လံာ်စီၤပၤခံဘ့ၣ်တဘ့ၣ် 2:4 - Sgaw Karen Common Bible

⁴ အန့ၣ်ဝံၤဒီး, စီၤအ့ၤလံယၤစံးဘၣ်စီၤအလံၤၡါ, “ခဲအံၤအိၣ်တ့ၢ်ဖဲအံၤတက့ၢ်. ယွၤမၤလိာ်တ့ၢ်ယၤလၢယကဘၣ် လဲၤဆူဝ့ၢ်ယရံၤဃိန့ၣ်လီၤ.” ဘၣ်ဆၣ်စီၤအလံၤၡါစံးဆၢဝဲဒၣ်, “လၢယတၢ်သးတီအပူၤယဆိၣ်တၢ်ဒီးယွၤလၢအမူဝဲတဂၤဒီးနၤလၢ ယတဟးဖးဒီးနၤဘၣ်.” လၢတၢ်န့ၣ်အဃိလဲၤသကိးဝဲဆူဝ့ၢ်ယရံၤဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:4 Iomraidhean Croise

လံာ်စီၤပၤအခီၣ်ထံးတဘ့ၣ် 16:34

ဖဲအဝဲပၢတၢ်အကတီၢ်န့ၣ်စီၤဃံၤမ့လးလၢဝ့ၢ်ဘ့ၤသ့လးသူၣ် ထီၣ်ကဒါက့ၤဝ့ၢ်ယရံၤဃိန့ၣ်လီၤ. ဒ်ယွၤတဲဆိပာ်တ့ၢ်ခီဖျိစီၤနိၣ်အဖိခွါစီၤယိၤၡူအသိးန့ၣ်, စီၤဃံၤမ့လးအဖိခွါဝဲၢ်ကိစီၤအဘံရၣ်ဘၣ်တၢ်မၤသံကွံာ်အီၤ ဖဲအဝဲပာ်လီၤဝ့ၢ်ယရံၤဃိအခီၣ်ထံးဒီးအဖိခွါသဒါစီၤစကံာ်ဘၣ် တၢ်မၤသံကွံာ်အီၤဖဲအဝဲဘှီထီၣ်တြဲၤဖးဒိၣ်တဖၣ်အခါန့ၣ် လီၤ.

လံာ်စီၤပၤခံဘ့ၣ်တဘ့ၣ် 2:2

ဒီးဖဲအလဲၤတၢ်အခါန့ၣ်, စီၤအ့ၤလံယၤစံးဘၣ်စီၤအလံၤၡါ, “ခဲအံၤအိၣ်တ့ၢ်ဖဲအံၤတက့ၢ်. ယွၤမၤလိာ်တ့ၢ်ယၤလၢယကဘၣ်လဲၤဆူဝ့ၢ်ဘ့ၤသ့လးန့ၣ်လီၤ.” ဘၣ်ဆၣ်စီၤအလံၤၡါစံးဆၢဝဲဒၣ်, “လၢယတၢ်သးတီအပူၤ, ယဆိၣ်တၢ်ဒီးယွၤလၢအမူဝဲတဂၤဒီးနၤလၢယတဟးဖးဒီးနၤဘၣ်.” လၢတၢ်န့ၣ်အဃိအဝဲသ့ၣ်လဲၤသကိးဝဲဆူဝ့ၢ်ဘ့ၤသ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 4:30

ပိာ်မုၣ်န့ၣ်စံးဘၣ်စီၤအလံၤၡါ, “လၢယတၢ်သူၣ်တီသးလိၤအပူၤ န့ၣ်ယဆိၣ်တၢ်ဒီးယွၤလၢအမူဝဲ, ဒီးနၤလၢယတဟးဖးဒီးနၤဘၣ်.” လၢတၢ်န့ၣ်အဃိ, အဝဲသ့ၣ်ခံဂၤလိာ်စးထီၣ်က့ၤကဒါက့ၤသကိးဝဲ ဒၣ်န့ၣ်လီၤ.

လံာ်လူၤကၣ် 19:1

ယ့ၣ်ၡူးလဲၤနုာ်လီၤဝဲဆူဝ့ၢ်ယရံၤဃိဒီးလဲၤခီဂာ်ဝဲဒၣ်လီၤ.

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.

မၤတၢ် 2:42

အဝဲသ့ၣ်ဟံးန့ၢ်တၢ်ဆၢကတီၢ်လၢကမၤလိန့ၢ်တၢ်လၢ ပှၤတၢ်မၢဖိတဖၣ်အအိၣ်, ကရ့လိာ်မုာ်လိာ်သကိးအသး, ကအီၣ်သကိးအီသကိး, ဒီးကဘါထုကဖၣ်သကိးတၢ်အဂီၢ်န့ၣ်လီၤ.

လံာ်စီၤယိၤၡူ 6:1

ဝ့ၢ်ယရံၤဃိအတြဲၤတဖၣ်ဘၣ်တၢ်ကးတံာ်ဒီးပၢၤဃာ်အီၤဒ်သိးပှၤအံၣ်စရ့လးဖိအသုတဟဲနုာ်တဂ့ၤအဂီၢ်ဒီးပှၤဟဲနုာ်ဒီးဟးထီၣ် လၢဝ့ၢ်ပူၤတသ့နီတဂၤဘၣ်.

လံာ်စီၤယိၤၡူ 6:26

ဖဲအကတီၢ်ဝဲအံၤ, စီၤယိၤၡူဆိၣ်အၢတၢ်လၢယွၤအမဲာ်ညါဒီးစံးဝဲ, “ပှၤတဂၤဂ့ၤတဂၤဂ့ၤလၢအကျဲးစၢးသူၣ်ထီၣ်က့ၤဝ့ၢ်ယရံၤဃိ န့ၣ်ကဘၣ်ယွၤအတၢ်ဆိၣ်အၢန့ၣ်လီၤ. ပှၤတဂၤဂ့ၤတဂၤဂ့ၤလၢအပာ်လီၤတၢ်အခီၣ်ထံးန့ၣ်, အဖိခွါအဒိၣ်ကတၢၢ်ကလီၤမၢ်ကွံာ်န့ၢ်အီၤ, ဒီး ပှၤတဂၤဂ့ၤတဂၤဂ့ၤလၢအသူၣ်ထီၣ်ဝ့ၢ်အတြဲၤတဖၣ်န့ၣ်, အဖိသဒါကလီၤမၢ်ကွံာ်န့ၢ်အီၤန့ၣ်လီၤ.”

လံာ်နီၢ်ရူၤသး 1:16

ဘၣ်ဆၣ်နီၢ်ရူၤသးစံးဆၢဝဲ, “တဘၣ်ဃ့ကညးယၤလၢယက လဲၤသဒၣ်နၤအဂီၢ်မ့ၢ်ဂ့ၤ, ယသုတပိာ်နခံအဂီၢ်မ့ၢ်ဂ့ၤန့ၣ်တ ဂ့ၤ. ဖဲနလဲၤတပူၤလၢ်လၢ်ယကလဲၤယဲ, ဖဲနအိၣ်တပူၤလၢ်လၢ် ယကအိၣ်ယဲ, နပှၤကလုာ်ကမ့ၢ်ဝဲဒၣ်ယပှၤကလုာ်, ဒီးနကစၢ်ယွၤကမ့ၢ်ဝဲယကစၢ်ယွၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:26

ဒီးနီၢ်ဃးနၤစံးဘၣ်အီၤ, “ဝံသးစူၤယၤတဘျး, တၢ်ဒိၣ်ဧၢ, နသ့ၣ်နီၣ်ယၤဒံးဧါ. ယမ့ၢ်ပိာ်မုၣ်တဂၤလၢနထံၣ်တ့ၢ်အိၣ်ဆၢထၢၣ် ဖဲအံၤဒီးဘါထုကဖၣ်တၢ်ဆူယွၤအအိၣ်န့ၣ်လီၤ.