လံာ်စီၤပၤခံဘ့ၣ်တဘ့ၣ် 2:19 - Sgaw Karen Common Bible

¹⁹ ပှၤတနီၤလၢဝ့ၢ်ယရံၤဃိလဲၤဆူစီၤအလံၤၡါအအိၣ်ဒီးစံးဝဲ ဒၣ်, “တၢ်ဒိၣ်ဧၢ, ဒ်နသ့ၣ်ညါနဲအသိးဝ့ၢ်အံၤမ့ၢ်ဝ့ၢ်လၢအဂ့ၤ တဖျၢၣ်လီၤ. ဘၣ်ဆၣ်ထံတဂ့ၤဘၣ်ဒီးဒုးအိၣ်ထီၣ်တၢ်တကဲထီၣ်ကဲထီမ့ၢ်ဂ့ၤ, ပိာ်မုၣ်တဖၣ်အတၢ်ဟုးဟးဂီၤမ့ၢ်ဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:19 Iomraidhean Croise

လံာ်စီၤပၤအခီၣ်ထံးတဘ့ၣ် 16:34

ဖဲအဝဲပၢတၢ်အကတီၢ်န့ၣ်စီၤဃံၤမ့လးလၢဝ့ၢ်ဘ့ၤသ့လးသူၣ် ထီၣ်ကဒါက့ၤဝ့ၢ်ယရံၤဃိန့ၣ်လီၤ. ဒ်ယွၤတဲဆိပာ်တ့ၢ်ခီဖျိစီၤနိၣ်အဖိခွါစီၤယိၤၡူအသိးန့ၣ်, စီၤဃံၤမ့လးအဖိခွါဝဲၢ်ကိစီၤအဘံရၣ်ဘၣ်တၢ်မၤသံကွံာ်အီၤ ဖဲအဝဲပာ်လီၤဝ့ၢ်ယရံၤဃိအခီၣ်ထံးဒီးအဖိခွါသဒါစီၤစကံာ်ဘၣ် တၢ်မၤသံကွံာ်အီၤဖဲအဝဲဘှီထီၣ်တြဲၤဖးဒိၣ်တဖၣ်အခါန့ၣ် လီၤ.

လံာ်စီၤပၤအခီၣ်ထံးတဘ့ၣ် 18:13

မ့ၢ်နတနၢ်ဟူတ့ၢ်လၢဖဲနီၢ်အံၤစ့ဘ့ၤလးမၤသံယွၤအဝံတဖၣ် အခါန့ၣ်, ယပာ်ခူသူၣ်တ့ၢ်အဝဲသ့ၣ်အကျါပှၤတကယၤဂၤလၢလၢၢ်ကအိတဖၣ်အပူၤ ခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအီၤလၢတၢ်အီၣ် ဒီးထံန့ၣ်ဘၣ်ဧါ.

လံာ်စီၤပၤအခီၣ်ထံးတဘ့ၣ် 18:7

ဖဲစီၤဧိၤဘါဒယၤလဲၤတၢ်လၢကျဲန့ၣ်သတူၢ်ကလာ်ထံၣ်လိာ်အသးဒီး စီၤအ့ၤလံယၤန့ၣ်လီၤ. ဒီးအဝဲသ့ၣ်ညါနီၣ်အီၤ, ဒီးထိၣ်လီၤပှီၤအသးလၢအမဲာ်ညါဒီး သံကွၢ်ဝဲ, “တၢ်ဒိၣ်ဧၢ, နမ့ၢ်နီၢ်နီၢ်စီၤအ့ၤလံယၤန့ၣ်ဧါ.”

လံာ်စီၤပၤခံဘ့ၣ်တဘ့ၣ် 2:18

ဝံၤဒီး, အဝဲသ့ၣ်ဟဲက့ၤကဒါက့ၤဆူစီၤအလံၤၡါအအိၣ်, လၢအအိၣ်ခိးအဝဲသ့ၣ်ဖဲဝ့ၢ်ယရံၤဃိန့ၣ်လီၤ. ဒီးစီၤအလံၤၡါစံးဘၣ်အဝဲသ့ၣ်, “ယတဲသုလၢလဲၤတဂ့ၤ, တမ့ၢ်ဘၣ်ဧါ.”

လံာ်စီၤပၤခံဘ့ၣ်တဘ့ၣ် 2:20

စီၤအလံၤၡါမၤလိာ်ဝဲ, “တ့ၢ်နုာ်အံသၣ်တစဲးလၢလီခီအသီ တဖျၢၣ်အပူၤဒီးဟဲစိာ်အီၤဆူယအိၣ်တက့ၢ်.” ဒီးအဝဲသ့ၣ်ဟဲစိာ်ဆူအအိၣ်,

လံာ်တၢ်ဟးထီၣ်ကွံာ် 15:23

အန့ၣ်ဝံၤဒီးအဝဲသ့ၣ်တုၤမၤရၤန့ၣ်လီၤ. ဘၣ်ဆၣ်ထံအိၣ်ဖဲတၢ် အလီၢ်န့ၣ်ခၣ်ဝဲတုၤဒၣ်လဲာ်အဝဲသ့ၣ်အီဝဲတန့ၢ်ဘၣ်န့ၣ်လီၤ. လၢတၢ်န့ၣ်အဃိတၢ်လီၢ်န့ၣ်ဘၣ်တၢ်ကိးအီၤလၢမၤရၤန့ၣ်လီၤ.

လံာ်တၢ်ဟးထီၣ်ကွံာ် 23:26

ပိာ်မုၣ်လၢအဟုးလီၤတဲာ်မ့ၢ်ဂ့ၤ, အဖိတအိၣ်ဘၣ်မ့ၢ်ဂ့ၤ, တဘၣ်အိၣ်လၢသုကီၢ်ပူၤနီတဂၤဘၣ်. ပကဟ့ၣ်သုတၢ်အိၣ်မူ လၢအအိၣ်ကၢအိၣ်ခိးန့ၣ်လီၤ.

လံာ်တၢ်ဟးထီၣ်ကွံာ် 7:19

ဒီးယွၤစံးဘၣ်စီၤမိၤၡ့, “တဲဘၣ်စီၤအၤဟရိၣ်လၢကလဲၤစိာ် အနီၣ်ထိးဘိ, ဒီးယူာ်ထီၣ်အီၤလၢထံကျိခဲလၢာ်, ထံကျိၤတဖၣ်ဒီးကမါတဖၣ်အဖီခိၣ်လၢကီၢ်အဲၤကူပတူးအပူၤ တက့ၢ်. ဒီးထံကကဲထီၣ်လၢတၢ်သွံၣ်, ဒီးတၢ်သွံၣ်ကအိၣ်လၢကီၢ်ဒီ ဘ့ၣ်ညါ, တုၤလၢသ့ၣ်သရာ်ဒီးလၢၢ်သရာ်တဖၣ်အပူၤဒၣ်လဲာ်န့ၣ်လီၤ.”

လံာ်ဟိၤၡ့ 9:14

ယကဘၣ်ဃ့နၤလၢနကဘၣ်မၤပှၤဂီၢ်မုၢ်အံၤဒ်လဲၣ်. မၤတူာ်ဖိအပှၤပိာ်မုၣ်တဖၣ်တက့ၢ်. မၤဒ်သိးအဝဲသ့ၣ်ဒုးအီၣ်အဖိဆံး တဖၣ်အနုၢ်ထံသုတသ့တဂ့ၤန့ၣ်တက့ၢ်.

လံာ်တၢ်ဂံၢ် 12:11

စီၤအၤဟရိၣ်စံးဘၣ်စီၤမိၤၡ့, “ဝံသးစူၤ, တၢ်ဒိၣ်ဧၢ, တဘၣ်ဒုးတူၢ်ပှၤလၢတၢ်စံၣ်ညီၣ်အံၤလၢပတၢ်ဒဲးဘးအမၢး အဃိတဂ့ၤ.

လံာ်သိၣ်လီၤသီလီၤတၢ် 28:11

ယွၤကဟ့ၣ်သုလၢဖိတဖၣ်အါအါဂီၢ်ဂီၢ်, ဂီၤဘုၣ်ဂီၤဖံးအါအါ ဂီၢ်ဂီၢ်, ဒီးတၢ်မုၢ်တၢ်ဘိတၤသူတၤသၣ်အါအါကလဲာ်လၢကီၢ် တဘ့ၣ်လၢအဝဲအၢၣ်လီၤတ့ၢ်သုမိၢ်ပၢ်ဖံဖုလၢပျၢၤတဖၣ်လၢ ကဟ့ၣ်လီၤသု, အပူၤန့ၣ်လီၤ.

၁ တံၤမသ့း 5:17

ပှၤသူၣ်က့သးပှၢ်လၢအမၤတၢ်ဂ့ၤဂ့ၤဒ်ခိၣ်နၢ်အသိးတဖၣ်န့ၣ်, တၢ်ကြၢးကွၢ်ဆိကမိၣ်တၢ်လၢအဝဲသ့ၣ်အဂီၢ်ဒီးဟ့ၣ်အီၤဘူးလဲခံစး, လီၤဆီဒၣ်တၢ်ပှၤတဖၣ်လၢအမၤတၢ်ဆူၣ်ဆူၣ်လၢတၢ်စံၣ် တဲၤတဲလီၤဒီးတၢ်သိၣ်လိသီလိတၢ်အပူၤန့ၣ်လီၤ.

လံာ်စီၤယိၤၡူ 6:17

ဝ့ၢ်ဒီးကယဲၢ်မ့ၢ်တၢ်လၢအအိၣ်လၢအပူၤခဲလၢာ်ကဘၣ်တၢ်မၤဟးဂီၤ ကွံာ်အီၤဒ်အမ့ၢ်တၢ်လုၢ်မၤဘူၣ်လၢယွၤအဂီၢ်န့ၣ်လီၤ. ထဲဒၣ်ပှၤဃဲသဲမုၣ်နီၢ်ရၤဃးဒီးပှၤလၢအအိၣ်ဒီးအီၤခဲ လၢာ်လၢအဟံၣ်ပူၤကမူဝဲ, မ့ၢ်လၢအဝဲပာ် ခူသူၣ်ပပှၤကွၢ်ဟုၣ်ကွၢ်စုးတၢ်တဖၣ်လၢပမၢလီၤအီၤအဃိန့ၣ် လီၤ.

လံာ်စီၤယိၤၡူ 6:26

ဖဲအကတီၢ်ဝဲအံၤ, စီၤယိၤၡူဆိၣ်အၢတၢ်လၢယွၤအမဲာ်ညါဒီးစံးဝဲ, “ပှၤတဂၤဂ့ၤတဂၤဂ့ၤလၢအကျဲးစၢးသူၣ်ထီၣ်က့ၤဝ့ၢ်ယရံၤဃိ န့ၣ်ကဘၣ်ယွၤအတၢ်ဆိၣ်အၢန့ၣ်လီၤ. ပှၤတဂၤဂ့ၤတဂၤဂ့ၤလၢအပာ်လီၤတၢ်အခီၣ်ထံးန့ၣ်, အဖိခွါအဒိၣ်ကတၢၢ်ကလီၤမၢ်ကွံာ်န့ၢ်အီၤ, ဒီး ပှၤတဂၤဂ့ၤတဂၤဂ့ၤလၢအသူၣ်ထီၣ်ဝ့ၢ်အတြဲၤတဖၣ်န့ၣ်, အဖိသဒါကလီၤမၢ်ကွံာ်န့ၢ်အီၤန့ၣ်လီၤ.”