လံာ်စီၤပၤခံဘ့ၣ်တဘ့ၣ် 21:24 - Sgaw Karen Common Bible

²⁴ ကီၢ်ယူဒၤအပှၤဂီၢ်မုၢ်မၤသံကွံာ်ကယဲၢ်ပှၤတဖၣ်လၢအမၤသံ စီၤအၤမိၣ်ဒီးဒုးကဲထီၣ်အဝဲအဖိခွါစီၤယိၤၡံယၤလၢစီၤပၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:24 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:3

လၢတၢ်န့ၣ်အဃိကယဲၢ်ပှၤခိၣ်ပှၤနၢ်လၢကီၢ်အံၣ်စရ့လးအပူၤဟဲဆူ စီၤပၤဒၤဝံးအအိၣ်ဖဲဝ့ၢ်ဃ့ဘြိၣ်န့ၣ်လီၤ. အဝဲမၤတၢ်ဒီသိၣ်ဒီမှံၤဒီးအဝဲသ့ၣ်လၢယွၤအမဲာ်ညါ, ဒီးအဝဲသ့ၣ်ဖှူစီၤဒၤဝံးဒ်သိးကကဲထီၣ်စီၤပၤလၢကီၢ်အံၣ်စရ့လးအဖီခိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 12:1

စီၤရဃၤဘၣ်လဲၤဝဲဆူဝ့ၢ်ယရူၤၡလ့ၣ်ဖဲကယဲၢ်ပှၤဂီၢ်မုၢ်လၢကီၢ် အံၣ်စရ့လးအကလံၤစိးပာ်ဖှိၣ်အသးလၢကတီၣ်ထီၣ်အီၤဒ်စီၤပၤ အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:20

တုၤကီၢ်အံၣ်စရ့လးအပှၤဂီၢ်မုၢ်နၢ်ဟူတ့ၢ်ဝဲလၢ, စီၤယၤရၤဘၣ်ဟဲက့ၤကဒါက့ၤလံလၢကီၢ်အဲၤကူပတူးန့ၣ် အဝဲသ့ၣ်ကွဲအီၤဆူပှၤဂီၢ်မုၢ်အတၢ်အိၣ်ဖှိၣ်တခါ, ဒီးဒုးကဲအီၤလၢကီၢ်အံၣ်စရ့လးအစီၤပၤန့ၣ်လီၤ. ထဲဒၣ်ယူဒၤအဒူၣ်ဧိၤန့ၣ်အိၣ်သးတီတ့ၢ်ဝဲဒီးစီၤဒၤဝံး အစၢၤအသွဲၣ်တဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:17

ပှၤလုၢ်တၢ်အခိၣ်စီၤယဟိယဒါဒုးမၤစီၤပၤယိၤအၣ်ဒီးပှၤဂီၢ် မုၢ်လၢတၢ်အၢၣ်လီၤဒီးယွၤတမံၤလၢအဝဲသ့ၣ်ကမ့ၢ်ယွၤအပှၤဂီၢ် မုၢ်န့ၣ်လီၤ. အဝဲမၤစ့ၢ်ကီးတၢ်အၢၣ်လီၤတမံၤလၢစီၤပၤဒီးပှၤဂီၢ်မုၢ်အဘၢၣ် စၢၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:21

ကီၢ်ယူဒၤအပှၤဂီၢ်မုၢ်ပာ်ထီၣ်အဝဲအဖိခွါစီၤဧူးစံယါလၢ အသးအိၣ်တဆံဃုနံၣ်တဂၤလၢစီၤပၤအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 14:5

တုၤစီၤအမၤစယါအိၣ်ဒီးတၢ်စိတၢ်ကမီၤအဂၢၢ်အကျၢၤတဘျီ ဃီန့ၣ်, အဝဲမၤသံကွံာ်သုးခိၣ်သုးနၢ်တဖၣ်လၢအမၤသံကွံာ်တ့ၢ် လံအဝဲအပၢ်, စီၤပၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:25

ကယဲၢ်တၢ်အဂၤလၢစီၤအၤမိၣ်မၤတ့ၢ်ဝဲန့ၣ်ဘၣ်တၢ်ကွဲးနီၣ်အီၤ လၢကီၢ်ယူဒၤအစီၤပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 22:1

စီၤယိၤၡံယၤအသးအိၣ်ဝဲဃိးနံၣ်ဖဲအဝဲကဲထီၣ်ကီၢ်ယူဒၤ အစီၤပၤ, ဒီးအဝဲပၢဝဲတၢ်ဖဲဝ့ၢ်ယရူၤၡလ့ၣ်အပူၤသၢဆံတနံၣ်န့ၣ်လီၤ. အဝဲအမိၢ်မ့ၢ်ဝဲစီၤဧဒါယၤလၢဝ့ၢ်ဘိးစကးအဖိမုၣ်, နီၢ်ယဒံဒၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:1

ပှၤဂုာ်ဆူၣ်ပျိဆူၣ်တၢ်တဖုလၢအဟဲဃုာ်ဒီးပှၤဧ့ရ့းဖိတနီၤ န့ၣ်နုာ်လီၤဒုးတၢ်, ဒီးမၤသံကွံာ်စီၤပၤစီၤယဟိရၣ်အဖိခွါခဲလၢာ်, အိၣ်လီၤတဲာ်ဒၣ်ထဲအဖိခွါသဒါစီၤအဃၤစယၤတဂၤဧိၤန့ၣ်လီၤ. လၢတၢ်န့ၣ်အဃိဝ့ၢ်ယရူၤၡလ့ၣ်အပှၤဂီၢ်မုၢ်ဒုးကဲထီၣ်စီၤအဃၤ စယၤလၢစီၤပၤ, လၢအပၢ်အလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:1

ကယဲၢ်ကီၢ်ယူဒၤအပှၤဂီၢ်မုၢ်ဃုထၢစီၤအမၤစယါအဖိခွါစီၤဧူး စံယါလၢအသးအိၣ်တဆံဃုနံၣ်တဂၤလၢကကဲထီၣ်စီၤပၤလၢအပၢ် အလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:25

ကီၢ်ယူဒၤအပှၤဂီၢ်မုၢ်မၤသံကွံာ်ပှၤတဖၣ်လၢအမၤသံစီၤအၤ မိၣ်, ဒီးဒုးကဲထီၣ်အဖိခွါစီၤယိၤၡံယၤလၢစီၤပၤ န့ၣ်လီၤ.

လံာ်ယံးရမံယၤ 1:2

ယွၤကတိၤတၢ်ဒီးစီၤယံးရမံယၤဖဲကီၢ်ယူဒၤအစီၤပၤ, စီၤအၤမိၣ် အဖိခွါစီၤယိၤၡံယၤပၢတၢ်တဆံသၢနံၣ်တနံၣ်, အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:15

မၤသးဒ်န့ၣ်ဒီး, အဝဲသ့ၣ်ခဲလၢာ်လဲၤဆူဝ့ၢ်ကံလကၤလးဒီးဖဲ တၢ်လီၢ်စီဆှံန့ၣ်, အဝဲသ့ၣ်ဘိးဘၣ်သ့ၣ်ညါထီၣ်လၢစီၤစီလူး မ့ၢ်စီၤပၤန့ၣ်လီၤ. အဝဲသ့ၣ်လုၢ်ထီၣ်တၢ်လုၢ်မၤဃူမၤဖိးအတၢ်လုၢ်တၢ်ပာ်တဖၣ်ဒီး စီၤစီလူးဒီးကယဲၢ်ကီၢ်အံၣ်စရ့လးအပှၤဂီၢ်မုၢ် မၤတၢ်သူၣ်ခုသးခုအမူးဘၣ်ဃးဒီးတၢ်မၤအသးဖဲန့ၣ်လီၤ.