လံာ်စီၤပၤခံဘ့ၣ်တဘ့ၣ် 2:3 - Sgaw Karen Common Bible

³ ဝံလၢအအိၣ်ဆိးဖဲန့ၣ်တဖုလဲၤဆူစီၤအလံၤၡါအအိၣ်ဒီးသံကွၢ် အီၤ, “တနံၤညါအံၤယွၤကဟံးထီၣ်ကွံာ်နကစၢ်လၢနအိၣ်န့ၣ်, မ့ၢ်နသ့ၣ်ညါကစီဒီဧါ.” စီၤအလံၤၡါစံးဆၢဝဲ, “မ့ၢ်, ယသ့ၣ်ညါယဲလီၤ. ဘၣ်ဆၣ်မ်ပသုတကတိၤတၢ်ဂ့ၢ်န့ၣ်တဂ့ၤ.”

လံာ်စီၤပၤခံဘ့ၣ်တဘ့ၣ် 2:3 Iomraidhean Croise

လံာ်စီၤပၤအခီၣ်ထံးတဘ့ၣ် 18:4

ဒီးဖဲနီၢ်အံၤစ့ဘ့ၤလးမၤသံကွံာ်ယွၤအဝံတဖၣ်အခါန့ၣ်, စီၤဧိၤဘါဒယၤဟံးန့ၢ်အဝဲသ့ၣ်အကျါဝံတကယၤဒီးပာ်ခူသူၣ် အဝဲသ့ၣ်လၢလၢၢ်ကအိတဖၣ်အပူၤခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအဝဲသ့ၣ်လၢတၢ် အီၣ်ဒီးထံန့ၣ်လီၤ.)

လံာ်စီၤပၤအခီၣ်ထံးတဘ့ၣ် 20:35

ဒ်ယွၤဟ့ၣ်လီၤတၢ်ကလုၢ်အသိးန့ၣ်ဝံတဖၣ်အကရၢတကရၢ, အကရၢဖိတဂၤမၢအဝံကဒဲကဒဲဒီးအီၤတဂၤတီၢ်အီၤန့ၣ်လီၤ. ဘၣ်ဆၣ်အဝဲဂ့ၢ်လိာ်ဝဲ,

လံာ်စီၤပၤခံဘ့ၣ်တဘ့ၣ် 2:15

ဝံအဂၤယဲၢ်ဆံလၢဝ့ၢ်ယရံၤဃိထံၣ်အီၤဒီးစံးဝဲဒၣ်, “စီၤအ့ၤလံယၤအသးအစိကမီၤလီၤဘၣ်လၢစီၤအလံၤၡါအလိၤန့ၣ် လံ.” အဝဲသ့ၣ်လဲၤဒ်သိးကသဂၢၢ်အီၤဒီးတီၤလီၤဝဲလၢအမဲာ်ညါ,

လံာ်စီၤပၤခံဘ့ၣ်တဘ့ၣ် 2:5

ဝံတဖုလၢအအိၣ်ဆိးဖဲန့ၣ်လဲၤဆူစီၤအလံၤၡါအအိၣ်ဒီးသံကွၢ် အီၤ, “တနံၤညါအံၤယွၤကဟံးထီၣ်ကွံာ်နကစၢ်လၢနအိၣ်န့ၣ်မ့ၢ်နသ့ၣ် ညါကစီၤဒီဧါ.” စီၤအလံၤၡါစံးဆၢဝဲဒၣ်, “မ့ၢ်, ဘၣ်ဆၣ်မ်ပသုတကတိၤတၢ်ဂ့ၢ် န့ၣ်တဂ့ၤ.”

လံာ်စီၤပၤခံဘ့ၣ်တဘ့ၣ် 2:7

ဒီးဝံအဂၤယဲၢ်ဆံပိာ်ထီၣ်အဝဲသ့ၣ်အခံဆူထံကျိယၢ်ဒ့ၣ်န့ၣ် လီၤ. စီၤအ့ၤလံယၤဒီးစီၤအလံၤၡါအိၣ်ကတီၢ်ဝဲဖဲထံကျိယၢ်ဒ့ၣ်အနံၤ, ဒီးဝံအဂၤယဲၢ်ဆံအိၣ်ကတီၢ်ဝဲတယံၤတဘူးဒီးအဝဲသ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 4:1

ကရၢဖိတဂၤလၢဝံတဖၣ်အကရူၢ်တကရူၢ်အကျါ, အမါမုၣ်ကမဲတဂၤလဲၤဝဲဆူစီၤအလံၤၡါအအိၣ်ဒီးစံးဝဲဒၣ်, “တၢ်ဒိၣ်ဧၢ, ယဝၤသံလံဝဲလံ. ဒ်နသ့ၣ်ညါနဲအသိးအဝဲမ့ၢ်ပှၤ တဂၤလၢအပျံၤကစၢ်ယွၤန့ၣ်လီၤ. ဘၣ်ဆၣ်ခဲကနံၣ်အံၤပှၤတဂၤလၢအလဲၤဟံးန့ၢ်လိၢ်ဝဲအစ့န့ၣ်, ဟဲဝဲဒ်သိးကဟံးထီၣ်ကွံာ်ယဖိခွါခံဂၤ, ဒ်ကုၢ်တဖၣ်အသိးလၢတၢ် လိးက့ၤယဝၤအဒ့ၣ်ကမၢ်အဂီၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 4:38

ဘၣ်တဘျီ, ဖဲတၢ်သၣ်ဝံၤလီၤဒိတမံၤမၤအသးလၢထံကီၢ်ဒီဘ့ၣ် ညါအခါန့ၣ်, စီၤအလံၤၡါဟဲက့ၤကဒါက့ၤဆူဝ့ၢ်ကံးလကၤလးန့ၣ်လီၤ. ဖဲအဝဲသိၣ်လိဝံတဖၣ်အခါန့ၣ်အဝဲတဲဘၣ်အခ့အပှၤလၢကဒိထီၣ် သပၢၤဖးဒိၣ်တဖျၢၣ်လၢမ့ၣ်အူအဖီခိၣ်ဒီးဖီန့ၢ်အဝဲသ့ၣ်ကသူ ထံတကပၢၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:22

စီၤက့ၤဃစံစံးဆၢဝဲ, “တမ့ၢ်နီတမံၤဘၣ်.” ဘၣ်ဆၣ်ယကစၢ်မၢလီၤယၤလၢယကတဲဘၣ်နၤလၢခဲအံၤဒၣ်လဲာ်, ပှၤခံဂၤလၢဝံတဖၣ်အကရူၢ်ပူၤလၢကစၢၢ်အ့ဖရဲၣ်တခီဟဲတုၤဝဲ, ဒီးအဝဲအဲၣ်ဒိးဝဲလၢနကဟ့ၣ်အဝဲသ့ၣ်စ့အဘ့ၣ်သၢကထိဒီးတၢ်ကူ တၢ်သိးအဂ့ၤလၢကကလံၤအသးခံဘျီအဂီၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 6:1

ဘၣ်မုၢ်တနံၤ, ဝံတဖၣ်လၢအဘၣ်တၢ်ကွၢ်ထွဲပၢဆှၢအီၤလၢစီၤ အလံၤၡါန့ၣ်ကဒူးကဒ့ၣ်တၢ်ဆူအအိၣ်စံးဝဲ, “တၢ်လီၢ်လၢပအိၣ်ဆိးန့ၣ်အံၣ်ကဲာ်ဆိးလီၤ.”

လံာ်စီၤပၤခံဘ့ၣ်တဘ့ၣ် 9:1

ဖဲဆၢကတီၢ်အဝဲန့ၣ်အပူၤအတ့ၤ, ဝံအလံၤၡါကိးဃီၤဝံသးစၢ် အကျါတဂၤဒီးစံးဘၣ်အီၤ, “ကတဲာ်ကတီၤထီၣ်နသးဒီးလဲၤဆူဝ့ၢ်ရၤမိးလၢကီၢ်ကံးလဧး အပူၤန့ၣ်တက့ၢ်. လဲၤစိာ်သ့ၣ်စၤယံးအသိတကိအံၤဃုာ်ဒီးနၤ,

လံာ်ယၡါယၤ 8:18

ကွၢ်ကွၢ်, ယအိၣ်ဒီးဖိတဖၣ်လၢယွၤဟ့ၣ်လီၤတ့ၢ်ယၤလီၤ. ယွၤ, သ့တၢ်လၢာ်ကစၢ်, လၢအလီၢ်ပစိာ်အိၣ်လၢကစၢၢ်စံ ယိၣ်အလိၤ, ဆှၢလီၤတ့ၢ်န့ၢ်ပှၤတၢ်ကစီၣ်အမူတဖၣ်ဆူအံၣ်စရ့လး အပှၤဂီၢ်မုၢ်အအိၣ်လီၤ.

လံာ်ဧၤမိၣ် 7:14

ဒီးဝံဧၤမိၣ်စံးဆၢစီၤအမၤစယါ, ယတမ့ၢ်တ့ၢ်ဝံဘၣ်ဒီးယတ ဟဲလီၤစၢၤတ့ၢ်လၢဝံအဒူၣ်အထၢဘၣ်. ယမ့ၢ်တ့ၢ်ပှၤကွၢ်ဆၣ်ဖိကီၢ် ဖိ, ဒီးပှၤသူၣ်အီၣ်ဖျးအီၣ်သ့ၣ်သိးဝံာ်ဒၢတဖၣ်လီၤ.

မၤတၢ် 22:3

“ယမ့ၢ်ပှၤယူဒၤဖိတဂၤ, ယအိၣ်ဖျဲၣ်ထီၣ်ဖဲဝ့ၢ်တၢ်စူးဘၣ်ဃး ဒီးကီၢ်ကံၤလံၤကံ, ဘၣ်ဆၣ်တၢ်လုၢ်ဒုးဒိၣ်ထီၣ်ယၤဖဲအံၤလၢဝ့ၢ် ယရူၤရှလ့ၣ်ဒီးမၤလိဘၣ်တၢ်လၢစီၤကမၤလ့လးအစုပူၤလီၤ. ယဘၣ်တၢ်သိၣ်လိတ့ၢ်ယၤဃံးဃံးလၢတၢ်သိၣ်တၢ်သီလၢအဘၣ် တၢ်ပိာ်ထွဲတ့ၢ်အီၤလၢမိၢ်ပၢ်ဖံဖုလၢပျၢၤတဖၣ်, ဒီးယသူၣ်ဆူၣ်သးဂဲၤလၢကစၢ်ယွၤအတၢ်ဖံးတၢ်မၤအပူၤလၢ ယသးဒီဖျၢၣ်ညါဒ်သုဝဲကိးဂၤလၢမုၢ်မဆါတနံၤအံၤဖဲတၢ် လီၢ်တပူၤအံၤန့ၣ်လီၤ.

လံာ်သိၣ်လီၤသီလီၤတၢ် 33:3

ယွၤအဲၣ်အပှၤဂီၢ်မုၢ် ဒီးဒီဒၣ်အိၣ်ပှိၤပှၤတဖၣ်လၢအဘၣ်ဃးဒီးအီၤန့ၣ်လီၤ. လၢတၢ်န့ၣ်အဃိ, ပတီၤလီၤလၢအခီၣ်မဲာ်ညါ, ဒီးစူၢ်အဝဲအတၢ်မၤလိာ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:5

အန့ၣ်ဝံၤဒီးနကလဲၤဆူကစၢ်ယွၤအကစၢၢ်အအိၣ်လၢဝ့ၢ်ကံးဘဧးအပူၤ ဖဲပှၤဖလ့ၡသးဖိတဖၣ်သူၣ်ဒဲအလီၢ်အိၣ်ဝဲတတီၤန့ၣ်လီၤ. ဖဲတၢ်လဲၤနုာ်လီၤဆူဝ့ၢ်အကျဲစၢၤန့ၣ်နကထံၣ်လိာ်ဒီးဝံတဖု ဟဲလီၤလၢတၢ်လုၢ်လီၢ်အိၣ်လၢကစၢၢ်လိၤန့ၣ်ဒ့ဒီးသီတူၢ်တဖၣ်, ပှီၢ်ဒၢတဖၣ်, အူပံတဖၣ်ဒီးမၤသီၣ်စှၢၢ်စှံးတဖၣ်န့ၣ်လီၤ. အဝဲသ့ၣ်ကဂဲၤကလံာ်ဒီးကိးပသူဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:20

လၢတၢ်န့ၣ်အဃိ, အဝဲမၢလီၤပှၤတနီၤလၢကလဲၤဖီၣ်န့ၢ်အီၤန့ၣ် လီၤ. အဝဲသ့ၣ်ထံၣ်ဝံတဖုဂဲၤကလံာ်ဒီးကိးပသူတၢ်ဃုာ်ဒီး စီၤၡမူၤအ့လးဒ်အခိၣ်အနၢ်အသိးန့ၣ်လီၤ. တုၤနုၤတစု, ယွၤအသးဟံးဃာ်စီၤစီလူးအပှၤတဖၣ်ဒီးအဝဲသ့ၣ် စးထီၣ်ဂဲၤကလံာ်ဒီးကိးပသူဝဲလီၤ.