လံာ်စီၤပၤခံဘ့ၣ်တဘ့ၣ် 18:24 - Sgaw Karen Common Bible

²⁴ သုပြၢလိာ်သုသးဒီးပပှၤအၤၡူၢ်အသုးခိၣ်အဆံးကတၢၢ်တဂၤဒၣ် လဲာ်တသ့ဘၣ်. အန့ၣ်ဒၣ်လဲာ်သုမုၢ်လၢ်ပှၤအဲၤကူပတူးဖိတဖၣ်လၢကဆှၢန့ၢ်သု, လ့ၣ်ကဟၣ်တဖၣ်ဒီးပှၤဒိးကသ့ၣ်တဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 18:24 Iomraidhean Croise

လံာ်တၢ်ကဲထီၣ်အခီၣ်ထံး 50:9

ပှၤဒိးလ့ၣ်ကဟၣ်တဖၣ်, ပှၤဒိးကသ့ၣ်တဖၣ်လဲၤဃုာ်တၢ်ဒီးအီၤစ့ၢ် ကီးလီၤ. ပှၤလဲၤတၢ်တဖၣ်န့ၣ်မ့ၢ်ပှၤဂီၢ်မုၢ်ဖးဒိၣ်တဖုလီၤ.

လံာ်စီၤပၤအခီၣ်ထံးတဘ့ၣ် 20:10

လၢစီၤပၤဘ့ၣ်ဟဒးအအိၣ်စံးဝဲ, “ယကဟဲကိးပှၤလၢလၢလီၣ်လီၣ် လၢကမၤဟးဂီၤသုဝ့ၢ်အံၤတုၤအစိာ်ထီၣ်ကွံာ်ဒၣ်လဲာ်လၢၢ်အက့ အခီတဖၣ်လၢအစုပူၤန့ၣ်လီၤ. ယမ့ၢ်တမၤဒ်န့ၣ်ဘၣ်ဒီးမ်ကစၢ်တဖၣ်တီၢ်ယၤလၢတၢ်သံတက့ၢ်.”

လံာ်စီၤပၤခံဘ့ၣ်တဘ့ၣ် 18:21

သုမုၢ်လၢ်ကီၢ်အဲၤကူပတူးလၢကမၤစၢၤသု, ဘၣ်ဆၣ်တၢ်န့ၣ်ကမၤ အသးဒ်တၢ်သူတပိၢ်တဘိလၢနီၣ်ထိးဘိတဘိအဂီၢ်အသိး, တၢ်န့ၣ်ကကၢ်ကွံာ်ဒီးဆဲးဘၣ်က့ၤသုစုန့ၣ်လီၤ. ကီၢ်အဲၤကူပတူးအစီၤပၤလီၤဂာ်ဒ်န့ၣ်ဖဲပှၤတဂၤလၢ်လၢ်သန့ၤ အသးလၢအီၤအခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:23

လၢစီၤပၤဖးဒိၣ်အမံၤအပူၤန့ၣ်, ယကတၤတၢ်ဒီးသုတမံၤန့ၣ်လီၤ. သုဃုထံၣ်ပှၤဒိးကသ့ၣ်သ့အါဝဲအဂၤခံကထိမ့ၢ်န့ၢ်န့ၣ်, ယကဟ့ၣ်သုကသ့ၣ်အဒုပှဲၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:25

မ့ၢ်သုဆိကမိၣ်လၢ, ယဟဲထီၣ်ဒုးသုထံသုကီၢ်ဒီးမၤဟးဂီၤ ကွံာ်အီၤန့ၣ်, တအိၣ်ဘၣ်ဒီးယွၤအတၢ်မၤစၢၤဘၣ်န့ၣ်ဧါ. ယွၤအကစၢ်ဒၣ်ဝဲတဲဘၣ်ယၤလၢယကလဲၤထီၣ်ဒုးအီၤဒီးမၤဟးဂီၤ ကွံာ်အီၤန့ၣ်လီၤ.

လံာ်ယၡါယၤ 10:8

အဝဲကတိၤဒိၣ်ကတိၤသွါတၢ်ဒီးစံးဝဲ, “ယသုးခိၣ်ကိးဂၤဒဲး စုာ်စုာ်န့ၣ်, မ့ၢ်စီၤပၤတဂၤလီၤ.

လံာ်ယၡါယၤ 30:1

ယွၤကတိၤလံတၢ်လံ. “ပှၤတဖၣ်လၢအပၢကီၢ်ယူဒၤန့ၣ် ကဘၣ်တၢ်စံၣ်ညီၣ်ဃါမနၤလၢတၢ်ပူထီၣ်ထီဒါယၤအဃိလီၤ. အဝဲသ့ၣ်ပိာ်ထွဲတၢ်တိာ်ကျဲၤတဖၣ်လၢယတမၤတ့ၢ်အီၤဒီး ဆဲးလီၤအမံၤလၢလံာ်ဃံၤဃာ်တဖၣ်အပူၤလၢအထီဒါတၢ်ဘၣ်ယသး, ဒီးပာ်ဖှိၣ်တၢ်ဒဲးဘးတမံၤလၢအဂၤတမံၤအဖီခိၣ်လီၤ.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ယၡါယၤ 31:3

ပှၤအဲၤကူပတူးဖိတဖၣ်တမ့ၢ်ကစၢ်တဖၣ်ဘၣ်. အဝဲသ့ၣ်မ့ၢ်ဒၣ်ပှၤကညီလီၤ. အကသ့ၣ်တဖၣ်တအိၣ်ဒီးစိ ကမီၤလၢန့ဆၢၣ်အဖီခိၣ်ဘၣ်. ဖဲယွၤမၤတၢ်လံဒီး, ပှၤကလုာ်လၢအဂံၢ်ဆူၣ်ကဟးဂီၤဝဲလီၤ. ဒီးပှၤကလုာ်လၢအဂံၢ်စၢ်လၢအဝဲသ့ၣ်မၤစၢၤဝဲန့ၣ်ကလီၤဃံၤ ဝဲလီၤ. ဒီးခံဖုလိာ်ကဘၣ်တၢ်မၤဟးဂီၤကွံာ်အီၤလီၤ.

လံာ်ယၡါယၤ 36:6

သုမုၢ်လၢ်လၢကီၢ်အဲၤကူပတူးကမၤစၢၤသုလီၤ. ဘၣ်ဆၣ်တၢ်န့ၣ်ကလီၤဂာ်ဒီးတၢ်သူတပိၢ်တဘိဒ်နီၣ်ထိးဘိ တဘိအသိးန့ၣ်လီၤ. ကကၢ်ကွံာ်ဝဲဒီးကဆဲးတိၢ်ဘၣ်သုစုန့ၣ်လီၤ. ကီၢ်အဲၤကူပတူးအစီၤပၤမ့ၢ်တၢ်ဒ်န့ၣ်ဖဲပှၤတဂၤဂ့ၤတဂၤဂ့ၤ သန့ၤအသးလၢအီၤန့ၣ်လီၤ.

လံာ်ယၡါယၤ 36:9

သုတီၤတထီၣ်ဘးဒၣ်လဲာ်ကီၢ်အၤၡူၢ်အသုးခိၣ်အဆံးကတၢၢ် တဂၤဘၣ်. ဒီးခဲအံၤတခီသုမုၢ်လၢ်လၢပှၤအဲၤကူပတူးဖိတဖၣ် ကဆှၢန့ၢ်သုလ့ၣ်ကဟၣ်တဖၣ်ဒီးကသ့ၣ်ဒုးသုးတဖၣ်န့ၣ်လီၤ.

လံာ်ယံးရမံယၤ 37:7

ယကစံးဘၣ်စီၤစံးဒကံယၤဒ်အံၤ, “ကီၢ်အဲၤကူပတူး အသုးမုၢ်ဟဲထီၣ်လံလၢ ကမၤစၢၤနၤအဂီၢ်လံ, ဘၣ်ဆၣ်ဒီး ကက့ၤကဒါက့ၤ ဆူအကီၢ်ဒၣ်ဝဲလီၤ.

လံာ်ယဃ့းစက့လး 17:15

ဘၣ်ဆၣ်ဒီးကီၢ်ယူဒၤအစီၤပၤပူထီၣ်တၢ်ဒီးဆှၢလီၤခၢၣ်စးတဖၣ် ဆူကီၢ်အဲၤကူပတူး, လၢကမၤန့ၢ်ကသ့ၣ်တဖၣ်ဒီးသုးမုၢ်ဖးဒိၣ်တဖု အဂီၢ်န့ၣ်လီၤ. မ့ၢ်အဝဲကမၤနၢၤတၢ်ကစီဒီဧါ. မ့ၢ်အဝဲပူၤဖျဲးထီၣ်လၢတၢ်အံၤကသ့ကစီဒီဧါ. အဝဲမ့ၢ်မၤဟးဂီၤကွံာ်အတၢ်ဆိၣ်လီၤအသးလၢလံာ်ဃံၤဃာ်အပူၤ ဒီးတၢ်တစံၣ်ညီၣ်အီၤဘၣ်န့ၣ်ကသ့ဒ်လဲၣ်.

လံာ်ယဃ့းစက့လး 17:17

ကီၢ်အဲၤကူပတူးအစီၤပၤအသုးမုၢ်လၢအဂံၢ်ဆူၣ်ဘါဆူၣ်ဒၣ်လဲာ် န့ၣ်, ဖဲလၢပှၤဘၤဘူၤလိၣ်ဖိတဖၣ်မၤထီထီၣ်ဟီၣ်ခိၣ်ဝးတရံးဝ့ၢ်ဒီး ခူၣ်လီၤတၢ်ကျိၤတဖၣ်လၢကမၤသံပှၤဂီၢ်မုၢ်အါဂၤအခါန့ၣ်ဒုး စၢၤအီၤတၢ်တသ့ဘၣ်.

လံာ်ယဃ့းစက့လး 29:6

အန့ၣ်တစုကီၢ်အဲၤကူပတူး အပှၤဂီၢ်မုၢ်ကသ့ၣ်ညါဝဲလၢ ယမ့ၢ်ယွၤန့ၣ်လီၤ.” ယွၤစံးဝဲဒၣ်, “ပှၤအံၣ်စရ့လးဖိတဖၣ်သန့ၤ အသးလၢနပှၤအဲၤကူပတူးဖိတဖၣ်, လၢတၢ်မၤစၢၤအဂီၢ်န့ၣ်လီၤ. ဘၣ်ဆၣ် နတဂ့ၤဘၣ်ထဲသိး နီၣ်က့လၢအစၢ်တဘိန့ၣ်ဘၣ်.

လံာ်ဒၤနံးယ့လး 4:22

မ့ၢ်ဒၣ်နၤလီၤစီၤပၤဧၢ. နဒိၣ်ထီၣ်နထီထီၣ်နဂံၢ်နဘါဆူၣ်ထီၣ်လီၤ. နတၢ်ဒိၣ်တၢ်မုၢ်, ထီၣ်ဘးဝဲတုၤလၢမူခိၣ်ဒီးနတၢ်ပၢတၢ်ပြး န့ၣ်လဲၤတုၤပၢၢ်တုၤလၢဟီၣ်ခိၣ်အကတၢၢ်လီၤ.

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်သိၣ်လီၤသီလီၤတၢ် 17:16

စီၤပၤန့ၣ်တဘၣ်အိၣ်ဒီးကသ့ၣ်တဖၣ်အါဒုလၢအသုးမုၢ်အဂီၢ်ဘၣ်. ဒီးအဝဲတဘၣ်ဆှၢလီၤပှၤဂီၢ်မုၢ်ဆူကီၢ်အဲၤကူပတူးလၢကပှ့ၤ သ့ၣ်အဂီၢ်န့ၣ်ဘၣ်. အဂ့ၢ်ဒ်အံၤ, ယွၤစံးတ့ၢ်ဝဲဒၣ်လၢ, အပှၤဂီၢ်မုၢ်တဘၣ်က့ၤကဒါက့ၤဆူ န့ၣ်နီတစုဘၣ်အဃိန့ၣ်လီၤ.