လံာ်စီၤပၤခံဘ့ၣ်တဘ့ၣ် 20:14 - Sgaw Karen Common Bible

¹⁴ တုၤနုၤတစုဝံယၡါယၤလဲၤဆူစီၤပၤဃံးစကံယၤအအိၣ်ဒီးသံ ကွၢ်အီၤ, “ပှၤတဖၣ်အံၤဟဲလၢလဲၣ်ခီလဲၣ်ဒီးအဝဲသ့ၣ်စံးဘၣ်နၤတၢ်မနုၤ လဲၣ်.” စီၤဃံးစကံယၤစံးဆၢဝဲဒၣ်, “အဝဲသ့ၣ်ဟဲဝဲလၢထံကီၢ်လၢ အယံၤမးတဘ့ၣ်လၢအမ့ၢ်ကီၢ်ဘၤဘူၤလိၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 20:14 Iomraidhean Croise

လံာ်စီၤပၤခံဘ့ၣ်တဘ့ၣ် 20:13

စီၤဃံးစကံယၤတူၢ်လိာ်မုာ်ပှၤစိာ်တၢ်ကစီၣ်တဖၣ်န့ၣ်ဒီးဒုး နဲၣ်အဝဲသ့ၣ်လၢအဝဲအတၢ်ထူးတၢ်တီၤလၢအမ့ၢ်, အဝဲအစ့ဒီးအထူ, အတၢ်နၢမူနၢဆှီတဖၣ်ဒီးထံနၢမူတဖၣ်ဒီး ကယဲၢ်အဝဲအသုးအစုကဝဲၤပီးလီတဖၣ်န့ၣ်လီၤ. လၢအဝဲအတၢ်ပာ်ဖှိၣ်အဒၢးတဖၣ်အပူၤမ့ၢ်ဂ့ၤ, လၢအဝဲအဘီအမုၢ်တပူၤလၢ်လၢ်မ့ၢ်ဂ့ၤန့ၣ်, တၢ်လၢအဝဲ တဒုးနဲၣ်အဝဲသ့ၣ်, တအိၣ်ဘၣ်နီတမံၤဘၣ်.

လံာ်စီၤပၤခံဘ့ၣ်တဘ့ၣ် 20:15

“အဝဲသ့ၣ်ထံၣ်ဘၣ်တၢ်မနုၤလၢနူၢ်ဧိၤစီၤဧိၤအပူၤလဲၣ်.” “အဝဲသ့ၣ်ထံၣ်ဘၣ်တၢ်ခဲလၢာ်လီၤ. တၢ်လၢယတဒုးနဲၣ်ဘၣ်အဝဲသ့ၣ် လၢတၢ်ပာ်ဖှိၣ်အဒၢးတဖၣ်အပူၤန့ၣ်တအိၣ်နီတမံၤဘၣ်.”

စံးထီၣ်ပတြၢၤ 141:5

မ်ပှၤအတီအလိၤတီၢ်ယၤ မ့တမ့ၢ်သိၣ်ဃီၣ်ယၤလၢ တၢ်သးကညီၤအပူၤန့ၣ်တက့ၢ်. မ်ပှၤအအၢအသီအသိအသုတဘၣ်တၢ်ဖှူအီၤလၢ ယခိၣ်နီတဘျီတဂ့ၤ. အဂ့ၢ်ဒ်အံၤ, ယထုကဖၣ်တၢ်ထီဒါ အတၢ်အၢတၢ်သီတဘိယူၢ်ဃီန့ၣ်လီၤ.

တၢ်ကတိၤဒိ. 25:12

ပှၤလၢအတၢ်လဲၤခီဖျိအါတဂၤအတၢ်ဟ့ၣ်ပလီၢ်တထံၣ်ဆူ ပှၤတဂၤဂၤလၢအသးအိၣ်ဒိကနၣ်အီၤန့ၣ်, လုၢ်ဒိၣ်ပှ့ၤဒိၣ်အါန့ၢ်ဒံးပသံးထူတဖၣ်မ့ၢ်ဂ့ၤ, တၢ်ကယၢကယဲ လၢအဘၣ်တၢ်မၤအီၤလၢထူစီမ့ၢ်ဂ့ၤတက့ၢ်န့ၣ်လီၤ.

လံာ်ယၡါယၤ 13:5

အဝဲသ့ၣ်ဟဲဝဲလၢထံကီၢ်အယံၤတဖၣ်လၢဟီၣ်ခိၣ်အကတၢၢ်လီၤ. လၢအတၢ်သးကဲၤထီၣ်အပူၤ, ယွၤဟဲလၢကမၤဟးဂီၤဝဲ ထံကီၢ်ဒီဘ့ၣ်လီၤ.

လံာ်ယဃ့းစက့လး 23:23

ယကဟဲကိးကယဲၢ်ပှၤဘၤဘူၤလိၣ်ဖိတဖၣ်ဒီးပှၤက့ၤစ့းဖိတဖၣ်, ပှၤပိာ်ခွါတဖၣ်လၢပကိး, ၡိအၤဒီးကိအၤဒီးကယဲၢ်ပှၤအၤၡူၢ် ဖိခဲလၢာ်န့ၣ်လီၤ. ယကပာ်ဖှိၣ်ထီၣ်ကယဲၢ်တူၢ်ဒိၣ်ကီၤဒိၣ်သးစၢ်ခွါလၢအက့ၢ်ဘၣ်ဂီၤ ဂ့ၤခဲလၢာ်ဒီးပဒိၣ်ပပှၢ်တဖၣ်, ကယဲၢ်ပှၤကိးဂၤဒဲးလၢအမ့ၢ်ပှၤခိၣ်ပှၤနၢ်အကါဒိၣ်တဖၣ်ဒီးပှၤ ဒိးကသ့ၣ်ဒုးသုးအခိၣ်တဖၣ်လၢအအိၣ်ဒီးလီၢ်ဒိၣ်လၤထီန့ၣ်လီၤ.

လံာ်တၢ်ဂံၢ် 22:9

ကစၢ်ယွၤဟဲဆူစီၤဘံးလၣ်အအိၣ်ဒီးသံကွၢ်အီၤ, “ပှၤလၢအအိၣ်သကိးဒီးနၤတဖၣ်အံၤမ့ၢ်မတၤတဖၣ်လဲၣ်.”

လံာ်သိၣ်လီၤသီလီၤတၢ် 28:49

ယွၤကဟဲစိာ်ပှၤကလုာ်တကလုာ်လၢဟီၣ်ခိၣ်အကတၢၢ်တခီလၢကထီဒါသု, ပှၤကလုာ်တကလုာ်လၢသုတသ့ၣ်ညါဘၣ်အကျိာ်န့ၣ်လီၤ. ဒ်လံာ်ကြီကြာ်တဘ့ၣ်အသိး, အဝဲသ့ၣ်ကဟဲသဖှိဃီၤဖီၣ်စှီၤန့ၢ်သုန့ၣ်လီၤ.

လံာ်စီၤယိၤၡူ 9:6

ဝံၤဒီးအဝဲသ့ၣ်လဲၤဝဲဆူသူၣ်ဒဲ အလီၢ်လၢဝ့ၢ်ကံးလကၤလးဒီးစံးဘၣ်စီၤယိၤၡူဒီးပှၤအံၣ်စရ့လးဖိတဖၣ်, “ပဟဲလၢကီၢ်လၢအယံၤတဘ့ၣ်လီၤ. ပအဲၣ်ဒိးလၢနကမၤတၢ်အၢၣ်လီၤအီ လီၤဒီးပှၤလီၤ.”

လံာ်စီၤယိၤၡူ 9:9

အဝဲသ့ၣ်စံးဘၣ်အီၤ, “ပဝဲနခ့နပှၤတဖၣ်အံၤပဟဲလၢထံကီၢ်လၢအယံၤတဘ့ၣ်, မ့ၢ်လၢပနၢ်ဟူဘၣ်ယွၤနကစၢ်အဂ့ၢ်အဃိလီၤ. ပနၢ်ဟူဘၣ်တၢ်ခဲလၢာ်လၢအဝဲမၤဝဲလၢကီၢ်အဲၤကူပတူး အပူၤ,