လံာ်စီၤပၤခံဘ့ၣ်တဘ့ၣ် 18:27 - Sgaw Karen Common Bible

²⁷ သုးခိၣ်န့ၣ်စံးဆၢဝဲ, “မ့ၢ်သုဆိကမိၣ်လၢစီၤပၤဖးဒိၣ်မၢ လီၤယၤဒ်သိးယကစံးကယဲၢ်တၢ်အံၤခဲလၢာ်ထဲဒၣ်ဆူသုဝဲဒီးစီၤ ပၤအအိၣ်ဧိၤန့ၣ်ဧါ. တမ့ၢ်ဘၣ်, ယကတိၤစ့ၢ်ကီးတၢ်ဆူပှၤဂီၢ်မုၢ်လၢအဆ့ၣ်နီၤလၢဝ့ၢ် ခိၣ်ဒူအဖီခိၣ်လၢအကဘၣ်အီၣ်အအ့ၣ်ဒီးအီအဆံၣ်ဒ်သုကဘၣ်မၤအီၤ အသိး, အအိၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 18:27 Iomraidhean Croise

လံာ်စီၤပၤခံဘ့ၣ်တဘ့ၣ် 18:17

ကီၢ်အၤၡူၢ်အစီၤပၤဖးဒိၣ်ဆှၢလီၤသုးမုၢ်ဖးဒိၣ်တဖုလၢဝ့ၢ် လၤကံၣ်လၢကလဲၤထီၣ်ဒုးစီၤဃံးစကံယၤဖဲဝ့ၢ်ယရူၤရှလ့ၣ်န့ၣ် လီၤ. သုးမုၢ်န့ၣ်ဘၣ်တၢ်ပၢဆှၢအီၤလၢအဝဲအသုးခိၣ်ဖးဒိၣ်အဒိၣ်က တၢၢ်သၢဂၤန့ၣ်လီၤ. ဖဲအဝဲသ့ၣ်လဲၤတုၤဆူဝ့ၢ်ယရူၤရှလ့ၣ်န့ၣ်, အဝဲသ့ၣ်မၤန့ၢ်ကွံာ်ကျဲဖဲပှၤစုၣ်တၢ်ကံးညာ်မၤတၢ်, တၢ်လီၢ်ဖဲတၢ်ကျိၤလၢအဟဲစိာ်လီၤထံလၢနိၣ်လၢထးခီ, အကပၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:26

ဝံၤဒီးစီၤအ့ၤလယါကံၣ်, စီၤၡ့ၤဘနၤဒီးစီၤယိၤအၤတဲဘၣ် သုးခိၣ်န့ၣ်, “တၢ်ဒိၣ်ဧၢ, ကတိၤတၢ်ဒီးပှၤလၢပှၤအၤရၣ်ဖိ အကျိာ်တက့ၢ်. ပနၢ်ပၢၢ်အီၤ. ကစီဒီလီၤ. ကတိၤတၢ်လၢဧ့ၤဘြံၤအကျိာ်တဂ့ၤ. ပှၤဂီၢ်မုၢ်လၢဝ့ၢ်ခိၣ်ဒူအလိၤဒိကနၣ်တၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 18:28

ဝံၤဒီးသုးခိၣ်န့ၣ်ဂဲၤဆၢထၢၣ်ဒီးကိးသတြီထီၣ်လၢဧ့ၤဘြံၤအကျိာ်စံးဝဲ, “ဒိကနၣ်တၢ်လၢကီၢ်အၤၡူၢ်အစီၤပၤဖးဒိၣ်တဲဘၣ်သု န့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 6:25

လၢတၢ်ကဝီၤဃာ်အံၤအဃိ, တၢ်အီၣ်ကၤဝဲလၢဝ့ၢ်ပူၤနးမးတုၤဒၣ် လဲာ်ကသ့ၣ်ယီၤအခိၣ်တဖျၢၣ်အပှ့ၤမ့ၢ်ဝဲစ့အဘ့ၣ်ဃိးဆံဒီးထိၣ် လွံၢ်အအ့ၣ်လီၤတယၢၢ်တကာ်လွံၢ်ပူတပူန့ၣ်အပှ့ၤမ့ၢ်ဝဲစ့ယဲၢ်ဘ့ၣ် န့ၣ်လီၤ.

စံးထီၣ်ပတြၢၤ 73:8

အဝဲသ့ၣ်နံၤဘၣ်ဖၣ်လဲပှၤဂၤဒီး ကတိၤတၢ်အၢတၢ်သီတဖၣ်လီၤ. အဝဲသ့ၣ်ပာ်ထီၣ်ထီအသးဒီးကူၣ်ထီၣ်တၢ်လၢ ကမၤအၢမၤနးပှၤဂၤတဖၣ်န့ၣ်လီၤ.

လံာ်ယၡါယၤ 36:12

အဝဲစံးဆၢတၢ်ဒီးစံးဝဲ, “သုဆိကမိၣ်လၢယစီၤပၤဖးဒိၣ်မၢ လီၤယၤလၢယကစံးဘၣ်တဲဘၣ်တၢ်သ့ၣ်တဖၣ်အံၤထဲဒၣ်လၢသုဝဲဒီး သုစီၤပၤအဂီၢ်ဧိၤန့ၣ်ဧါ. တမ့ၢ်ဘၣ်. ယကတိၤစ့ၢ်ကီးတၢ်ဆူပှၤဂီၢ်မုၢ်လၢအဆ့ၣ်နီၤလၢဝ့ၢ် ခိၣ်ဒူအဖီခိၣ်လၢအကဘၣ်အီၣ်အအ့ၣ်ဒၣ်ဝဲဒီးအီအဆံၣ်ထံဒၣ်ဝဲ, ဒ်သုကဘၣ်မၤအီၤအသိးအဂီၢ်န့ၣ်လီၤ.”

လံာ်သးသယုၢ်တၢ် 4:4

အဝဲသ့ၣ်ပျဲအဖိတဖၣ်သံဝဲလၢတၢ်သၣ်ဝံၤလီၤဒိဒီးတၢ်သူအသး လၢထံလီၤ. ဖိသၣ်တဖၣ်ဃ့အီၣ်တၢ်အီၣ်ဒီးပှၤဟ့ၣ်အီၤတအိၣ်ဘၣ်နီတဂၤဘၣ်.

လံာ်သးသယုၢ်တၢ် 4:5

ပှၤဂီၢ်မုၢ်လၢတဘျီမ့ၢ်ပှၤအီၣ်တၢ်အီၣ်အဂ့ၤကတၢၢ်တဖၣ်သၣ်ဝံၤ လီၤဒိသံဝဲလၢကျဲတဖၣ်အပူၤလီၤ. ပှၤဘၣ်တၢ်လုၢ်ဒိၣ်ထီၣ်အီၤလၢတၢ်ဘီၣ်တၢ်ညီအပူၤတဖၣ်လူၤကမုၢ် တၢ်လၢတၢ်ဘၣ်စူးကွံာ်တဂိာ်တသီၣ်ဘၣ်အကျါလၢကထံၣ်န့ၢ်တၢ်အီၣ် အဂီၢ်န့ၣ်လီၤ.

လံာ်ယဃ့းစက့လး 4:13

ယွၤစံးဝဲဒၣ်, “အဝဲအံၤမ့ၢ်ကျဲအဒိအတဲာ်လၢပှၤအံၣ်စရ့လးဖိ တဖၣ်ကဘၣ်အီၣ်တၢ်အီၣ်လၢယူဒၤအတၢ်သိၣ်တၢ်သီတြီအီၤ, ဖဲယမၤလီၤပြံလီၤပြါအဝဲသ့ၣ်ဆူထံဂုၤကီၢ်ဂၤတဖၣ်အခါန့ၣ်လီၤ.”

လံာ်ယဃ့းစက့လး 4:15

လၢတၢ်န့ၣ်အဃိကစၢ်ယွၤစံးဝဲဒၣ်, “ဂ့ၤလံ. မ့မ့ၢ်ဒ်န့ၣ်ဒီး, လၢတၢ်န့ၣ်အလီၢ်, ယကပျဲနသူကျီၢ်အ့ၣ်ဒီးနကုၢ်ကိၣ်လၢအဖီခိၣ်သ့ဝဲလီၤ.”