လံာ်စီၤပၤခံဘ့ၣ်တဘ့ၣ် 20:1 - Sgaw Karen Common Bible

¹ ဖဲတၢ်ဆၢကတီၢ်အပူၤအတ့ၤအံၤ, စီၤပၤဃံးစကံယၤဆါထီၣ်ဝဲ ဒီးဘူးတ့ၢ်မးလၢအကသံန့ၣ်လီၤ. စီၤအၤမိာ်အဖိခွါဝံယၡါယၤလဲၤဆူအအိၣ်ဒီးစံးဘၣ်အီၤ, “ယွၤတဲဘၣ်နၤလၢနကဘၣ်သုးကျဲၤပာ်တၢ်ခဲလၢာ်ဘၣ်လီၢ်ဘၣ်စး, မ့ၢ်လၢနတဘျါက့ၤလၢၤဘၣ်အဃိလီၤ. အိၣ်ကတဲာ်ကတီၤနသးလၢနကသံအဂီၢ်န့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 20:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:23

ဖဲစီၤအဃံသဖ့ၤလးထံၣ်သ့ၣ်ညါဝဲလၢအတၢ်ဟ့ၣ်ကူၣ်တဘၣ်တၢ်မၤ ထွဲအီၤန့ၣ်, အဝဲဂီၤကၢ်ထီၣ်အကသ့ၣ်ယီၤဒီးက့ၤကဒါက့ၤဆူအဝ့ၢ်ဒၣ်ဝဲန့ၣ်လီၤ. တုၤအဝဲကျဲၤလီၤအဟံၣ်အဃီ အဂ့ၢ်အကျိၤဘၣ်ဘၣ်ဝံၤအလီၢ်ခံန့ၣ်, အဝဲစၢသံလီၤက့ၤအသးန့ၣ် လီၤ. အဝဲဘၣ်တၢ်ခူၣ်လီၤကွံာ်အီၤဖဲအဒူၣ်ဖိထၢဖိအသွၣ်ခိၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 1:16

ဒီးစံးဘၣ်အီၤ, “အအံၤမ့ၢ်တၢ်လၢယွၤစံးဝဲလီၤ. မ့ၢ်လၢနဆှၢလီၤပှၤစိာ်တၢ်ကစီၣ်တဖၣ်ဆူပှၤဧ့ကြိၣ်ဖိအကစၢ်ဘဧၤ လးစဘူာ်အအိၣ်လၢကဃ့တၢ်ဟ့ၣ်ကူၣ်အဃိ, တၢ်မၤအသးဒ်သိးကစၢ်တအိၣ်နီတဂၤလၢကီၢ်အံၣ်စရ့လးအပူၤလၢ နကဃ့တၢ်ဟ့ၣ်ကူၣ်ဘၣ်လီၤ. အဃိဒီးနတဘျါက့ၤဘၣ်. နကသံလီၤ.”

လံာ်စီၤပၤခံဘ့ၣ်တဘ့ၣ် 1:4

တဲဘၣ်စီၤပၤလၢယွၤစံးဝဲဒ်အံၤ, နတဘျါက့ၤလၢနတၢ်ဘၣ်ဒိ ဘၣ်ထံးန့ၣ်ဘၣ်. နကသံလီၤ.” စီၤအ့ၤလံယၤမၤတ့ၢ်ဝဲဒ်ယွၤမၤလိာ်အီၤအသိး,

လံာ်စီၤပၤခံဘ့ၣ်တဘ့ၣ် 19:2

အဝဲမၢလီၤပှၤကွၢ်ထွဲနူၢ်ဧိၤစီၤဧိၤအခိၣ်စီၤအ့ၤလယါကံၣ်, ကွီၢ်ဘျီၣ်အပှၤကွဲးလံာ်ဒိၣ်စီၤၡ့ၤဘနၤဒီးပှၤလုၢ်တၢ်အခိၣ် အဒိၣ်တဖၣ်ဒ်သိးကလဲၤဆူစီၤအၤမိးအဖိခွါဝံယၡါယၤအအိၣ်န့ၣ် လီၤ. အဝဲသ့ၣ်စ့ၢ်ကီးကူသိးဝဲထၢၣ်တၢ်ကံးညာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:20

အန့ၣ်ဝံၤဒီးစီၤယၡါယၤဆှၢလီၤတၢ်ကစီၣ်တမံၤတဲဘၣ်စီၤပၤ ဃံးစကံယၤလၢ, လၢတၢ်စံးဆၢစီၤပၤအတၢ်ထုကဖၣ်အဂီၢ်န့ၣ်,

လံာ်စီၤပၤခံဘ့ၣ်တဘ့ၣ် 20:2

စီၤဃံးစကံယၤဃၣ်ဃီၤအမဲာ်ဆူတၢ်ဒူၣ်ဒီးဘါထုကဖၣ်ယွၤ, စံးဝဲဒၣ်,

လံာ်သိၣ်လီၤသီလီၤတၢ် 31:14

အန့ၣ်ဝံၤဒီးယွၤစံးဘၣ်စီၤမိၤၡ့, “နတအိၣ်မူဘၣ်ယံာ်ယံာ်လၢၤဘၣ်. ဟဲကိးစီၤယိၤၡူဆူယွၤအဒဲစီဆှံ, လၢယကဟ့ၣ်လီၤအီၤအတၢ် သိၣ်လိနဲၣ်ယုၤတဖၣ်အဂီၢ်တက့ၢ်.” စီၤမိၤၡ့ဒီးစီၤယိၤၡူလဲၤဃီၤဆူဒဲစီဆှံ,

လံာ်သိၣ်လီၤသီလီၤတၢ် 31:16

ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.

ဖံလံးပံၤ 2:27

အဝဲအိၣ်တဆူၣ်နီၢ်နီၢ်ဒီးဘူးတ့ၢ်မးလၢအကသံလီၤ. ဘၣ်ဆၣ်ဒီးကစၢ်ယွၤသးကညီၤဒံးအီၤ, ဒီးတမ့ၢ်ထဲအဝဲဘၣ်, မ့မ့ၢ်တခီသးကညီၤစ့ၢ်ကီးယၤ, ဒီးဒုးပူၤဖျဲးယၤလၢတၢ်သးအုးလၢအဒိၣ်ဒံးတက့ၢ်န့ၣ်လီၤ.

ဖံလံးပံၤ 2:30

အဂ့ၢ်ဒ်အံၤ, ဒ်သိးအကဟ့ၣ်ယၤတၢ်မၤစၢၤလၢသုနီၢ်ကစၢ်ဒၣ်ဝဲသုဟ့ၣ်ယၤ တသ့န့ၣ်, အဝဲဒၣ်ကွၢ်ဆၢၣ်မဲာ်တၢ်သံခ့သံပှၤဒီးဘူးတ့ၢ်မးလၢ အကသံဝဲလၢခရံာ်အတၢ်ဖံးတၢ်မၤအဂီၢ်န့ၣ်လီၤ.