လံာ်စီၤပၤခံဘ့ၣ်တဘ့ၣ် 19:4 - Sgaw Karen Common Bible

⁴ ကီၢ်အၤၡူၢ်အစီၤပၤဖးဒိၣ်ဆှၢလီၤအပှၤသုးခိၣ်ဖးဒိၣ်အဒိၣ် ကတၢၢ်ဒ်သိးကဒုၣ်ဒွဲၣ်ကစၢ်ယွၤလၢအမူဝဲတဂၤန့ၣ်လီၤ. မ်ယွၤ, နကစၢ်ယွၤနၢ်ဟူတၢ်ဒုၣ်ဒွဲၣ်တဖၣ်ဒီးစံၣ်ညီၣ်ပှၤတဖၣ်လၢ အစံးတ့ၢ်တၢ်န့ၣ်တက့ၢ်. မၤသးဒ်န့ၣ်ဒီး, ဃ့ဘါထုကဖၣ်ဆူယွၤလၢပပှၤဂီၢ်မုၢ်လၢအအိၣ်လီၤတဲာ်ဒံးတဖၣ် အဂီၢ်န့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 19:4 Iomraidhean Croise

လံာ်တၢ်ကဲထီၣ်အခီၣ်ထံး 22:14

စီၤအၤဘြၤဟၣ်ယုၢ်တၢ်လီၢ်န့ၣ်အမံၤလၢ, “ယဟိဝၤယံၤရၤ” အခီပညီ, “ယွၤထံၣ်တၢ်ဟ့ၣ်တၢ်” လီၤ. ဒီးတုၤလီၤလၢမုၢ်မဆါတနံၤအံၤဒၣ်လဲာ်ပှၤဂီၢ်မုၢ်စံး, “လၢယွၤအကစၢၢ်ဒီခိၣ်န့ၣ်ယွၤအိၣ်ဖျါထီၣ်ဝဲလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 16:12

ဘၣ်သ့ၣ်သ့ၣ်ယွၤကပာ်သူၣ်ပာ်သးလၢယတၢ်ကိၢ်တၢ်ဂီၤတဖၣ်ဒီးဟ့ၣ် လီၤယၤတၢ်ဆိၣ်ဂ့ၤတနီၤလၢကဟံးန့ၢ်ကွံာ်အဝဲအတၢ်ဆိၣ်အၢ အလီၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 18:13

လၢစီၤပၤစီၤဃံးစကံယၤပၢတၢ်တဆံလွံၢ်နံၣ်တနံၣ်အပူၤန့ၣ်, ကီၢ်အၤၡူၢ်အစီၤပၤဖးဒိၣ်စၤနဃ့ရံာ်, ဟဲဒုးကီၢ်ယူဒၤအဝ့ၢ် တဖၣ်လၢအအိၣ်ဒီးတိာ်ဧိၤတာ်ဧိၤဒီးမၤနၢၤဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:16

ခဲကနံၣ်အံၤယွၤဧၢ, ကွၢ်တၢ်လၢအမၤအသးဒီးပှၤအံၤတက့ၢ်. ဒိကနၣ်ကယဲၢ်တၢ်ခဲလၢာ်လၢစီၤစၤနဃ့ရံာ်ကတိၤဒုၣ်ဒွဲၣ်နၤ, ကစၢ်ယွၤလၢအမူဝဲန့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 19:22

နဆိကမိၣ်လၢနဒုၣ်ဒွဲၣ်စံးဆၢဒီးနံၤဘၣ်ဖၣ်လဲမတၤန့ၣ်လဲၣ်. နတပာ်ကဲဘၣ်ယၤ, ကီၢ်အံၣ်စရ့လးအကစၢ်ယွၤစီဆှံတဂၤန့ၣ်ဘၣ်.

လံာ်စီၤပၤခံဘ့ၣ်တဘ့ၣ် 19:23

နဆှၢလီၤနပှၤစိာ်တၢ်ကစီၣ်တဖၣ်လၢကကတိၤဒိၣ်ကတိၤသွါလီၤအသး လၢယဖီခိၣ်ဒီးစံးလၢနမၤနၢၤကွံာ်ကီၢ်လဘၤနိၣ်ကစၢၢ်အထီကတၢၢ် တဖၣ်, လၢနလ့ၣ်ကဟၣ်ခဲလၢာ်န့ၣ်လီၤ. နကတိၤပာ်ကဖၢလၢလီၤနသးလၢ, ဖဲန့ၣ်နကူာ်လီၤကွံာ်သ့ၣ်ဆှိအ့ရ့းအထီကတၢၢ်တဖၣ်ဒီးသ့ၣ်ဆှိ အဂ့ၤကတၢၢ်တဖၣ်, ဒီးနလဲၤတုၤဆူသ့ၣ်ပှၢ်တဖၣ်အတီၣ်ကတၢၢ်အလီၢ်ကဝီၤတဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:3

အအံၤမ့ၢ်တၢ်ကစီၣ်လၢအဝဲသ့ၣ်ကဘၣ်တဲဘၣ်ဝံယၡါယၤန့ၣ်လီၤ. “တနံၤအံၤမ့ၢ်တၢ်နးတၢ်ဖှီၣ်အမုၢ်တနံၤန့ၣ်လီၤ. ပဘၣ်တၢ်စံၣ်ညီၣ်ပှၤဒီးပအိၣ်လၢတၢ်မဲာ်ဆှးအပူၤလီၤ. ပလီၤဂာ်ဒ်ပိာ်မုၣ်တဂၤလၢဆံးစၢ်ထီၣ်အဖိအကတီၢ်ဘၣ်လံ ဘၣ်ဆၣ်ဒီး, အဂံၢ်အဘါစၢ်ကဲာ်ဆိးလၢကဆံးစၢ်ဝဲအဂီၢ်အသိးန့ၣ် လီၤ.

လံာ်စီၤပၤခံဘ့ၣ်တဘ့ၣ် 19:30

ပှၤတဖၣ်လၢကီၢ်ယူဒၤအပူၤလၢအအိၣ်လီၤတဲာ်တ့ၢ်န့ၣ်, ကဂုၤထီၣ်ပသီထီၣ်ဝဲဒ်တၢ်မုၢ်တၢ်ဘိတဖၣ်အသိးလၢအစဲၤလီၤအဂံၢ် တဖၣ်ယိာ်ယိာ်ဆူဟီၣ်ခိၣ်အပူၤဒီးဟ့ၣ်ထီၣ်အတၤသၣ်တဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:31

ပှၤဂီၢ်မုၢ်ကအိၣ်ဒံးဝဲလၢဝ့ၢ်ယရူၤၡလ့ၣ်အပူၤဒီးလၢကစၢၢ်စံ ယိၣ်အဒီခိၣ်, ပှၤတဖၣ်လၢကအိၣ်လီၤတဲာ်တ့ၢ်ဒံး, မ့ၢ်လၢယွၤပာ်လီၤတ့ၢ်အသးလၢကဒုးကဲထီၣ်တၢ်အံၤအဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:5

တုၤစီၤယၡါယၤဒိးန့ၢ်ဘၣ်စီၤပၤဃံးစကံယၤအတၢ်ကစီၣ်န့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 32:20

အန့ၣ်ဒီးစီၤပၤဃံးစကံယၤဒီးစီၤအၤမိးအဖိခွါဝံယၡါယၤ ဘါထုကဖၣ်တၢ်ဆူကစၢ်ယွၤအအိၣ်ဒီးကိးထီၣ်အီၤလၢတၢ်မၤစၢၤ အဂီၢ်န့ၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 50:21

နမၤတ့ၢ်တၢ်သ့ၣ်တဖၣ်အံၤဒီးယအိၣ်ဃိကလာ်လီၤ. နဆိကမိၣ်လၢယဒ်သိးဒီးနကစၢ်ဒၣ်နဲလီၤ. ဘၣ်ဆၣ်ယသိၣ်ဃီၣ်နၤခဲအံၤ ဒီးပာ်လီၤတၢ်ကမၣ်လၢနမဲာ်ညါလီၤ.

စံးထီၣ်ပတြၢၤ 74:18

ကစၢ်ယွၤဧၢ, သ့ၣ်နီၣ်ထီၣ်က့ၤတၢ်အံၤ, လၢနဒုၣ်နဒါဒုၣ်ဒွဲၣ်နၤဒ်လဲၣ်, ဒီးပှၤဂီၢ်မုၢ်လၢအတစီတဆှံ မၤတရီတပါနမံၤဒ်လဲၣ်န့ၣ်တက့ၢ်.

လံာ်ယၡါယၤ 1:9

ယွၤသ့တၢ်လၢာ်တဂၤမ့ၢ်တပျဲပှၤမူတ့ၢ်တနီၤဘၣ်ဒီး, ဝ့ၢ်ယရူၤၡလ့ၣ်ကဘၣ်တၢ်မၤဟးဂီၤတ့ၢ်အီၤလၢာ်လၢာ်ဆ့ ဆ့ဒ်ပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အသိးန့ၣ်လီၤ.

လံာ်ယၡါယၤ 10:6

ယမၢလီၤကီၢ်အၤၡူၢ်လၢကဒုးပှၤကလုာ်လၢအတယူးတယီၣ်ယွၤ, ပှၤလၢအမၤသးဒိၣ်ထီၣ်တ့ၢ်ယၤတဖၣ်လီၤ. ယမၢလီၤအဝဲသ့ၣ်လၢကဂုာ်န့ၢ်ဒီးဟုၣ်တၢ်ဒီးယီၢ်တံၢ်ပှၤတဖၣ် န့ၣ်ဒ်ဖၣ်ကမူၣ်လၢကျဲတဖၣ်အပူၤအသိးန့ၣ်လီၤ.

လံာ်ယံးရမံယၤ 23:36

လၢတၢ်န့ၣ်အဃိ, အဝဲသ့ၣ်တဘၣ်သူလၢၤဘၣ်တၢ်ကတိၤ, ယွၤအတၢ်ဝံတၢ်ယိးဘၣ်. အဂ့ၢ်မ့ၢ်လၢ, ပှၤမ့ၢ်သူအီၤတဂၤဂၤဒီး, ယကဒုးကဲထီၣ်ယတၢ်ကစီၣ်လၢတၢ်ဝံတၢ်ယိးနီၢ်နီၢ်လၢအဝဲ အဂီၢ်န့ၣ်လီၤ. ပှၤဂီၢ်မုၢ်ဘိးကဒါကွံာ်အကစၢ်ယွၤ, ကစၢ်ယွၤလၢအမူဝဲ, ယွၤသ့တၢ်လၢာ်အတၢ်ကတိၤန့ၣ်လံ.

လံာ်ယံးရမံယၤ 33:3

ကိးထီၣ်ယၤတက့ၢ် “ဒီးယကစံးဆၢနၤလီၤ. ယကဒုးနဲၣ်နၤလၢ တၢ်အဒိၣ်အထီဒီး တၢ်လီၤ လးတဖၣ်လၢ နတသ့ၣ်ညါ လၢအဂ့ၢ်နီတမံၤ ဘၣ်န့ၣ်လီၤ.

လံာ်ယံးရမံယၤ 42:9

ဒီး ယစံးဘၣ်အဝဲသ့ၣ်, “ယွၤ, အံၣ်စရ့လး အကစၢ်ယွၤလၢ သုဆှၢယၤဆူ အအိၣ်ဒီး သုတၢ်သကွံၢ်ကညးန့ၣ်စံးဝဲဒၣ်,

လံာ်ယဃ့းစက့လး 36:37

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကပျဲပှၤအံၣ်စရ့လးဖိ တဖၣ်ဃ့ကဒီးတၢ်မၤစၢၤလၢယၤ, ဒီးယကဒုးအါထီၣ်အဝဲသ့ၣ် အနီၣ်ဂံၢ်ဒ်သိတဖုအသိးန့ၣ်လီၤ.

ရိမ့ၤ 11:5

အဆၢကတီၢ်ခဲအံၤမ့ၢ်တၢ်ဒ်န့ၣ်အသိးစ့ၢ်ကီးလီၤ. ပှၤအိၣ်လီၤတဲာ်စှၤဂၤလၢကစၢ်ယွၤဃုထၢထီၣ်ဝဲခီဖျိ အဘျုးအဖှိၣ်ဒၣ်ဝဲန့ၣ်လီၤ.

ရိမ့ၤ 9:27

ဒီးဝံယၡါယၤကိးသတြီထီၣ်တၢ်ဘၣ်ဃးအံၣ်စရ့လးဒီး စံးဝဲ, “ပှၤအံၣ်စရ့လးဖိတဖၣ်မ့ၢ်အါဝဲဒ်မဲးလၢပီၣ်လဲၣ်နံၤ နာ်သက့, ကဘၣ်တၢ်အုၣ်က့ၤခီၣ်က့ၤအီၤထဲစှၤဂၤဧိၤန့ၣ်လီၤ.

လံာ်သိၣ်လီၤသီလီၤတၢ် 32:36

ယွၤကမၤပူၤဖျဲးပှၤဂီၢ်မုၢ်, ဖဲအဝဲထံၣ်ဘၣ်လၢအဝဲသ့ၣ်အဂံၢ်အဘါလၢာ်ကွံာ်လံန့ၣ်လီၤ. အဝဲကအိၣ်ဒီးတၢ်သးကညီၤဘၣ်ပှၤတဖၣ်လၢ အမၤအတၢ်, ဖဲအဝဲထံၣ်ဘၣ်လၢအဝဲသ့ၣ်အတၢ်မၤစၢၤလၢာ်ကွံာ်ဝဲလံန့ၣ်လီၤ.

လံာ်စီၤယိၤၡူ 14:12

လၢတၢ်န့ၣ်အဃိ, အခဲအံၤဟ့ၣ်လီၤယၤလၢကစၢၢ်န့ၣ်လၢယွၤအၢၣ်လီၤတ့ၢ်ယၤတနံၤဃီ ဖဲယၤဒီးယပှၤတဖၣ်ပပာ်ဖျါက့ၤတၢ်ဂ့ၢ်န့ၣ်တက့ၢ်. ပစံးဘၣ်တ့ၢ်သုလၢပှၤ အနီၢ်ဒိၣ်လၢအဘၣ်တၢ်ကိးအီၤလၢပှၤဧနးဖိတဖၣ်အိၣ် ဖဲန့ၣ်လၢဝ့ၢ်တဖၣ်လၢအအိၣ်ဒီးအခိၣ်ဒူဖးဒိၣ်အပူၤန့ၣ်လီၤ. ယွၤမ့ၢ်အိၣ်ဒီးယၤဒီးယကဟီထီၣ်ကွံာ်အဝဲသ့ၣ်ဒ်ယွၤစံးဘၣ်တ့ၢ်အသိးန့ၣ်လီၤ.”

လံာ်စီၤယိၤၡူ 3:10

ဖဲသုလဲၤထီၣ်ဆူညါဒီး, အဝဲကနီၣ်ထီၣ်ကွံာ်ပှၤကနၤဧၣ်ဖိ, ပှၤဃ့ၤသးဖိ, ပှၤဃံၤဝံဖိ, ပှၤပရးစၤဖိ, ပှၤကံၢ်ကၣ်ဖိ, ပှၤအမိၢ်ဖိ, ဒီးပှၤယဘူၣ်ဖိတဖၣ်သပှၢ်ကတၢၢ်န့ၣ်လီၤ. ဒီးသုကသ့ၣ်ညါလၢကစၢ်ယွၤလၢအမူဝဲတဂၤအိၣ်လၢသုကျါ,

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:10

ဖဲအံၤယတၤပှၤအံၣ်စရ့လးဖိအသုးမုၢ်ခဲအံၤန့ၣ်လီၤ. သုဃုထၢပှၤတဂၤန့ၣ်ယဒုးအီၤဘူၣ်ယဲလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:26

စီၤဒၤဝံးသံကွၢ်ပှၤတဖၣ်လၢအအိၣ်ဘူးဒီးအီၤ, “ပှၤတဂၤလၢအမၤသံပှၤဖလ့ၡသးဖိတဂၤန့ၣ်ဒီးမၤသဘျ့ထီၣ် ပှၤအံၣ်စရ့လးဖိလၢတၢ်ဒုၣ်ဒွဲၣ်အံၤန့ၣ်ကမၤန့ၢ်တၢ်မနုၤ လဲၣ်. ဝံၤဒီးပှၤဖလ့ၡသးဖိလၢအတစူၢ်တနာ်ယွၤဒီးထီဒါကစၢ်ယွၤလၢ အမူဝဲတဂၤအသုးမုၢ်န့ၣ်မ့ၢ်မတၤတဂၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:45

စီၤဒၤဝံးစံးဆၢဝဲဒၣ်, “နဟဲထီဒါယၤလၢနး, ဘီဒီးဘီဖိတဖၣ်လီၤ. မ့မ့ၢ်ယဟဲထီဒါနၤလၢပှၤအံၣ်စရ့လး ဖိအသုးမုၢ်အကစၢ်ယွၤ, ယွၤသ့တၢ်လၢာ်, လၢနမၤတရီတပါအီၤတဂၤန့ၣ်အမံၤလီၤ.