လံာ်စီၤပၤခံဘ့ၣ်တဘ့ၣ် 20:3 - Sgaw Karen Common Bible

³ “ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 20:3 Iomraidhean Croise

လံာ်တၢ်ကဲထီၣ်အခီၣ်ထံး 17:1

ဖဲစီၤအၤဘြၣ်အသးအိၣ်ဝဲခွံဆံခွံနံၣ်န့ၣ်ယွၤလီၣ်ဖျါထီၣ် အသးလၢအီၤဒီးစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. စူၢ်ယၤဒီးမၤတၢ်အဘၣ်တဘိယူၢ်ဃီတက့ၢ်.

လံာ်တၢ်ကဲထီၣ်အခီၣ်ထံး 5:22

အန့ၣ်ဝံၤအလီၢ်ခံစီၤဃနိာ်ရ့လိာ်သကိးအသးဒီးကစၢ်ယွၤအနံၣ် သၢကယၤဒီးထီၣ်ဖိအဖိအဂုၤအဂၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 5:24

အဝဲအိၣ်မူတ့ၢ်ဝဲလၢတၢ်ရ့လိာ်အသးဒီးကစၢ်ယွၤအပူၤ, ဝံၤဒီးတၢ်တထံၣ်အီၤလၢၤဘၣ်. အဂ့ၢ်ဒ်အံၤ, ယွၤစိာ်ထီၣ်ကွံာ်အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 8:1

ဒီးကစၢ်ယွၤတသးပ့ၤနီၣ်စီၤနိအၤ, ဒီးကယဲၢ်ဆၣ်ဖိကီၢ်ဖိအိၣ် ဒီးအီၤလၢကဘီပူၤန့ၣ်ဘၣ်. အဝဲဒုးအူထီၣ်ကလံၤဒီးထံစးထီၣ်လီၤဝဲဒၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:4

ဒီးဖဲစီၤၡလိၤမိၤအသးပှၢ်ထီၣ်န့ၣ်, အဝဲသ့ၣ်ဆှၢဃီၤအီၤဆူ တၢ်ဘူၣ်ထီၣ်ဘါထီၣ်ပှၤတခီဘီမုၢ်ဖိအကစၢ်တဖၣ်န့ၣ်လီၤ. အဝဲတတီဒီးယွၤ, အကစၢ်ယွၤဒ်အပၢ်စီၤဒၤဝံးအသိးဘၣ်.

လံာ်စီၤပၤအခီၣ်ထံးတဘ့ၣ် 15:14

စီၤအၤစါမ့ၢ်တမၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ်ဘါ ထီၣ်အလီၢ်ခဲလၢာ်ဒၣ်လဲာ်, အဝဲအိၣ်ဒံးဒီးတၢ်သးတီဒီးယွၤလၢအသးသမူဒီစိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:4

နမ့ၢ်စူၢ်အီၤဒီး, ယွၤကဟံးဃာ်အတၢ်အၢၣ်လီၤလၢအမၤတ့ၢ်ဝဲ, ဖဲအဝဲစံးဘၣ်တ့ၢ်ယၤလၢ, ယစၢၤယသွဲၣ်တဖၣ်, ကပၢဘၣ်ကီၢ်အံၣ်စရ့လးအဆၢကတီၢ်ကယံာ်ပှဲၤသိးဒီးအဝဲသ့ၣ်အတၢ် စူၢ်ယတၢ်မၤလိာ်လၢတၢ်သးတီလီၤတံၢ်လီၤဆဲးလၢအသူၣ်ဒီဖျၢၣ် သးဒီဖျၢၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:6

စီၤၡလိၤမိၤစံးဆၢဝဲ, “ထီဘိနပာ်ဖျါထီၣ်နတၢ်အဲၣ်ဒိၣ်ဒိၣ် ကလဲာ်လၢနခ့နပှၤယပၢ်စီၤဒၤဝံးအဂီၢ်ဒီးအဝဲမ့ၢ်တ့ၢ်ပှၤအ ဂ့ၤ, ပှၤအသးတီဒီးပှၤလၢအတီဝဲလိၤဝဲလၢအတၢ်ဘၣ်ထွဲဒီးနၤအပူၤ န့ၣ်လီၤ. ဒီးနပာ်ဖျါထွဲဒံးနတၢ်အဲၣ်လၢအဒိၣ်ဝဲဒီးတလီၤတူာ်ဘၣ်ခီ ဖျိနဟ့ၣ်အီၤဖိခွါတဂၤလၢမုၢ်မဆါတနံၤအံၤလၢအပၢတၢ်လၢ အလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:23

“ယွၤ, အံၣ်စရ့လးအကစၢ်ယွၤဧၢ, လၢမူခိၣ်လၢထးမ့ၢ်ဂ့ၤ, လၢဟီၣ်ခိၣ်လၢလာ်မ့ၢ်ဂ့ၤကစၢ်ဒ်သိးနၤတအိၣ်နီတဂၤဘၣ်. နဟံးဃာ်ဂၢၢ်ကျၢၤနတၢ်အၢၣ်လီၤဒီးနပှၤဂီၢ်မုၢ်ဒီးနဒုးနဲၣ် ဖျါထီၣ်နတၢ်အဲၣ်အဝဲသ့ၣ်, ဖဲအဝဲသ့ၣ်အိၣ်မူလၢတၢ်စူၢ်နၤလၢသူၣ်ဒီဖျၢၣ်သးဒီဖျၢၣ် အပူၤအကတီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:61

မ်သုဝဲ, အပှၤဂီၢ်မုၢ်အိၣ်ဒီးတၢ်သူၣ်တီသးရၤဒီးယွၤ, ပကစၢ်ယွၤထီဘိ, စူၢ်ကယဲၢ်အဝဲအတၢ်သိၣ်တၢ်သီတဖၣ်ဒီးအတၢ်မၤလိာ်တဖၣ်, ဒ်သုမၤအီၤလၢမုၢ်မဆါတနံၤအံၤအသိးန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 9:4

ယကအံးလီၤကွၢ်လီၤအီၤ, ဒီးဒီဒၣ်အိၣ်ပှိၤအီၤကိးဆၢကိးကတီၢ် ဒဲးန့ၣ်လီၤ. ဒ်နပၢ်စီၤဒၤဝံးမၤတ့ၢ်ဝဲအသိး, နမ့ၢ်မၤယတၢ်မၤလၢတၢ်တီတၢ်လိၤဒီးတၢ်ကလုၢ်တီအပူၤ, ဒီးနမ့ၢ်စူၢ်ယတၢ်သိၣ်တၢ်သီတဖၣ်ဒီးမၤကယဲၢ်တၢ်လၢယမၤလိာ်တ့ၢ် နၤတဖၣ်န့ၣ်ဒီး,

လံာ်စီၤပၤခံဘ့ၣ်တဘ့ၣ် 20:2

စီၤဃံးစကံယၤဃၣ်ဃီၤအမဲာ်ဆူတၢ်ဒူၣ်ဒီးဘါထုကဖၣ်ယွၤ, စံးဝဲဒၣ်,

လံာ်စီၤပၤခံဘ့ၣ်တဘ့ၣ် 20:4

စီၤယၡါယၤဟးထီၣ်ကွံာ်လၢစီၤပၤအအိၣ်, ဘၣ်ဆၣ်တချုးဒံးလၢ အဝဲလဲၤခီဖျိကွံာ်နူၢ်ဧိၤစီၤဧိၤအဂၢၤအသးကံၢ်ပူၤဒံးဘၣ်န့ၣ်ယွၤ တဲဘၣ်အီၤလၢ,

လံာ်ကွဲးနီၣ်တၢ်ခံဘ့ၣ်တဘ့ၣ် 16:9

ယွၤကွၢ်ထံကွၢ်ဆးတၢ်လၢဟီၣ်ခိၣ်ဒီဘ့ၣ်ညါအဖီခိၣ်, ဒ်သိးအကဟ့ၣ်ဂံၢ်ဟ့ၣ်ဘါပှၤတဖၣ်လၢအအိၣ်ဒီးတၢ်သးတီဒီးအီၤ န့ၣ်လီၤ. နမၤတ့ၢ်လံတၢ်ဒ်ပှၤအမၢးတဂၤဒီးစးထီၣ်ခဲအံၤန့ၣ်နကဘၣ်ဒုး တၢ်ယၤတၢ်ထီဘိန့ၣ်လီၤ.”

လံာ်စီၤနဃ့မယၤ 13:14

ယကစၢ်ယွၤဧၢ, သ့ၣ်နီၣ်ထီၣ်က့ၤကယဲၢ်တၢ်ခဲလၢာ်လၢယမၤတ့ၢ်ယဲလၢ နတၢ်လုၢ်ဟံၣ်ဒီးအတၢ်ဘူၣ်ထီၣ်ဘါထီၣ်နၤအဂီၢ်န့ၣ်တက့ၢ်.

လံာ်စီၤနဃ့မယၤ 13:22

ယမၤလိာ်ပှၤလ့ၤဝံဖိတဖၣ်လၢကမၤကဆှီထီၣ်အသးဒၣ်ဝဲဒီးလဲၤ ဒီးခိးတြဲၤတဖၣ်လၢကမၤလီၤတံၢ်တၢ်ဒ်သိးမုၢ်အိၣ်ဘှံးနံၤ ကဘၣ်တၢ်ပာ်စီဆှံအီၤအဂီၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်က့ၤလၢ်ယၤလၢတၢ်အံၤအဃိစ့ၢ်ကီးဒီး မၤပူၤဖျဲးလၢ်ယၤလၢနတၢ်အဲၣ်လၢအဒိၣ်ဝဲအဃိန့ၣ်တက့ၢ်.

လံာ်စီၤနဃ့မယၤ 13:31

ယကတဲာ်ကတီၤသ့ၣ်လၢတၢ်ကသူအီၤလၢတၢ်ဆိၣ်ကဲၤတၢ်လုၢ်တၢ်ပာ်တဖၣ် အဂီၢ်လၢတၢ်ဟဲကစိာ်အီၤဘၣ်ဆၢဘၣ်ကတီၢ်, ဒီးပှၤဂီၢ်မုၢ်လၢကဟဲစိာ်အတၢ်လုၢ်တၢ်ပာ်တဖၣ်လၢအမ့ၢ်ဘုခ့အ ဆိကတၢၢ်ဒီးအတၤသၣ်တဖၣ်လၢအမံထီၣ်အဆိကတၢၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်တၢ်တဖၣ်အံၤခဲလၢာ်ဒီးမၤဘျုးလၢ်ဘၣ် ယၤလၢအဃိန့ၣ်တက့ၢ်.

လံာ်စီၤနဃ့မယၤ 5:19

ကစၢ်ယွၤဧၢ, ယဃ့ထီၣ်နၤလၢနကသ့ၣ်နီၣ်ယတၢ်ဂ့ၤခဲလၢာ်လၢယမၤဘၣ် အီၤလၢပှၤဂီၢ်မုၢ်အဂီၢ်န့ၣ်လီၤ.

လံာ်စီၤယိၤဘး 1:1

ပှၤတဂၤလၢအမံၤမ့ၢ်ဝဲစီၤယိၤဘးန့ၣ်အိၣ်ဝဲဒၣ်လၢကီၢ်ဧူးစး အပူၤန့ၣ်လီၤ. အဝဲမ့ၢ်ပှၤလၢတၢ်ပာ်တၢ်ကမၣ်လၢအလိၤအလီၢ်တအိၣ်, ပှၤအတီအလိၤ, ပှၤလၢအပျံၤယွၤဒီးဟးဆှဲးတၢ်အၢတဂၤ န့ၣ်လီၤ.

လံာ်စီၤယိၤဘး 1:8

ဒီးယွၤစံးဘၣ်မုၣ်ကီၤလံၢ်, “မ့ၢ်နကွၢ်ထံယခ့ယပှၤစီၤယိၤ ဘးတဂၤလၢနသးစ့ၢ်ကီးဧါ.” လၢဟီၣ်ခိၣ်ချၢန့ၣ်ပှၤအတီအလိၤ ဒီးပှၤအဂ့ၤဒ်သိးဒီးအီၤတအိၣ်ဘၣ်နီတဂၤဘၣ်. မ့ၢ်ပှၤပျံၤယွၤဒီးဟးဆှဲးတၢ်အၢတဂၤန့ၣ်လီၤ.

လံာ်စီၤယိၤဘး 16:20

ယတံၤသကိးတဖၣ်ဒုၣ်ဒွဲၣ်ယၤဒီးယမဲာ်ချံလူလီၤမဲာ်ထံလၢ ယကစၢ်ယွၤအမဲာ်ညါန့ၣ်လီၤ.

လံာ်စီၤယိၤဘး 4:6

နတၢ်ပျံၤကစၢ်ယွၤန့ၣ်တမ့ၢ်နတၢ်သန့ၤနသးအဂ့ၢ်ဘၣ်ဧါ. နတၢ်အိၣ်မူအလၢအပှဲၤန့ၣ်တမ့ၢ်နတၢ်မုၢ်လၢ်ဘၣ်ဧါ.

စံးထီၣ်ပတြၢၤ 102:9

ယအီၣ်ဖၣ်ဆါဒ်ကိၣ်အသိး ဒီးယမၤဃါဃုာ်ယတၢ်အီဒီးမဲာ်ထံလီၤ.

စံးထီၣ်ပတြၢၤ 119:26

ယအၢၣ်လီၤအီလီၤတ့ၢ်တၢ်လၢ ယမၤအီၤခဲလၢာ် ဒီးနစံးဆၢယၤလီၤ. သိၣ်လိယၤလၢနကျဲတဖၣ်န့ၣ်တက့ၢ်.

စံးထီၣ်ပတြၢၤ 119:49

သ့ၣ်နီၣ်ထီၣ်က့ၤနတၢ်အၢၣ်လီၤဒီးယၤ, နခ့နပှၤ, တၢ်လၢအဟ့ၣ်တ့ၢ်လံယၤ တၢ်မုၢ်လၢ်န့ၣ်တက့ၢ်.

စံးထီၣ်ပတြၢၤ 145:18

ကယဲၢ်ပှၤလၢအကိးထီၣ်အီၤ, ပှၤလၢအကိးထီၣ်အီၤလၢတၢ်မ့ၢ်တၢ်တီအပူၤန့ၣ် အဝဲအိၣ်ဘူးဒီးအီၤလီၤ.

စံးထီၣ်ပတြၢၤ 25:7

ယသးစၢ်အတၢ်ဒဲးဘးဒီးအတၢ်ကမၣ်သ့ၣ်တဖၣ်န့ၣ်ပျၢ်လၢ်ဘၣ်တက့ၢ်. ယွၤဧၢ, လၢနတၢ်အဲၣ်ဂၢၢ်ကျၢၤဒီး နတၢ်ဂ့ၤတၢ်ဝါအပူၤန့ၣ်, သ့ၣ်နီၣ်ထီၣ်က့ၤယၤတက့ၢ်.

စံးထီၣ်ပတြၢၤ 26:1

ယွၤဧၢ, စံၣ်ညီၣ်ယၤတက့ၢ်. အုၣ်နသးလၢယတၢ်ကမၣ်တအိၣ်ဘၣ်အဂ့ၢ်တက့ၢ်. အဂ့ၢ်ဒ်အံၤ, ယမၤတၢ်လၢအမ့ၢ်အတီ ဒီးယနာ်နၤလၢလၢပှဲၤပှဲၤလီၤ.

စံးထီၣ်ပတြၢၤ 26:3

အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤအိၣ်လၢယမဲာ်ညါ, ဒီးယလဲၤတၢ်လၢတၢ်သးတီဒီးနၤအပူၤလီၤ.

စံးထီၣ်ပတြၢၤ 32:2

ပှၤလၢယွၤတပာ်ဘၣ်တၢ်ကမၣ်လၢအလိၤ ဒီးပှၤလၢအပူၤဖျဲးဒီးတၢ်လီတၢ်ဝ့ၤခဲလၢာ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 39:13

တချုးယသးဟးထီၣ်ကွံာ်ဒီးတအိၣ်လၢၤဘၣ်န့ၣ်, ပျဲယၤလၢယကအိၣ်ဘၣ်ဒီး တၢ်သးခုတစဲးတက့ၢ်.

စံးထီၣ်ပတြၢၤ 6:6

တၢ်ဘှံးယသးလၢယတၢ်သူၣ်အုးသးအုးအဃိလီၤ. ကိးမုၢ်နၤဒဲးယလီၢ်မံအံၤဘၣ်စီၣ်ဘၣ်သ့လၢ ယတၢ်ဟီၣ်တၢ်ယၢၤအဃိ, ဒီးယခိၣ်တခၢၣ်ဘၣ်စီၣ်ဒီဖျၢၣ်ညါလၢ ယမဲာ်ထံမဲာ်နိန့ၣ်လီၤ.

စံးထီၣ်ပတြၢၤ 6:7

ယမဲာ်ချံအဂံၢ်အဘါစၢ်လီၤဝဲ လၢယတၢ်ကိၢ်တၢ်ဂီၤအဃိ, ဒီးအတၢ်ထံၣ်တဆှံလၢၤဘၣ် လၢ ယဒုၣ်ယဒါခဲလၢာ်အဃိလီၤ.

စံးထီၣ်ပတြၢၤ 89:47

ယွၤဧၢ, ယဆၢကတီၢ်ဖုၣ်ဆံးဒိၣ်လဲၣ်န့ၣ် သ့ၣ်နီၣ်ထီၣ်တက့ၢ်. ဒီးနတ့လီၤပှၤကညီဖိလၢအသံသ့န့ၣ် သ့ၣ်နီၣ်ထီၣ်တက့ၢ်.

စံးထီၣ်ပတြၢၤ 89:50

ယွၤဧၢ, သ့ၣ်နီၣ်ထီၣ်က့ၤနခ့နပှၤဘၣ်တၢ်ဒုၣ်ဒွဲၣ်ဒ်လဲၣ်, ဒီးယစိာ်ပှၤအါကလုာ်အတၢ်ဒုၣ်ဒွဲၣ်လၢ ယသးနါပှၢ်အပူၤဒ်လဲၣ်န့ၣ်တက့ၢ်.

လံာ်ယၡါယၤ 38:14

ယကလုၢ်သီၣ်ကသွံဒံဒီးစၢ်ဝဲလီၤ. ယကအုဒ်ထိၣ်လွံၢ်အသိးလီၤ. ယမဲာ်ချံလီၤဘှံးဝဲလၢယကွၢ်ထီၣ်တၢ်ဆူမူခိၣ်အဃိလီၤ. ယွၤဧၢ, မၤပူၤမၤဖျဲးယၤလၢကယဲၢ်တၢ်ကီတၢ်ခဲတဖၣ်အံၤတက့ၢ်.

လံာ်ယၡါယၤ 63:11

အန့ၣ်တစု, အဝဲသ့ၣ်သ့ၣ်နီၣ်ထီၣ်က့ၤတၢ်လၢအပူၤကွံာ်, မုၢ်နံၤတဖၣ်လၢယွၤအခ့အပှၤစီၤမိၤၡ့အစိၤဒီးအဝဲသ့ၣ်သံကွၢ်တၢ်, “ယွၤလၢအအုၣ်က့ၤခီၣ်က့ၤအပှၤဂီၢ်မုၢ် အခိၣ်အနၢ်တဖၣ်လၢပီၣ်လဲၣ်ပူၤန့ၣ်, ခဲအံၤအိၣ်ဖဲလဲၣ်. ယွၤလၢအဟ့ၣ်လီၤစီၤမိၤၡ့လၢအသးဒၣ်ဝဲန့ၣ်, အိၣ်ဖဲလဲၣ်.

လံာ်ယံးရမံယၤ 4:2

ကမ့ၢ်တၢ်အတီအဘၣ်လၢသုဂီၢ်လၢသုကဆိၣ်တၢ်လၢယမံၤအပူၤ န့ၣ်လီၤ. အန့ၣ်ဒီး, ပှၤကလုာ်တဖၣ်ခဲလၢာ်ကမၢယဆိၣ်ဂ့ၤ အဝဲသ့ၣ်ဒီးအဝဲသ့ၣ်ကစံးထီၣ်ပတြၢၤယၤလီၤ.”

လံာ်ဧၤမိၣ် 5:4

ယွၤစံးဘၣ်ကီၢ်အံၣ်စရ့လးအပှၤဂီၢ်မုၢ်, ဃုယၤတက့ၢ်, ဒီးသုကမူလီၤ.

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

လံာ်ယိၤဟၣ် 1:47

ဖဲယ့ၣ်ၡူးထံၣ်စီၤနၤသန့လးဟဲဆူအအိၣ်ဒီး အဝဲကတိၤတၢ်လၢအဂ့ၢ်ဒီးစံးဝဲ, “အဝဲမ့ၢ်ပှၤအံၣ်စရ့လးဖိနီၢ်နီၢ် တဂၤလၢတၢ်လီတၢ်ဝ့ၤတအိၣ်ဘၣ်လၢအပူၤန့ၣ်လီၤ.”

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.