လံာ်စီၤပၤခံဘ့ၣ်တဘ့ၣ် 2:12 - Sgaw Karen Common Bible

¹² စီၤအလံၤၡါထံၣ်တၢ်အံၤဒီးကိးထီၣ်ဝဲဆူစီၤအ့ၤလံယၤအ အိၣ်, “ယပၢ်ဧၢ, ယပၢ်ဧၢ, ပှၤအဆူၣ်တဂၤလၢအကဟုကယာ်တ့ၢ်ကီၢ်အံၣ်စရ့ လးဧၢ, နဘၣ်တၢ်ဟံးထီၣ်ကွံာ်နၤလံ.” ဒီးစီၤအလံၤၡါတထံၣ်ဘၣ်ကဒီးလၢၤစီၤအ့ၤလံယၤနီတစုလၢၤဘၣ်. လၢတၢ်သူၣ်အုးသးအုးအပူၤန့ၣ်စီၤအလံၤၡါဖှီယာ်ကွံာ်အဆ့ဖး ဒိၣ်ခံခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:12 Iomraidhean Croise

လံာ်တၢ်ကဲထီၣ်အခီၣ်ထံး 37:34

စီၤယၤကိာ်ဖှီကွံာ်အဆ့တဖၣ်လၢတၢ်သူၣ်အုးသးအုးအပူၤဒီးကၤ ထီၣ်ဝဲထၢၣ်တၢ်ကံးယာ်လီၤ. အဝဲသူၣ်အုးသးအုးလၢအဖိခွါအဃိအါနံၤအါသီန့ၣ်လီၤ.

လံာ်တၢ်ကဲထီၣ်အခီၣ်ထံး 5:24

အဝဲအိၣ်မူတ့ၢ်ဝဲလၢတၢ်ရ့လိာ်အသးဒီးကစၢ်ယွၤအပူၤ, ဝံၤဒီးတၢ်တထံၣ်အီၤလၢၤဘၣ်. အဂ့ၢ်ဒ်အံၤ, ယွၤစိာ်ထီၣ်ကွံာ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:14

ဝံအလံၤၡါဆါဝဲလၢတၢ်ဆါလၢအသံန့ၢ်ပှၢ်န့ၢ်ပှၤဒီးဖဲ အဝဲမံလီၤဘူးလၢအကသံအခါန့ၣ်ကီၢ်အံၣ်စရ့လးအစီၤပၤစီၤ ယိၤအၣ်လဲၤအိၣ်သကိးအီၤန့ၣ်လီၤ. လၢတၢ်ဟီၣ်တၢ်ယၢၤအပူၤန့ၣ်အဝဲတဲထီၣ်ဖျဲးဝဲဒၣ်, “ယပၢ်ဧၢ, ယပၢ်ဧၢ, နမ့ၢ်တ့ၢ်နဲပှၤဂံၢ်ဆူၣ်ဘါဆူၣ်လၢအအိၣ်ပှိၤ ဒီဒၣ်ကီၢ်အံၣ်စရ့လးန့ၣ်လီၤ.”

လံာ်စီၤပၤခံဘ့ၣ်တဘ့ၣ် 2:13

အန့ၣ်ဝံၤဒီး, အဝဲထၢထီၣ်စီၤအ့ၤလံယၤအဆ့ကၤဖးဒိၣ်လၢအဟဲ လီၤတဲာ်လၢအအိၣ်, ဒီးက့ၤကဒါက့ၤဝဲဒီးဆၢထၢၣ်ဝဲဖဲ ထံကျိယၢ်ဒ့ၣ်အနံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:13

အခ့အပှၤတဖၣ်လဲၤဆူအအိၣ်ဒီးစံးဘၣ်အီၤ, “တၢ်ဒိၣ်ဧၢ, ဝံမ့ၢ်တဲဘၣ်နၤလၢနကဘၣ်မၤတၢ်အကီအခဲတမံၤမံၤန့ၣ်နကမၤနဲလီၤ. ခဲကနံၣ်အံၤဒ်အဝဲစံးတ့ၢ်အသိး, ထဲနကလဲၤလုၣ်ထံလၢနနီၢ်ကစၢ် ဒၣ်နဲဒီးဘၣ်တၢ်မၤဘျါက့ၤနၤန့ၣ်, ဘၣ်မနုၤနမၤတကဲန့ၣ်လဲၣ်.”

လံာ်စီၤပၤခံဘ့ၣ်တဘ့ၣ် 6:21

တုၤကီၢ်အံၣ်စရ့လးအစီၤပၤထံၣ်ဘၣ်ပှၤစူၤရံဖိတဖၣ်န့ၣ်အဝဲ သံကွၢ်စီၤအလံၤၡါဒ်အံၤ, “ယကဘၣ်မၤသံအဝဲသ့ၣ်ဧါတၢ်ဒိၣ်ဧၢ, ယကဘၣ်မၤသံအဝဲသ့ၣ်ဧါ.”

လံာ်စီၤယိၤဘး 22:30

နတၢ်ကမၣ်မ့ၢ်တအိၣ်, ဒီးနမ့ၢ်မၤတၢ်အဘၣ်ဒီးအဝဲကမၤပူၤ ဖျဲးနၤလီၤ.

တၢ်ကတိၤဒိ. 11:11

ဝ့ၢ်တဝ့ၢ်ဒိၣ်ထီၣ်ထီထီၣ်ဝဲဖဲပှၤတီပှၤလိၤတဖၣ်ဟ့ၣ်အီၤအတၢ် ဆိၣ်ဂ့ၤ, မ့မ့ၢ်ကလီၤပှီၢ်ဝဲလၢပှၤအၢပှၤသီတဖၣ်အတၢ်ကတိၤတဖၣ် အဃိလီၤ.

တၢ်ကတိၤဒိ. 30:4

မ့ၢ်မတၤလဲၤတုၤထီၣ်ဘးမူခိၣ်ဒီးဟဲက့ၤလီၤဝဲတဂၤလဲၣ်. မ့ၢ်မတၤဖီၣ်န့ၢ်ကလံၤလၢအစုပူၤတဂၤလဲၣ်. မ့ၢ်မတၤဘိၣ်ထီၣ်ထံလၢတၢ်ကံးယာ်တဘ့ၣ်အပူၤတဂၤလဲၣ်. မ့ၢ်မတၤပာ်ဂၢၢ်ပာ်ကျၢၤဟီၣ်ခိၣ်အဆၢတဖၣ် တဂၤလဲၣ်. မ့ၢ်နသ့ၣ်ညါအဝဲမ့ၢ်မတၤလဲၣ်. အဖိခွါမ့ၢ်မတၤလဲၣ်, န့ၣ်ဧါ

လံာ်ပှၤစံၣ်တဲၤတဲလီၤတၢ် 7:19

တၢ်ကူၣ်သ့မၤတၢ်လၢပှၤတဂၤအဂီၢ်ဒိၣ်န့ၢ်အါန့ၢ်ဒံးပှၤပၢတၢ် အဂၤတဆံမၤတၢ်သ့လၢဝ့ၢ်တဝ့ၢ်အဂီၢ်တက့ၢ်လီၤ.

လံာ်ယၡါယၤ 37:15

ဒီးဘါထုကဖၣ်တၢ်စံးဝဲ,

လံာ်ယၡါယၤ 37:21

အန့ၣ်ဒီး, ဝံယၡါယၤဆှၢလီၤတၢ်ကစီၣ်တမံၤဒီးတဲဘၣ်စီၤပၤ ဃံးစကံယၤလၢ, လၢတၢ်စံးဆၢက့ၤစီၤပၤအတၢ်ထုကဖၣ်အဂီၢ်န့ၣ်,

လံာ်ယၡါယၤ 37:4

ကီၢ်အၤၡူၢ်အစီၤပၤဖးဒိၣ်ဆှၢလီၤအသုးခိၣ်လၢကဒုၣ်ဒွဲၣ်ကစၢ် ယွၤလၢအမူဝဲတဂၤလီၤ. မ်ယွၤနကစၢ်ယွၤနၢ်ဟူတၢ်ဒုၣ်ဒွဲၣ်တဖၣ်အံၤဒီးစံၣ်ညီၣ်ပှၤ တဖၣ်လၢအစံးကတိၤတၢ်အံၤန့ၣ်တက့ၢ်. လၢတၢ်န့ၣ်အဃိ, ဃ့ထုကဖၣ်တၢ်ဆူကစၢ်ယွၤလၢပှၤလၢအိၣ်မူတ့ၢ်တဖၣ်အဂီၢ် တက့ၢ်.”

လံာ်မၢ်ကူး 16:19

ကစၢ်ယ့ၣ်ၡူးစံးကတိၤတၢ်ဒီးအဝဲသ့ၣ်ဝံၤအလီၢ်ခံ, အဝဲဒၣ်ဘၣ်တၢ်ဟံးထီၣ်အီၤဆူမူခိၣ်, ဒီးဆ့ၣ်နီၤဝဲလၢကစၢ်ယွၤအစုထွဲတခီလီၤ.

လံာ်လူၤကၣ် 2:15

ဖဲမူခိၣ်ကလူးတဖၣ်ဟးထီၣ်ကွံာ်လၢအဝဲသ့ၣ်အအိၣ် ဒီးက့ၤထီၣ်ကဒါက့ၤဆူမူခိၣ်န့ၣ်, ပှၤကွၢ်သိတဖၣ်စံးလိာ်အသးတဂၤဒီးတဂၤ, “မ်ပကလဲၤသကိးဆူဝ့ၢ်ဘ့ၤသလ့ဃ့ၣ် ဒီးကွၢ်တၢ်တမံၤအံၤလၢအမၤအသးလၢ ကစၢ်ဒုးသ့ၣ်ညါတ့ၢ်ပှၤလၢအဂ့ၢ်န့ၣ်တက့ၢ်.”

လံာ်လူၤကၣ် 24:51

ဖဲအဝဲဒၣ်ဆိၣ်ဂ့ၤအဝဲသ့ၣ်အဖၢမုၢ်န့ၣ်, အဝဲဒၣ်သုးယံၤထီၣ်အသးဒီးအဝဲသ့ၣ်, ဒီးဘၣ်တၢ်စိာ်ထီၣ်အီၤဆူမူခိၣ်လီၤ.

လံာ်ယိၤဟၣ် 3:13

မ့တမ့ၢ်ဘၣ်လၢပှၤကညီဖိခွါယၤအံၤလၢအဟဲလီၤလၢမူခိၣ် ဘၣ်ဒီး, ပှၤတလဲၤထီၣ်ဘၣ်ဆူမူခိၣ်နီတဂၤဒံးဘၣ်.

မၤတၢ် 1:9

အဝဲဒၣ်စံးတၢ်အံၤဝံၤဒီးတၢ်ဟံးထီၣ်အီၤဆူမူခိၣ်, ဒီးဖဲအပျဲၢ်အဘီၣ်တဖၣ်ကွၢ်စူၣ်အီၤအဖၢမုၢ်န့ၣ်, တၢ်အၢၣ်တလိၣ်မၤဘၢကွံာ်အီၤဒီးအဝဲသ့ၣ်တထံၣ်အီၤလၢၤဘၣ်.

မၤတၢ် 27:24

ဒီးစံးဘၣ်ယၤ, ‘စီၤပီလူးဧၢ, ပျံၤတၢ်တဂ့ၤ. နကဘၣ်ဂဲၤဆၢထၢၣ်ဒံးလၢစီၤပၤဖးဒိၣ်အမဲာ်ညါလီၤ. သတးဒီးကစၢ်ယွၤပျဲပူၤဖျဲးပှၤလၢအဒိးကဘီဒီးနၤကိးဂၤ ဒဲးလီၤ.’

မၤတၢ် 8:2

သနာ်က့ဒီး, ပှၤအဲၣ်ထူအဲၣ်ယွၤတနီၤခူၣ်လီၤကွံာ်စီၤစတ့းဖၣ်ဒီးဟီၣ်တၢ် ယၢၤတၢ်လၢအဃိဒိၣ်ဒိၣ်ကလဲာ်လီၤ.

၂ ကရံၣ်သူး 5:2

ဒီးခဲကနံၣ်အံၤ, ပကအုကစွါပဝဲ, ပဆၢမုၢ်လၢ်ဒိၣ်မးဝဲလၢ ပကဘၣ်တၢ်ဒုးကူဒုးသိးထီၣ်ပှၤပဟံၣ်လၢမူခိၣ်န့ၣ်လီၤ.

၂ ကရံၣ်သူး 5:4

ဖဲပအိၣ်ပဆိးလၢဟီၣ်ခိၣ်အဒဲတဖျၢၣ်အံၤအပူၤအဆၢ ကတီၢ်န့ၣ်, ပကအုကစွါပဝဲဒ်ပဘၣ်တၢ်နးတၢ်ဖှီၣ်အသိး လီၤ. တမ့ၢ်လၢပအဲၣ်ဒိးညိကွံာ်ပဟီၣ်ခိၣ်အနီၢ်ခိအံၤ အဃိဘၣ်. မ့မ့ၢ်တခီ, မ့ၢ်လၢပအဲၣ်ဒိးတၢ်ဒုးကူဒုးသိးထီၣ် ပှၤလၢနီၢ်ခိဘၣ်ဃးဒီးမူခိၣ်, ဒ်သိးတၢ်လၢအသံသ့ကဘၣ်တၢ်ပျိာ်လဲလိာ်ကွံာ်အီၤဆူ တၢ်မူအဂီၢ်န့ၣ်လီၤ.

အ့းဖ့းစူး 4:8

ဒ်တၢ်ကွဲးအသးစံးဝဲအသိး, “ဖဲအဝဲလဲၤထီၣ်ဆူတၢ်လီၢ်အထီကတၢၢ်န့ၣ်, စိာ်မၢကဲကုၢ်ဃုာ်ဒီးအီၤ, ပှၤအါဒံအါဂၤလီၤ. အဝဲဟ့ၣ်ပှၤဟီၣ်ခိၣ်ဖိလၢအတၢ်ဟ့ၣ်တဖၣ်လီၤ.”

လံာ်လီၣ်ဖျါ 11:12

အန့ၣ်ဝံၤအလီၢ်ခံ, ဝံခံဂၤနၢ်ဟူတၢ်ကလုၢ်ဖးဒိၣ်လၢမူခိၣ်, ကတိၤတၢ်ဒီးအဝဲသ့ၣ်, “ဟဲထီၣ်ဖဲအံၤတက့ၢ်.” ဒီးဖဲအဝဲသ့ၣ်အဒုၣ်အဒါတဖၣ်ကွၢ်ဝဲအဖၢမုၢ်န့ၣ်, အဝဲသ့ၣ်က့ၤထီၣ်ဆူမူခိၣ်လၢတၢ်အၢၣ်တလိၣ်အပူၤ လီၤ.

လံာ်ပှၤစံၣ်ညီၣ်ကွီၢ် 17:10

ဒီးစီၤမံၤကါစံး, “အိၣ်ဒီးယၤတက့ၢ်. ကဲနဲပှၤဟ့ၣ်ကူၣ်ဟ့ၣ်ဖးတၢ် ဒီးပှၤလုၢ်တၢ်အခိၣ်လၢယဂီၢ်ဒီးယကဟ့ၣ်နၤစ့နီၢ် တနံၣ်အဘ့ၣ်တဆံ, တၢ်ကူတၢ်သိးတနီၤဒီးတၢ်အီၣ်တၢ်အီလီၤ.”