လံာ်စီၤပၤခံဘ့ၣ်တဘ့ၣ် 20:6 - Sgaw Karen Common Bible

⁶ ယကဒုးအိၣ်မူဒံးနၤဆူညါတဆံယဲၢ်နံၣ်န့ၣ်လီၤ. ယကမၤပူၤဖျဲးနၤဒီးဝ့ၢ်ယရူၤၡလ့ၣ်အံၤလၢကီၢ်အၤၡူၢ်အစီၤပၤ ဖးဒိၣ်အစုပူၤန့ၣ်လီၤ. ယကဒီဒၣ်အိၣ်ပှိၤဝ့ၢ်အံၤလၢယလၤကပီၤဒၣ်ယဲအဂီၢ်ဒီးလၢတၢ်အၢၣ် လီၤလၢယမၤတ့ၢ်အီၤဒီးယခ့ယပှၤစီၤဒၤဝံးအဃိန့ၣ်လီၤ.”

လံာ်စီၤပၤခံဘ့ၣ်တဘ့ၣ် 20:6 Iomraidhean Croise

လံာ်စီၤပၤခံဘ့ၣ်တဘ့ၣ် 19:34

ယကကဟုကယာ်ဝ့ၢ်အံၤဒီးဒီဒၣ်အိၣ်ပှိၤအီၤလၢယလၤကပီၤဒၣ်ယဲ အဂီၢ်ဒီးမ့ၢ်လၢတၢ်အၢၣ်လီၤအီလီၤလၢယမၤတ့ၢ်ဒီးယခ့ယပှၤစီၤ ဒၤဝံးအဃိန့ၣ်လီၤ.”

လံာ်စီၤပၤခံဘ့ၣ်တဘ့ၣ် 20:7

အန့ၣ်ဒီး, စီၤယၡါယၤတဲဘၣ်စီၤပၤအခ့အပှၤတဖၣ်လၢက ကျးလီၤန့ၢ်စီၤဃံးစကံယၤအတၢ်ဝ့အပူၤလီၢ်လၢကသံၣ်ကျးလၢတၢ် မၤအီၤလၢချၢၣ်ဒၢသၣ်တဖၣ်, ဒီးအဝဲကဘျါက့ၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:22

လၢကျဲဒ်သိးအံၤန့ၣ်, ယွၤမၤထူၣ်ဖျဲးစီၤပၤဃံးစကံယၤဒီး ဝ့ၢ်ယရူၤရှလ့ၣ်အပှၤဂီၢ်မုၢ်လၢကီၢ်အၤၡူၢ်အစီၤပၤဖးဒိၣ်စီၤ စၤနဃ့ရံးအစိကမီၤအဖီလာ်, ဒီးလၢအဝဲသ့ၣ်အဒုၣ်အဒါအဂၤတဖၣ်အစုပူၤစ့ၢ်ကီးန့ၣ်လီၤ. အဝဲပျဲပှၤဂီၢ်မုၢ်အိၣ်ဆိးဃုာ်ဒီးကယဲၢ်ထံကီၢ်အိၣ်ခိၣ်အိၣ် ဃၢၤတဖၣ်လၢတၢ်ဃူတၢ်ဖိးအပူၤန့ၣ်လီၤ.

စံးထီၣ်ပတြၢၤ 116:15

အပှၤစီဆှံတဖၣ်အတၢ်သံန့ၣ် မ့ၢ်တၢ်လုၢ်ဒိၣ်ပှ့ၤဒိၣ်လၢယွၤအမဲာ်ညါလီၤ.

လံာ်ယၡါယၤ 10:24

ယွၤ, ပၢဘၣ်တၢ်ခဲလၢာ်, သ့တၢ်လၢာ်ကစၢ်စံးဘၣ်အပှၤဂီၢ်မုၢ် လၢအအိၣ်လၢစံယိၣ်, “ပျံၤဘၣ်ပှၤအၤၡူၢ်ဖိတဖၣ်တဂ့ၤ. အဝဲသ့ၣ်မ့ၢ်မၤအၢမၤနးသုဒ်ပှၤအဲၤကူပတူးဖိမၤညီနုၢ်တ့ၢ်ဝဲ အသိးဒၣ်လဲာ်န့ၣ်ပျံၤတဂ့ၤ.

လံာ်ယၡါယၤ 37:35

ယကကဟုကယာ်ဝ့ၢ်အံၤဒီးဒီဒၣ်အိၣ်ပှိၤအီၤလၢယလၤကပီၤဒၣ်ယဲ အဂီၢ်, ဒီးလၢယမၤတ့ၢ်တၢ်အၢၣ်လီၤအီလီၤဒီးယခ့ ယပှၤစီၤဒၤဝံးအဃိန့ၣ်လီၤ.”

မၤတၢ် 27:24

ဒီးစံးဘၣ်ယၤ, ‘စီၤပီလူးဧၢ, ပျံၤတၢ်တဂ့ၤ. နကဘၣ်ဂဲၤဆၢထၢၣ်ဒံးလၢစီၤပၤဖးဒိၣ်အမဲာ်ညါလီၤ. သတးဒီးကစၢ်ယွၤပျဲပူၤဖျဲးပှၤလၢအဒိးကဘီဒီးနၤကိးဂၤ ဒဲးလီၤ.’