လံာ်စီၤပၤခံဘ့ၣ်တဘ့ၣ် 18:8 - Sgaw Karen Common Bible

⁸ အဝဲမၤနၢၤကွံာ်ပှၤဖလ့ၡသးဖိတဖၣ်ဒီးနုာ်လီၤဒုးန့ၢ်အဝဲ သ့ၣ်အတၢ်အိၣ်တၢ်ဆိးအလီၢ်တဖၣ်, စးထီၣ်လၢသဝီအဆံးကတၢၢ်တဖျၢၣ်ဒီးတုၤလၢဝ့ၢ်အဒိၣ်ကတၢၢ်တ ဖျၢၣ်, ဃုာ်ဒီးဝ့ၢ်ဂါစၤဒီးလီၢ်ကဝီၤလၢအအိၣ်ဝးတရံးအီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:8 Iomraidhean Croise

လံာ်စီၤပၤအခီၣ်ထံးတဘ့ၣ် 5:4

မ့မ့ၢ်ခဲအံၤ, ယွၤ, ယကစၢ်ယွၤဟ့ၣ်လီၤလံယၤတၢ်ဃူတၢ်ဖိးလၢ ကယဲၢ်ယထံဆၢကီၢ်ဆၢခဲလၢာ်န့ၣ်လီၤ. ယဒုၣ်ယဒါတအိၣ်လၢၤနီတဂၤဘၣ်, ဒီးတၢ်ဘၣ်ယိၣ်လၢတၢ်ကဟဲထီၣ်ဒုးယၤအဂီၢ်တအိၣ်လၢၤဘၣ်.

လံာ်စီၤပၤခံဘ့ၣ်တဘ့ၣ် 17:9

ပှၤအံၣ်စရ့လးဖိတဖၣ်မၤတ့ၢ်တၢ်တဖၣ်လၢယွၤ, အဝဲသ့ၣ်အကစၢ်ယွၤတဘၣ်အသးန့ၣ်လီၤ. အဝဲသ့ၣ်ဘှီထီၣ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ် အလီၢ်တဖၣ်လၢကယဲၢ်အဝဲသ့ၣ်အဝ့ၢ်ခဲလၢာ်အပူၤ, စးထီၣ်လၢသဝီအဆံးကတၢၢ်ဖိတုၤလီၤလၢဝ့ၢ်အဒိၣ်ကတၢၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:41

လၢယူဒၤအစီၤပၤဃံးစကံယၤအစိၤန့ၣ်ပှၤလၢအမံၤဘၣ်တၢ်ယၢၤ ထီၣ်အီၤလၢထးသ့ၣ်တဖၣ်အံၤလဲၤဝဲဆူဝ့ၢ်ကဒိၢ်ဒီးမၤဟးဂီၤကွံာ် ပှၤအိၣ်ဖဲန့ၣ်အဒဲဒီးအတၢ်အိၣ်တၢ်ဆိးအလီၢ်တဖၣ်န့ၣ်လီၤ. အဝဲသ့ၣ်ဟီထီၣ်ကွံာ်ပှၤဂီၢ်မုၢ်တဖၣ်န့ၣ်ဒီးအိၣ်ဆိးဖဲန့ၣ်ထီဘိ ဂၢၢ်ကျၢၤမ့ၢ်လၢတၢ်အီၣ်ဆၣ်အလီၢ်အါအါဂီၢ်ဂီၢ်အိၣ်လၢအသိတဖၣ် အဂီၢ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:10

အဝဲသူၣ်ထီၣ်စ့ၢ်ကီးပှၤပၢၤတၢ်အလီၢ်တိာ်ဧိၤတာ်ဧိၤတဖၣ်လၢတၢ် လီၢ်လီၤပျီဒီးခူၣ်လီၤစ့ၢ်ကီးထံပူၤအါပူၤ, မ့ၢ်လၢအဝဲအိၣ်ဒီးဆၣ်ဖိကီၢ်ဖိအဖုအဂီၢ်အါမး, လၢမုၢ်နုာ်ကစၢၢ်ခီၣ်ထံးမ့ၢ်ဂ့ၤ, ပျီပူၤတဖၣ်မ့ၢ်ဂ့ၤအဃိန့ၣ်လီၤ. မ့ၢ်လၢအဝဲအဲၣ်တၢ်သူၣ်တၢ်ဖျးအဃိ, အဝဲဟ့ၣ်ဂံၢ်ဟ့ၣ်ဘါပှၤဂီၢ် မုၢ်လၢကသူၣ်လီၤစပံးလီၢ်တဖၣ်လၢတၢ်လူၢ်တၢ်တြီၤတဖၣ်ဒီးထဲၣ် ထီၣ်တၢ်လီၢ်လၢဟီၣ်ခိၣ်ညၣ်ထ့ၣ်ဂ့ၤဝဲတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:18

တကတီၢ်ဃီအံၤန့ၣ်, ပှၤဖလ့ၡသးဖိတဖၣ်ဟဲနုာ်လီၤဒုးဆူၣ်ဝ့ၢ် တဖၣ်လၢအအိၣ်လၢမုၢ်နုာ်ကစၢၢ်တဖၣ်အခီၣ်ထံးဒီးလၢကီၢ်ယူဒၤ အကလံၤထံးန့ၣ်လီၤ. အဝဲသ့ၣ်မၤန့ၢ်ကွံာ်ဝ့ၢ်တဖၣ်လၢအမ့ၢ်ဝဲဘ့ၤသၡ့မ့ၣ်, အးယၤလိၣ်, ကဒ့ရိးန့ၣ်လီၤ. အဝဲသ့ၣ်မၤန့ၢ်ကွံာ်စ့ၢ်ကီးဝ့ၢ်တဖၣ်လၢ အမ့ၢ်ဝဲ, ၡိကိး, တံးမနၤကံးမစိၤဒီးသဝီၤတဖၣ်လၢအအိၣ်ဝးတရံးဝ့ၢ် တဖၣ်အံၤ, ဒီးသူၣ်လီၤအတၢ်အိၣ်တၢ်ဆိးအလီၢ်အဂၢၢ်အကျၢၤဖဲန့ၣ်လီၤ.

လံာ်ယၡါယၤ 14:29

ပှၤဖလ့ၡသးဖိသ့ၣ်ဧၢ, နီၣ်တီၢ်လၢအတီၢ်သုန့ၣ်ကၢ်လံ, ဘၣ်ဆၣ်သုတအိၣ်ဒီးတၢ်ဂ့ၢ်နီတမံၤလၢသုကသးခုအဂီၢ်ဘၣ်. ဖဲဂုၢ်တဘိသံန့ၣ်, ဂုၢ်အၢန့ၢ်ဒံးအန့ၣ်ဟဲထီၣ်လၢအလီၢ်လီၤ. ဂုၢ်တဘိအဒံၣ်ဖးထီၣ်ဝဲပ ယိၤလၢအယူၤတဘိလီၤ.

လံာ်ယၡါယၤ 5:2

အဝဲခူၣ်ကဖီထီၣ်ဟီၣ်ခိၣ်ဒီးထုးထီၣ်ကွံာ်လၢၢ်ဖိတဖၣ် ဒီးသူၣ်လီၤဖျးလီၤစပံးမုၢ်အဂ့ၤကတၢၢ်တဖၣ်လီၤ. အဝဲဘှီထီၣ်ပၢၤတၢ်အလီၢ်လၢတၢ်ပၢၤစပံးမုၢ်တဖၣ်အဂီၢ် ဒီးခူၣ်လီၤတၢ်ပူၤတပူၤလၢတၢ်ယီၢ်စပံး သၣ်တဖၣ်အဂီၢ်လီၤ. အဝဲခိးဝဲဒ်သိးစပံးသၣ်တဖၣ်ကမံထီၣ်အဂီၢ်, ဘၣ်ဆၣ်စပံးသၣ်ကိးဖျၢၣ်ဒဲးန့ၣ်ဆံၣ်ဝဲလီၤ.

လံာ်သိၣ်လီၤသီလီၤတၢ် 2:23

ဖဲကီၢ်လၢအအိၣ်လၢ ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အကၢၢ် ခိၣ်တရဲာ်န့ၣ်ပှၤဂီၢ်မုၢ်လၢကီးကြ့တ့ၤတဖၣ် သူၣ်လီၤဆီလီၤအတၢ်အိၣ်တၢ်ဆိးအလီၢ်န့ၣ်လီၤ. အဝဲသ့ၣ်မၤဟးဂီၤကွံာ် ပှၤဧ့ၤဝံဖိလၢအအိၣ်ဆိးတ့ၢ်လၢပျၢၤလံၤ လံၤဖဲန့ၣ်တဖၣ်ဒီးဟံးန့ၢ်ကွံာ်အဝဲသ့ၣ်အကီၢ်ယံၤဝဲလၢ ကလံၤထံးတကပၤတုၤလၢဝ့ၢ်ဧးစၤန့ၣ်လီၤ.)

လံာ်စီၤယိၤၡူ 15:47

အိၣ်ဒီးအၤစဒိာ်ဒီးဂါစၤဃုာ် ဒီးအဝ့ၢ်ဖိဒီးအသဝီတဖၣ်တုၤလၢထံကျိဖိလၢအဲၤကူပတူး အကီၢ်ဆၢဒီးပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အနံၤန့ၣ်လီၤ.