လံာ်စီၤပၤခံဘ့ၣ်တဘ့ၣ် 19:7 - Sgaw Karen Common Bible

⁷ ယွၤကမၤဒ်သိးကီၢ်အၤၡူၢ်အစီၤပၤဖးဒိၣ်ကနၢ်ဟူဘၣ်တၢ်က စီၣ်ပစံၣ်ပစိတမံၤ, လၢအကဒုးက့ၤကဒါက့ၤအီၤဆူအထံ အကီၢ်ဒၣ်ဝဲ, ဒီးယွၤကမၤသံအီၤဖဲန့ၣ်, န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:7 Iomraidhean Croise

လံာ်စီၤပၤခံဘ့ၣ်တဘ့ၣ် 19:28

ယဒိးန့ၢ်တ့ၢ်, တၢ်ပာ်ဖျါဘၣ်ထွဲဒီးနတၢ်သးကဲၤထီၣ်န့ၣ်ဒီး နတၢ်ပာ်ထီၣ်ထီနသးန့ၣ်, ဒီးခဲကနံၣ်အံၤယကတုၢ်နနါဒ့လၢနီၣ်ကွးတခါ, ဒီးပျံာ်နထးခိၣ်လၢနိးပျံာ်ထးတဘိဒီးက့ၤမိၤကဒါက့ၤနၤ လၢကျဲတဘိဃီလၢနဟဲတ့ၢ်နဲန့ၣ်လီၤ.”

လံာ်စီၤပၤခံဘ့ၣ်တဘ့ၣ် 19:33

အဝဲကက့ၤကဒါက့ၤလၢကျဲတဘိဃီလၢအဟဲဝဲန့ၣ်, တအိၣ်ဒီးတၢ်လဲၤနုာ်ဆူဝ့ၢ်အံၤအပူၤဘၣ်, ယၤ, ယွၤအံၤကတိၤလံတၢ်လံ.

လံာ်စီၤပၤခံဘ့ၣ်တဘ့ၣ် 7:6

ယွၤဒုးနၢ်ဟူတ့ၢ်ပှၤစူၤရံဖိတဖၣ်လၢတၢ်အသီၣ်လၢအလီၤဂာ်ဒီး သုးမုၢ်ဖးဒိၣ်ဟဲထီၣ်ဝဲတဖုလၢအအိၣ်ဒီးကသ့ၣ်တဖၣ်ဒီးလ့ၣ် ကဟၣ်တဖၣ်န့ၣ်လီၤ. ပှၤစူၤရံဖိတဖၣ်ဆိကမိၣ်ဝဲလၢကီၢ်အံၣ်စရ့လးအစီၤပၤဒိးလဲ ပှၤဃ့ၤသးဖိဒီးပှၤအဲၤကူပတူးဖိအစီၤပၤတဖၣ်ဒီးအဝဲသ့ၣ် အသုးမုၢ်တဖၣ်လၢကဟဲထီၣ်ဒုးအဝဲသ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:21

ယွၤဆှၢလီၤအကလူးတဂၤလၢအမၤသံကွံာ်ကီၢ်အၤၡူၢ်အသုးဖိ တဖၣ်ဒီးအသုးခိၣ်သုးနၢ်တဖၣ်န့ၣ်လီၤ. လၢတၢ်န့ၣ်အဃိကီၢ်အၤၡူၢ်အစီၤပၤဖးဒိၣ်က့ၤကဒါက့ၤဆူ ကီၢ်အၤၡူၢ်လၢတၢ်မဲာ်ဆှးအပူၤန့ၣ်လီၤ. ဘၣ်မုၢ်တနံၤဖဲ အဝဲအိၣ်လၢအကစၢ်အတၢ်လုၢ်ဟံၣ်အပူၤအခါန့ၣ်, အဝဲအဖိခွါတနီၤမၤသံကွံာ်အီၤလၢအဝဲသ့ၣ်အနးတဖၣ်န့ၣ်လီၤ.

လံာ်စီၤယိၤဘး 15:21

တၢ်မၤပျံၤမၤဖုးအသီၣ်တဖၣ်ကကိးပသူထီၣ်လၢအနၢ်တဖၣ်ပူၤ, ဒီးပှၤဂုာ်ဆူၣ်ပျီဆူၣ်တၢ်တဖၣ်ထီဒါအီၤဖဲအဆိကမိၣ်ဝဲလၢ အအိၣ်ဒီးတၢ်ပူၤဖျဲးအခါန့ၣ်လီၤ.

လံာ်စီၤယိၤဘး 4:9

ဒီးကစၢ်ယွၤအတၢ်သးထီၣ်မၤဟးဂီၤကွံာ် အဝဲသ့ၣ်ဒ်ကလံၤမုၢ်အသိးန့ၣ်လီၤ.

စံးထီၣ်ပတြၢၤ 11:6

အဝဲဒုးဟဲစူၤလီၤဝဲမ့ၣ်အူအ့ၣ်ဒီးကးလၢ အကဲၤကပျီၤလၢပှၤအၢပှၤသီအဖီခိၣ် ဒီးသိၣ်ဃီၣ်အဝဲသ့ၣ်လၢ ကလံၤမုၢ်ကိၢ်လၢအအီၣ်တၢ်န့ၣ်လီၤ.

စံးထီၣ်ပတြၢၤ 50:3

ပကစၢ်ယွၤဟဲ, ဘၣ်ဆၣ်တမ့ၢ်လၢတၢ်ဘှ့ၣ်တၢ်ဘှီၣ်အပူၤဘၣ်. မ့ၣ်အူအီၣ်တၢ်လၢအမဲာ်ညါဒီး ကလံၤမုၢ်တွၤဆူၣ်ဆူၣ်ကလဲာ်အိၣ်ဝးတရံးအီၤလီၤ.

စံးထီၣ်ပတြၢၤ 94:23

ယွၤကသိၣ်ဃီၣ်အဝဲသ့ၣ်လၢအတၢ်တတီတလိၤအဃိ ဒီးကမၤဟးဂီၤအဝဲသ့ၣ်လၢ အတၢ်ဒဲးဘးတဖၣ်အဃိန့ၣ်လီၤ. ယွၤပကစၢ်ယွၤကမၤဟးဂီၤအဝဲသ့ၣ်လီၤ.

လံာ်ယၡါယၤ 11:4

အဝဲကစံၣ်ညီၣ်ပှၤဖှီၣ်ဖိယာ်ဖိတဖၣ်တီတီလိၤလိၤ ဒီးဒီဒၣ်ခီၣ်ဆၢန့ၢ်ပှၤလၢအမၤစၢၤလီၤအသးတသ့တဖၣ် အတၢ်ခွဲးတၢ်ယာ်န့ၣ်လီၤ. လၢအတၢ်စိတၢ်ကမီၤအကလုၢ်န့ၣ်, ပှၤဂီၢ်မုၢ်ကဘၣ်တၢ်စံၣ်ညီၣ် အီၤ ဒီးပှၤအၢပှၤသီတဖၣ်ကသံဝဲလီၤ.

လံာ်ယံးရမံယၤ 49:14

ယစံးယဲ, “ကီၢ်အဒိၣ်ဧၢ, ယဒိးန့ၢ်ဘၣ်တၢ်ကစီၣ်တမံၤလၢ ယွၤအအိၣ်လီၤ. အဝဲမၢလီၤပှၤစိာ်တၢ်ကစီၣ်တဂၤဒ်သိး ကတဲဘၣ်ပှၤကလုာ်တဖၣ်လၢကရိဖှိၣ်ပာ်ထီၣ်အသုးမုၢ်တဖၣ်ဒီး ကအိၣ်ကတဲာ်ကတီၤအသးလၢ ကဒုးနၤအဂီၢ်န့ၣ်လီၤ.

လံာ်ယံးရမံယၤ 51:1

ယွၤစံးဝဲဒၣ်, “ယဟဲစိာ်ကလံၤမၤဟးဂီၤတၢ်ထီဒါ ကီၢ်ဘၤဘူၤလိၣ် အပှၤဂီၢ်မုၢ်န့ၣ်လီၤ.

လံာ်ယံးရမံယၤ 51:46

လၢတၢ်ကစီၣ်ပစိၣ်ပစ့လၢ သုနၢ်ဟူဘၣ်အဃိန့ၣ်သးဟးဂီၤဒီးပျံၤတၢ်တဂ့ၤ. ကိးနံၣ်ဒဲးန့ၣ်, တၢ်ကစီၣ်ပစိၣ်ပစ့လီၤဆီရၤလီၤအသး ဘၣ်ဃးတၢ်မၤဆူၣ်မၤစိးအဂ့ၢ်လၢ ထံလီၢ်ကီၢ်ပူၤ, ဒီးဘၣ်ဃးဒီးစီၤပၤတဂၤဒုးလိာ်အသးဒီး စီၤပၤ အဂၤတဂၤအဂ့ၢ်န့ၣ်လီၤ.

လံာ်ဧိၤဘါဒယၤ 1:1

အအံၤစီၤဧိၤဘါဒယၤအတၢ်ထံၣ်လၢညါခီဘၣ်ဃးဒီးပှၤကီၢ်အဒိၣ် ဖိဒ်ကစၢ်ယွၤစံးတ့ၢ်ဝဲအသိးန့ၣ်လီၤ. ပနၢ်ဟူတၢ်ကစီၣ်လၢကစၢ်ယွၤအအိၣ်, ဒီး အဝဲဆှၢလီၤပှၤစိာ်တၢ်ကစီၣ်တဂၤဆူပှၤကလုာ်တဖၣ်အကျါ, “ကတဲာ်ကတီၤသုသး, ဂဲၤဆၢထၢၣ်သကိးဒီးမ်ပဒုးတၢ် ထီဒါကီၢ်အဒိၣ်တက့ၢ်.