လံာ်စီၤပၤခံဘ့ၣ်တဘ့ၣ် 18:21 - Sgaw Karen Common Bible

²¹ သုမုၢ်လၢ်ကီၢ်အဲၤကူပတူးလၢကမၤစၢၤသု, ဘၣ်ဆၣ်တၢ်န့ၣ်ကမၤ အသးဒ်တၢ်သူတပိၢ်တဘိလၢနီၣ်ထိးဘိတဘိအဂီၢ်အသိး, တၢ်န့ၣ်ကကၢ်ကွံာ်ဒီးဆဲးဘၣ်က့ၤသုစုန့ၣ်လီၤ. ကီၢ်အဲၤကူပတူးအစီၤပၤလီၤဂာ်ဒ်န့ၣ်ဖဲပှၤတဂၤလၢ်လၢ်သန့ၤ အသးလၢအီၤအခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:21 Iomraidhean Croise

လံာ်စီၤပၤခံဘ့ၣ်တဘ့ၣ် 17:4

ဘၣ်ဆၣ်, ဘၣ်တနံၤန့ၣ်, စီၤဟိၤၡ့ဆှၢလီၤပှၤစိာ်တၢ်ကစီၣ်ဆူ ကီၢ်အဲၤကူပတူးအစီၤပၤစိအအိၣ်, ဒီးဃ့အီၤတၢ်မၤစၢၤ, ဒီးဆိကတီၢ်ကွံာ်အတၢ်ဟ့ၣ်တနံၣ်တဘျီအတၢ်ခိတၢ်သွဲဆူ ကီၢ်အၤၡူၢ်န့ၣ်လီၤ. တုၤစီၤၡၤလမၤန့စ့ၢ်သ့ၣ်ညါတၢ်အံၤ န့ၣ်, အဝဲမၢပှၤဖီၣ်စီၤဟိၤၡ့ဒီးဒၢနုာ်အီၤလၢဃိာ်ပူၤန့ၣ်လီၤ.

လံာ်ယၡါယၤ 1:1

လံာ်အံၤအိၣ်ဃုာ်ဒီးတၢ်ကစီၣ်ဘၣ်ဃးကီၢ်ယူဒၤ ဒီးဝ့ၢ်ယရူၤၡလ့ၣ်အဂ့ၢ်လၢကစၢ်ယွၤလီၣ်ဖျါထီၣ်တ့ၢ်ဆူစီၤအၤမိာ် အဖိခွါဝံယၡါယၤဖဲစီၤဧူးစံယါ, စီၤယိၤသၣ်, စီၤအၤဃး, ဒီးစီၤ ဃံးစကံယၤမ့ၢ်စီၤပၤတဖၣ်လၢကီၢ်ယူဒၤအဆၢကတီၢ်န့ၣ်လီၤ.

လံာ်ယၡါယၤ 20:5

ပှၤလၢအနာ်ကီၢ်ကူၤၡးဒီးကတိၤဒိၣ်ကတိၤသွါကီၢ် အဲၤကူပတူးတဖၣ်ကပျံၤတၢ်ဒီးကဘၣ်တၢ်မၤမဲာ်ဆှးအီၤလီၤ.

လံာ်ယၡါယၤ 30:1

ယွၤကတိၤလံတၢ်လံ. “ပှၤတဖၣ်လၢအပၢကီၢ်ယူဒၤန့ၣ် ကဘၣ်တၢ်စံၣ်ညီၣ်ဃါမနၤလၢတၢ်ပူထီၣ်ထီဒါယၤအဃိလီၤ. အဝဲသ့ၣ်ပိာ်ထွဲတၢ်တိာ်ကျဲၤတဖၣ်လၢယတမၤတ့ၢ်အီၤဒီး ဆဲးလီၤအမံၤလၢလံာ်ဃံၤဃာ်တဖၣ်အပူၤလၢအထီဒါတၢ်ဘၣ်ယသး, ဒီးပာ်ဖှိၣ်တၢ်ဒဲးဘးတမံၤလၢအဂၤတမံၤအဖီခိၣ်လီၤ.

လံာ်ယၡါယၤ 30:7

တၢ်မၤစၢၤလၢကီၢ်အဲၤကူပတူးဟ့ၣ်လီၤဝဲန့ၣ်အဘျုးတအိၣ်ဘၣ်. သတးဒီး, ယကိးကလိာ်ကလာ်တ့ၢ်ကီၢ်အဲၤကူပတူးအမံၤလၢ, ပယိၤလၢအစုၣ်အပျၢ်တအိၣ်ဘၣ်န့ၣ်လီၤ.

လံာ်ယၡါယၤ 36:6

သုမုၢ်လၢ်လၢကီၢ်အဲၤကူပတူးကမၤစၢၤသုလီၤ. ဘၣ်ဆၣ်တၢ်န့ၣ်ကလီၤဂာ်ဒီးတၢ်သူတပိၢ်တဘိဒ်နီၣ်ထိးဘိ တဘိအသိးန့ၣ်လီၤ. ကကၢ်ကွံာ်ဝဲဒီးကဆဲးတိၢ်ဘၣ်သုစုန့ၣ်လီၤ. ကီၢ်အဲၤကူပတူးအစီၤပၤမ့ၢ်တၢ်ဒ်န့ၣ်ဖဲပှၤတဂၤဂ့ၤတဂၤဂ့ၤ သန့ၤအသးလၢအီၤန့ၣ်လီၤ.

လံာ်ယံးရမံယၤ 46:17

ဟ့ၣ်ကီၢ်အဲၤကူပတူးအစီၤပၤအမံၤ အသီတယုၢ်လၢ အဝဲမ့ၢ်ဝဲ, ပှၤသီၣ်သဲကတီၤဒိၣ်လီၤအကိာ်လၢ အခွဲးအယာ် လီၤမၢ်ကွံာ်’ န့ၣ်တက့ၢ်.

လံာ်ယံးရမံယၤ 46:2

စးထီၣ်ဝဲဒီး ကီၢ်အဲၤကူပတူးအဂ့ၢ်န့ၣ်လီၤ. တၢ်အံၤမ့ၢ် တၢ်လၢအဝဲစံးဝဲဘၣ်ဃးဒီးကီၢ်အဲၤကူပတူးအစီၤပၤ နကိၤအသုးမုၢ်လၢ ကီၢ်ဘၤဘူၤလိၣ် အစီၤပၤနဘူၤကးန့စၢ် မၤနၢၤမၤဃၣ်အီၤဖဲ ဝ့ၢ်ကၢ်ကမံၣ်ဘူးဒီး ထံကျိဖရၤသး, ဖဲကီၢ်ယူဒၤအစီၤပၤ ယဟိၤယါကံၣ်ပၢတၢ်လွံၢ်နံၣ်တနံၣ် အပူၤန့ၣ်လီၤ.

လံာ်ဟိၤၡ့ 1:1

အအံၤမ့ၢ်တၢ်ကစီၣ်လၢယွၤဟ့ၣ်စီၤဘ့ၤရံအဖိခွါစီၤဟိၤၡ့ ဖဲစီၤပၤစီၤဧူးစံယၤ, စီၤယိၤသၣ်, စီၤအၤဃာ်, စီၤဃံးစကံ ယၤတဖၣ်ပၢတၢ်လၢကီၢ်ယူဒၤအပူၤ, ဒီးလၢအံၣ်စရ့လးကီၢ်ပူၤတခီ စီၤပၤစီၤယိၤအၣ်အဖိခွါစီၤယၤရၤဘၣ်ပၢတၢ်အဆၢကတီၢ်န့ၣ် လီၤ.