လံာ်စီၤပၤခံဘ့ၣ်တဘ့ၣ် 2:14 - Sgaw Karen Common Bible

¹⁴ အဝဲတီၢ်ထံလၢစီၤအ့ၤလံယၤအဆ့ကၤဖးဒိၣ်န့ၣ်ဒီးစံးဝဲဒၣ်, “ယွၤ, စီၤအ့ၤလံယၤအကစၢ်ယွၤန့ၣ်အိၣ်ဖဲလဲၣ်.” အန့ၣ်ဝံၤဒီးအဝဲတီၢ်ကဒီးထံဒီးထံန့ၣ်နီၤဖးကွံာ်အသးခံ ခီဒီးအဝဲလဲၤခီဂာ်ဝဲဆူထံကျိအဝၢ်ဘးခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:14 Iomraidhean Croise

လံာ်စီၤပၤခံဘ့ၣ်တဘ့ၣ် 2:13

အန့ၣ်ဝံၤဒီး, အဝဲထၢထီၣ်စီၤအ့ၤလံယၤအဆ့ကၤဖးဒိၣ်လၢအဟဲ လီၤတဲာ်လၢအအိၣ်, ဒီးက့ၤကဒါက့ၤဝဲဒီးဆၢထၢၣ်ဝဲဖဲ ထံကျိယၢ်ဒ့ၣ်အနံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 4:29

စီၤအလံၤၡါဃၣ်ဃီၤအသးဆူစီၤက့ၤဃစံအအိၣ်ဒီးစံးဝဲဒၣ်, “မၤချ့ချ့, ဟံးထီၣ်ယနီၣ်ထိးဘိဒီးလဲၤတၢ်တက့ၢ်. အိၣ်ကတီၢ်ဒ်သိးနကဆၢဂ့ၤဆၢဝါပှၤလၢနဘၣ်သဂၢၢ်အီၤနီ တဂၤတဂ့ၤ. ဒီးပှၤတဂၤဂၤမ့ၢ်ဆၢဂ့ၤဆၢဝါနၤန့ၣ်ဟံးန့ၢ်တၢ် ဆၢကတီၢ်လၢနကစံးဆၢအီၤအဂီၢ်တဂ့ၤ. လဲၤလိၤလိၤဆူဟံၣ်န့ၣ်ဒီးယနီၣ်ထိးဘိအံၤပာ်လီၤအီၤလၢဖိ သၣ်ပိာ်ခွါအလိၤတက့ၢ်.”

စံးထီၣ်ပတြၢၤ 115:2

ဘၣ်မနုၤလၢပှၤကလုာ်တဖၣ်စံးဝဲ “အကစၢ်ယွၤအိၣ်ဖဲလဲၣ်” န့ၣ်လဲၣ်.

စံးထီၣ်ပတြၢၤ 42:10

ယဘၣ်တၢ်ဆီၣ်တံၢ်ဆီၣ်သနံးယၤလၢအဝဲသ့ၣ် အတၢ်ကတိၤဒုၣ်ဒွဲၣ် ခီဖျိအတၢ်သံကွၢ်ယၤတထံၣ်ဃီ “နကစၢ်ယွၤအိၣ်ဖဲလဲၣ်” အဃိန့ၣ်လီၤ.

စံးထီၣ်ပတြၢၤ 42:2

ကစၢ်ယွၤလၢအမူဝဲတဂၤဧၢ, တၢ်သူယသးလၢနၤလီၤ. ယကလဲၤဒီးဘူၣ်ထီၣ်ဘါထီၣ်ဘၣ်နၤအခါဖဲလဲၣ်.

လံာ်တၢ်ဟးထီၣ်ကွံာ် 14:22

ဒီးပှၤအံၣ်စရ့လးဖိတဖၣ်လဲၤခီဂာ်ပီၣ်လဲၣ်လၢဟီၣ်ခိၣ်ဃ့ထီ အလိၤအိၣ်ဒီးထံအဒူၣ်ခံခီယၢ်ခီန့ၣ်လီၤ.

လံာ်ယံးရမံယၤ 2:6

ယမၤပူၤဖျဲးတ့ၢ်အဝဲသ့ၣ်လၢကီၢ်အဲၤကူပတူးဒီးဆှၢတ့ၢ်အဝဲသ့ၣ် ခီဖျိပှၢ်မုၢ်ကနၢ, တၢ်လီၢ်တတီၤလၢအမ့ၢ်မဲးမုၢ်ခိၣ်တဖၣ်ဒီး မဲးအကလိာ်တဖၣ်, တၢ်လီၢ်တတီၤလၢအဃ့ထီဒီးလီၤပျံၤလီၤဖုး ဖဲပှၤတအိၣ်နီတဂၤဘၣ်ဒီးပှၤတလဲၤတၢ်လၢအပူၤ နီတဂၤဘၣ်ဒၣ်လဲာ်န့ၣ်, အဝဲသ့ၣ်တပာ်လ့ၢ်ပာ်ကဲယၤဘၣ်.

လံာ်ယိၤအ့လး 2:17

မ်ပှၤလုၢ်တၢ်အခိၣ်လၢအမၤယွၤအတၢ် တဖၣ်ဟီၣ်လၢတၢ်လုၢ်လီၢ်ဒီးယွၤအတၢ်လုၢ်ဟံၣ်အကျဲစၢၤအဘၢၣ် စၢၤဒီးထုကဖၣ်ဒ်အံၤ, ယွၤဧၢ, သးကညီၤနပှၤဂီၢ်မုၢ်တက့ၢ်. မ်ပှၤကလုာ်ဂၤတဖၣ်အသုတသးဘၣ်အၢဒီး ဒုၣ်ဒွဲၣ်စံးအၢပှၤ လၢအတၢ်ကတိၤ, သုကစၢ်အိၣ်ဖဲလဲၣ်, န့ၣ်တဂ့ၤ.

လံာ်မၢ်ကူး 16:20

အပျဲၢ်အဘီၣ်တဖၣ်လဲၤဝဲဒီးစံၣ်တဲၤတဲလီၤတၢ်လၢတၢ်လီၢ်ကိး ပူၤဒဲးလီၤ. ကစၢ်ယ့ၣ်ၡူးမၤသကိးတၢ်ဒီးအဝဲသ့ၣ်, ဒီးခီဖျိတၢ်လီၤလးလၢအဘၣ်တၢ်မၤအီၤတဖၣ်န့ၣ်, ကစၢ်မၤဖျါထီၣ်လၢတၢ်ကစီၣ်လၢအဝဲသ့ၣ်စံၣ်တဲၤတဲလီၤဝဲန့ၣ် မ့ၢ်တၢ်အဘၣ်ဒီးတီဝဲလီၤ.] [

လံာ်ယိၤဟၣ် 14:12

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအစူၢ်က့ၤနာ်က့ၤယၤန့ၣ် တၢ်မၤလၢယမၤန့ၣ်ကမၤဝဲဒီး, ကမၤတၢ်ဒိၣ်န့ၢ်တၢ်တဖၣ်အံၤ တက့ၢ်, မ့ၢ်လၢယကက့ၤဆူပၢ်အအိၣ်အဃိန့ၣ်လီၤ.

မၤတၢ် 2:33

အဝဲဒၣ်ဘၣ်တၢ်ပာ်ထီၣ်ထီအီၤလၢပၢ်ကစၢ်ယွၤအစုထွဲတကပၤ, ဒီးဒိးန့ၢ်သးစီဆှံလၢအအိၣ်ဒ်အအၢၣ်လီၤအီလီၤတ့ၢ်ဝဲအသိး န့ၣ်လီၤ. ဒီးတၢ်လၢသုထံၣ်ဘၣ်ဒီးနၢ်ဟူဘၣ်ခဲကနံၣ်အံၤ, မ့ၢ်ယ့ၣ်ၡူးအတၢ်ဟ့ၣ်လၢအလူလီၤဂၢ်လီၤဝဲလၢပလိၤန့ၣ်လီၤ.

လံာ်ပှၤစံၣ်ညီၣ်ကွီၢ် 6:13

စီၤကံးဒဧိၣ်စံးဘၣ်အီၤ, “တၢ်ဒိၣ်ဧၢ, ယွၤမ့ၢ်အိၣ်ဒီးပှၤ န့ၣ်ဘၣ်မနုၤကယဲၢ်တၢ်ခဲလၢာ်အံၤမၤအသးဒီးပှၤန့ၣ်လဲၣ်. ကယဲၢ်တၢ်လီၤလးတဖၣ်လၢပပၢ်တဖၣ်တဲပှၤဘၣ်ဃးယွၤထုးထီၣ် အဝဲသ့ၣ်လၢကီၢ်အဲၤကူပတူးအပူၤ, တၢ်လၢယွၤမၤညီနုၢ်အီၤတဖၣ်န့ၣ်မၤအသးဒ်လဲၣ်. ယွၤညိကွံာ်တ့ၢ်လံပှၤ, ဒီးပာ်လီၤတဲာ်ပှၤလၢပှၤမံးဒယၣ်ဖိတဖၣ်အတၢ်သးကညီၤအပူၤလံ.”