လံာ်စီၤပၤခံဘ့ၣ်တဘ့ၣ် 19:37 - Sgaw Karen Common Bible

³⁷ ဘၣ်မုၢ်တနံၤဖဲအဝဲဘူၣ်တၢ်ဘါတၢ်လၢအကစၢ်နံစရိးအတၢ်လုၢ်ဟံၣ် အပူၤအခါန့ၣ်အဖိခွါခံဂၤလၢအမ့ၢ်စီၤအဒြၤမ့လ့းဒီးစီၤ ၡၢ်အ့စ့ၢ်တဖၣ်မၤသံကွံာ်အီၤလၢအဝဲသ့ၣ်အနးတဖၣ်, ဝံၤဃ့ၢ်ပူၤဖျဲးကွံာ်အသးဆူကီၢ်အရၤရးန့ၣ်လီၤ. အဝဲအဖိခွါတဖၣ်အဂၤတဂၤလၢအမ့ၢ်စီၤအ့ၤစၢ်ဃးဒိၣ်ကဲထီၣ်စီၤ ပၤဖးဒိၣ်လၢအဝဲအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:37 Iomraidhean Croise

လံာ်တၢ်ကဲထီၣ်အခီၣ်ထံး 8:4

ဒီးလၢလါနွံလါတလါ, ထီၣ်တဆံနွံသီတသီအနံၤန့ၣ်ကဘီအိၣ် ထီၣ်ထီတ့ၢ်လၢကစၢၢ်အရၤရးအလူၢ်အလိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:31

ဧးဝါအပှၤဂီၢ်မုၢ်မၤဝဲတၢ်ဂီၤတၢ်ဖီၣ်တဖၣ်လၢနံးဘဃးဒီးတၢ် တးအဂီၤတဖၣ်, ဒီးစဖၤရဝံၣ်အပှၤဂီၢ်မုၢ်လုၢ်ထီၣ်အဖိတဖၣ် ဒ်တၢ်လုၢ်မ့ၣ်အူတဖၣ်အသိးဆူအဝဲသ့ၣ်အကစၢ်တဖၣ်လၢ အမ့ၢ်အဒြၤမ့လ့းဒီးဧၤနမ့လးအအိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 18:30

ဒီးပျဲအဝဲမၢန့ၢ်ဆီၣ်ခံသု, လၢသုကဒိးသန့ၤသုသးလၢယွၤ အလိၤန့ၣ်တဂ့ၤ. ဆိကမိၣ်လၢယွၤကအုၣ်က့ၤခီၣ်က့ၤသုဒီးအဝဲဆိကတီၢ်ပှၤအၤၡူၢ် အသုးမုၢ်လၢကဒုးမၤန့ၢ်ကွံာ်သုဝ့ၢ်အဂီၢ်န့ၣ်တဂ့ၤ.

လံာ်စီၤပၤခံဘ့ၣ်တဘ့ၣ် 18:5

စီၤဃံးစကံယၤပာ်အတၢ်နာ်လၢယွၤ, အံၣ်စရ့လးအကစၢ်ယွၤအပူၤလီၤ. ကီၢ်ယူဒၤတအိၣ်ဘၣ်ဒီးစီၤပၤအဂၤတဂၤဒ်သိးဒီးအီၤနီတစုလၢ အဝဲအမဲာ်ညါမ့ၢ်ဂ့ၤ, အလီၢ်ခံမ့ၢ်ဂ့ၤဘၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:10

လၢအကစံးဘၣ်အီၤဒ်အံၤ, “နကစၢ်လၢနနာ်အီၤတဂၤစံးဘၣ်နၤလၢ နတလီၤကွံာ်ဘၣ်ဆူယစုပူၤဘၣ်. ဘၣ်ဆၣ်ဒီးပျဲတၢ်န့ၣ်လီန့ၢ်နၤတဂ့ၤ.

လံာ်စီၤပၤခံဘ့ၣ်တဘ့ၣ် 19:17

ယွၤဧၢ, ပဝဲခဲလၢာ်ပသ့ၣ်ညါလၢကီၢ်အၤရူၢ်အစီၤပၤဖးဒိၣ်တဖၣ် မၤဟးဂီၤကွံာ်တ့ၢ်ပှၤကလုာ်တဖၣ်ဒီးဒုးကဲထီၣ်အထံအကီၢ်တဖၣ် လၢတၢ်အိၣ်သယုၢ်အလီၢ်,

လံာ်စီၤပၤခံဘ့ၣ်တဘ့ၣ် 19:31

ပှၤဂီၢ်မုၢ်ကအိၣ်ဒံးဝဲလၢဝ့ၢ်ယရူၤၡလ့ၣ်အပူၤဒီးလၢကစၢၢ်စံ ယိၣ်အဒီခိၣ်, ပှၤတဖၣ်လၢကအိၣ်လီၤတဲာ်တ့ၢ်ဒံး, မ့ၢ်လၢယွၤပာ်လီၤတ့ၢ်အသးလၢကဒုးကဲထီၣ်တၢ်အံၤအဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:7

ယွၤကမၤဒ်သိးကီၢ်အၤၡူၢ်အစီၤပၤဖးဒိၣ်ကနၢ်ဟူဘၣ်တၢ်က စီၣ်ပစံၣ်ပစိတမံၤ, လၢအကဒုးက့ၤကဒါက့ၤအီၤဆူအထံ အကီၢ်ဒၣ်ဝဲ, ဒီးယွၤကမၤသံအီၤဖဲန့ၣ်, န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:14

ကယဲၢ်ထံကီၢ်တဖၣ်န့ၣ်အကစၢ်တဖၣ်အကျါတဂၤဂၤမၤပူၤဖျဲးတ့ၢ်အထံ အကီၢ်လၢပစုပူၤအခါဖဲလဲၣ်. မ့မ့ၢ်ဒ်န့ၣ်အဃိ, တၢ်လၢအဒုးဆိကမိၣ်သုလၢသုကစၢ်ကမၤပူၤဖျဲးသုန့ၣ်မ့ၢ်မနုၤလဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 32:19

အဝဲသ့ၣ်ကတိၤတၢ်ဘၣ်ဃးဒီးဝ့ၢ်ယရူၤၡလ့ၣ်အကစၢ်ယွၤအဂ့ၢ်, တမံၤဃီဒ်အဝဲသ့ၣ်ကတိၤတၢ်ဘၣ်ဃးဒီးပှၤဂီၢ်မုၢ်အဂၤတဖၣ်အကစၢ် တဖၣ်လၢအမ့ၢ်တၢ်ဂီၤတၢ်ဖီၣ်တဖၣ်လၢအဘၣ်တၢ်မၤအီၤလၢပှၤ ကညီအစုတဖၣ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:21

ယွၤဆှၢလီၤအကလူးတဂၤလၢအမၤသံကွံာ်ကီၢ်အၤၡူၢ်အသုးဖိ တဖၣ်ဒီးအသုးခိၣ်သုးနၢ်တဖၣ်န့ၣ်လီၤ. လၢတၢ်န့ၣ်အဃိကီၢ်အၤၡူၢ်အစီၤပၤဖးဒိၣ်က့ၤကဒါက့ၤဆူ ကီၢ်အၤၡူၢ်လၢတၢ်မဲာ်ဆှးအပူၤန့ၣ်လီၤ. ဘၣ်မုၢ်တနံၤဖဲ အဝဲအိၣ်လၢအကစၢ်အတၢ်လုၢ်ဟံၣ်အပူၤအခါန့ၣ်, အဝဲအဖိခွါတနီၤမၤသံကွံာ်အီၤလၢအဝဲသ့ၣ်အနးတဖၣ်န့ၣ်လီၤ.

လံာ်စီၤဧ့စြၤ 4:2

လၢတၢ်န့ၣ်အဃိအဝဲသ့ၣ်လဲၤထံၣ်စီၤစရူၤဘၤဘ့လးဒီးဒူၣ်ထၢ အခိၣ်တဖၣ်ဒီးစံးဝဲ, “ပျဲပပာ်ဖှိၣ်ဃုာ်ပသးဒီးသုလၢတၢ်သူၣ်ထီၣ်တၢ်လုၢ်ဟံၣ်န့ၣ်တ က့ၢ်. ပဘူၣ်ထီၣ်ဘါထီၣ်ကစၢ်ယွၤတဂၤဃီ လၢသုဘူၣ်ထီၣ်ဘါထီၣ်အီၤ, ဒီးပလုၢ်ထီၣ်တ့ၢ်လံတၢ်လုၢ်တၢ်ပာ် တဖၣ်ဆူအီၤစးထီၣ်တ့ၢ်လံလၢကီၢ်အၤၡူၢ်အစီၤပၤဖးဒိၣ်စီၤ အ့ၤစၢ်ဃးဒိၣ်ဆှၢလီၤပှၤလၢပကအိၣ်ကဆိးဖဲအံၤလံၤလံၤန့ၣ် လီၤ.”

လံာ်ယံးရမံယၤ 51:27

ဟ့ၣ်တၢ်ပနီၣ်လၢ တၢ်ကထီၣ်ဒုးတၢ်အဂီၢ်တက့ၢ်. အူထီၣ်ကွဲၤဒ်သိး ပှၤကလုာ်တဖၣ်နၢ်ဟူဝဲကသ့အဂီၢ်တက့ၢ်. ကတဲာ်ကတီၤပှၤကလုာ်တဖၣ်လၢ တၢ်ဒုးတၢ်ထီဒါ ကီၢ်ဘၤဘူၤလိၣ်အဂီၢ်တက့ၢ်. တဲဘၣ်ဘီဧိၤမုၢ်ဧိၤတဖၣ်လၢအမ့ၢ် ဝဲအရၤရး, မံးနံး, ဒီးအၤၡကံနးလၢ ကလဲၤထီၣ်ဒုးတၢ်အဂီၢ်တ က့ၢ်. ဃုထၢပာ်လီၤသုးခိၣ်တဂၤလၢ ကဆှၢတၢ်လၢတၢ်ဒုး အဂီၢ်တက့ၢ်. ဒုးဟဲထီၣ်ကသ့ၣ်တဖၣ်ဒ်ဒွဲၣ်အဖုအဂီၢ်အသိးန့ၣ်တက့ၢ်.

လံာ်သိၣ်လီၤသီလီၤတၢ် 32:31

အဝဲသ့ၣ်အဒုၣ်အဒါတဖၣ်သ့ၣ်ညါဝဲလၢအဝဲသ့ၣ်အကစၢ်တဖၣ်လၢ အဘူၣ်ဝဲဘါဝဲန့ၣ်အဂံၢ်စၢ်ဘါစၢ်, ဒီးတဒိၣ်ဝဲမုၢ်ဝဲထဲသိးကီၢ်အံၣ်စရ့လးအကစၢ်ယွၤ ဘၣ်န့ၣ်လီၤ.