လံာ်စီၤပၤခံဘ့ၣ်တဘ့ၣ် 18:34 - Sgaw Karen Common Bible

³⁴ ဝ့ၢ်ဃမါသးဒီးဝ့ၢ်အၢ်ပးအကစၢ်တဖၣ်ခဲအံၤမ့ၢ်အအိၣ်ဖဲလဲၣ်. စဖၤရဝံၣ်, ဟ့နၤဒီးဧးဝါအကစၢ်တဖၣ်မ့ၢ်အအိၣ်ဖဲလဲၣ်. မ့ၢ်ပှၤတဂၤဂၤမၤပူၤဖျဲးၡၤမရံန့ၣ်ဧါ.

လံာ်စီၤပၤခံဘ့ၣ်တဘ့ၣ် 18:34 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:9

စီၤပၤတိဧံၤလၢဝ့ၢ်ဃမါသးနၢ်ဟူဘၣ်လၢစီၤဒၤဝံးမၤနၢၤ ကွံာ်ကယဲၢ်စီၤဟးဒးဧ့စ့ၢ်အသုးမုၢ်ခဲလၢာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်ယၡါယၤ 10:9

ယမၤန့ၢ်မၤနၢၤဝ့ၢ်ကးလနိၤဒီးဝ့ၢ်ကၢ်ကမံၣ်တဖၣ်, ဝ့ၢ်ဃမါသးဒီးဝ့ၢ်အၢ်ပးတဖၣ်လီၤ. ယမၤန့ၢ်မၤနၢၤဝ့ၢ်ၡၤမရံ ဒီးဝ့ၢ်ဒၤမ့ၤစ့းလီၤ.

လံာ်ယၡါယၤ 37:13

ဝ့ၢ်တဖၣ်လၢအမ့ၢ်ဝဲဃမါသး, အၢ်ပး, စဖၤရဝံၣ်, ဟ့နၤ, ဒီးဧၣ်ဝါအစီၤပၤတဖၣ်မ့ၢ်အအိၣ်ဝဲဖဲလဲၣ်.”

လံာ်ယံးရမံယၤ 49:23

အအံၤမ့ၢ်တၢ်လၢ ယွၤစံးဝဲဘၣ်ဃးဒီးဝ့ၢ်ဒၤမ့ၤစ့းလီၤ. “ပှၤဂီၢ် မုၢ်လၢ ဝ့ၢ်ဃမါသးဒီးဝ့ၢ်အ့ၢ်ဖးတဖၣ်ဘၣ်ကိၢ်ဘၣ်ဂီၤဒီး အသးဘၣ်တံာ်တာ်ဝဲ မ့ၢ်လၢအဝဲသ့ၣ်နၢ်ဟူတ့ၢ်တၢ်ကစီၣ် အအၢအသီအဃိန့ၣ်လီၤ. တၢ်သူၣ်ကိၢ်သးဂီၤတလ့ၣ်အသး လၢအဝဲသ့ၣ်အဖီခိၣ်ဒ်ပီၣ်လဲၣ်လၢတအိၣ်ဘှံးဘၣ်အသိးန့ၣ်လီၤ.

လံာ်ဧၤမိၣ် 6:2

လဲၤဆူဝ့ၢ်ကၤလန့ၤ, ဒီးကွၢ်တက့ၢ်. ဒီးလဲၤဖဲန့ၣ်ဆူဝ့ၢ်ဖးဒိၣ်ဃမါသး, ဒီးလဲၤလီၤဆူပှၤဖလ့ၡသးဖိအဝ့ၢ်ကၤသးတက့ၢ်. မ့ၢ်အဂ့ၤန့ၢ်ကီၢ်ယူဒၤဒီးကီၢ်အံၣ်စရ့လးအဘီအမုၢ်တခါခါဧါ. မ့ၢ်အကီၢ်ဃၢၤတဖၣ်လဲၢ်န့ၢ်သုကီၢ်တက့ၢ်ဧါ.

လံာ်တၢ်ဂံၢ် 13:21

မၤသးဒ်န့ၣ်ဒီး, ပှၤတဖၣ်န့ၣ်လဲၤထီၣ်ဆူကလံၤစိးဒီးဃုသ့ၣ်ညါ ကီၢ်န့ၣ်အဂ့ၢ်စးထီၣ်လၢကီၢ်အကလံၤထံးပှၢ်မုၢ်ကနၢစံၣ်ဒီးကျဲ ဒီဘိတုၤဆူရဃိာ်အိၣ်ဘူးဒီးကျဲဆူဃမါသးကလံၤစိးတခီန့ၣ် လီၤ.