လံာ်စီၤပၤခံဘ့ၣ်တဘ့ၣ် 20:9 - Sgaw Karen Common Bible

⁹ စီၤယၡါယၤစံးဆၢဝဲဒၣ်, “ယွၤကစၢ်, ကဟ့ၣ်နၤတၢ်ပနီၣ်တမံၤ လၢကအုၣ်အသးလၢအဝဲကဟံးဃာ်အတၢ်အၢၣ်လီၤန့ၣ်လီၤ. ခဲအံၤ, မ့ၢ်နကအဲၣ်ဒိးလၢတၢ်ကဒုလၢမုၢ်အနၣ်ရံၣ်အလိၤကလဲၤဆူ ညါအတီၤတဆံဧါမ့တမ့ၢ်ကဘၣ်က့ၤကဒါက့ၤအတီၤတဆံဧါ.”

လံာ်စီၤပၤခံဘ့ၣ်တဘ့ၣ် 20:9 Iomraidhean Croise

လံာ်စီၤပၤခံဘ့ၣ်တဘ့ၣ် 19:29

ဝံၤဒီးစီၤယၡါယၤစံးဘၣ်စီၤပၤဃံးစကံယၤဒ်အံၤ, “အအံၤမ့ၢ်တၢ်ပနီၣ်တမံၤလၢကမၤအသးန့ၣ်လီၤ. တနံၣ်အံၤဒီးခဲကိာ်တနံၣ်သုကအီၣ်ဘၣ်ထဲဘုဧိၤဟုဧိၤလၢအမဲ ထီၣ်ဒၣ်တၢ်, မ့မ့ၢ်, နံၣ်လၢအကပိာ်ထွဲထီၣ်အခံတနံၣ်န့ၣ်သုသူၣ်လီၤသုဘု ဧိၤဟုဧိၤကသ့ဝဲဒီးကူးက့ၤအီၤ, ဒီးသူၣ်စပံးမုၢ်တဖၣ်ဒီးအီၣ်စပံးသၣ်တဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 20:10

စီၤဃံးစကံယၤစံးဆၢဝဲဒၣ်, “တၢ်ဒုးလဲၤတၢ်ကဒုဆူညါအတီၤ တဆံန့ၣ်တကီဘၣ်. မ်အက့ၤကဒါက့ၤအတီၤတဆံတက့ၢ်.”

လံာ်စီၤပၤခံဘ့ၣ်တဘ့ၣ် 20:8

စီၤပၤဃံးစကံယၤသံကွၢ်ဝဲဒၣ်, “တၢ်အပနီၣ်လၢကအုၣ်အသးလၢ ယွၤကမၤဘျါက့ၤယၤဒီးသၢသီဝံၤအလီၢ်ခံယလဲၤဆူယွၤအတၢ်လုၢ် ဟံၣ်ကသ့န့ၣ်, မ့ၢ်မနုၤလဲၣ်.”

လံာ်ယၡါယၤ 38:1

ဖဲတၢ်ဆၢကတီၢ်အံၤအဘၢၣ်ကဝီၤန့ၣ်, စီၤပၤဃံးစကံယၤဆါထီၣ် ဘူးတ့ၢ်မးကသံဝဲလီၤ. စီၤအၤမိာ်အဖိခွါဝံယၡါယၤလဲၤဆူအ အိၣ်ဒီးစံးဘၣ်အီၤ, “ယွၤစံးဘၣ်နၤဒ်သိးနကကတဲာ်ကတီၤတၢ်ခဲ လၢာ်လၢအဂ့ၢ်အဝီဒၣ်ဝဲလီၤ. အဂ့ၢ်ဒ်အံၤ, နတအိၣ်ဆူၣ်အိၣ်ချ့ထီၣ်က့ၤလၢၤဘၣ်. ကတဲာ်ကတီၤနသးလၢ နကသံတက့ၢ်.”

လံာ်စီၤယိၤၡူ 10:12

မုၢ်တနံၤလၢယွၤဟ့ၣ်ပှၤအံၣ်စရ့လးဖိ တၢ်မၤနၢၤလၢပှၤအမိၢ်ဖိအဖီခိၣ်န့ၣ်, စီၤယိၤ ၡူကတိၤတၢ်ဒီးယွၤလၢပှၤအံၣ်စရ့လးဖိတဖၣ်အမဲာ်ညါဒီးစံးဝဲ, “မုၢ်ဧၢ, အိၣ်ဂၢၢ်တပၢၢ်လၢဝ့ၢ်ကံးဘိၣ်အဖီခိၣ်ဒီးလါဧၢ, အိၣ်ကတီၢ်လၢအးယၤလိၣ်အကစၢၢ်ကဆူးအဖီခိၣ်န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 14:10

ဘၣ်ဆၣ်ဒီးအဝဲသ့ၣ်မ့ၢ်မၢပလဲၤဆူအဝဲသ့ၣ်အအိၣ်န့ၣ်, အန့ၣ်တစုပကလဲၤလီၤ. အဂ့ၢ်ဒ်အံၤ, တၢ်န့ၣ်ကမ့ၢ်တၢ်ပနီၣ်တမံၤလၢ ယွၤဟ့ၣ်ပှၤတၢ်မၤနၢၤလၢအဝဲသ့ၣ်အဖီခိၣ်လီၤ.”