လံာ်စီၤပၤခံဘ့ၣ်တဘ့ၣ် 19:14 - Sgaw Karen Common Bible

¹⁴ စီၤပၤဃံးစကံယၤဟံးန့ၢ်လံာ်ပရၢန့ၣ်လၢပှၤစိာ်တၢ်ကစီၣ်တဖၣ် အအိၣ်ဒီးဖးဝဲလီၤ. ဝံၤဒီးအဝဲလဲၤထီၣ်ဆူယွၤအဟံၣ်, ပာ်ထီၣ်လံာ်ပရၢဖဲန့ၣ်လၢယွၤအမဲာ်ညါ,

လံာ်စီၤပၤခံဘ့ၣ်တဘ့ၣ် 19:14 Iomraidhean Croise

လံာ်စီၤဧ့စြၤ 9:5

ဖဲဟါတၢ်လုၢ်တၢ်ပာ်အဆၢကတီၢ်တုၤဃီၤဝဲန့ၣ်, ယဆၢထၢၣ်လၢယတၢ်သူၣ်အုးသးအုးအလီၢ်, ဒီးလၢတၢ်ကူသိးဒံးဒၣ်ယဆ့ကၤတဖၣ်လၢအယာ်န့ၣ်, ယတီၤလီၤလၢတၢ်ထုကဖၣ်အပူၤဒီးယူာ်ထီၣ်ယစုတဖၣ်ဆူယွၤ, ယကစၢ်ယွၤအအိၣ်န့ၣ်လီၤ.

စံးထီၣ်ပတြၢၤ 62:9

ပှၤကညီခဲလၢာ်လီၤဂာ်ဒၣ်ဒီးတၢ်သါထီၣ်တဘီဖိ န့ၣ်လီၤ. ပှၤအဒိၣ်မ့ၢ်ဂ့ၤအဆံးမ့ၢ်ဂ့ၤ မ့ၢ်တၢ်ကလီကလီဒ်သိးသိးလီၤ. တၢ်မ့ၢ်စီၤကွၢ်အီၤလၢစီၤပီၢ်ပူၤဒီး, တဃၢဘၣ်နီတစဲးဘၣ်. တၢ်မ့ၢ်ပာ်အီၤလၢစီၤပီၢ်အပူၤဒီး, အဝဲသ့ၣ်ဖှံဒိၣ်န့ၢ်ဒံးတၢ်သါတဘီဖိတက့ၢ်န့ၣ်လီၤ.

လံာ်တၢ်ဟးထီၣ်ကွံာ် 9:33

တုၤနုၤတစုစီၤမိၤၡ့ဟးထီၣ်ကွံာ်လၢစီၤပၤအမဲာ်ညါဒီးလဲၤ ထီၣ်ဆူဝ့ၢ်ချၢန့ၣ်လီၤ. ဒီးယူာ်ထီၣ်အစုဆူယွၤအအိၣ်ဒီးဃ့ ကညးယွၤန့ၣ်လီၤ. လီသီၣ်, သူၣ်လီၤဒီးတၢ်စူၤလီၤဆိက တီၢ်ကွံာ်အသးခဲလၢာ်န့ၣ်လီၤ.

လံာ်ယၡါယၤ 37:14

စီၤပၤဃံးစကံယၤဟံးန့ၢ်လံာ်ပရၢလၢပှၤစိာ်တၢ်ကစီၣ်တဖၣ် အအိၣ်ဒီးဖးအီၤလီၤ. ဝံၤဒီးအဝဲလဲၤဝဲဆူတၢ်လုၢ်ဟံၣ် ဒီးပာ်လီၤလံာ်ပရၢဖဲန့ၣ်လၢယွၤအမဲာ်ညါ,

လံာ်ယံးရမံယၤ 11:20

အန့ၣ်ဒီးယဃ့ဘါထုကဖၣ်တၢ်ဒီးစံး, “သ့တၢ်လၢာ်ယွၤဧၢ, နမ့ၢ်စံၣ်ညီၣ်ကွီၢ်လၢအတီဝဲလိၤဝဲတဂၤလီၤ. နမၤကွၢ်ပှၤဂီၢ်မုၢ်အတၢ်ဆိကမိၣ်ဒီးအတၢ်သူၣ်ဘၣ်ဒိသးဘၣ်ထံးတဖၣ်လီၤ. ယပာ်လီၤယကွီၢ်လၢနစုပူၤလီၤ. လၢတၢ်န့ၣ်အဃိ, ဒုးထံၣ်ဘၣ် ယၤနတၢ်မၤဘၣ်က့ၤလၢပှၤဂီၢ်မုၢ်တဖၣ်အံၤအဖီခိၣ်န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 8:21

စီၤၡမူၤအ့လးကနၣ်တၢ်ကိးမံၤဒဲးလၢအဝဲသ့ၣ်စံးဝဲဝံၤဒီး, လဲၤတဲဘၣ်က့ၤတၢ်န့ၣ်ဆူယွၤအအိၣ်လီၤ.