လံာ်စီၤပၤခံဘ့ၣ်တဘ့ၣ် 18:6 - Sgaw Karen Common Bible

⁶ အဝဲအသးတီဒီးယွၤဒီးစူၢ်အီၤထီဘိ, ဒီးတိၢ်န့ၢ်ဖံးဃာ် ကယဲၢ်တၢ်မၤလိာ်တဖၣ်ခဲလၢာ်လီၤတံၢ်လီၤဆဲး, လၢယွၤဟ့ၣ်လီၤတ့ၢ်စီၤမိၤၡ့န့ၣ်လီၤ.

လံာ်စီၤပၤခံဘ့ၣ်တဘ့ၣ် 18:6 Iomraidhean Croise

လံာ်စီၤပၤခံဘ့ၣ်တဘ့ၣ် 17:13

ယွၤဆှၢလီၤတ့ၢ်အပှၤစိာ်တၢ်ကစီၣ်တဖၣ်, ဒီးအဝံတဖၣ်လၢကဟ့ၣ် ပလီၢ်ကီၢ်အံၣ်စရ့လးဒီးကီၢ်ယူဒၤဒ်အံၤ, “ပာ်တ့ၢ်ကွံာ်သုကျဲအၢကျဲသီတဖၣ်ဒီးစူၢ်ယတၢ်မၤလိာ်တဖၣ် လၢအအိၣ်လၢယူဒၤတၢ်သိၣ်တၢ်သီ, လၢယဟ့ၣ်လီၤသုမိၢ်ပၢ်ဖံဖုလၢပျၢၤတဖၣ်ဒီးယဟ့ၣ်ခီလီၤအီၤ ဆူသုအိၣ်ခီဖျိယခ့ယပှၤဝံတဖၣ်န့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 17:16

အဝဲသ့ၣ်ဘိးဃၣ်ကွံာ်ကယဲၢ်ယွၤ, အဝဲသ့ၣ်အကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီခဲလၢာ်ဒီးသိန့ၢ်ဂီၤဖံးဖါခံဒုအဂီၤလၢ တိၢ်, စ့ဒီးထး, လၢကဘူၣ်ထီၣ်ဘါထီၣ်ဝဲအဂီၢ်န့ၣ်လီၤ. အဝဲသ့ၣ်မၤစ့ၢ်ကီးတၢ်ဂီၤတၢ်ဖီၣ်တခါလၢအမ့ၢ် ကစၢ်မုၣ်အၡ့ရၤအဂီၤ, ဘူၣ်ထီၣ်ဘါထီၣ်ဆၣ်ဧိၤဖီဧိၤတဖၣ်, ဒီးမၤကစၢ်ဘဧၤလးအတၢ်မၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:19

ဘၣ်ဆၣ်ကီၢ်ယူဒၤအပှၤဂီၢ်မုၢ်တဖၣ်ဒၣ်လဲာ်တစူၢ်ဘၣ်ယွၤ, အဝဲသ့ၣ်အကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီ တဖၣ်န့ၣ်ဘၣ်. အဝဲသ့ၣ်ကွၢ်လိမၤဒိးလုၢ်လၢ်တဖၣ်လၢကီၢ်အံၣ်စရ့ လးအပှၤဂီၢ်မုၢ်တဖၣ်တူၢ်လိာ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 20:3

“ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

လံာ်ယၡါယၤ 38:3

“ယွၤဧၢ, သ့ၣ်နီၣ်ထီၣ်က့ၤလၢယမၤတ့ၢ်နတၢ်မၤလၢတၢ်ကလုၢ်တီ ဒီးတၢ်သူၣ်တီသးရၤအပူၤ, ဒီးထီဘိန့ၣ်ယကျဲးစၢးမၤတ့ၢ်တၢ်လၢနသးအိၣ်လၢယကမၤအီၤန့ၣ် တက့ၢ်.” ဝံၤဒီးအဝဲဟီၣ်နးနးကလဲာ်န့ၣ်လီၤ.

လံာ်ယံးရမံယၤ 11:4

တၢ်န့ၣ်မ့ၢ်တၢ်အၢၣ်လီၤအီလီၤလၢယမၤ တ့ၢ်ဒီးအဝဲသ့ၣ်အမိၢ်ပၢ်ဖံဖုလၢပျၢၤတဖၣ်ဖဲယဒုးဟးထီၣ်ကွံာ်အဝဲ သ့ၣ်လၢကီၢ်အဲၤကူပတူးအပူၤ, ကီၢ်တဘ့ၣ်လၢအလီၤဂာ်ဒီးမ့ၣ် အူကဲၤအဖၣ်ကပူၤလၢအဝဲသ့ၣ်အဂီၢ်အခါန့ၣ်လီၤ. ယတဲဘၣ်အဝဲသ့ၣ်လၢကစူၢ်ယၤဒီး ကမၤကယဲၢ်တၢ်လၢယမၤလိာ်တ့ၢ်အီၤန့ၣ်လီၤ. ယတဲဘၣ်အဝဲသ့ၣ်လၢ အဝဲသ့ၣ်မ့ၢ်စူၢ်ယၤဒီး, အဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ် အဝဲသ့ၣ်အကစၢ်န့ၣ်လီၤ.

လံာ်ယိၤဟၣ် 14:15

သုမ့ၢ်အဲၣ်ယၤဒီးသုကတိၢ်န့ၢ်ဒီးမၤထွဲယတၢ်မၤလိာ်တဖၣ် န့ၣ်လီၤ.

လံာ်ယိၤဟၣ် 14:21

ပှၤတဂၤလၢ်လၢ်လၢအတူၢ်လိာ်ယတၢ်မၤလိာ်တဖၣ် ဒီးတိၢ်န့ၢ်ဒီးမၤထွဲဝဲန့ၣ်, မ့ၢ်ပှၤတဂၤလၢအအဲၣ်ယၤလီၤ. ယပၢ်ကအဲၣ်ပှၤတဂၤလၢ်လၢ်လၢအအဲၣ်ယၤ, ဒီးယဲဒၣ်စ့ၢ်ကီး ယကအဲၣ်အီၤဒီးလီၣ်ဖျါထီၣ်ယသးလၢအီၤလီၤ.”

လံာ်ယိၤဟၣ် 15:10

သုမ့ၢ်ဒိကနၣ်ယတၢ်မၤလိာ်တဖၣ်ဒီးသုကအိၣ်ဆိးလၢ ယတၢ်အဲၣ်အပူၤ, ဒ်ယဒိကနၣ်ယပၢ်အတၢ်မၤလိာ်တဖၣ် ဒီးအိၣ်ဆိးလၢအတၢ်အဲၣ်အပူၤအသိးန့ၣ်လီၤ.

လံာ်ယိၤဟၣ် 15:14

ဒီးသုမ့ၢ်မၤတၢ်လၢယမၤလိာ်သုဒီး, သုမ့ၢ်ယတံၤယသကိး တဖၣ်န့ၣ်လီၤ.

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.

လံာ်သိၣ်လီၤသီလီၤတၢ် 10:12

ခဲကနံၣ်အံၤ, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယွၤ, သုကစၢ်ယွၤဃ့ဝဲလၢသုအိၣ်န့ၣ်တက့ၢ်. အိၣ်ဒီးတၢ်ယူးယီၣ်ယွၤ, ဒီးမၤကယဲၢ်တၢ်လၢအဝဲမၤလိာ်ဝဲတဖၣ် န့ၣ်တက့ၢ်. အဲၣ်အီၤ, မၤအတၢ်မၤလၢသုသးဒီဖျၢၣ်ညါ,

လံာ်သိၣ်လီၤသီလီၤတၢ် 10:20

အိၣ်ဒီးတၢ်ယူးယီၣ်ယွၤ, သုကစၢ်ယွၤဒီးဘူၣ်ထီၣ်ဘါထီၣ်ထဲ အဝဲဒၣ်တဂၤဧိၤန့ၣ်တက့ၢ်. အိၣ်ဒီးတၢ်သူၣ်တီသးရၤဒီးအီၤဒီးမၤသုတၢ်အၢၣ်လီၤအီလီၤ တဖၣ်ထဲလၢအဝဲအမံၤအပူၤန့ၣ်တက့ၢ်.

လံာ်စီၤယိၤၡူ 23:8

မ့မ့ၢ်, အိၣ်စဲဘူးဒီးယွၤသုကစၢ်ယွၤဒ်သုမၤတ့ၢ် တုၤမုၢ်မဆါတနံၤအံၤအသိးန့ၣ်တက့ၢ်.

၁ ယိၤဟၣ် 5:3

အဂ့ၢ်ဒ်လဲၣ်န့ၣ်, ပတၢ်အဲၣ်ကစၢ်ယွၤအခီပညီမ့ၢ်ဝဲပစူၢ် အတၢ်မၤလိာ်တဖၣ်န့ၣ်လီၤ. ဒီးအတၢ်မၤလိာ်တဖၣ်တမ့ၢ်တၢ်ကီတၢ်ခဲကဲၣ်ဆိးလၢပဂီၢ်ဘၣ်.