လံာ်စီၤပၤခံဘ့ၣ်တဘ့ၣ် 19:24 - Sgaw Karen Common Bible

²⁴ နကတိၤပာ်ကဖၢလၢလီၤနသးလၢနခူၣ်ထံပူၤတဖၣ်, ဒီးအီတ့ၢ်ထံလၢတခီထံတခီကီၢ်တဖၣ်အပူၤဒီးနသုးဖိသံၣ်ဖိ တဖၣ်အခီၣ်ကယီၢ်လီၤသံးကွံာ်ထံကျိနံၤလါန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:24 Iomraidhean Croise

လံာ်တၢ်ကဲထီၣ်အခီၣ်ထံး 26:15

လၢတၢ်န့ၣ်အဃိ, ပှၤဖလ့ၡသးဖိသ့ၣ်တဖၣ်အံၤမၤပှဲၤမၤတံာ်တၢၤ ကယဲၢ်ထံပူၤခဲလၢာ်လၢအပၢ်စီၤအၤဘြၤဟၣ်အခ့အပှၤတဖၣ်ခူၣ်တ့ၢ် ဃာ်ဝဲဖဲစီၤအၤဘြၤဟၣ်အိၣ်မူဒံးဝဲအခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:13

အဝဲမ့ၢ်ဂုၤက့ၤအလီၢ်ခံဆူဝ့ၢ်တဝ့ၢ်အပူၤဒီး, ပပှၤဂီၢ်မုၢ်ခဲလၢာ်ကဟဲစိာ်ပျံၤတဖၣ်ဒီးထုးလီၤတဲာ်ဝ့ၢ်န့ၣ် ဆူတြီၤလၢအအိၣ်လၢလာ်ခီအပူၤန့ၣ်လီၤ. လၢတၢ်လူၢ်ဒီခိၣ်န့ၣ်လၢၢ်ဖိတဖျၢၣ်ဒၣ်လဲာ်တအိၣ်လီၤတဲာ်ဘၣ်ဝဲ ဘၣ်.”

လံာ်စီၤပၤအခီၣ်ထံးတဘ့ၣ် 20:10

လၢစီၤပၤဘ့ၣ်ဟဒးအအိၣ်စံးဝဲ, “ယကဟဲကိးပှၤလၢလၢလီၣ်လီၣ် လၢကမၤဟးဂီၤသုဝ့ၢ်အံၤတုၤအစိာ်ထီၣ်ကွံာ်ဒၣ်လဲာ်လၢၢ်အက့ အခီတဖၣ်လၢအစုပူၤန့ၣ်လီၤ. ယမ့ၢ်တမၤဒ်န့ၣ်ဘၣ်ဒီးမ်ကစၢ်တဖၣ်တီၢ်ယၤလၢတၢ်သံတက့ၢ်.”

လံာ်တၢ်ဟးထီၣ်ကွံာ် 15:9

ဒုၣ်ဒါန့ၣ်စံးဝဲဒၣ်, ယကလူၤထွဲဒီးဖီၣ်န့ၢ်အဝဲသ့ၣ်, ယကနီၤဖးအတၢ်စုလီၢ်ခီၣ်ခိၣ်ဒီးဟံးန့ၢ်ကယဲၢ်တၢ်လၢယသးလီခဲလၢာ်, ယကထုးထီၣ်ယနးဒီးဟံးန့ၢ်တၢ်အိၣ်ဒီးအဝဲသ့ၣ်ခဲလၢာ်န့ၣ်လီၤ.

လံာ်ယၡါယၤ 19:6

ထံကျိအကျိၤတဖၣ်ကနၢအုၣ်နၢပူးဝဲဖဲထံလီၤသံးကွံာ်ဝဲပှီၢ်ပှီၢ် န့ၣ်လီၤ. ဆှဲဒီးတပိၢ်တဖၣ်ကဃ့ထီကွံာ်ဝဲလီၤ.

လံာ်ဒၤနံးယ့လး 4:30

ဒီးစံးဝဲဒၣ်, “ဘၤဘူၤလိၣ်ဒိၣ်ဝဲဆံးဒိၣ်ဆံးဒိၣ်လဲၣ်န့ၣ်ကွၢ်တက့ၢ်. ယသူၣ်ထီၣ်အီၤဒ်ယဝ့ၢ်ခိၣ်အသိးလၢကလီၣ်ဖျါ ထီၣ်ယစိကမီၤဒီးယဂံၢ်ယဘါယလၤကပီၤယကဟုကညီၢ်လီၤ.”