လံာ်စီၤပၤခံဘ့ၣ်တဘ့ၣ် 19:29 - Sgaw Karen Common Bible

²⁹ ဝံၤဒီးစီၤယၡါယၤစံးဘၣ်စီၤပၤဃံးစကံယၤဒ်အံၤ, “အအံၤမ့ၢ်တၢ်ပနီၣ်တမံၤလၢကမၤအသးန့ၣ်လီၤ. တနံၣ်အံၤဒီးခဲကိာ်တနံၣ်သုကအီၣ်ဘၣ်ထဲဘုဧိၤဟုဧိၤလၢအမဲ ထီၣ်ဒၣ်တၢ်, မ့မ့ၢ်, နံၣ်လၢအကပိာ်ထွဲထီၣ်အခံတနံၣ်န့ၣ်သုသူၣ်လီၤသုဘု ဧိၤဟုဧိၤကသ့ဝဲဒီးကူးက့ၤအီၤ, ဒီးသူၣ်စပံးမုၢ်တဖၣ်ဒီးအီၣ်စပံးသၣ်တဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:29 Iomraidhean Croise

လံာ်စီၤပၤခံဘ့ၣ်တဘ့ၣ် 19:21

ယွၤစံးတ့ၢ်ဒ်အံၤ, “ဝ့ၢ်ယရူၤၡလ့ၣ်နံၤဘၣ်ဖၣ်လဲနၤ, စီၤစၤနဃ့ရံာ်ဧၢ, ဒီးဒုၣ်ဒွဲၣ်ပယွဲနၤလီၤ.

စံးထီၣ်ပတြၢၤ 107:37

အဝဲသ့ၣ်ဖှံတၢ်လၢစံာ်ပျီပူၤတဖၣ်, ဒီးသူၣ်စပံးအလီၢ်ဒီးဒိးန့ၢ်ဘၣ်ဝဲတၢ်အါမးန့ၣ်လီၤ.

လံာ်တၢ်ဟးထီၣ်ကွံာ် 3:12

ဒီးကစၢ်ယွၤစံးဆၢအီၤ, “ယကအိၣ်ဒီးနၤလီၤ. ဒီးဖဲနထုးထီၣ်ကွံာ်ပှၤဂီၢ်မုၢ်လၢကီၢ်အဲၤကူပတူးအပူၤန့ၣ်, သုကဘူၣ်ထီၣ်ဘါထီၣ်ယၤဖဲကစၢၢ်အံၤအလိၤန့ၣ်လီၤ. တၢ်န့ၣ်ကမ့ၢ်တၢ်အုၣ်အသးလၢယမၢလီၤနၤန့ၣ်လီၤ.”

လံာ်ယၡါယၤ 37:30

အန့ၣ်ဒီး, ဝံယၡါယၤစံးဘၣ်စီၤပၤဃံးစကံယၤ “အအံၤမ့ၢ်တၢ် ပနီၣ်တမံၤလၢအကမၤအသးန့ၣ်လီၤ. တနံၣ်အံၤဒီးခဲငါတနံၣ်န့ၣ်တၢ်ကအိၣ်ဒီးသုထဲဘုဧိၤဟုဧိၤ လၢအမဲထီၣ်ဒၣ်အတၢ်တဖၣ်လၢသုကအီၣ်အဂီၢ်လီၤ. ဘၣ်ဆၣ်ဒီးပိာ်ထွဲထီၣ်အခံလၢခံတနံၣ်န့ၣ်, သုကသူၣ်ဘၣ်ဒီးကူးဘၣ်ဘုဧိၤဟုဧိၤ, ဒီးသူၣ်လီၤစပံးမုၢ် တဖၣ်ဒီးအီၣ်ဘၣ်စပံးသၣ်တဖၣ်လီၤ.

လံာ်ဟိၤၡ့ 1:7

ဘၣ်ဆၣ်ယကဒုးနဲၣ်တၢ်အဲၣ်ဆူကီၢ်ယူဒၤအပှၤဂီၢ်မုၢ်န့ၣ်လီၤ. ယၤ, ယွၤအဝဲသ့ၣ်အကစၢ်ယွၤ, ကအုၣ်က့ၤခီၣ်က့ၤအဝဲသ့ၣ်လီၤ. ဘၣ်ဆၣ်ယတမၤတၢ်အံၤလၢတၢ်ဒုးတၢ်ယၤဒီးလၢဘီမ့ၢ်ဂ့ၤ, လၢချံၣ်ဒီးပျၢ်တဖၣ်မ့တမ့ၢ်, လၢကသ့ၣ်တဖၣ်မ့ၢ်ဂ့ၤ, ပှၤဒိးကသ့ၣ်တဖၣ်မ့ၢ်ဂ့ၤန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 25:6

ဟီၣ်ခိၣ်န့ၣ်မ့ၢ်တဘၣ်တၢ်သူၣ်လီၤဖျးလီၤတၢ်လၢအပူၤလၢနံၣ် တနံၣ်အံၤအပူၤဘၣ်ဆၣ်ဒီး, ကဟ့ၣ်ထီၣ်တၢ်အီၣ်တၢ်အီလၢသုဂီၢ်, သုကုၢ်တဖၣ်အဂီၢ်, သုခ့သုပှၤတဖၣ်လၢအဒိးလဲအသးအဂီၢ်, ပှၤတခီဘီမုၢ်ဖိလၢအအိၣ်ဒီးသုတဖၣ်အဂီၢ်,

လံာ်လူၤကၣ် 2:12

ဒီးတၢ်လၢအကဟ့ၣ်သုတၢ်အုၣ်အသးလၢအဂ့ၢ်န့ၣ်မ့ၢ်အအံၤလီၤ. သုကထံၣ်န့ၢ်ဖိသၣ်တဂၤဘၣ်တၢ်ဘိၣ်ဘံဃာ်အီၤလၢတၢ်ကံး ယာ်ဒီးအိၣ်မံလီၤလၢကျီၢ်အီၣ်ဆၣ်အကျိးပူၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:34

ဖဲနဖိခွါခံဂၤ, စီၤဃၤဖနံဒီးစီၤဖံၤနဃၣ်သံဝဲလၢတနံၤ ဃီအတီၢ်ပူၤန့ၣ်, တၢ်အံၤကဒုးနဲၣ်နၤလၢတၢ်ကိးမံၤဒဲးလၢယတဲ တ့ၢ်န့ၣ်မ့ၢ်ဝဲတီဝဲအဂ့ၢ်န့ၣ်လီၤ.