လံာ်စီၤပၤခံဘ့ၣ်တဘ့ၣ် 18:17 - Sgaw Karen Common Bible

¹⁷ ကီၢ်အၤၡူၢ်အစီၤပၤဖးဒိၣ်ဆှၢလီၤသုးမုၢ်ဖးဒိၣ်တဖုလၢဝ့ၢ် လၤကံၣ်လၢကလဲၤထီၣ်ဒုးစီၤဃံးစကံယၤဖဲဝ့ၢ်ယရူၤရှလ့ၣ်န့ၣ် လီၤ. သုးမုၢ်န့ၣ်ဘၣ်တၢ်ပၢဆှၢအီၤလၢအဝဲအသုးခိၣ်ဖးဒိၣ်အဒိၣ်က တၢၢ်သၢဂၤန့ၣ်လီၤ. ဖဲအဝဲသ့ၣ်လဲၤတုၤဆူဝ့ၢ်ယရူၤရှလ့ၣ်န့ၣ်, အဝဲသ့ၣ်မၤန့ၢ်ကွံာ်ကျဲဖဲပှၤစုၣ်တၢ်ကံးညာ်မၤတၢ်, တၢ်လီၢ်ဖဲတၢ်ကျိၤလၢအဟဲစိာ်လီၤထံလၢနိၣ်လၢထးခီ, အကပၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:17 Iomraidhean Croise

လံာ်စီၤပၤခံဘ့ၣ်တဘ့ၣ် 14:19

တၢ်ကူၣ်အၢတမံၤအိၣ်ထီၣ်ဝဲလၢဝ့ၢ်ယရူၤၡလ့ၣ်အပူၤလၢတၢ်ကမၤသံ စီၤအမၤစယါအဃိအဝဲဃ့ၢ်ပူၤဖျဲးအသးဆူဝ့ၢ်လၤကံၣ်, ဘၣ်ဆၣ်အဒုၣ်အဒါတဖၣ်လူၤထွဲအီၤဖဲန့ၣ်ဒီးမၤသံကွံာ်အီၤန့ၣ် လီၤ.

လံာ်စီၤပၤခံဘ့ၣ်တဘ့ၣ် 18:16

အဝဲအိးကွံာ်စ့ၢ်ကီးထူတဖၣ်လၢအိၣ်လၢတၢ်လုၢ်ဟံၣ်ပဲတြီဖး ဒိၣ်တဖၣ်အလိၤဒီးထူတဖၣ်လၢအဝဲအနီၢ်ကစၢ်ဒၣ်ဝဲကျးဘၢဝဲလၢ တြဲၤအထူၣ်တဖၣ်အလိၤဒီးအဝဲဆှၢလီၤတၢ်န့ၣ်ခဲလၢာ်ဆူစီၤစၤ နဃ့ရံာ်အအိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:23

နဆှၢလီၤနပှၤစိာ်တၢ်ကစီၣ်တဖၣ်လၢကကတိၤဒိၣ်ကတိၤသွါလီၤအသး လၢယဖီခိၣ်ဒီးစံးလၢနမၤနၢၤကွံာ်ကီၢ်လဘၤနိၣ်ကစၢၢ်အထီကတၢၢ် တဖၣ်, လၢနလ့ၣ်ကဟၣ်ခဲလၢာ်န့ၣ်လီၤ. နကတိၤပာ်ကဖၢလၢလီၤနသးလၢ, ဖဲန့ၣ်နကူာ်လီၤကွံာ်သ့ၣ်ဆှိအ့ရ့းအထီကတၢၢ်တဖၣ်ဒီးသ့ၣ်ဆှိ အဂ့ၤကတၢၢ်တဖၣ်, ဒီးနလဲၤတုၤဆူသ့ၣ်ပှၢ်တဖၣ်အတီၣ်ကတၢၢ်အလီၢ်ကဝီၤတဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:6

အဝဲဆှၢကဒါက့ၤတၢ်စံးဆၢဒ်အံၤလီၤ. “ယွၤတဲဘၣ်နၤလၢနသုတပျဲပှၤအၤၡူၢ်ဖိတဖၣ်မၤပျံၤမၤဖုး နၤခီဖျိအဝဲသ့ၣ်အတၢ်တဲလၢ, ယွၤအုၣ်က့ၤခီၣ်က့ၤနၤတသ့ ဘၣ်န့ၣ်တဂ့ၤ.”

လံာ်စီၤပၤခံဘ့ၣ်တဘ့ၣ် 20:20

ကယဲၢ်တၢ်အဂၤလၢစီၤပၤဃံးစကံယၤမၤတ့ၢ်ဝဲ, အဝဲအတၢ်မၤအဒူအဃိၤတဖၣ်, ဒီးတၢ်ကွဲးနီၣ်ဘၣ်ဃးဒီးအဝဲဘှီ ထီၣ်ကမါပဒၢးထံတဖျၢၣ်ဒီးအတၢ်ခူၣ်ထံကျိၤတကျိၤလၢကဟဲစိာ် နုာ်ထံဆူဝ့ၢ်ပူၤအဂ့ၢ်အကျိၤခဲလၢာ်န့ၣ်ဘၣ်တၢ်ကွဲးအီၤလၢ ကီၢ်ယူဒၤအစီၤပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 12:4

အဝဲမၤန့ၢ်ကွံာ်, ယူဒၤအဝ့ၢ်တဖၣ်လၢအအိၣ်ဒီးတိာ်ဧိၤတာ်ဧိၤ, ဒီးလဲၤထီၣ်ဝဲယံၤတုၤလၢဝ့ၢ်ယရူၤရှလ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:9

တယံာ်ဘၣ်ဖဲစီၤစၤနဃ့ရံးဒီးပှၤသုးမုၢ်အိၣ်ဒံးဝဲဖဲဝ့ၢ် လၤကံၣ်အခါန့ၣ်, အဝဲဆှၢလီၤတၢ်ကစီၣ်လၢလာ်အံၤဆူစီၤဃံးစကံယၤဒီးကီၢ်ယူ ဒၤအပှၤဂီၢ်မုၢ်လၢအအိၣ်ဒီးအီၤလၢဝ့ၢ်ယရူၤၡလ့ၣ်အပူၤအအိၣ် န့ၣ်လီၤ.

လံာ်ယၡါယၤ 20:1

လၢကီၢ်အၤၡူၢ်အစီၤပၤဖးဒိၣ်စၤရကိၣ်အကလုၢ်န့ၣ်, ကီၢ်အၤၡူၢ်အသုးမုၢ်အသုးခိၣ်ကျၢၢ်လဲၤထီၣ်ဒုးပှၤဖလ့ၡသးဖိ အဝ့ၢ်အၤစဒိာ်န့ၣ်လီၤ.

လံာ်ယၡါယၤ 36:2

ဝံၤဒီးအဝဲဟ့ၣ်လီၤအကလုၢ်လၢအသုးခိၣ်ကျၢၢ်ကလဲၤတၢ်လၢဝ့ၢ်လၤ ကံၣ်ဆူဝ့ၢ်ယရူၤရှလ့ၣ်အိၣ်ဒီးသုးမုၢ်ဖးဒိၣ်တဖုဒ်သိးကမၢဆူၣ် စီၤပၤဃံးစကံယၤလၢအကပာ်လီၤအစုကဝဲၤအဂီၢ်လီၤ. သုးခိၣ်ဖးဒိၣ်န့ၣ်ပၢၤဃးကျဲတဘိဖဲပှၤစုၣ်တၢ်ကံးယာ်တဖၣ် မၤတၢ်, ဖဲထံကျိၤလၢအဟဲစိာ်လီၤထံလၢကွံလၢထးတတီၤန့ၣ်လီၤ.

လံာ်ယၡါယၤ 7:3

ယွၤစံးဘၣ်ဝံယၡါယၤ, “ဟံးန့ၢ်နဖိခွါစီၤၡယၤၡူာ်ဒီးလဲၤ သဂၢၢ်စီၤပၤအၤဃးတက့ၢ်. နကထံၣ်ဘၣ်အီၤဖဲ ပှၤမၤတၢ်ကံးယာ်တဖၣ်အမၤတၢ်ကျဲအလိၤ, ဖဲထံကျိၤလၢအဟဲစိာ် လီၤထံလၢနိၣ်လၢထးခီ, အကတၢၢ်န့ၣ်လီၤ.