လံာ်စီၤပၤခံဘ့ၣ်တဘ့ၣ် 21:13 - Sgaw Karen Common Bible

¹³ ယကစံၣ်ညီၣ်ဝ့ၢ်ယရူၤၡလ့ၣ်ဒ်ယမၤဘၣ်ဝ့ၢ်ၡၤမရံအသိး, ဒ်ယမၤဘၣ်ကီၢ်အံၣ်စရ့လးအစီၤပၤအၤဃာ်ဒီးအဝဲအစၢၤအသွဲၣ်တဖၣ် အသိးန့ၣ်လီၤ. ယကတြူာ်ကွံာ်ဝ့ၢ်ယရူၤၡလ့ၣ်အပှၤဂီၢ်မုၢ်စီဖ့ကလ့ၤဒ်လီခီ တဘ့ၣ်လၢအဘၣ်တၢ်ထွါပျီအီၤဒီးပာ်ကျၢၢ်အီထီလာ်အီၤအသိးန့ၣ် လီၤ.

လံာ်စီၤပၤခံဘ့ၣ်တဘ့ၣ် 21:13 Iomraidhean Croise

လံာ်စီၤပၤအခီၣ်ထံးတဘ့ၣ် 14:10

လၢတၢ်အံၤအဃိယဟဲစိာ်တၢ်တတၢးတနါလၢနစီၤပၤအစၢၤအသွဲၣ်တဖၣ် အလိၤ, ဒီးမၤသံကွံာ်ကယဲၢ်နစၢၤနသွဲၣ်ပိာ်ခွါခဲလၢာ်, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤန့ၣ်လီၤ. ယကဒီၣ်တဲာ်ကွံာ်နပှၤဟံၣ်ဖိဃီဖိတဖၣ်ဒီးအဝဲသ့ၣ်ကဘၣ်တၢ်မၤ ပျီကွံာ်အီၤဒ်တၢ်အ့ၣ်အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:11

ဝံၤဒီးစီၤယ့ၤဟူမၤသံကွံာ်ကယဲၢ်စီၤအၤဃာ်အဘူးအတံၢ်အဂၤ ခဲလၢာ်လၢအအိၣ်ဆိးလၢဝ့ၢ်ယံးစရ့လးအပူၤဒီးကယဲၢ်အပဒိၣ်ပပှၢ် ခဲလၢာ်, အတံၤသကိးဘူးဘူးတံၢ်တံၢ်တဖၣ်ဒီးအပှၤလုၢ်တၢ်အခိၣ်တဖၣ်န့ၣ် လီၤ. တပာ်လီၤတဲာ်မူဒံးအဝဲသ့ၣ်နီတဂၤဘၣ်.

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:14

ယကပာ်လီၤတဲာ်ကွံာ်ပှၤဂီၢ်မုၢ်လၢအအိၣ်လီၤတဲာ်တဖၣ်, ဒီးဟ့ၣ်ကွံာ်အဝဲသ့ၣ်ဆူအဝဲသ့ၣ်အဒုၣ်အဒါတဖၣ်အစုပူၤ, ပှၤတဖၣ်လၢကမၤနၢၤအဝဲသ့ၣ်ဒီးဂုာ်ဆူၣ်ပျီဆူၣ်အထံအကီၢ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 23:27

ယွၤစံးဝဲဒၣ်, “တၢ်လၢယမၤတ့ၢ်ကီၢ်အံၣ်စရ့လးန့ၣ်ယကမၤကီၢ် ယူဒၤစ့ၢ်ကီးန့ၣ်လီၤ. ယကနီၣ်ထီၣ်ဟီထီၣ်ကွံာ်ယူဒၤအပှၤဂီၢ်မုၢ်လၢယမဲာ်ညါ, ဒီးယကညိကွံာ်ယရူၤရှလ့ၣ်ဝ့ၢ်လၢယဃုထၢတ့ၢ်အီၤဒီးယွၤအတၢ် လုၢ်ဟံၣ်, တၢ်လီၢ်လၢယစံးတ့ၢ်ယဲလၢယကဘၣ်တၢ်ဘူၣ်ထီၣ်ဘါထီၣ်ယၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 9:8

ကယဲၢ်စီၤအၤဃာ်အဟံၣ်ဖိဃီဖိဒီးအစၢၤအသွဲၣ်ခဲလၢာ်ကဘၣ်သံဝဲ လီၤ. ယကမၤလၢာ်ကယဲၢ်ပိာ်ခွါခဲလၢာ်လၢအဟံၣ်ဖိဃီဖိ အကျါ, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤန့ၣ်လီၤ.

လံာ်ယၡါယၤ 10:22

ခဲအံၤ, ပှၤအံၣ်စရ့လးဖိမ့ၢ်အါဝဲဒ်မဲးဧိၤဟီၣ်ဧိၤလၢပီၣ်လဲၣ် အနံၤသနာ်က့, ကဟဲက့ၤကဒါက့ၤဒၣ်ထဲစှၤဂၤလီၤ. တၢ်မၤဟးဂီၤန့ၣ်အိၣ်ပာ်ပာ်စၢၤ လၢပှၤဂီၢ်မုၢ်အဂီၢ်ဒီးမ့ၢ်တၢ်လၢ အကြၢးအဘၣ်လၢအဝဲသ့ၣ်အ ဂီၢ်လၢလၢပှဲၤပှဲၤလီၤ.

လံာ်ယၡါယၤ 14:23

ယကဒုးကဲထီၣ်ကီၢ်ဘၤဘူၤလိၣ်လၢတၢ်ကပျၢၤအပူၤတပူၤဒီးဒိ ကအိတဖၣ်ကအိၣ်ဖဲန့ၣ်လီၤ. ယကခွဲသိၣ်ကီၢ်ဘၤဘူၤလိၣ်လၢ နီၣ်ခွဲသိၣ်တဘိလၢအကခွဲပျီကွံာ်တၢ်ခဲလၢာ်န့ၣ်လီၤ. ယၤ, ယွၤသ့တၢ်လၢာ်ကစၢ်, စံးတ့ၢ်လံဝဲလီၤ.”

လံာ်ယၡါယၤ 28:17

တၢ်စံၣ်ညီၣ်တီကမ့ၢ်နီၣ်ထိၣ်အပျံၤတဘိလၢတၢ်အခီၣ်ထံး အဂီၢ်, ဒီးတၢ်သူၣ်လိၤသးဘျၢကမ့ၢ်အနီၣ်ထိၣ်ထံအပျံၤ လၢအလီၤစဲၤဝဲန့ၣ်လီၤ.” ကလံၤမုၢ်အိၣ်ဒီးသူၣ်ကစိာ်ကွံာ် တၢ်လီတၢ်ဝ့ၤခဲလၢာ်လၢသုသန့ၤသုသး, ဒီးထံလုၣ်ဘၢ တၢ်ကမၤဟးဂီၤသုတၢ်ပူၤဖျဲးအလီၢ်န့ၣ်လီၤ.

လံာ်ယၡါယၤ 34:11

ဒိကအိဒီးစိးဝၣ်ဃးတဖၣ်ကအိၣ်ပှဲၤဝဲလၢထံကီၢ်ပူၤလီၤ. ယွၤကဒုးကဲထီၣ်အီၤလၢတၢ်အိၣ်သယုၢ်အိၣ်ကလီအလီၢ် ကဒီးတဘျီဒ်အမ့ၢ်တ့ၢ်ဝဲတချုးလၢတၢ်တ့လီၤပာ်လီၤတၢ် အကတီၢ်အသိးန့ၣ်လီၤ.

လံာ်ယံးရမံယၤ 25:9

“ယကမၤလိာ်ကယဲၢ်ပှၤဂီၢ်မုၢ်လၢ ကလံၤစိးတခီ, ဒီးယခ့ယပှၤ ကီၢ် ဘၤဘူၤလိၣ်အစီၤပၤနဘူၤကးန့စၢ်န့ၣ်လီၤ. ယကမၢအဝဲသ့ၣ် ဟဲထီၣ်ဒီးဒုးတၢ်ထီဒါကီၢ်ယူဒၤဒီး ပှၤအိၣ်ဆိးလၢအပူၤတဖၣ်, ဒီးထီဒါစ့ၢ်ကီးပှၤကလုာ်ခဲလၢာ်လၢ အအိၣ်ဘူးအိၣ်တံၢ်ဒီးအီၤန့ၣ်လီၤ. ယကမၤဟးဂီၤကွံာ်ပှၤတကလုာ်အံၤဒီး ပှၤအိၣ်လၢ အဃၢၤတဖၣ် ဒီးပာ်တ့ၢ်အဝဲသ့ၣ်လၢတၢ်ဟးဂီၤအပူၤအစိၤစိၤ အဃၣ်ဃၣ်, ဒီးကကဲထီၣ်တၢ်ထံၣ်ဘၣ်တမံၤဘၣ်တမံၤလၢ အလီၤပျံၤလီၤဖုးဒီး လီၤကမၢကမၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်သးသယုၢ်တၢ် 2:8

ယွၤပာ်လီၤတ့ၢ်အသးကျၢၤမုဆှု လၢဝ့ၢ်စံယိၣ်အတၢ်ဒူၣ်တဖၣ်ကဘၣ် လီၤပှီၢ်ဝဲအဂီၢ်လီၤ. ထိၣ်နီၣ်တ့ၢ်အီၤခဲလၢာ်ဒ်သိးကမၤဟးဂီၤကွံာ်အီၤလၢာ်လၢာ်ဆ့ ဆ့လီၤတံၢ်လီၤဆဲးအဂီၢ်လီၤ. ဝ့ၢ်ခိၣ်ဒူဒီးအပၢၤတၢ်အလီၢ်တဖၣ်န့ၣ်ခဲအံၤဒါလီၤသကိးအသး လၢတၢ်ဟးဂီၤအပူၤလီၤ.

လံာ်ယဃ့းစက့လး 7:5

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲလၢ, တၢ်တတၢးတနါတမံၤဝံၤတမံၤကဟဲဘၣ်နၤန့ၣ်လီၤ.

လံာ်စကၤရယၤ 1:16

လၢတၢ်န့ၣ်အဃိ, ယဟဲက့ၤကဒါက့ၤဆူဝ့ၢ်ယရူၤရှလ့ၣ်လၢယကဒုး နဲၣ်တၢ်သးကညီၤဘၣ်ဝ့ၢ်အံၤန့ၣ်လီၤ. ယတၢ်လုၢ်ဟံၣ်ကဘၣ်တၢ်ပာ်ကဒါက့ၤအီၤ, ဖဲအအိၣ်တ့ၢ်ဝဲ အလီၢ်ဒီးဝ့ၢ်ကဘၣ်တၢ်ဘှီထီၣ်ကဒါက့ၤအီၤလီၤ.”