လံာ်စီၤပၤခံဘ့ၣ်တဘ့ၣ် 20:13 - Sgaw Karen Common Bible

¹³ စီၤဃံးစကံယၤတူၢ်လိာ်မုာ်ပှၤစိာ်တၢ်ကစီၣ်တဖၣ်န့ၣ်ဒီးဒုး နဲၣ်အဝဲသ့ၣ်လၢအဝဲအတၢ်ထူးတၢ်တီၤလၢအမ့ၢ်, အဝဲအစ့ဒီးအထူ, အတၢ်နၢမူနၢဆှီတဖၣ်ဒီးထံနၢမူတဖၣ်ဒီး ကယဲၢ်အဝဲအသုးအစုကဝဲၤပီးလီတဖၣ်န့ၣ်လီၤ. လၢအဝဲအတၢ်ပာ်ဖှိၣ်အဒၢးတဖၣ်အပူၤမ့ၢ်ဂ့ၤ, လၢအဝဲအဘီအမုၢ်တပူၤလၢ်လၢ်မ့ၢ်ဂ့ၤန့ၣ်, တၢ်လၢအဝဲ တဒုးနဲၣ်အဝဲသ့ၣ်, တအိၣ်ဘၣ်နီတမံၤဘၣ်.

လံာ်စီၤပၤခံဘ့ၣ်တဘ့ၣ် 20:13 Iomraidhean Croise

လံာ်စီၤပၤအခီၣ်ထံးတဘ့ၣ် 10:10

အဝဲဟ့ၣ်လီၤစီၤပၤၡလိၤမိၤလၢတၢ်ဟ့ၣ်ကနၢၤတဖၣ်လၢအဝဲဟဲစိာ် ဝဲန့ၣ်လီၤ. တၢ်တဖၣ်န့ၣ်မ့ၢ်ဝဲထူလီၤတယၢၢ်အကံကၢ်တကယၤခံဆံ, ဒီးတၢ်နၢမူတဖၣ်ဒီးတၢ်မျၢ်တဖၣ်အါအါကလဲာ်န့ၣ်လီၤ. တၢ်နၢမူအါအါဂီၢ်ဂီၢ်လၢအဝဲဟ့ၣ်စီၤၡလိၤမိၤန့ၣ်, မ့ၢ်တၢ်ဟ့ၣ်အဒိၣ်အအါကတၢၢ်လၢစီၤၡလိၤမိၤဒိးန့ၢ်ဘၣ်တ့ၢ်အီၤ တဖၣ်တဘျီဘၣ်တဘျီအကျါန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:15

လၢတၢ်ခိတၢ်သွဲတဖၣ်လၢအဘၣ်တၢ်ဟ့ၣ်အီၤလၢပှၤကူၣ်တၢ်ကၤတၢ်တ ဖၣ်, လၢတၢ်မၤကူၣ်မၤကၤအတၢ်အါထီၣ်တဖၣ်ဒီးတၢ်ခိတၢ်သွဲတဖၣ်လၢ အဘၣ်တၢ်ဟ့ၣ်အီၤလၢပှၤဧ့ရ့းဖိအစီၤပၤတဖၣ်ဒီးပှၤအံၣ်စရ့လး ဖိအလီၢ်ကဝီၤတဖၣ်အပဒိၣ်ပပှၢ်တဖၣ်အမဲာ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:2

အဝဲဟဲကိးဃုာ်အတၢ်ခ့တၢ်ပှၤအါအါဂီၢ်ဂီၢ်ဃုာ်ဒီးကီၤလၤအူး တဖၣ်လၢတၢ်ပဒၢးအီၤဒီးတၢ်နၢမူတဖၣ်, တၢ်မျၢ်ပလဲတဖၣ်ဒီးထူအါအါဂီၢ်ဂီၢ်န့ၣ်လီၤ. တုၤအဝဲဒီးစီၤၡလိၤမိၤထံၣ်လိာ်အသးန့ၣ်, အဝဲသံကွၢ်အီၤ, ကယဲၢ်တၢ်သံကွၢ်လၢအဆိကမိၣ်ထီၣ်ဝဲသ့တဖၣ်ခဲလၢာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:25

ကယဲၢ်ပှၤလၢအဟဲတဂၤလၢ်လၢ်န့ၣ်ဟဲစိာ်န့ၢ်အီၤတၢ်ဟ့ၣ်တမံၤမံၤ, လၢအမ့ၢ်ဝဲ, တၢ်ပီးတၢ်လီတဖၣ်လၢအမ့ၢ်စ့မ့တမ့ၢ်ထူ, ဆ့ကၤဖးထီတဖၣ်, တၢ်စုကဝဲၤတဖၣ်, တၢ်နၢမူနၢဆှီတဖၣ်, ကသ့ၣ်တဖၣ်ဒီးကသ့ၣ်လၤတဖၣ်န့ၣ်လီၤ. တၢ်အံၤမၤထွဲအသးတနံၣ်ဝံၤတနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 20:14

တုၤနုၤတစုဝံယၡါယၤလဲၤဆူစီၤပၤဃံးစကံယၤအအိၣ်ဒီးသံ ကွၢ်အီၤ, “ပှၤတဖၣ်အံၤဟဲလၢလဲၣ်ခီလဲၣ်ဒီးအဝဲသ့ၣ်စံးဘၣ်နၤတၢ်မနုၤ လဲၣ်.” စီၤဃံးစကံယၤစံးဆၢဝဲဒၣ်, “အဝဲသ့ၣ်ဟဲဝဲလၢထံကီၢ်လၢ အယံၤမးတဘ့ၣ်လၢအမ့ၢ်ကီၢ်ဘၤဘူၤလိၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 20:15

“အဝဲသ့ၣ်ထံၣ်ဘၣ်တၢ်မနုၤလၢနူၢ်ဧိၤစီၤဧိၤအပူၤလဲၣ်.” “အဝဲသ့ၣ်ထံၣ်ဘၣ်တၢ်ခဲလၢာ်လီၤ. တၢ်လၢယတဒုးနဲၣ်ဘၣ်အဝဲသ့ၣ် လၢတၢ်ပာ်ဖှိၣ်အဒၢးတဖၣ်အပူၤန့ၣ်တအိၣ်နီတမံၤဘၣ်.”

စံးထီၣ်ပတြၢၤ 62:11

ယနၢ်ဟူတ့ၢ်အါန့ၢ်တဘျီလၢ ကစၢ်ယွၤစံးဝဲလၢ တၢ်စိတၢ်ကမီၤမ့ၢ် အတၢ်န့ၣ်လီၤ.

တၢ်ကတိၤဒိ. 23:5

နကျိၣ်ဧိၤစ့ဧိၤကလီၤမၢ်ကွံာ်လၢတဖျးမဲာ်အတီၢ်ပူၤ, ဒီးကမၤအသးဒ်အဒံးတဖၣ်အိၣ်ထီၣ်ဝဲဒီးယူၤထီၣ်ကွံာ်ဝဲဒ်လံာ် ကြီကြာ်တဘ့ၣ်အသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:20

လၢဟီၣ်ခိၣ်ချၢအံၤပှၤလၢအမၤတၢ်အဘၣ်ထီဘိဒီးတမၤကမၣ်တၢ်နီ တစု, တအိၣ်ဝဲနီတဂၤဘၣ်.

လံာ်ယၡါယၤ 39:2

စီၤပၤဃံးစကံယၤတူၢ်လိာ်မုာ်ပှၤဟဲစိာ်တၢ်ကစီၣ်တဖၣ်ဒီးဒုး နဲၣ်အဝဲသ့ၣ်လၢအတၢ်ထူးတၢ်တီၤ, အထူဒီးအစ့တဖၣ်, အတၢ်နၢမူဒီးအသိနၢမူလုၢ်ဒိၣ်ပှ့ၤဒိၣ်တဖၣ်, ဒီးအတၢ်ဒုးသုးအပီးအလီခဲလၢာ်န့ၣ်လီၤ. တၢ်လၢအဝဲတဒုးနဲၣ် အဝဲသ့ၣ်လၢအတၢ်ပာ်ဖှိၣ်အလီၢ်တဖၣ်အပူၤမ့ၢ်ဂ့ၤလၢအဘီအမုၢ် အလီၢ်တပူၤပူၤမ့ၢ်ဂ့ၤန့ၣ်, တအိၣ်နီတမံၤဘၣ်.

လံာ်ယံးရမံယၤ 9:22

ပှၤသံစိၣ်တဖၣ်အိၣ်လီၤပြံလီၤပြါလၢတၢ်လီၢ်ကိးပူၤဒဲး, လီၤဂာ်ဒီးတၢ်အ့ၣ်တၢ်ဆံၣ်အပူၣ်တဖၣ် လၢစံာ်ဧိၤပှဲၤဧိၤအပူၤ, လီၤဂာ်ဒီးဘုခ့လၢတၢ်ကူးဒီးပာ်လီၤတ့ၢ်အီၤလၢ ပှၤကူးတၢ်ဖိတဖၣ်, ဘုခ့လၢပှၤတထၢဖှိၣ်အီၤနီတဂၤဘၣ်န့ၣ်လီၤ. အအံၤမ့ၢ်တၢ်လၢယွၤမၤတ့ၢ်ယၤလၢယကဘၣ် စံးဘၣ်တဲဘၣ်န့ၣ်လီၤ.”