၢ်သူ အီၤလၢတၢ်ဘူၣ်ထီၣ်ဘါထီၣ်ဘဧၤလးအဂီၢ်, ကစၢ်မုၣ်အၡ့ရၤအဂီၢ်ဒီးဆၣ်ဧိၤဖီဧိၤအဂီၢ်, ဆူယွၤအတၢ်လုၢ်ဟံၣ်အချၢန့ၣ်လီၤ. စီၤပၤဒွဲၣ်အူထီၣ်ကွံာ်တၢ်သ့ၣ်တဖၣ်အံၤခဲလၢာ်လၢဝ့ၢ်အချၢ ဘူးဒီးကံဒြိၣ်အတၢ်တြီၤပူၤ, ဝံၤဒီးမၢပှၤစိာ်ထီၣ်ကွံာ်အချါတဖၣ်ဆူဝ့ၢ်ဘ့ၤသ့လးန့ၣ်လီၤ.
လၢကီၢ်ယူဒၤအဝ့ၢ်တဖၣ်အပူၤဒီးလၢတၢ်လီၢ်တဖၣ်လၢအအိၣ်ဘူးဒီး ဝ့ၢ်ယရူၤၡလ့ၣ်အပူၤန့ၣ်, အဝဲသုးကွံာ်ပှၤလုၢ်တၢ်အခိၣ်တဖၣ်လၢတၢ်မၤအလီၢ်လၢကီၢ်ယူဒၤ အစီၤပၤဃုထၢပာ်လီၤတ့ၢ်အီၤဒ်သိးကလုၢ်ထီၣ်တၢ်လုၢ်တၢ်ပာ်တဖၣ် ဆူပှၤတစူၢ်တနာ်ယွၤအတၢ်လုၢ်လီၢ်တဖၣ်အဖီခိၣ်, ကယဲၢ်ပှၤလုၢ်တၢ်အခိၣ်တဖၣ်လၢအလုၢ်ထီၣ်တၢ်လုၢ်တၢ်ပာ်တဖၣ်ဆူဘဧၤ လးအအိၣ်, ဆူမုၢ်အအိၣ်, ဆူလါအအိၣ်, ဆူမူဖျၢၣ်တဖၣ်အအိၣ်ဒီးဆူဆၣ်ဧိၤဖီဧိၤတဖၣ်အအိၣ်န့ၣ်လီၤ.
အကပၤတခီန့ၣ်ကွၢ်ဃီၤတၢ်ဆူတၢ်လီၢ်လီၤပျီတခါလၢအလဲၢ် အိၣ်ဝဲအပျၢ်ခံဆံလၢအအိၣ်သဃဲၤလိာ်အသးဒီးယွၤအတၢ်လုၢ်ဟံၣ် ဒီးအဂၤတကပၤန့ၣ်ကွၢ်ဃီၤတၢ်ဆူကျဲလၢအဘၣ်တၢ်ဒါလီၤအီၤ လၢအအိၣ်လၢတၢ်လုၢ်ဟံၣ်အဂၢၤလၢတၢ်ချၢန့ၣ်လီၤ. တၢ်သူၣ်ထီၣ်န့ၣ်ဘၣ်တၢ်ဘှီအီၤသၢပတီၢ်, လၢတပတီၢ်စုာ်စုာ် ဘၣ်တၢ်သုးအီၤဆူအလီၢ်ခံအါန့ၢ်ဒံး, တၢ်လၢအအိၣ်လၢ အဖီလာ်တပတီၢ်တက့ၢ်န့ၣ်လီၤ.
တချုးဒံးလၢအဝဲသ့ၣ်လဲၤထီၣ်ဆူတၢ်လုၢ်ဟံၣ်အဂၢၤလၢတၢ်ချၢ ဖဲပှၤဂီၢ်မုၢ်တဖၣ်အိၣ်ဝဲန့ၣ်, အဆိကတၢၢ်အဝဲသ့ၣ်ကဘၣ်ဘ့ၣ်လီၤ ကွံာ်တၢ်ကူတၢ်ကၤတဖၣ်လၢအဝဲသ့ၣ်ကူသိးတ့ၢ်ဝဲဖဲအမၤအမူ အဒါလၢယွၤအတၢ်လုၢ်ဟံၣ်ပူၤအခါဒီးပာ်တ့ၢ်အီၤလၢဒၢးစီဆှံ တဖၣ်အပူၤန့ၣ်လီၤ. အဝဲသ့ၣ်ကဘၣ်ကူသိးထီၣ်တၢ်ကူ တၢ်ကၤအဂၤတဖၣ်ဒီးဒ်သိးကတြီအတၢ်ကူတၢ်သိး စီဆှံတဖၣ်လၢသုတမၤဘၣ်ဒိပှၤဂီၢ်မုၢ်တဂ့ၤအဂီၢ်န့ၣ်လီၤ.
Sanasan