လံာ်စီၤပၤခံဘ့ၣ်တဘ့ၣ် 20:5 - Sgaw Karen Common Bible

⁵ ကက့ၤကဒါက့ၤဆူယွၤအပှၤဂီၢ်မုၢ်အပှၤပၢတၢ်စီၤဃံးစကံယၤ အအိၣ်ဒီးစံးဘၣ်အီၤ, “ယၤ, ကစၢ်, နပၢ်ဖးဒိၣ်လၢပျၢၤစီၤဒၤဝံးကစၢ်အယွၤ, နၢ်ဟူလံနတၢ်ထုကဖၣ်ဒီးထံၣ်လံ နမဲာ်ထံတဖၣ်လံ. ယကမၤဘျါက့ၤနၤဒီး, ဒီးလၢသၢသီ အတီၢ်ပူၤန့ၣ်နကလဲၤဆူယွၤအတၢ်လုၢ်ဟံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 20:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:2

လၢအပူၤကွံာ်, ဖဲစီၤစီလူးမ့ၢ်ဒံးပစီၤပၤအခါဒၣ်လဲာ်န့ၣ်, နဆှၢကီၢ်အံၣ်စရ့လးအပှၤဂီၢ်မုၢ်လၢတၢ်ဒုးအပူၤ, ဒီးယွၤအၢၣ်လီၤတ့ၢ်နၤလၢနကဆှၢအပှၤဂီၢ်မုၢ် ဒီးကဲထီၣ်အဝဲသ့ၣ်အပှၤပၢတၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 9:3

ယွၤစံးဘၣ်အီၤ, “ယနၢ်ဟူတ့ၢ်နတၢ်ထုကဖၣ်န့ၣ်လံ. ယမၤစီဆှံလံယွၤအတၢ်လုၢ်ဟံၣ်လၢနသူၣ်ထီၣ်တ့ၢ်အီၤအံၤ, ဒ်တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤလီၤစိၤလီၤထီ န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:20

အန့ၣ်ဝံၤဒီးစီၤယၡါယၤဆှၢလီၤတၢ်ကစီၣ်တမံၤတဲဘၣ်စီၤပၤ ဃံးစကံယၤလၢ, လၢတၢ်စံးဆၢစီၤပၤအတၢ်ထုကဖၣ်အဂီၢ်န့ၣ်,

လံာ်စီၤပၤခံဘ့ၣ်တဘ့ၣ် 20:4

စီၤယၡါယၤဟးထီၣ်ကွံာ်လၢစီၤပၤအအိၣ်, ဘၣ်ဆၣ်တချုးဒံးလၢ အဝဲလဲၤခီဖျိကွံာ်နူၢ်ဧိၤစီၤဧိၤအဂၢၤအသးကံၢ်ပူၤဒံးဘၣ်န့ၣ်ယွၤ တဲဘၣ်အီၤလၢ,

လံာ်စီၤပၤခံဘ့ၣ်တဘ့ၣ် 22:19

ဒီးနပီၢ်ယၢ်လီၤက့ၤနသး, ဒီးနဆီၣ်လီၤနသးလၢယမဲာ်ညါ, နဖှီနကူနသိးတဖၣ်နဟီၣ်တၢ်ယၢၤတၢ်ဖဲနနၢ်ဟူဘၣ်ယမၤပျံၤမၤ ဖုးတၢ်လၢယကစံၣ်ညီၣ်ဝ့ၢ်ယရူၤၡလ့ၣ်ဒီးအပှၤဂီၢ်မုၢ်ဒ်လဲၣ်န့ၣ် လီၤ. ယကဒုးကဲထီၣ်အီၤလၢတၢ်ထံၣ်လီၤပျံၤလီၤဖုးအလီၢ်တတီၤ, တၢ်လီၢ်တတီၤလၢပှၤဂီၢ်မုၢ်ကသူအမံၤဒ်တၢ်ဆိၣ်အၢန့ၣ်လီၤ. ဘၣ်ဆၣ်ယနၢ်ဟူတ့ၢ်နတၢ်ထုကဖၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 13:12

ကစၢ်ယွၤ, အကစၢ်ဒၣ်ဝဲ, မ့ၢ်ပခိၣ်ပနၢ်ဒီးအဝဲအပှၤလုၢ်တၢ်အခိၣ် တဖၣ်အိၣ်ဖဲအံၤ, ဒီးအကွဲၤတဖၣ်, ကတဲာ်ကတီၤအသးလၢကအူ ထီၣ်ဝဲဒီးကိးဃီၤပှၤဆူတၢ်ဒုးထီဒါသုန့ၣ်လီၤ. အံၣ်စရ့လးအပှၤဂီၢ်မုၢ်သ့ၣ်ဧၢ, ဒုးတၢ်ထီဒါယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤတဂ့ၤ. သုမၤနၢၤတၢ်တသ့ဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 34:3

ဖဲစီၤယိၤၡံယၤကဲထီၣ်စီၤပၤဃိးနံၣ်တနံၣ်အပူၤ, ဖဲအသးစၢ်ဒံးဒိၣ်မးအခါန့ၣ်, အဝဲစးထီၣ်ဘူၣ်ထီၣ်ဘါထီၣ်အပၢ်ဖးဒိၣ်စီၤဒၤဝံး အကစၢ်ယွၤန့ၣ်လီၤ. လွံၢ်နံၣ်ပူၤကွံာ်ဝံၤအလီၢ်ခံ, အဝဲစးထီၣ်မၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ် ဘါထီၣ်တၢ်ဂီၤတၢ်ဖီၣ်အလီၢ်တဖၣ်, ကစၢ်မုၣ်အၡ့ရၤအတၢ်ပနီၣ်တဖၣ်ဒီးကယဲၢ်တၢ်ဂီၤတၢ်ဖီၣ်အဂၤတဖၣ် ခဲလၢာ်န့ၣ်လီၤ.

စံးထီၣ်ပတြၢၤ 107:20

အဝဲမၤဘျါက့ၤအဝဲသ့ၣ်လၢအကလုၢ် ဒီးမၤပူၤဖျဲးအဝဲသ့ၣ်လၢတၢ်ဟးဂီၤန့ၣ်လီၤ.

စံးထီၣ်ပတြၢၤ 119:26

ယအၢၣ်လီၤအီလီၤတ့ၢ်တၢ်လၢ ယမၤအီၤခဲလၢာ် ဒီးနစံးဆၢယၤလီၤ. သိၣ်လိယၤလၢနကျဲတဖၣ်န့ၣ်တက့ၢ်.

စံးထီၣ်ပတြၢၤ 126:5

မ်ပှၤလၢအဖှံတၢ်အိၣ်ဒီးအမဲာ်ထံလီၤန့ၣ် ကကူးတၢ်အိၣ်ဒီးတၢ်သးခုတက့ၢ်.

စံးထီၣ်ပတြၢၤ 147:3

အဝဲဒၣ်မၤဘျါက့ၤပှၤလၢအသူၣ်ကၢ်အသးလီၤ, ဒီးဘိၣ်ထီၣ်အဝဲသ့ၣ်အပူၤလီၢ်တဖၣ်လီၤ.

စံးထီၣ်ပတြၢၤ 34:18

ယွၤအိၣ်ဘူးဒီးပှၤလၢအသူၣ်ကၢ်အသးလီၤ ဒီးမၤပူၤဖျဲးပှၤလၢအတၢ်မုၢ်လၢ်လီၤမၢ်ကွံာ် ခဲလၢာ်သ့ၣ်တဖၣ်န့ၣ်လီၤ.

စံးထီၣ်ပတြၢၤ 39:12

ကနၣ်ယတၢ်ထုကဖၣ်တက့ၢ်. ယွၤဧၢ, ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဖဲလၢယအိၣ်ဒီးတၢ်မဲာ်ထံမဲာ်နိန့ၣ်, အိၣ်ဘှီၣ်နဲတဂ့ၤ. အဂ့ၢ်ဒ်အံၤ, ယမ့ၢ်ဒၣ်နပှၤသမှံၤလၢ အအိၣ်တစိၢ်တလီၢ်ဖိ, ဒ်ယမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

စံးထီၣ်ပတြၢၤ 56:8

နသ့ၣ်ညါယဘၣ်ကိၢ်ဘၣ်ဂီၤဆံးအါလဲၣ်, နပာ်ကီၤဃာ်ယမဲာ်ထံအတၢ်ကွဲးနီၣ်လီၤ. အိၣ်ကွဲးအသးလၢနလံာ်ပူၤတမ့ၢ်ဘၣ်ဧါ.

စံးထီၣ်ပတြၢၤ 56:9

မုၢ်တနံၤလၢယကိးထီၣ်နၤန့ၣ်, ယဒုၣ်ယဒါသ့ၣ်တဖၣ်ကဃၣ်ကဒါက့ၤအသး ဆူလီၢ်ခံန့ၣ်လီၤ. တၢ်အံၤယသ့ၣ်ညါလၢကစၢ်ယွၤအိၣ်ဒီးယၤ,

စံးထီၣ်ပတြၢၤ 6:10

ယဒုၣ်ယဒါခဲလၢာ်န့ၣ်အမဲာ်ကဆှး ဒီး ကပျံၤတၢ်ဖုးတၢ်ဒိၣ်မး, ကက့ၤကဒါက့ၤဆူအလီၢ်ခံ လၢတၢ်သဘံၣ်ဘုၣ်သတူၢ်ကလာ်အပူၤလီၤ.

စံးထီၣ်ပတြၢၤ 65:2

မ့ၢ်လၢနစံးဆၢပတၢ်ထုကဖၣ်အဃိန့ၣ်လီၤ. ပှၤကလုာ်လၢလီၢ်ကိးပူၤဒဲးကဟဲဆူနအိၣ်,

စံးထီၣ်ပတြၢၤ 65:3

လၢအတၢ်ဒဲးဘးတဖၣ်အဃိန့ၣ်လီၤ. ပတၢ်ကမၣ်တဖၣ်မၤနၢၤပှၤ ဘၣ်ဆၣ်နပျၢ်ပတၢ်ကမၣ်လီၤ.

လံာ်တၢ်ဟးထီၣ်ကွံာ် 15:26

ဒီးယွၤစံးဝဲဒၣ်, “သုမ့ၢ်ဒိကနၣ်ယၤလၢလၢပှဲၤပှဲၤ, ခီဖျိမၤတၢ်ဒ်တၢ်ဘၣ်ယသးဒီးတိၢ်န့ၢ်ဖံးဃၣ်ယတၢ်မၤလိာ်တဖၣ် န့ၣ်, ယတစံၣ်ညီၣ်ဘၣ်သုလၢတၢ်ဆါတဖၣ်လၢယဒုးလီၤဘၣ်အီၤ လၢပှၤအဲၤကူပတူးဖိတဖၣ်အလိၤန့ၣ်ဘၣ်. ယမ့ၢ်ယွၤ, ပှၤတဂၤလၢအမၤဘျါသုန့ၣ်လီၤ.”

လံာ်တၢ်ဟးထီၣ်ကွံာ် 3:7

တုၤနုၤတစုယွၤစံးဝဲဒၣ်, “ယထံၣ်တ့ၢ်လံယပှၤဂီၢ်မုၢ်တဖၣ်ဘၣ် တၢ်မၤအၢမၤနးအီၤလၢကီၢ်အဲၤကူပတူးအပူၤန့ၣ်လီၤ. ယနၢ်ဟူတ့ၢ်အဝဲသ့ၣ်ကိးထီၣ်တၢ်မၤပူၤဖျဲးအီၤလၢကုၢ်ကစၢ်တဖၣ် အစုပူၤန့ၣ်လီၤ. ယသ့ၣ်ညါအဝဲသ့ၣ်အတၢ်တူၢ်ဘၣ်ခီၣ်ဘၣ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 3:9

ဒီးခဲကနံၣ်အံၤယနၢ်ဟူတ့ၢ်ယပှၤဂီၢ်မုၢ်အတၢ်ကိးထီၣ်ဒီးယထံၣ် ပှၤအဲၤကူပတူးဖိတဖၣ်အတၢ်မၤနးမၤဖှီၣ်အဝဲသ့ၣ်န့ၣ်လီၤ.

လံာ်ယၡါယၤ 19:22

ယွၤကစံၣ်ညီၣ်ပှၤအဲၤကူပတူးဖိတဖၣ်, ဝံၤဒီးကမၤဘျါက့ၤ အီၤလီၤ. အဝဲသ့ၣ်ကဃၣ်ဃီၤအသးဆူအအိၣ်, ဒီးအဝဲကဒိ ကနၣ်အတၢ်ထုကဖၣ်ဒီးမၤဘျါက့ၤအဝဲသ့ၣ်န့ၣ်လီၤ.

လံာ်ယၡါယၤ 38:22

ဒီးစီၤပၤဃံးစကံယၤစ့ၢ်ကီးသံကွၢ်တ့ၢ်ဝဲ, “လၢယကလဲၤထီၣ်ဆူယွၤအဟံၣ်အဂီၢ်, တၢ်ပနီၣ်မ့ၢ်တၢ်မနုၤလဲၣ်,” န့ၣ်လီၤ.

လံာ်ယၡါယၤ 38:5

ဒ်သိးအကလဲၤကဒါက့ၤဆူစီၤပၤဃံးစကံယၤအအိၣ်ဒီးစံးဘၣ် အီၤ, “ယၤ, ယွၤ, နပၢ်ဖးဒိၣ်စီၤဒၤဝံးအကစၢ်ယွၤ, နၢ်ဟူတ့ၢ်နတၢ်ထုကဖၣ်ဒီးထံၣ်တ့ၢ်နမဲာ်ထံမဲာ်နိတဖၣ်လီၤ. ယကပျဲနအိၣ်မူယံာ်ထီၣ်အါထီၣ်တဆံယဲၢ်နံၣ်လီၤ.

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်မးသဲ 22:32

ယွၤစံးဝဲ, ‘ယမ့ၢ်စီၤအၤဘြၤဟၣ်, စီၤအံၤစဲးဒီး စီၤယၤကိာ်အကစၢ်ယွၤလီၤ.’ ကစၢ်ယွၤတမ့ၢ်ဘၣ်ပှၤအသံတဖၣ် အကစၢ်ယွၤဘၣ်. မ့ၢ်ပှၤအမူတဖၣ်အကစၢ်ယွၤလီၤ” (ဟးထီၣ်. ၃:၆).

လံာ်လူၤကၣ် 1:13

ဘၣ်ဆၣ်ဒီးကလူးန့ၣ်စံးဘၣ်အီၤ, “ပျံၤတၢ်တဂ့ၤ စီၤစဃၤရံဧၢ, ကစၢ်ယွၤနၢ်ဟူလံနတၢ်ထုကဖၣ်လံ. ဒီးနမါနီၢ်အ့းလံၤစါဘ့းကဆံးစၢ်န့ၢ်နၤလၢဖိခွါတဂၤလီၤ. နကဘၣ်ယုၢ်န့ၢ်အမံၤလၢစီၤယိၤဟၣ်လီၤ.

လံာ်လူၤကၣ် 18:10

“ပှၤခံဂၤလဲၤထီၣ်ဆူတၢ်လုၢ်ဟံၣ်ဒ်သိးအကဃ့ဘါထုကဖၣ်တၢ်လီၤ. တဂၤန့ၣ်မ့ၢ်ဝဲပှၤဖၤရံၤၡဲ ဒီးအဂၤတဂၤမ့ၢ်ဝဲပှၤဃ့သွဲလီၤ.

လံာ်ယိၤဟၣ် 5:14

လၢခံက့ၤဒီး, ယ့ၣ်ၡူးထံၣ်န့ၢ်အီၤလၢတၢ်လုၢ်ဟံၣ်အပူၤ ဒီးစံးဘၣ်အီၤ, “ကနၣ်တက့ၢ်. ခဲအံၤနဘျါက့ၤလံအဃိ မၤလၢၤတၢ်ဒဲးဘးတဂ့ၤ. နမ့ၢ်မၤဒီးတၢ်နးန့ၢ်အလီၢ်ကဟဲဘၣ် နၤန့ၣ်လီၤ.”

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.

ဧ့ၤဘြံၤ 2:10

မ့ၢ်တၢ်အဂ့ၤဒီးကြၢးဝဲလၢကစၢ်ယွၤ, ပှၤလၢတၢ်ခဲလၢာ်မ့ၢ်လၢ အဂီၢ်ဒီးတၢ်ခဲလၢာ်ကဲထီၣ်လၢအီၤတဂၤန့ၣ်, ကမၤလၢပှဲၤတၢ်အခိၣ်လၢအဝဲသ့ၣ်အတၢ်အုၣ်က့ၤခီၣ်က့ၤအဂီၢ် တဂၤ, ခီဖျိတၢ်တူၢ်တၢ်ဒ်သိးဒီးကစၢ်ယွၤအဖိခွါအါဂၤကဒိး န့ၢ်ဘၣ်အလၤအကပီၤအဂီၢ်လီၤ.

လံာ်လီၣ်ဖျါ 7:17

အဂ့ၢ်ဒ်အံၤ, သိဖိတဒုလၢအအိၣ်ဝဲလၢလီၢ်ပစိာ်အခၢၣ်သးန့ၣ် ကမ့ၢ်အဝဲသ့ၣ်အပှၤကွၢ်သိ, ဒီးအဝဲဒၣ်ကဆှၢအဝဲသ့ၣ်ဆူထံ မူထီၣ်ပၢၢ်န့ၣ်လီၤ. ဒီးကစၢ်ယွၤကထွါကွံာ်မဲာ်ထံကိးဖျၢၣ်ဒဲးလၢ အမဲာ်ချံပူၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 10:1

တုၤနုၤတစုစီၤၡမူၤအ့လးဟံးန့ၢ်သ့ၣ်စၤယံးအသိတကိဒီးလူ လီၤအီၤလၢစီၤစီလူးအခိၣ်လိၤဒီးနၢမူအီၤလီၤ. ဒီးစံးဝဲဒၣ်, “ယွၤဖှူနၤဒ်အပှၤဂီၢ်မုၢ်ကီၢ်အံၣ်စရ့လးအပှၤပၢတၢ်တဂၤ အသိးန့ၣ်လီၤ. နကဘၣ်ပၢအဝဲအပှၤဂီၢ်မုၢ်ဒီးဒီဒၣ်အိၣ်ပှိၤအီၤလၢ ကယဲၢ်အဒုၣ်အဒါတဖၣ်ခဲလၢာ်လီၤ. ဒီးအဝဲအံၤမ့ၢ်တၢ်အုၣ်အသးတမံၤလၢယွၤဃုထၢတ့ၢ်နၤ, လၢနကကဲထီၣ်ပှၤပၢဘၣ်အပှၤဂီၢ်မုၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:16

“ခဲမုၢ်ဆ့ၣ်လၢအဆၢကတီၢ်ဒ်အံၤန့ၣ်, ယကဆှၢလီၤပှၤတဂၤလၢစီၤ ဘံၣ်ယၤမံၣ်အဒူၣ်ဆူနအိၣ်လီၤ. ဖှူအီၤဒ်ယပှၤဂီၢ်မုၢ်အံၣ်စရ့လးအပှၤပၢတၢ်တက့ၢ်. ဒီးအဝဲဒၣ်ကအုၣ်က့ၤခီၣ်က့ၤအဝဲသ့ၣ်လၢပှၤဖလ့ၡသးဖိတဖၣ်အစု ပူၤလီၤ. ယထံၣ်ဘၣ်တ့ၢ်ယပှၤဂီၢ်မုၢ်အတၢ်နးတၢ်ဖှီၣ်ဒီးနၢ်ဟူ တ့ၢ်အဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လီၤ.”