လံာ်စီၤပၤခံဘ့ၣ်တဘ့ၣ် 2:9 - Sgaw Karen Common Bible

⁹ ဖဲန့ၣ်စီၤအ့ၤလံယၤစံးဘၣ်စီၤအလံၤၡါ, “တချုးလၢယဘၣ်တၢ် စိာ်ထီၣ်ကွံာ်ဒံးယၤန့ၣ်, တဲယၤတၢ်လၢယကဘၣ်မၤလၢနဂီၢ်န့ၣ်တ က့ၢ်.” စီၤအလံၤၡါစံးဆၢဝဲဒၣ်, “မ်နသးအတၢ်စိတၢ်ကမီၤခံစး ကလီၤဘၣ်လၢယလိၤတက့ၢ်.”

လံာ်စီၤပၤခံဘ့ၣ်တဘ့ၣ် 2:9 Iomraidhean Croise

လံာ်စီၤပၤအခီၣ်ထံးတဘ့ၣ် 19:16

ဖှူစီၤနံၣ်ၡံၤအဖိခွါစီၤယ့ၤဟူဒ်ကီၢ်အံၣ်စရ့လးအစီၤပၤ ဒီးစီၤၡၤဖးလၢဝ့ၢ်အၤဘ့လးမဃိလံၤအဖိခွါစီၤအလံၤၡါဒ် သိးကကဲထီၣ်ဝံတဂၤလၢနလီၢ်တက့ၢ်.

လံာ်စီၤပၤအခီၣ်ထံးတဘ့ၣ် 3:9

လၢတၢ်န့ၣ်အဃိဟ့ၣ်လီၤယၤတၢ်ကူၣ်သ့လၢယလိၣ်ဘၣ်အီၤဒ်သိး ယကပၢနပှၤဂီၢ်မုၢ်လၢတၢ်စံၣ်ညီၣ်တီအပူၤဒီးယကသ့ၣ်ညါနီၤဖးတၢ်ဂ့ၤ ဒီးတၢ်အၢအဆၢန့ၣ်တက့ၢ်. မ့တမ့ၢ်ဘၣ်ဒ်န့ၣ်ဒီးယပၢနပှၤဂီၢ်မုၢ်ဖးဒိၣ်အံၤကသ့ဝဲတစုစုဒ်လဲၣ်.”

စံးထီၣ်ပတြၢၤ 72:1

ကစၢ်ယွၤဧၢ, ဟ့ၣ်လီၤနတၢ်စံၣ်ညီၣ်ဆူစီၤပၤ, ဒီးနတၢ်တီတၢ်လိၤဆူစီၤပၤအဖိခွါတက့ၢ်.

စံးထီၣ်ပတြၢၤ 72:20

စီၤယံးၡဲအဖိခွါစီၤဒၤဝံးအတၢ်ထုကဖၣ်န့ၣ်ဝံၤလံ.

လံာ်စကၤရယၤ 12:8

ဖဲအဆၢကတီၢ်အဝဲန့ၣ်, ယွၤကဒီဒၣ်အိၣ်ပှိၤပှၤလၢအအိၣ်လၢဝ့ၢ်ယရူၤၡလ့ၣ်အပူၤ, ဒီးပှၤလၢအဂံၢ်စၢ်ဘါစၢ်ကတၢၢ်လၢအဝဲသ့ၣ်အကျါတဖၣ်ဒၣ်လဲာ် န့ၣ်ကကဲထီၣ်ပှၤလၢအဂံၢ်ဆူၣ်ဘါဆူၣ်ဒ်စီၤဒၤဝံးမ့ၢ်တ့ၢ်အသိး န့ၣ်လီၤ. ဒီးစီၤဒၤဝံးအစၢၤအသွဲၣ်တဖၣ်ကဆှၢအဝဲသ့ၣ်ဒ်ယွၤ အကလူးအသိး, ဒီးဒ်ကစၢ်ယွၤအနီၢ်ကစၢ်ဒၣ်ဝဲအသိးန့ၣ်လီၤ.

လံာ်စကၤရယၤ 9:12

က့ၤကဒါက့ၤ, သုဝဲပှၤကဲကုၢ်ဖိလၢခဲအံၤ အိၣ်ဒီးတၢ်မုၢ်လၢ်သ့ၣ်ဧၢ, က့ၤကဒါက့ၤဆူ သုတၢ်ပူၤဖျဲးအလီၢ်န့ၣ်တက့ၢ်. ခဲကနံၣ်အံၤယစံးဘၣ်တဲဘၣ်သု, ယကဟ့ၣ်ကဒါက့ၤသုတၢ်ခံစး လၢအမ့ၢ်တၢ်ဆိၣ်ဂ့ၤလၢကယဲၢ်တၢ်လၢ သုတူၢ်ဘၣ်တ့ၢ်လံအဂီၢ်န့ၣ်လီၤ.

လံာ်တၢ်ဂံၢ် 11:17

ယကဟဲလီၤဒီးကတိၤတၢ်ဒီးနၤဖဲန့ၣ်ဒီးယကဟံးန့ၢ်သးလၢယဟ့ၣ် လီၤတ့ၢ်နၤတနီၤဒီးဟ့ၣ်လီၤအီၤဆူအဝဲသ့ၣ်အအိၣ်န့ၣ်လီၤ. အန့ၣ်ဒီးအဝဲသ့ၣ်ကမၤစၢၤနၤလၢတၢ်စိာ်ထီၣ်မူဒါလၢပှၤဂီၢ် မုၢ်တဖၣ်အံၤအဂီၢ်, ဒီးနတဝံဘၣ်ယိးဘၣ်ထဲတဂၤဧိၤလၢၤဘၣ်.

လံာ်တၢ်ဂံၢ် 11:25

တုၤနုၤတစုယွၤဟဲလီၤဝဲလၢတၢ်အၢၣ်အပူၤဒီးကတိၤဃီၤတၢ်ဆူ အအိၣ်လီၤ. ယွၤဟံးန့ၢ်သးလၢအဟ့ၣ်လီၤတ့ၢ်စီၤမိၤၡ့ဒီးဟ့ၣ် လီၤအီၤဆူပှၤခိၣ်ပှၤနၢ်အဂၤနွံဆံအအိၣ်န့ၣ်လီၤ. ဖဲသးန့ၣ်လီၤဘၣ်လၢအဝဲသ့ၣ်အလိၤဒီးအဝဲသ့ၣ်စးထီၣ်ကိးပသူ ထီၣ်ဒ်ဝံတဖၣ်အသိး, ဘၣ်ဆၣ်ဒီးတယံာ်ဘၣ်ဝဲဘၣ်.

လံာ်ယိၤဟၣ် 16:7

နာ်သက့ယစံးဘၣ်တဲဘၣ်သုတၢ်မ့ၢ်တၢ်တီ, ယလဲၤတၢ်အဝဲအံၤန့ၣ်မ့ၢ်တၢ်ဂ့ၤဒၣ်တၢ်တက့ၢ်လၢသုဂီၢ်န့ၣ်လီၤ. အဂ့ၢ်ဒ်အံၤ, ယမ့ၢ်တလဲၤဘၣ်ဒီးပှၤမၤစၢၤတၢ်တဂၤတဟဲ ဆူသုအိၣ်ဘၣ်. ဘၣ်ဆၣ်ယမ့ၢ်လဲၤဒီး, ယကမၢလီၤအီၤဆူ သုအိၣ်န့ၣ်လီၤ.

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 8:17

အန့ၣ်ဒီးစီၤပ့းတရူးဒီးစီၤယိၤဟၣ်ပာ်ထီၣ်အစုလၢအဝဲသ့ၣ်အခိၣ် ဖီခိၣ်, ဒီးအဝဲသ့ၣ်ဒိးန့ၢ်ဘၣ်သးစီဆှံန့ၣ်လီၤ.

1 ကရံၣ်သူး 12:31

မ့မ့ၢ်ဒ်န့ၣ်ဒီး, ပာ်သုသးသပှၢ်ပှၢ်လၢတၢ်ဆၢမိၣ်န့ၢ်ဘၣ်တၢ်ဟ့ၣ်လၢ အကါဒိၣ်န့ၢ်တၢ်ဟ့ၣ်အဂၤန့ၣ်တက့ၢ်. ဘၣ်ဆၣ်ဒီး, အဂ့ၤကတၢၢ်မ့ၢ်ဝဲကျဲလၢလာ်တဘိအံၤန့ၣ်လီၤ.

လံာ်သိၣ်လီၤသီလီၤတၢ် 21:17

အဝဲကဘၣ်ဟ့ၣ်အတၢ်စုလီၢ်ခီၣ်ခိၣ်အတၢ်ဟ့ၣ်နီၤခံစးဆူဖိခွါဝဲၢ်ကိ, ဖဲအဝဲတမ့ၢ်ဘၣ်အဝဲအမါလၢအအဲၣ်ဒိၣ်ဝဲအဖိခွါဒၣ်လဲာ်န့ၣ်လီၤ. ပှၤတဂၤန့ၣ်ကဘၣ်သ့ၣ်ညါနီၣ်အဖိခွါဝဲၢ်ကိဒီးဟ့ၣ်အီၤတၢ်ဟ့ၣ် နီၤလၢအဝဲကြၢးဒိးန့ၢ်ဝဲအလီၢ်အိၣ်ဒ်တၢ်သိၣ်တၢ်သီအိၣ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 34:9

စီၤနိၣ်အဖိခွါစီၤယိၤၡူဘၣ်တၢ်မၤပှဲၤအီၤဒီးတၢ်ကူၣ်သ့, မ့ၢ်လၢစီၤမိၤၡ့ဃုထၢပာ်လီၤတ့ၢ်အီၤဒ်ပှၤလၢကထီၣ်က့ၤအဝဲ အလီၢ်အသိးအဃိန့ၣ်လီၤ. ကီၢ်အံၣ်စရ့လးအပှၤဂီၢ်မုၢ်စူၢ်စီၤ ယိၤၡူဒီးတိၢ်န့ၢ်ဖံးဃာ်တၢ်မၤလိာ်တဖၣ်လၢယွၤဟ့ၣ်လီၤတ့ၢ် အဝဲသ့ၣ်ခီဖျိစီၤမိၤၡ့န့ၣ်လီၤ.

၁ တံၤမသ့း 5:17

ပှၤသူၣ်က့သးပှၢ်လၢအမၤတၢ်ဂ့ၤဂ့ၤဒ်ခိၣ်နၢ်အသိးတဖၣ်န့ၣ်, တၢ်ကြၢးကွၢ်ဆိကမိၣ်တၢ်လၢအဝဲသ့ၣ်အဂီၢ်ဒီးဟ့ၣ်အီၤဘူးလဲခံစး, လီၤဆီဒၣ်တၢ်ပှၤတဖၣ်လၢအမၤတၢ်ဆူၣ်ဆူၣ်လၢတၢ်စံၣ် တဲၤတဲလီၤဒီးတၢ်သိၣ်လိသီလိတၢ်အပူၤန့ၣ်လီၤ.