လံာ်စီၤပၤခံဘ့ၣ်တဘ့ၣ် 19:27 - Sgaw Karen Common Bible

²⁷ ဘၣ်ဆၣ်ဒီးယသ့ၣ်ညါနဂ့ၢ်နကျိၤခဲလၢာ်, နမၤတၢ်မနုၤလဲၣ်ဒီး နလဲၤဖဲလဲၣ်န့ၣ်လီၤ. ယသ့ၣ်ညါနသးကဲၤထီၣ်ထီဒါယၤဒ်လဲၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:27 Iomraidhean Croise

စံးထီၣ်ပတြၢၤ 121:8

နဟးထီၣ်တၢ်, ဒီးနဟဲက့ၤတၢ်န့ၣ် တုၤအံၤဆူညါ ယွၤကအံးက့ၤကွၢ်က့ၤဝဲလီၤထူလီၤယိာ်လီၤ.

လံာ်သိၣ်လီၤသီလီၤတၢ် 28:19

ယွၤကဆိၣ်အၢတၢ်လၢသုမၤအီၤတမံၤလၢ်လၢ်န့ၣ်လီၤ.

လံာ်သိၣ်လီၤသီလီၤတၢ် 28:6

ယွၤကဆိၣ်ဂ့ၤတၢ်ကိးမံၤဒဲးလၢသုမၤအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:6

စီၤအၤကံၣ်ကိးစီၤဒၤဝံးဒီးစံးဘၣ်အီၤ, “ယဆိၣ်တၢ်ခီဖျိကီၢ်အံၣ်စရ့လးအကစၢ်ယွၤလၢအမူဝဲတဂၤအမံၤ လၢနသူၣ်တီသးလိၤတ့ၢ်ဒီးယၤ ဒီးယဘၣ်သူၣ်ဘၣ်သးလၢနကလဲၤဃုာ်ဒီးယၤဒီးဒုးတၢ်လၢတၢ်ဒုးအံၤအပူၤန့ၣ်လီၤ. စးထီၣ်မုၢ်တနံၤလၢနဟဲဆူယအိၣ်န့ၣ်ယတထံၣ်န့ၣ်တ့ၢ်တၢ်ကမၣ်လၢ နပူၤနီတမံၤဘၣ်. ဘၣ်ဆၣ်ဒီးစီၤပၤအဂၤတဖၣ်န့ၣ်တဘၣ်သူၣ်ဘၣ်သးလၢနၤဘၣ်.