လံာ်စီၤပၤခံဘ့ၣ်တဘ့ၣ် 21:18 - Sgaw Karen Common Bible

¹⁸ စီၤမနၤၡ့ၤသံဒီးဘၣ်တၢ်ခူၣ်လီၤအီၤလၢနူၢ်ဧိၤစီၤဧိၤအတၤ သၣ်လီၢ်ဧူးစၤအပူၤ, ဒီးအဝဲအဖိခွါစီၤအၤမိၣ်ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:18 Iomraidhean Croise

လံာ်စီၤပၤခံဘ့ၣ်တဘ့ၣ် 21:19

ဖဲစီၤအၤမိၣ်ကဲထီၣ်ကီၢ်ယူဒၤအစီၤပၤန့ၣ်အဝဲအသးအိၣ်ခံဆံ ခံနံၣ်, ဒီးအဝဲပၢတၢ်လၢဝ့ၢ်ယရူၤၡလ့ၣ်အပူၤခံနံၣ်လီၤ. အဝဲအမိၢ်မ့ၢ်နီၢ်မၡူလမံး, စီၤဃၤရူးလၢဝ့ၢ်ယၤတဘၤအဖိမုၣ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:26

စီၤအၤမိၣ်ဘၣ်တၢ်ခူၣ်လီၤကွံာ်အီၤလၢတၢ်သွၣ်ခိၣ်လီၢ်လၢတၤသၣ် လီၢ်ဧူးစၤအပူၤဒီးအဝဲအဖိခွါစီၤယိၤၡံယၤကဲထီၣ်စီၤပၤ လၢအလီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 3:14

စီၤအၤမိၣ်ဒီးစီၤယိၤၡံယၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:20

စီၤယဟိရၣ်ကဲထီၣ်စီၤပၤဖဲအသးအိၣ်သၢဆံခံနံၣ်ဒီးပၢတ့ၢ် တၢ်လၢဝ့ၢ်ယရူၤၡလ့အပူၤဃိးနံၣ်န့ၣ်လီၤ. ဖဲအဝဲဒၣ်သံန့ၣ်ပှၤလၢအသူၣ်အုးသးအုးတအိၣ်ဘၣ်နီတဂၤဘၣ်. အဝဲသ့ၣ်ခူၣ်လီၤကွံာ်အီၤလၢစီၤဒၤဝံးအဝ့ၢ်ပူၤ, ဘၣ်ဆၣ်ဒီးတမ့ၢ်ဘၣ်လၢစီၤပၤအတၢ်သွၣ်ခိၣ်တဖၣ်အပူၤန့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 24:16

အဝဲသ့ၣ်ခူၣ်လီၤကွံာ်အီၤလၢစီၤပၤအတၢ်သွၣ်ခိၣ်တဖၣ်အပူၤလၢ အအိၣ်လၢစီၤဒၤဝံးအဝ့ၢ်ပူၤ, လၢတၢ်သ့ၣ်ညါနီၣ်တၢ်မၤလၢအဝဲမၤဝဲတ့ၢ်လၢကီၢ်အံၣ်စရ့လး အပှၤဂီၢ်မုၢ်တဖၣ်အဂီၢ်, လၢကစၢ်ယွၤအဂီၢ်ဒီးလၢယွၤအတၢ်လုၢ်ဟံၣ်အဂီၢ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:25

အဝဲဘၣ်ဒိဆါဆါကလဲာ်ဒီးဖဲအဒုၣ်အဒါဂုၤက့ၤဆူအလီၢ်ခံန့ၣ်, အပဒိၣ်တဖၣ်အကျါခံဂၤကူၣ်ထီၣ်တၢ်အၢထီဒါအီၤဒီးမၤသံကွံာ် အီၤလၢအလီၢ်မံပူၤလၢတၢ်ဟ့ၣ်ကၣ်က့ၤအဝဲအတၢ်မၤသံ ပှၤလုၢ်တၢ်အခိၣ်စီၤယဟိယဒါအဖိခွါအဂီၢ်န့ၣ်လီၤ. အဝဲဘၣ်တၢ်ခူၣ်လီၤကွံာ်အီၤလၢစီၤဒၤဝံးအဝ့ၢ်ပူၤဘၣ်ဆၣ်, တမ့ၢ်ဘၣ်လၢစီၤပၤအတၢ်သွၣ်ခိၣ်တဖၣ်အပူၤန့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 28:27

စီၤပၤအၤဃးသံဝဲ, ဒီးဘၣ်တၢ်ခူၣ်လီၤကွံာ်အီၤလၢဝ့ၢ်ယရူၤ ၡလ့ၣ်အပူၤ, ဘၣ်ဆၣ်တမ့ၢ်ဘၣ်လၢစီၤပၤအတၢ်သွၣ်ခိၣ်တဖၣ်န့ၣ်ဘၣ်. အဖိခွါစီၤဃံးစကံယၤကဲထီၣ်စီၤပၤလၢအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:33

စီၤဃံးစကံယၤသံဝဲဒီးဘၣ်တၢ်ခူၣ်လီၤကွံာ်အီၤလၢစီၤပၤ အတၢ်သွၣ်ခိၣ်တဖၣ်အတၢ်လီၢ်လၢထးခီတတီၤန့ၣ်လီၤ. ကယဲၢ်ကီၢ်ယူဒၤဒီးဝ့ၢ်ယရူၤရှလ့ၣ်အပှၤဂီၢ်မုၢ်ဟ့ၣ်ထီၣ်အတၢ်ယူး ယီၣ်အီၤဒိၣ်ဒိၣ်မုၢ်မုၢ်ဖဲအဝဲသံန့ၣ်လီၤ. အဝဲအဖိခွါစီၤမနၤၡ့ၤကဲထီၣ်စီၤပၤလၢအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:20

စီၤမနၤၡ့ၤသံဝဲဒီးဘၣ်တၢ်ခူၣ်လီၤကွံာ်အီၤဖဲနီပူၤ, ဒီးအဖိခွါစီၤအၤမိၣ်ကဲထီၣ်စီၤပၤလၢအလီၢ်န့ၣ်လီၤ.

လံာ်ယံးရမံယၤ 1:2

ယွၤကတိၤတၢ်ဒီးစီၤယံးရမံယၤဖဲကီၢ်ယူဒၤအစီၤပၤ, စီၤအၤမိၣ် အဖိခွါစီၤယိၤၡံယၤပၢတၢ်တဆံသၢနံၣ်တနံၣ်, အပူၤန့ၣ်လီၤ.

လံာ်ယံးရမံယၤ 22:19

အဝဲကအိၣ်ဒီးတၢ်ခူၣ်လီၤအီၤအလၤကပီၤထဲသိးဒၣ်ကသ့ၣ်ယီၤ တဒုန့ၣ်လီၤ. အဝဲကဘၣ်တၢ်တွံၢ်ထုးထီၣ်အီၤ ဒီးကွံာ်ကွံာ်အီၤလၢဝ့ၢ်ယရူၤၡလ့ၣ်အတြဲၤတဖၣ်အချၢန့ၣ်လီၤ.”

လံာ်စဖါနယၤ 1:1

အအံၤမ့ၢ်တၢ်ကစီၣ်လၢယွၤဟ့ၣ်လီၤတ့ၢ်စီၤစဖါနယၤဖဲစီၤအၤမိၣ် အဖိခွါ, ကီၢ်ယူဒၤအစီၤပၤစီၤပၤယိၤၡံယၤပၢတၢ်အကတီၢ်န့ၣ်လီၤ. (စီၤစဖါနယၤမ့ၢ်ပှၤလီၤစၢၤလၢစီၤပၤဃံးစကံယၤ, စီၤအမၤရယၤ, စီၤကဒါလယၤဒီးစီၤကူၤၡံန့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 25:1

စီၤၡမူၤအ့လးသံဝဲဒီးကယဲၢ်ပှၤအံၣ်စရ့လးဖိတဖၣ်ဟဲသကိး ဒီးဟီၣ်တၢ်ယၢၤတၢ်လၢအဃိလီၤ. အန့ၣ်ဝံၤဒီးအဝဲသ့ၣ်ခူၣ်လီၤအီၤလၢအဟံၣ်လၢဝ့ၢ်ရၤမါအပူၤ န့ၣ်လီၤ.