လံာ်စီၤပၤခံဘ့ၣ်တဘ့ၣ် 18:18 - Sgaw Karen Common Bible

¹⁸ အန့ၣ်ဝံၤဒီးအဝဲသ့ၣ်မၤလိာ်စီၤပၤဃံးစကံယၤ, ဒီးစီၤပၤဃံးစကံယၤအပဖးဒိၣ်လၢလာ်သၢဂၤဟးထီၣ်လၢကသဂၢၢ် အဝဲသ့ၣ်အဂီၢ်လီၤ. အဝဲသ့ၣ်တဖၣ်မ့ၢ်ဝဲ, စီၤဃံးလကံယၤအဖိခွါစီၤအ့ၤလယါကံၣ်လၢ အမ့ၢ်ပှၤပၢၤစီၤပၤအနီ, စီၤၡ့ၤဘနၤလၢအမ့ၢ်ကွီၢ်ဘျီၣ်အပှၤကွဲးလံာ်ဒီးစီၤအၤစာ်အဖိ ခွါစီၤယိၤအၤလၢအမ့ၢ်ပှၤပၢၤတၢ်ကွဲးနီၣ်တဖၣ်အခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 18:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:24

စီၤအဒိၤရၣ်မ့ၢ်ပှၤဘၣ်တၢ်မၢဆူၣ်အီၤတဖၣ်အခိၣ်, စီၤအဃံလူးအဖိခွါစီၤယဟိၡၤဖးမ့ၢ်ပှၤကွဲးနီၣ်တၢ်တဖၣ်အ ခိၣ်,

လံာ်စီၤပၤအခီၣ်ထံးတဘ့ၣ် 4:3

ကွီၢ်အပှၤကွဲးလံာ်ဒိၣ်တဖၣ်မ့ၢ်ဝဲစီၤၡံၡၤအဖိခွါခံဂၤလၢ အမ့ၢ်စီၤအလံၤဃိရ့ာ်ဒီးစီၤအဃံယၤလီၤ. ပှၤကွၢ်ထွဲတၢ်ကွဲးနီၣ်တဖၣ်အခိၣ်မ့ၢ်ဝဲစီၤအဃံလူးအဖိခွါ စီၤယဟိၡၤဖး,

လံာ်စီၤပၤခံဘ့ၣ်တဘ့ၣ် 18:26

ဝံၤဒီးစီၤအ့ၤလယါကံၣ်, စီၤၡ့ၤဘနၤဒီးစီၤယိၤအၤတဲဘၣ် သုးခိၣ်န့ၣ်, “တၢ်ဒိၣ်ဧၢ, ကတိၤတၢ်ဒီးပှၤလၢပှၤအၤရၣ်ဖိ အကျိာ်တက့ၢ်. ပနၢ်ပၢၢ်အီၤ. ကစီဒီလီၤ. ကတိၤတၢ်လၢဧ့ၤဘြံၤအကျိာ်တဂ့ၤ. ပှၤဂီၢ်မုၢ်လၢဝ့ၢ်ခိၣ်ဒူအလိၤဒိကနၣ်တၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 18:37

ဝံၤဒီးစီၤအ့ၤလယါကံၣ်, စီၤၡ့ၤဘနၤဒီးစီၤယိၤအၤတဖၣ်ဖှီ ယာ်အဆ့ကူအသိးတဖၣ်လၢတၢ်သူၣ်အုးသးအုးအပူၤဒီးလဲၤဒီးတဲ ဘၣ်စီၤပၤတၢ်လၢကီၢ်အၤၡူၢ်အသုးခိၣ်စံးတ့ၢ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:2

အဝဲမၢလီၤပှၤကွၢ်ထွဲနူၢ်ဧိၤစီၤဧိၤအခိၣ်စီၤအ့ၤလယါကံၣ်, ကွီၢ်ဘျီၣ်အပှၤကွဲးလံာ်ဒိၣ်စီၤၡ့ၤဘနၤဒီးပှၤလုၢ်တၢ်အခိၣ် အဒိၣ်တဖၣ်ဒ်သိးကလဲၤဆူစီၤအၤမိးအဖိခွါဝံယၡါယၤအအိၣ်န့ၣ် လီၤ. အဝဲသ့ၣ်စ့ၢ်ကီးကူသိးဝဲထၢၣ်တၢ်ကံးညာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:8

လၢအဝဲပၢတၢ်တဆံဃိးနံၣ်တနံၣ်အပူၤ, ဖဲအဝဲမၤကဆှီထီၣ်ထံ ဧိၤကီၢ်ဧိၤဒီးယွၤအတၢ်လုၢ်ဟံၣ်ခီဖျိတၢ်မၤကတၢၢ်ကွံာ်ပှၤ တစူၢ်တနာ်ယွၤအတၢ်ဘူၣ်တၢ်ဘါဝံၤအလီၢ်ခံန့ၣ်, စီၤပၤယိၤၡံယၤမၢလီၤပှၤသၢဂၤလၢကဘှီဂ့ၤထီၣ်က့ၤယွၤ, ကစၢ်ယွၤအတၢ်လုၢ်ဟံၣ်န့ၣ်လီၤ. ပှၤတဖၣ်န့ၣ်မ့ၢ်ဝဲ, စီၤအစါလံယၤအဖိခွါစီၤၡၤဖၣ်, ဝ့ၢ်ယရူၤၡလ့ၣ်အပဒိၣ်ဖးဒိၣ်စီၤမၤစယၤ, ဒီးပဒိၣ်ဖးဒိၣ်တဂၤလၢအမ့ၢ်စီၤယဟိအါဃးအဖိခွါစီၤယိအၤ န့ၣ်လီၤ.

လံာ်ယၡါယၤ 33:7

ပှၤအဒူတဖၣ်ကိးထီၣ်ဝဲလၢတၢ်မၤစၢၤအဂီၢ်လီၤ. ထံကီၢ်အခၢၣ်စးလၢအကျဲးစၢးမၤဃူမၤဖိးတၢ်တဖၣ် ဟီၣ်ဝဲယၢၤဝဲနးနးကလဲာ်လီၤ.

လံာ်ယၡါယၤ 36:22

အန့ၣ်ဒီး, စီၤအ့ၤလယါကံၣ်, စီၤၡ့ၤဘနၤ, ဒီစီၤယိၤအၤဖှီ ယာ်အဆ့ကၤတဖၣ်လၢတၢ်သးအုးအပူၤဒီးလဲၤတၢ်ဒီးပာ်ဖျါထီၣ် က့ၤတၢ်လၢကီၢ်အၤၡူၢ်အသုးခိၣ်စံးဘၣ်တ့ၢ်ဝဲဆူစီၤပၤ အအိၣ်န့ၣ်လီၤ.

လံာ်ယၡါယၤ 36:3

ပှၤယူဒၤဖိသၢဂၤလၢအမ့ၢ်ဝဲစီၤဃံးစကံယၤအဖိခွါစီၤအ့လယါ ကံၣ်လၢအပၢၤစီၤပၤအနီ, ကွီၢ်ဘျီၣ်အနဲၣ်ရွဲၣ်စီၤၡ့ၤဘနၤ, ဒီးစီၤအၤစာ်အဖိခွါစီၤယိၤအၤလၢအမ့ၢ်ပဒိၣ်လၢအပၢၤတၢ် ကွဲးနီၣ်တဖၣ်ဟဲထီၣ်ဒ်သိးအကထံၣ်လိာ်အီၤန့ၣ်လီၤ.

လံာ်ယၡါယၤ 37:2

အဝဲမၢလီၤစီၤအ့လယါကံၣ်, ပဒိၣ်လၢအပၢၤစီၤပၤအနူၢ်အစီၤ, စီၤၡ့ၤဘနၤလၢအမ့ၢ်ကွီၢ်ဘျီၣ်အနဲၣ်ရွဲၣ်, ဒီးအပှၤလုၢ်တၢ်အခိၣ် အဒိၣ်သူၣ်က့သးပှၢ်တဖၣ်န့ၣ်ဆူစီၤအၤမိာ်အဖိခွါဝံယၡါယၤ အအိၣ်လီၤ. အဝဲသ့ၣ်စ့ၢ်ကီးကူကၤဆ့ထၢၣ်တၢ်ကံးယာ်န့ၣ်လီၤ.