လံာ်စီၤပၤခံဘ့ၣ်တဘ့ၣ် 2:16 - Sgaw Karen Common Bible

¹⁶ ဒီးစံးဝဲဒၣ်, “ဖဲအံၤပအိၣ်ပဝဲပှၤအဂၤယဲၢ်ဆံ, ခဲလၢာ်ထဲပှၤအဂံၢ်ဆူၣ်ဘါဆူၣ်တဖၣ်န့ၣ်လီၤ. မ်ပလဲၤဒီးဃုထံၣ်န့ၢ်က့ၤနကစၢ်တက့ၢ်. ဘၣ်သ့ၣ်သ့ၣ်ယွၤအသး စိာ်ထီၣ်အီၤဒီးကပာ်တီၢ်အီၤလၢကစၢၢ်ကလိအဒီခိၣ်တတီၤတီၤမ့ တမ့ၢ်တပူၤပူၤလၢတြီၤလာ်န့ၣ်လီၤ.” စီၤအလံၤၡါစံးဆၢဝဲဒၣ်, “တမ့ၢ်ဘၣ်. သုတဘၣ်လဲၤဘၣ်.”

လံာ်စီၤပၤခံဘ့ၣ်တဘ့ၣ် 2:16 Iomraidhean Croise

လံာ်စီၤပၤအခီၣ်ထံးတဘ့ၣ် 18:12

တုၤယဟးထီၣ်တဘျီဃီဒီးယွၤအသးမ့ၢ်စိာ်ကွံာ်နၤဆူတၢ်လီၢ်လၢ ယတသ့ၣ်ညါဘၣ်တပူၤပူၤဒီးတၢ်ကမၤအသးဒ်လဲၣ်. ဒီးတုၤယတဲဘၣ်စီၤအၤဃာ်လၢနအိၣ်ဖဲအံၤ, ဒီးအဝဲဃုနၤမ့ၢ်တဘၣ်န့ၣ်ဒီးအဝဲကမၤသံယၤလီၤ. သ့ၣ်နီၣ်ထီၣ်က့ၤလၢယမ့ၢ်တ့ၢ်ပှၤတဂၤလၢအအဲၣ်ထူအဲၣ်ယွၤစးထီၣ် လၢယဖိသၣ်လံၤလံၤန့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 2:7

ဒီးဝံအဂၤယဲၢ်ဆံပိာ်ထီၣ်အဝဲသ့ၣ်အခံဆူထံကျိယၢ်ဒ့ၣ်န့ၣ် လီၤ. စီၤအ့ၤလံယၤဒီးစီၤအလံၤၡါအိၣ်ကတီၢ်ဝဲဖဲထံကျိယၢ်ဒ့ၣ်အနံၤ, ဒီးဝံအဂၤယဲၢ်ဆံအိၣ်ကတီၢ်ဝဲတယံၤတဘူးဒီးအဝဲသ့ၣ်န့ၣ်လီၤ.

လံာ်ယဃ့းစက့လး 11:24

လၢတၢ်ထံၣ်လၢညါခီအံၤအပူၤန့ၣ်, ကစၢ်ယွၤအသးစိာ်ထီၣ်ယၤဒီး ဟဲက့ၤစိာ်က့ၤယၤဆူပှၤဘၣ်တၢ်စိာ်မၢကဲကုၢ်တဖၣ်အအိၣ်လၢကီၢ် ဘၤဘူၤလိၣ်အပူၤန့ၣ်လီၤ. ဝံၤဒီးတၢ်ထံၣ်လၢညါခီအံၤလီၤမၢ်ကွံာ်ဝဲ,

လံာ်ယဃ့းစက့လး 3:14

ယွၤအစိကမီၤလီၤဘၣ်လၢ ယလိၤအိၣ်ဒီး အသဟီၣ်ဆူၣ်ဒိၣ်မး, ဒီးဖဲအသး စိာ်ဆှၢကွံာ်ယၤန့ၣ်, ယသးခၣ်ဒီးယသးထီၣ်ယဲလီၤ.

လံာ်ယဃ့းစက့လး 40:2

လၢတၢ်ထံၣ်ညါခီတမံၤအပူၤန့ၣ်, ကစၢ်ယွၤစိာ်ယၤဆူကီၢ်အံၣ်စရ့ လးပူၤဒီးပာ်လီၤယၤလၢကစၢၢ်ဖးထီတဖျၢၣ်အလိၤန့ၣ်လီၤ. လၢယမဲာ်ညါန့ၣ်ယထံၣ်ဘၣ်တၢ်သူၣ်ထီၣ်တဖၣ်အိၣ် တကရူၢ်လၢအအိၣ်ဖျါလီၤဂာ်ဒီးဝ့ၢ်တဝ့ၢ်န့ၣ်လီၤ.

လံာ်ယဃ့းစက့လး 8:3

အဝဲယူာ်ထီၣ်တၢ်လၢအလီၤဂာ်ဖျါဒ်စုတခီအသိးဒီးစှီၤယၤဖဲ ယခိၣ်သူန့ၣ်လီၤ. ဒီးလၢတၢ်ထံၣ်လၢညါခီအံၤအပူၤန့ၣ်, ကစၢ်ယွၤအသးစိာ်ထီၣ်ယၤလၢကလံၤအကျါဒီးဆှၢယၤဆူ ဝ့ၢ်ယရူၤၡလ့ၣ်န့ၣ်လီၤ. အဝဲလဲၤစိာ်ယၤဆူယွၤအတၢ်လုၢ်ဟံၣ် အကလံၤစိးအတြဲၤဆူတၢ်အိပူၤအကျဲစၢၤဖဲတၢ်ဂီၤတၢ်ဖီၣ်အိၣ် ဝဲတခါလၢအမၤသးကဲၤထီၣ်ကစၢ်ယွၤန့ၣ်လီၤ.

မၤတၢ် 8:39

တုၤအဝဲသ့ၣ်ဟဲက့ၤထီၣ်လၢထံကျါန့ၣ်ဒီး, ကစၢ်ယွၤအသးဟံးထီၣ်ကွံာ်စီၤဖံလံးပူးန့ၣ်လီၤ. ပဒိၣ်န့ၣ်တထံၣ်လၢၤအီၤနီတဘျီဘၣ်. ဘၣ်ဆၣ်ဒီးက့ၤက့ၤဝဲပှဲၤဒီးတၢ်သူၣ်ခုသးခုန့ၣ်လီၤ.