လံာ်စီၤပၤခံဘ့ၣ်တဘ့ၣ် 20:10 - Sgaw Karen Common Bible

¹⁰ စီၤဃံးစကံယၤစံးဆၢဝဲဒၣ်, “တၢ်ဒုးလဲၤတၢ်ကဒုဆူညါအတီၤ တဆံန့ၣ်တကီဘၣ်. မ်အက့ၤကဒါက့ၤအတီၤတဆံတက့ၢ်.”

လံာ်စီၤပၤခံဘ့ၣ်တဘ့ၣ် 20:10 Iomraidhean Croise

လံာ်စီၤပၤခံဘ့ၣ်တဘ့ၣ် 2:10

စီၤအ့ၤလံယၤစံးဆၢဝဲဒၣ်, “တၢ်အံၤမ့ၢ်တၢ်သကွံၢ်ကညးအကီ တမံၤလၢယကဟ့ၣ်နၤအဂီၢ်န့ၣ်လီၤ. ဘၣ်ဆၣ်ဖဲယဘၣ်တၢ်စိာ်ထီၣ်ကွံာ်ယၤလၢနအိၣ်န့ၣ်, နမ့ၢ်ထံၣ်ယၤဒီးနကဒိးန့ၢ်ဘၣ်အီၤလီၤ. နမ့ၢ်တထံၣ်ယၤဘၣ်ဒီး နတဒိးန့ၢ်ဘၣ်အီၤဘၣ်.”

လံာ်စီၤပၤခံဘ့ၣ်တဘ့ၣ် 20:11

စီၤယၡါယၤဃ့ဘါထုကဖၣ်တၢ်ဆူယွၤ, ဒီးယွၤဒုးက့ၤကဒါက့ၤ တၢ်ကဒုအတီၤတဆံလၢမုၢ်အနၣ်ရံၣ်လၢစီၤပၤအၤဃးမၤထီၣ်တ့ၢ် အီၤအလိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 20:9

စီၤယၡါယၤစံးဆၢဝဲဒၣ်, “ယွၤကစၢ်, ကဟ့ၣ်နၤတၢ်ပနီၣ်တမံၤ လၢကအုၣ်အသးလၢအဝဲကဟံးဃာ်အတၢ်အၢၣ်လီၤန့ၣ်လီၤ. ခဲအံၤ, မ့ၢ်နကအဲၣ်ဒိးလၢတၢ်ကဒုလၢမုၢ်အနၣ်ရံၣ်အလိၤကလဲၤဆူ ညါအတီၤတဆံဧါမ့တမ့ၢ်ကဘၣ်က့ၤကဒါက့ၤအတီၤတဆံဧါ.”

လံာ်စီၤပၤခံဘ့ၣ်တဘ့ၣ် 3:18

ဒီးစီၤအလံၤၡါစံးအါထီၣ်ဝဲ, “ဘၣ်ဆၣ်တၢ်အံၤမ့ၢ်တၢ်အညီ ကဒၣ်တမံၤလၢယွၤအဂီၢ်လၢကမၤဝဲန့ၣ်လီၤ. အဝဲကဟ့ၣ်လီၤစ့ၢ်ကီးသုတၢ်မၤနၢၤလၢပှၤမိၤအးဖိအဖီခိၣ်န့ၣ်လီၤ.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယိၤဟၣ် 14:12

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအစူၢ်က့ၤနာ်က့ၤယၤန့ၣ် တၢ်မၤလၢယမၤန့ၣ်ကမၤဝဲဒီး, ကမၤတၢ်ဒိၣ်န့ၢ်တၢ်တဖၣ်အံၤ တက့ၢ်, မ့ၢ်လၢယကက့ၤဆူပၢ်အအိၣ်အဃိန့ၣ်လီၤ.

လံာ်စီၤယိၤၡူ 10:12

မုၢ်တနံၤလၢယွၤဟ့ၣ်ပှၤအံၣ်စရ့လးဖိ တၢ်မၤနၢၤလၢပှၤအမိၢ်ဖိအဖီခိၣ်န့ၣ်, စီၤယိၤ ၡူကတိၤတၢ်ဒီးယွၤလၢပှၤအံၣ်စရ့လးဖိတဖၣ်အမဲာ်ညါဒီးစံးဝဲ, “မုၢ်ဧၢ, အိၣ်ဂၢၢ်တပၢၢ်လၢဝ့ၢ်ကံးဘိၣ်အဖီခိၣ်ဒီးလါဧၢ, အိၣ်ကတီၢ်လၢအးယၤလိၣ်အကစၢၢ်ကဆူးအဖီခိၣ်န့ၣ်တက့ၢ်.”

လံာ်စီၤယိၤၡူ 10:13

ဒီးမုၢ်န့ၣ်အိၣ်ဂၢၢ်တပၢၢ်ဒီးလါန့ၣ်အိၣ်ကတီၢ်ဝဲ တုၤလီၤလၢပှၤဂီၢ်မုၢ်မၤနၢၤကွံာ်အဒုၣ်အဒါတဖၣ်န့ၣ်လီၤ. တၢ်ဂ့ၢ်အံၤကွဲးအသးလၢလံာ်ယၤၡၣ်အပူၤလၢမုၢ်န့ၣ် ဆၢထၢၣ်ဂၢၢ်တပၢၢ်လၢမူခိၣ်အသးကံၢ်ပူၤဒီးဒီနံၤညါန့ၣ် တလီၤနုာ်ဝဲဘၣ်.