လံာ်စီၤပၤခံဘ့ၣ်တဘ့ၣ် 19:22 - Sgaw Karen Common Bible

²² နဆိကမိၣ်လၢနဒုၣ်ဒွဲၣ်စံးဆၢဒီးနံၤဘၣ်ဖၣ်လဲမတၤန့ၣ်လဲၣ်. နတပာ်ကဲဘၣ်ယၤ, ကီၢ်အံၣ်စရ့လးအကစၢ်ယွၤစီဆှံတဂၤန့ၣ်ဘၣ်.

လံာ်စီၤပၤခံဘ့ၣ်တဘ့ၣ် 19:22 Iomraidhean Croise

လံာ်စီၤပၤခံဘ့ၣ်တဘ့ၣ် 19:4

ကီၢ်အၤၡူၢ်အစီၤပၤဖးဒိၣ်ဆှၢလီၤအပှၤသုးခိၣ်ဖးဒိၣ်အဒိၣ် ကတၢၢ်ဒ်သိးကဒုၣ်ဒွဲၣ်ကစၢ်ယွၤလၢအမူဝဲတဂၤန့ၣ်လီၤ. မ်ယွၤ, နကစၢ်ယွၤနၢ်ဟူတၢ်ဒုၣ်ဒွဲၣ်တဖၣ်ဒီးစံၣ်ညီၣ်ပှၤတဖၣ်လၢ အစံးတ့ၢ်တၢ်န့ၣ်တက့ၢ်. မၤသးဒ်န့ၣ်ဒီး, ဃ့ဘါထုကဖၣ်ဆူယွၤလၢပပှၤဂီၢ်မုၢ်လၢအအိၣ်လီၤတဲာ်ဒံးတဖၣ် အဂီၢ်န့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 19:6

အဝဲဆှၢကဒါက့ၤတၢ်စံးဆၢဒ်အံၤလီၤ. “ယွၤတဲဘၣ်နၤလၢနသုတပျဲပှၤအၤၡူၢ်ဖိတဖၣ်မၤပျံၤမၤဖုး နၤခီဖျိအဝဲသ့ၣ်အတၢ်တဲလၢ, ယွၤအုၣ်က့ၤခီၣ်က့ၤနၤတသ့ ဘၣ်န့ၣ်တဂ့ၤ.”

စံးထီၣ်ပတြၢၤ 71:22

ယကစံးထီၣ်ပတြၢၤစ့ၢ်ကီးနၤလၢသီတူၢ်, လၢနတၢ်မ့ၢ်တၢ်တီအဃိန့ၣ်လီၤ. ယကစၢ်ယွၤ. အံၣ်စရ့လးအတၢ်စီဆှံတဂၤဧၢ, ယကသးဝံၣ်စံးထီၣ်ပတြၢၤနၤလၢတနၢ်န့ၣ်လီၤ.

စံးထီၣ်ပတြၢၤ 73:9

အဝဲသ့ၣ်ကတိၤတၢ်အၢလၢကစၢ်ယွၤလၢအအိၣ် လၢမူခိၣ်အဂ့ၢ် ဒီးဟ့ၣ်လီၤတၢ်မၤလိာ်လၢ အတၢ်ပာ်ထီၣ်ထီအသးတဖၣ်ဆူ ပှၤလၢအအိၣ်လၢဟီၣ်ခိၣ်ချၢန့ၣ်လီၤ.

စံးထီၣ်ပတြၢၤ 78:41

အဝဲသ့ၣ်လ့ပစီကစၢ်ယွၤတဘျီဝံၤတဘျီဒီး မၤသးဒိၣ်ထီၣ်အံၣ်စရ့လးအကစၢ်ယွၤစီဆှံ တဂၤန့ၣ်လီၤ.

လံာ်တၢ်ဟးထီၣ်ကွံာ် 5:2

ဒီးစီၤပၤစံးဝဲဒၣ်, “ယွၤမ့ၢ်မတၤတဂၤလၢယကဘၣ်ဒိကနၣ်အကလုၢ်ဒီးပျၢ်ပှၤအံၣ်စရ့ လးဖိန့ၣ်လဲၣ်. ယတသ့ၣ်ညါဘၣ်ယွၤဘၣ်. ဒီးယတပျၢ်စ့ၢ်ကီးပှၤအံၣ်စရ့လးဖိဘၣ်.”

လံာ်တၢ်ဟးထီၣ်ကွံာ် 9:17

အန့ၣ်ဒၣ်လဲာ်နပာ်ကဖၢလၢဒံးနသးဒီးဂ့ၢ်လိာ်လၢနကပျၢ်ယပှၤဂီၢ် မုၢ်ဟးထီၣ်န့ၣ်လီၤ.

တၢ်ကတိၤဒိ. 30:13

ပှၤအိၣ်ဝဲတကလုာ်လၢအဆိကမိၣ်လီၤအသးလၢအဂ့ၤဒိၣ်မးန့ၣ်လီၤ. အိ, မ့ၢ်အဆိကမိၣ်လီၤအသးလၢအဂ့ၤဆံးဒိၣ်ဆံးအါန့ၣ်လဲၣ်.

လံာ်ယၡါယၤ 10:13

ကီၢ်အၤၡူၢ်အစီၤပၤဖးဒိၣ်ကတိၤဒိၣ်ကတိၤသွါတၢ်ဒီးစံးဝဲ, “ယမၤတ့ၢ်တၢ်ခဲလၢာ်န့ၣ်လၢယကစၢ်ဒၣ်ယဲလီၤ. ယဂံၢ်ဆူၣ်ဘါဆူၣ်, ယကူၣ်တၢ်သ့ဒီးယသ့ယဘၣ်လီၤ. ယတြူာ်ကွံာ်ထံဆၢကီၢ်ဆၢတဖၣ်လၢပှၤကလုာ်တကလုာ်ဒီး တကလုာ်အဘၢၣ်စၢၤ, ဒီးဟံးန့ၢ်တၢ်လုၢ်ဒိၣ်ပှ့ၤဒိၣ်လၢအပာ် ဖှိၣ်ပာ်တံၤဝဲတဖၣ်လီၤ. ဒ်ဂီၤဖံးဖါတဒုအသိး, ယယီၢ်တံၢ်ပှၤ တဖၣ်လၢအအိၣ်ဖဲန့ၣ်န့ၣ်လီၤ.

လံာ်ယၡါယၤ 10:15

ဘၣ်ဆၣ်ဒီးယွၤစံးဝဲဒၣ်, “ကွါတဘ့ၣ်စံးလီၤအသးလၢအ ဒိၣ်န့ၣ်ဒံးပှၤလၢအသူအီၤတဂၤန့ၣ်ကသ့ဧါ. ထးဘူးတဲာ်မ့ၢ် အကါဒိၣ်န့ၣ်ဒံးပှၤလၢအဘူးတဲာ်တၢ်လၢအီၤတဂၤန့ၣ်ဧါ. နီၣ်တီၢ်တယၤထီၣ်ပှၤကညီတဂၤန့ၣ်ဘၣ်. မ့မ့ၢ်, ပှၤကညီယၤထီၣ်နီၣ်တီၢ်တခီန့ၣ်လီၤ.”

လံာ်ယၡါယၤ 30:15

ယွၤပၢဘၣ်တၢ်ခဲလၢာ်ကစၢ်, အံၣ်စရ့လးအကစၢ်ယွၤစီဆှံ, စံးဘၣ်ပှၤဂီၢ်မုၢ်, “ဟဲက့ၤကဒါက့ၤဒီးပာ်သုတၢ်နာ်လၢ ယပူၤကစုဒုတက့ၢ်. အန့ၣ်ဒီး, သုဂံၢ်သုဘါကဆူၣ်ဒီးတၢ်အၢ တဘၣ်သုဘၣ်.” ဘၣ်ဆၣ်, သုဂ့ၢ်လိာ်လၢသုကမၤထွဲအီၤ အဂီၢ်လီၤ.

လံာ်ယၡါယၤ 5:24

လၢတၢ်န့ၣ်အဃိအခဲအံၤ, ဒ်ဘုလီၢ်ဒီးကပံာ်ဃ့သွံးထီၣ်ကွံာ် ဒီးမ့ၣ်အူအီၣ်အီၤအသိး, သုဂံၢ်တဖၣ်ကအုၣ်ကကျၣ်ကွံာ် ဒီးသုသိၣ်သုဖီတဖၣ်ကဃ့ထီဒီးဒံကွံာ်ဝဲလီၤ. အဂ့ၢ်ဒ်အံၤ, သုညိကွံာ်တၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤစီဆှံ, သိၣ်လိတ့ၢ်ပှၤအဃိန့ၣ်လီၤ.

လံာ်ယံးရမံယၤ 51:5

ယၤ, ယွၤကစၢ်ယွၤသ့တၢ်လၢာ်အံၤ, တစူးကွံာ်ညိကွံာ်ကီၢ်အံၣ်စရ့လးဒီးကီၢ်ယူဒၤဘၣ်. အဝဲသ့ၣ်မ့ၢ်မၤတ့ၢ်တၢ်ဒဲးဘးထီဒါယၤ, အံၣ်စရ့လးအတၢ်စီဆှံတဂၤ, ဒၣ်လဲာ်န့ၣ်, ယတညိကွံာ်ဘၣ်အဝဲသ့ၣ်ဘၣ်.

လံာ်ဒၤနံးယ့လး 8:11

အဝဲတၤဒၣ်လဲာ်မူခိၣ်အသုးမုၢ်စီၤပၤဖိ, တြီတၢ်လုၢ်တၢ်ပာ်တ ဖၣ်လၢဘၣ်တၢ်လုၢ်ထီၣ်ဆူအအိၣ်ကိးမုၢ်နံၤန့ၣ်ဒီးမၤဟးဂီၤကွံာ်တ့ၢ် ဝဲတၢ်လုၢ်ဟံၣ်န့ၣ်လီၤ.

၂ ကရံၣ်သူး 10:5

ပဒုးလီၤမၢ်ကွံာ်ကယဲၢ်တၢ်တြီမၤတံာ်တာ်လၢအအိၣ်ဒီးတၢ်ပာ် ကဖၢလၢသးတမံၤလၢ်လၢ်, လၢအဘၣ်တၢ်ယူာ်ထီၣ်အီၤထီဒါတၢ်သ့ၣ်ညါဘၣ်ဃးဒီး ကစၢ်ယွၤ, ပဖီၣ်န့ၢ်ကယဲၢ်တၢ်ဆိကမိၣ်တမံၤလၢ်လၢ်ဒီးစူၢ်အီၤလၢ ခရံာ်အကလုၢ်န့ၣ်လီၤ.

၂ သ့းစၤလနံ 2:4

အဝဲဒၣ်ကထီဒါကယဲၢ်တၢ်လၢပှၤကိးအီၤလၢယွၤဒီးတၢ်လၢ ပှၤကညီဘါထီၣ်ဝဲဒီးကပာ်ဖျါထီၣ်အသးဒ်အဒိၣ်န့ၢ် အဝဲသ့ၣ်ခဲလၢာ်န့ၣ်လီၤ. အဝဲဒၣ်ကလဲၤနုာ်ဒီးဆ့ၣ်နီၤဒၣ်လဲာ်လၢကစၢ်ယွၤ အတၢ်လုၢ်ဟံၣ်အပူၤဒီးစံးလီၤအသးလၢအမ့ၢ်ကစၢ်ယွၤ န့ၣ်လီၤ.