လံာ်စီၤပၤခံဘ့ၣ်တဘ့ၣ် 18:5 - Sgaw Karen Common Bible

⁵ စီၤဃံးစကံယၤပာ်အတၢ်နာ်လၢယွၤ, အံၣ်စရ့လးအကစၢ်ယွၤအပူၤလီၤ. ကီၢ်ယူဒၤတအိၣ်ဘၣ်ဒီးစီၤပၤအဂၤတဂၤဒ်သိးဒီးအီၤနီတစုလၢ အဝဲအမဲာ်ညါမ့ၢ်ဂ့ၤ, အလီၢ်ခံမ့ၢ်ဂ့ၤဘၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 18:5 Iomraidhean Croise

လံာ်စီၤပၤခံဘ့ၣ်တဘ့ၣ် 18:19

ပှၤအၤၡူၢ်ဖိအသုးခိၣ်ဖးဒိၣ်အကျါတဂၤ, တဲဘၣ်အဝဲသ့ၣ်လၢစီၤ ပၤဖးဒိၣ်အဲၣ်ဒိးသ့ၣ်ညါဝဲလၢ, ဘၣ်မနုၤအဃိ, စီၤပၤဃံးစကံယၤနာ်န့ၢ်လီၤအသးထဲန့ၣ်ညါလဲၣ်.

လံာ်စီၤပၤခံဘ့ၣ်တဘ့ၣ် 19:10

လၢအကစံးဘၣ်အီၤဒ်အံၤ, “နကစၢ်လၢနနာ်အီၤတဂၤစံးဘၣ်နၤလၢ နတလီၤကွံာ်ဘၣ်ဆူယစုပူၤဘၣ်. ဘၣ်ဆၣ်ဒီးပျဲတၢ်န့ၣ်လီန့ၢ်နၤတဂ့ၤ.

လံာ်စီၤပၤခံဘ့ၣ်တဘ့ၣ် 23:25

လၢအဝဲအမဲာ်ညါန့ၣ်, စီၤပၤဒ်သိးအီၤတဂၤလၢအမၤတ့ၢ်ယွၤအတၢ် လၢသူၣ်ကံၢ်သးလဲလၢသးဒီဖျၢၣ်ဒီးလၢာ်ဂံၢ်လၢာ်ဘါ, စူၢ်ကယဲၢ်ယူဒၤအတၢ်သိၣ်တၢ်သီလၢစီၤမိၤၡ့ဟ့ၣ်လီၤတ့ၢ်ဝဲ န့ၣ်တအိၣ်နီတဂၤဘၣ်. လၢအဝဲအလီၢ်ခံစ့ၢ်ကီး, ပှၤဒ်သိးအီၤတအိၣ်ထီၣ်ဘၣ်နီတဂၤဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 14:11

စီၤအၤစါဃ့ဘါထုကဖၣ်ဆူယွၤ, အကစၢ်ယွၤအအိၣ်စံးဝဲ, “ယွၤဧၢ, နမၤစၢၤသုးမုၢ်လၢအဂံၢ်အဘါစၢ်ဝဲတဖုသ့ဝဲ ညီကဒၣ်ဒ်ပှၤတဖုလၢအဂံၢ်ဆူၣ်ဘါဆူၣ်အသိးန့ၣ်လီၤ. ယွၤ, ပကစၢ်ယွၤဧၢ, မၤစၢၤပှၤခဲအံၤန့ၣ်တက့ၢ်. အဂ့ၢ်ဒ်အံၤ, ပသန့ၤပသးလၢနၤဒီးလၢနမံၤအပူၤန့ၣ်, ပဟဲထီၣ်လၢပကဒုးတၢ်ထီဒါသုးမုၢ်ဖးဒိၣ်အံၤန့ၣ်လီၤ. ယွၤဧၢ, နမ့ၢ်ပကစၢ်ယွၤလီၤ. ပှၤမုၢ်လၢ်လၢအကမၤနၢၤကွံာ်နၤ တသ့နီတဂၤဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 20:20

လၢမုၢ်ဆ့ၣ်ထီၣ်ဂီၤဂီၤန့ၣ်, ပှၤဂီၢ်မုၢ်လဲၤဃီၤဝဲဆူပှၢ်မုၢ် ကနၢဘူးဒီးသဝီတကိၤန့ၣ်လီၤ. တချုးလၢအဝဲသ့ၣ်စးထီၣ်လဲၤတၢ်ဒံးန့ၣ်, စီၤယဟိၡၤဖးကတိၤလီၤတၢ်ဆူအဝဲသ့ၣ်အအိၣ်လၢတၢ်ကတိၤတဖၣ်အံၤ န့ၣ်လီၤ. “ပှၤကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, ပာ်သုတၢ်နာ်လၢယွၤ, သုကစၢ်ယွၤအပူၤဒီး, သုကဆၢထၢၣ်ဂၢၢ်ကျၢၤန့ၣ်လီၤ. စူၢ်က့ၤနာ်က့ၤတၢ်လၢအဝဲအဝံတဖၣ်တဲဘၣ်သု, ဒီးသု ကမၤနၢၤတၢ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 20:35

တဘျီန့ၣ်, ကီၢ်ယူဒၤအစီၤပၤစီၤယဟိၡၤဖးမၤတ့ၢ်တၢ်ဒီသိၣ် ဒီမှံၤဒီးစီၤအဃၤစယၤလၢအမ့ၢ်ကီၢ်အံၣ်စရ့လးအစီၤပၤတဂၤ လၢအမၤတ့ၢ်တၢ်အၢတၢ်သီအါမံၤန့ၣ်လီၤ.

လံာ်စီၤယိၤဘး 13:15

ကယဲၢ်ယတၢ်မုၢ်လၢ်ခဲလၢာ်န့ၣ်လီၤမၢ်ကွံာ်, ကစၢ်ယွၤမ့ၢ် မၤသံယၤဒီးကဘၣ်တၢ်မနုၤလဲၣ်. ယကပာ်ဖျါထီၣ်ယတၢ်ဂ့ၢ် လၢအီၤလီၤ.

စံးထီၣ်ပတြၢၤ 13:5

ယသန့ၤယသးလၢနတၢ်အဲၣ်လၢအဂၢၢ်ကျၢၤအဖီခိၣ်, ယကသးခုယဲ, မ့ၢ်လၢ နကအုၣ်က့ၤခီၣ်က့ၤယၤအဃိလီၤ.

စံးထီၣ်ပတြၢၤ 84:12

ယွၤ, သ့တၢ်လၢာ်ကစၢ်ဧၢ, ပှၤလၢအသန့ၤအသးလၢနၤန့ၣ် ဘၣ်ဆိၣ်ဂ့ၤဝဲလီၤ.

လံာ်ယၡါယၤ 36:7

ပှၤအၤၡူၢ်ဖိအပဒိၣ်တဲအါထီၣ်ဝဲ, ‘‘မ့ၢ်သုကတဲယၤလၢသုဒိးသန့ၤထီၣ်သုသးလၢကစၢ်ယွၤ, သုယွၤန့ၣ်ဧါ. တၢ်န့ၣ်မ့ၢ်ကစၢ်ယွၤအတၢ်လီၢ်ထီၣ်ထီတဖၣ် ဒီးအတၢ်လုၢ်လီၢ်တဖၣ်လၢစီၤဃံးစကံယၤမၤဟးဂီၤကွံာ်အီၤ ဖဲအဝဲတဲဘၣ်ကီၢ်ယူဒၤဒီးဝ့ၢ်ယရူၤရှလ့ၣ်အပှၤဂီၢ်မုၢ်လၢ ကဘူၣ်ထီၣ်ဘါထီၣ်ဒၣ်တၢ်ဖဲလၢတၢ်လုၢ်လီၢ်တပူၤဧိၤန့ၣ်လီၤ.

လံာ်ယၡါယၤ 38:3

“ယွၤဧၢ, သ့ၣ်နီၣ်ထီၣ်က့ၤလၢယမၤတ့ၢ်နတၢ်မၤလၢတၢ်ကလုၢ်တီ ဒီးတၢ်သူၣ်တီသးရၤအပူၤ, ဒီးထီဘိန့ၣ်ယကျဲးစၢးမၤတ့ၢ်တၢ်လၢနသးအိၣ်လၢယကမၤအီၤန့ၣ် တက့ၢ်.” ဝံၤဒီးအဝဲဟီၣ်နးနးကလဲာ်န့ၣ်လီၤ.

လံာ်မးသဲ 27:43

အဝဲနာ်န့ၢ်ကစၢ်ယွၤဒီးစံးလီၤအသးလၢအမ့ၢ်ကစၢ်ယွၤအဖိခွါလီၤ. ဂ့ၤလံ. မ့မ့ၢ်ဒ်န့ၣ်ဒီးမ်ပကွၢ်သကိးတက့ၢ်. မ့ၢ်ယွၤကအဲၣ်ဒိး မၤပူၤဖျဲးအီၤခဲအံၤန့ၣ်ဧါ.”

အ့းဖ့းစူး 1:12

လၢတၢ်န့ၣ်အဃိ, ပဝဲလၢအမ့ၢ်ပှၤအဆိကတၢၢ်လၢ အမုၢ်လၢ်တၢ်လၢခရံာ်အပူၤတဖၣ်န့ၣ်, မ်ပစံးထီၣ်ပတြၢၤကစၢ်ယွၤအလၤကပီၤန့ၣ်တက့ၢ်.