လံာ်စီၤပၤခံဘ့ၣ်တဘ့ၣ် 21:3 - Sgaw Karen Common Bible

³ အဝဲဘှီထီၣ်ကဒါက့ၤပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ် တဖၣ်လၢအဝဲအပၢ်စီၤဃံးစကံယၤမၤဟးဂီၤတ့ၢ်အီၤန့ၣ်လီၤ. အဝဲဘှီထီၣ်တၢ်လုၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်ဘဧၤလးအဂီၢ် ဒီးမၤထီၣ်ကစၢ်မုၣ်အၡ့ရၤအဂီၤတခါ, ဒ်ကီၢ်အံၣ်စရ့လးအစီၤပၤအၤဃာ်မၤတ့ၢ်ဝဲအသိးန့ၣ်လီၤ. စီၤမနၤၡ့ၤဘါထီၣ်စ့ၢ်ကီးဆၣ်ဧိၤဖီဧိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:3 Iomraidhean Croise

လံာ်စီၤပၤအခီၣ်ထံးတဘ့ၣ် 18:21

စီၤအ့ၤလံယၤလဲၤထီၣ်ဆူပှၤဂီၢ်မုၢ်အအိၣ်ဒီးစံးဝဲ, “လၢသုကစံၣ်ညီၣ်တဲာ်သုသးအဂီၢ်န့ၣ်ကယံာ်ဒံးဆံးယံာ်လဲၣ်. ယွၤမ့မ့ၢ်ကစၢ်ယွၤဒီးဘူၣ်ထီၣ်ဘါထီၣ်အီၤတက့ၢ်. ဘဧၤလးမ့မ့ၢ်ကစၢ်ယွၤဒီးဘူၣ်ထီၣ်ဘါထီၣ်အီၤတက့ၢ်.” ဘၣ်ဆၣ်ဒီးပှၤဂီၢ်မုၢ်တကတိၤဘၣ်တၢ်နီတဘီဘၣ်.

လံာ်စီၤပၤအခီၣ်ထံးတဘ့ၣ် 18:26

အဝဲသ့ၣ်ဟံးန့ၢ်ဃီၤဂီၤဖံးဖါလၢအဘၣ်တၢ်ဟဲစိာ်န့ၢ်အီၤ, ကတဲာ်ကတီၤထီၣ်ဝဲဒီးဘါထုကဖၣ်တၢ်ဆူဘဧၤလးအအိၣ်တုၤမုၢ်ထူၣ် အကတီၢ်န့ၣ်လီၤ. အဝဲသ့ၣ်ကိးသတြီထီၣ်ဝဲ, “ဘဧၤလးဧၢ, စံးဆၢပှၤတက့ၢ်.” ဒီးဂဲၤကလံာ်ဝဲဝးတရံးတၢ်လုၢ်လီၢ်လၢအဘှီထီၣ်ဝဲန့ၣ်လီၤ. ဘၣ်ဆၣ်တၢ်စံးဆၢတဟဲနီတမံၤဘၣ်.

လံာ်စီၤပၤခံဘ့ၣ်တဘ့ၣ် 13:6

ဘၣ်ဆၣ်အဝဲသ့ၣ်တညိကွံာ်ဒံးဘၣ်တၢ်ဒဲးဘးတဖၣ်လၢစီၤပၤယၤရၤ ဘၣ်ဒုးမၤတ့ၢ်ကီၢ်အံၣ်စရ့လးန့ၣ်ဘၣ်. မ့မ့ၢ်အဝဲသ့ၣ်မၤဒံးဒၣ်တၢ်ဒဲးဘးတဖၣ်န့ၣ်ဒီးကစၢ်မုၣ်အၡ့ ရၤအဂီၤအိၣ်ဒံးဒၣ်လၢကီၢ်ၡၤမရံအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:16

အဝဲသ့ၣ်ဘိးဃၣ်ကွံာ်ကယဲၢ်ယွၤ, အဝဲသ့ၣ်အကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီခဲလၢာ်ဒီးသိန့ၢ်ဂီၤဖံးဖါခံဒုအဂီၤလၢ တိၢ်, စ့ဒီးထး, လၢကဘူၣ်ထီၣ်ဘါထီၣ်ဝဲအဂီၢ်န့ၣ်လီၤ. အဝဲသ့ၣ်မၤစ့ၢ်ကီးတၢ်ဂီၤတၢ်ဖီၣ်တခါလၢအမ့ၢ် ကစၢ်မုၣ်အၡ့ရၤအဂီၤ, ဘူၣ်ထီၣ်ဘါထီၣ်ဆၣ်ဧိၤဖီဧိၤတဖၣ်, ဒီးမၤကစၢ်ဘဧၤလးအတၢ်မၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:22

ပှၤအၤၡူၢ်ဖိအသုးခိၣ်ဖးဒိၣ်စံးကဒီးဝဲဆူညါ, မ့တမ့ၢ်ဘၣ်ဒီးမ့ၢ်သုကတဲဘၣ်ယၤလၢ, သုသန့ၤသုသးလၢယွၤ, သုကစၢ်ယွၤန့ၣ်ဧါ. ဖဲစီၤဃံးစကံယၤတဲဘၣ်တ့ၢ်ကီၢ်ယူဒၤ ဒီးဝ့ၢ်ယရူၤရှလ့ၣ်အပှၤဂီၢ်မုၢ်လၢ, ကဘၣ်ဘူၣ်ထီၣ်ဘါထီၣ်ဒၣ်တၢ်ထဲလၢဖဲတၢ်လုၢ်လီၢ်လၢဝ့ၢ်ယရူၤ ၡလ့ၣ်အပူၤအခါန့ၣ်, အဝဲမၤဟးဂီၤကွံာ်ယွၤန့ၣ်အတၢ်ဘူၣ်ထီၣ်ဘါထီၣ်အလီၢ်တဖၣ်ဒီး အတၢ်လုၢ်လီၢ်တဖၣ်န့ၣ်တမ့ၢ်ဘၣ်ဧါ.

လံာ်စီၤပၤခံဘ့ၣ်တဘ့ၣ် 18:4

အဝဲမၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်ယွၤ အလီၢ်တဖၣ်, မၤကၢ်လီၤကွံာ်လၢၢ်ထူၣ်တဖၣ်ဒီးကူာ်လီၤကွံာ်ကစၢ်မုၣ်အၡ့ရၤ အဂီၤန့ၣ်လီၤ. အဝဲမၤကၢ်လီၤကလဲကွံာ်စ့ၢ်ကီးဂုၢ်တိၢ်ဘီလၢစီၤမိၤၡ့မၤ န့ၢ်ဝဲလၢအဘၣ်တၢ်ကိးအီၤလၢနဃူၡတၣ်န့ၣ်လီၤ. လၢတၢ်မၤလၤကပီၤဂုၢ်တိၢ်ဘီန့ၣ်အဂီၢ်ကီၢ်အံၣ်စရ့လးအပှၤဂီၢ် မုၢ်ဆိၣ်ကဲၤထီၣ်တၢ်နၢမူတုၤလီၤလၢဆၢကတီၢ်အဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:18

အဝဲအမါမ့ၢ်စီၤအၤဃာ်အဖိမုၣ်, ဒီးဒ်စီၤအၤဃာ်အဟံၣ်ဖိဃီဖိ အသိးန့ၣ်အဝဲပိာ်ထွဲကျဲအၢကျဲသီတဖၣ်လၢကီၢ်အံၣ်စရ့လး အစီၤပၤတဖၣ်ပိာ်တ့ၢ်ဝဲန့ၣ်လီၤ. အဝဲမၤတ့ၢ်တၢ်ဒဲးဘးထီဒါယွၤ,

လံာ်စီၤပၤခံဘ့ၣ်တဘ့ၣ် 8:27

မ့ၢ်လၢစီၤအဃၤစယၤဒီဘူးဒီတံၢ်ဒီးစီၤပၤအၤဃာ်ခီဖျိတၢ် တ့တၢ်ဖျီအဃိန့ၣ်, အဝဲမၤတ့ၢ်တၢ်ဒဲးဘးထီဒါယွၤဒ်သိးဒၣ်စီၤ အၤဃာ်အဒူၣ်ဖိထၢဖိမၤတ့ၢ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:12

အဝဲမ့ၢ်ပှၤတဂၤလၢအမၤဟးဂီၤကွံာ်ယွၤအတၢ်လီၢ်စီဆှံတဖၣ်ဒီး တၢ်လုၢ်လီၢ်တဖၣ်ဝံၤဒီးတဲဘၣ်ကီၢ်ယူဒၤဒီးဝ့ၢ်ယရူၤၡလ့ၣ်အပှၤ ဂီၢ်မုၢ်လၢကဘူၣ်ထီၣ်ဘါထီၣ်တၢ်ဒီးဆိၣ်ကဲၤတၢ်နၢမူထဲလၢတၢ် လုၢ်လီၢ်တခါဧိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:3

ဖဲစီၤယိၤၡံယၤကဲထီၣ်စီၤပၤဃိးနံၣ်တနံၣ်အပူၤ, ဖဲအသးစၢ်ဒံးဒိၣ်မးအခါန့ၣ်, အဝဲစးထီၣ်ဘူၣ်ထီၣ်ဘါထီၣ်အပၢ်ဖးဒိၣ်စီၤဒၤဝံး အကစၢ်ယွၤန့ၣ်လီၤ. လွံၢ်နံၣ်ပူၤကွံာ်ဝံၤအလီၢ်ခံ, အဝဲစးထီၣ်မၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ် ဘါထီၣ်တၢ်ဂီၤတၢ်ဖီၣ်အလီၢ်တဖၣ်, ကစၢ်မုၣ်အၡ့ရၤအတၢ်ပနီၣ်တဖၣ်ဒီးကယဲၢ်တၢ်ဂီၤတၢ်ဖီၣ်အဂၤတဖၣ် ခဲလၢာ်န့ၣ်လီၤ.

လံာ်စီၤယိၤဘး 31:26

ယတဘူၣ်ထီၣ်ဘါထီၣ်တ့ၢ်မုၢ်လၢအတၢ်ကပြုၢ်ကပြီၤအဃိ န့ၣ်မ့ၢ်ဂ့ၤဒီးလါလၢကယဲၢ်အတၢ်ဃံတၢ်လၤအဃိန့ၣ်မ့ၢ်ဂ့ၤ နီတဘျီဘၣ်.

လံာ်ယၡါယၤ 65:11

မ့မ့ၢ်သုဝဲလၢအလဲၤသဒၣ်ယၤ, ပှၤလၢအတပာ်ကဲဘၣ် ယကစၢၢ်စီဆှံစံယိၣ်, ဒီးဘူၣ်ထီၣ်ဘါထီၣ်ကးဒီးမနံး, ကစၢ်တဖၣ်လၢအဟဲစိာ်တၢ်ဘူၣ်ဂ့ၤတီၢ်ဘၣ်ဒီးတၢ်ဟဲဝံဟဲစိာ်န့ၣ်, ကမ့ၢ်တၢ်လီၤဆီလၢအဂီၢ်လီၤ.

လံာ်ယံးရမံယၤ 7:30

ကီၢ်ယူဒၤအပှၤဂီၢ်မုၢ်မၤတ့ၢ်တၢ်အၢတၢ်သီတမံၤလီၤ. အဝဲသ့ၣ်ပာ်ထီၣ်အတၢ်ဂီၤတၢ်ဖီၣ်တဖၣ်လၢယသးဟ့အီၤလၢယတၢ်လုၢ်ဟံၣ် အပူၤဒီးမၤဘၣ်အၢအီၤန့ၣ်လီၤ.

လံာ်မံကၤ 6:16

တၢ်အံၤကမၤအသးလီၤ. အဂ့ၢ်ဒ်အံၤ, သုမၤထွဲတ့ၢ်စီၤပၤစီၤဧိၢ်ရံၤဒီးအဖိခွါစီၤပၤစီၤ အၤဃာ်အလုၢ်အၢလၢ်သီတဖၣ်အခံလီၤ. သုလဲၤတၢ်လၢအဝဲသ့ၣ်အတၢ်သိၣ်တၢ်သီအကျဲတဖၣ်အပူၤဒီးတဆိ တ့ၢ်ဘၣ်သတးဒီးယကမၤဟးဂီၤသု ဒီးပှၤကိးဂၤကစူးကွံာ်ညိကွံာ်သုလီၤ. ဒီးယပှၤဂီၢ်မုၢ်လၢတၢ်လီၢ်ကိးပူၤဒဲးကသးဘၣ်အၢသုလီၤ.” revised 16-2-98

လံာ်သိၣ်လီၤသီလီၤတၢ် 16:21

ဖဲသုမၤတၢ်လုၢ်လီၢ်တခါလၢယွၤသုကစၢ်ယွၤအဂီၢ်န့ၣ်, ပာ်လီၤကစၢ်မုၣ်အၡ့ရၤအတၢ်ပနီၣ်လၢတၢ်မၤအီၤလၢသ့ၣ်တခါဖဲ အကပၤတဂ့ၤ.

လံာ်သိၣ်လီၤသီလီၤတၢ် 17:2

ပစံးဒၣ်ကလိာ်, သုနၢ်ဟူလၢဝ့ၢ်တဖျၢၣ်လၢသုဝ့ၢ်တဖၣ်အကျါအပူၤ န့ၣ်, ပှၤပိာ်ခွါတနီၤမ့ၢ်ဂ့ၤ, ပှၤပိာ်မုၣ်တနီၤမ့ၢ်ဂ့ၤ, မၤတၢ်ဒဲးဘးထီဒါယွၤဒီးမၤဟးဂီၤအတၢ်အၢၣ်လီအီၤလီၤ,

လံာ်သိၣ်လီၤသီလီၤတၢ် 17:3

ခီဖျိတၢ်ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်မ့ၢ်ဂ့ၤ, မုၢ်မ့ၢ်ဂ့ၤ, လါမ့ၢ်ဂ့ၤ, ဆၣ်တဖၣ်မ့ၢ်ဂ့ၤအတၢ်, တၢ်လၢအထီဒါလိာ်အသးဒီးယွၤအတၢ်မၤလိာ်န့ၣ်လီၤ.

လံာ်သိၣ်လီၤသီလီၤတၢ် 20:18

မၤသံကွံာ်အဝဲသ့ၣ်, ဒ်သိးဒီးအဝဲသ့ၣ်ဒုးမၤသုတၢ်ဒဲးဘးထီ ဒါယွၤ, ခီဖျိသိၣ်လိန့ၢ်သုလၢ, သုကမၤတၢ်လီၤသးဘၣ်အၢတဖၣ်လၢအဝဲ သ့ၣ်မၤဝဲ, လၢတၢ်ဘူၣ်ထီၣ်ဘါထီၣ်အယွၤတဖၣ်အပူၤ, သုတသ့ဝဲတဂ့ၤအဂီၢ်န့ၣ် တက့ၢ်.

လံာ်သိၣ်လီၤသီလီၤတၢ် 4:19

ပျဲသုဒိးဘၣ်တၢ်လ့ပစီသုလၢသုကဘူၣ်ထီၣ်ဘါထီၣ်ဒီးမၤတၢ် တဖၣ်လၢသုထံၣ်ဘၣ်အီၤလၢမူကပိာ်လိၤလၢအမ့ၢ်, မုၢ်, လါဒီးဆၣ်တဖၣ်, အတၢ်န့ၣ်တဂ့ၤ. ယွၤဟ့ၣ်လီၤတၢ်တဖၣ်အံၤ လၢကယဲၢ်ပှၤဂီၢ်မုၢ်အဂၤတဖၣ်အဂီၢ်ဒ်သိးကဘူၣ်ထီၣ်ဘါထီၣ်ဝဲန့ၣ်လီၤ.