လံာ်စီၤပၤခံဘ့ၣ်တဘ့ၣ် 18:9 - Sgaw Karen Common Bible

⁹ လၢစီၤဃံးစကံယၤပၢတၢ်လွံၢ်နံၣ်တနံၣ်အပူၤ, လၢအမ့ၢ်ဝဲတၢ်ဆၢကတီၢ်ဖဲစီၤပၤဟိၤၡ့ပၢတၢ်လၢကီၢ်အံၣ်စရ့ လးနွံနံၣ်တနံၣ်အပူၤန့ၣ်, ကီၢ်အၤၡူၢ်အစီၤပၤဖးဒိၣ်ၡၤလမၤန့စ့ၢ်ဟဲနုာ်လီၤဒုးကီၢ် အံၣ်စရ့လးဒီးကဝီၤဃာ်ၡၤမရံန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:9 Iomraidhean Croise

လံာ်စီၤပၤခံဘ့ၣ်တဘ့ၣ် 18:1

လၢစီၤအ့လၤအဖိခွါစီၤဟိၤၡ့ပၢတၢ်ဒ်ကီၢ်အံၣ်စရ့လးအစီၤ ပၤအသိးသၢနံၣ်တနံၣ်အပူၤန့ၣ်စီၤအၤဃးအဖိခွါစီၤဃံးစကံ ယၤကဲထီၣ်ကီၢ်ယူဒၤအစီၤပၤ,

လံာ်ယၡါယၤ 36:17

တုၤလၢစီၤပၤဖးဒိၣ်ပာ်လီၤက့ၤသုတၢ်အိၣ်တၢ်ဆိးအလီၢ်လၢထံ ကီၢ်တဘ့ၣ်လၢအလီၤဂာ်မးဒီးသုထံသုကီၢ်ဒၣ်ဝဲတစု, ဖဲစပံးလီၢ်တဖၣ်အိၣ်ဝဲလၢကဟ့ၣ်ထီၣ်စပံးထံ, ဒီးဘုဧိၤဟုဧိၤအိၣ်ဝဲလၢတၢ်ကမၤကိၣ်အဂီၢ်လီၤ.

လံာ်ယံးရမံယၤ 50:17

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်သိတဖၣ် လၢဘၣ်တၢ်လူၤအီၤဒီးမၤလီၤပြံလီၤပြါအီၤလၢ ခ့ယုၢ်တဖၣ်အသိး န့ၣ်လီၤ. အဆိကတၢၢ်, အဝဲသ့ၣ်ဘၣ်တၢ်ဒုးအီၤလၢ ကီၢ် အၤၡူၢ်အစီၤပၤဖးဒိၣ်, ဝံၤဒီး ကီၢ်ဘၤဘူၤလိၣ်အစီၤပၤ နဘူၤကးန့စၢ်အ့ၣ်သဘှံးကွံာ်အဝဲသ့ၣ်အဃံအကွဲတဖၣ်န့ၣ်လီၤ.

လံာ်ဟိၤၡ့ 10:14

တၢ်ဒုးတၢ်ယၤကဟဲဆူနပှၤဂီၢ်မုၢ်အအိၣ်. ဒီးနတိာ်ဧိၤတာ်ဧိၤအလီၢ်ခဲလၢာ်ကဘၣ်တၢ်မၤဟးဂီၤကွံာ်အီၤ န့ၣ်လီၤ. တၢ်န့ၣ်ကလီၤဂာ်ဒ်မုၢ်တနံၤဖဲစီၤပၤၡၤလမၣ်မၤဟးဂီၤကွံာ် ဝ့ၢ်ဘ့ၤသအၢ်ဘလးလၢတၢ်ဒုးအပူၤ, ဒီးမိၢ်တဖၣ်ဒီးအဖိတဖၣ်ဘၣ် တၢ်ယီၢ်တံၢ်သံကွံာ်အီၤအသိးန့ၣ်လီၤ.

လံာ်မံကၤ 1:6

မ်ဒ်န့ၣ်ဒီးယွၤစံးဝဲဒၣ်, ယကဒုးကဲထီၣ်ၡၤမရံလၢတၢ်ဟးဂီၤပူၣ်ထီၣ်သးအလီၢ်တပူၤလၢတၢ်ပျီပူၤ, တၢ်လီၢ်လၢတၢ်ကသူၣ်စပံးမုၢ်အဂီၢ်လီၤ. ယကဂၢ်လီၤကွံာ်လၢၢ်အက့အခီတဖၣ်လၢဝ့ၢ်ပူၤဆူကစၢၢ်ကဆူးအပူၤ ဒီးယကဒုးအိၣ်ဖျါထီၣ်ဝ့ၢ်အခီၣ်ထံးတဖၣ်လီၤ.