လံာ်စီၤပၤခံဘ့ၣ်တဘ့ၣ် 18:14 - Sgaw Karen Common Bible

¹⁴ စီၤဃံးစကံယၤဆှၢလီၤတၢ်ကစီၣ်တမံၤဆူစီၤစၤနဃ့ရံာ်အအိၣ်, လၢအအိၣ်ဝဲဖဲဝ့ၢ်လၤကံၣ်, စံးဝဲ, “ယမၤကမၣ်ဘၣ်တၢ်လံ, ဝံသးစူၤဆိကတီၢ်ကွံာ်နတၢ်ဟဲ ထီၣ်ဒုးတၢ်ဒီးယကဟ့ၣ်နၤကယဲၢ်တၢ်တမံၤမံၤလၢနဃ့အီၤန့ၣ်လီၤ. “ကီၢ်အၤၡူၢ်အစီၤပၤဖးဒိၣ်အတၢ်စံးဆၢမ့ၢ်ဝဲစီၤဃံးစကံယၤ ကဘၣ်ဆှၢလီၤန့ၢ်အီၤစ့လီၤတယၢၢ်အကံကၢ်သၢကယၤ ဒီးထူလီၤတယၢၢ်အကံကၢ်သၢဆံန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:14 Iomraidhean Croise

လံာ်စီၤပၤအခီၣ်ထံးတဘ့ၣ် 20:4

စီၤအၤဃာ်စံးဆၢဝဲ, “တဲဘၣ်ယကစၢ်, စီၤပၤဘ့ၣ်ဟဒးလၢ, ယဘၣ်သူၣ်ဘၣ်သးယဲလီၤ. အဝဲဟံးန့ၢ်ယၤဒီးကယဲၢ်တၢ်အိၣ်ဒီးယၤခဲလၢာ်သ့ဝဲန့ၣ်လီၤ.”

လံာ်စီၤပၤခံဘ့ၣ်တဘ့ၣ် 10:5

လၢတၢ်န့ၣ်အဃိပဒိၣ်လၢအအိၣ်မူအိၣ်ဒါလၢနူၢ်ပူၤစီၤပူၤဒီး ပဒိၣ်လၢအအိၣ်ဒီးမူဒါလၢဝ့ၢ်အဖီခိၣ်ဃုာ်ဒီးခူဖိဝ့ၢ်ဖိ အတူၢ်ဒိၣ်ကီၤဒိၣ်တဖၣ်, ဒီးပှၤကွၢ်ထွဲတၢ်တဖၣ်, ဆှၢလီၤတၢ်ကစီၣ်အံၤဆူစီၤယ့ၤဟူအအိၣ်စံးဝဲ, “ပမ့ၢ်နခ့နပှၤတဖၣ်ဒီးပအိၣ်ကတဲာ်ကတီၤပသးလၢ ပကမၤကယဲၢ်တၢ်လၢနစံးဘၣ်ပှၤတမံၤလၢ်လၢ်န့ၣ်လီၤ. ဘၣ်ဆၣ်ပတပာ်ထီၣ်ပှၤနီတဂၤလၢစီၤပၤန့ၣ်ဘၣ်. မၤတၢ်တမံၤလၢ်လၢ်လၢနဆိကမိၣ်လၢအမ့ၢ်တၢ်အဂ့ၤကတၢၢ်န့ၣ် တက့ၢ်.”

လံာ်စီၤပၤခံဘ့ၣ်တဘ့ၣ် 14:19

တၢ်ကူၣ်အၢတမံၤအိၣ်ထီၣ်ဝဲလၢဝ့ၢ်ယရူၤၡလ့ၣ်အပူၤလၢတၢ်ကမၤသံ စီၤအမၤစယါအဃိအဝဲဃ့ၢ်ပူၤဖျဲးအသးဆူဝ့ၢ်လၤကံၣ်, ဘၣ်ဆၣ်အဒုၣ်အဒါတဖၣ်လူၤထွဲအီၤဖဲန့ၣ်ဒီးမၤသံကွံာ်အီၤန့ၣ် လီၤ.

လံာ်စီၤပၤခံဘ့ၣ်တဘ့ၣ် 15:20

စီၤမနၤဃ့ၣ်မၤန့ၢ်စ့န့ၣ်လၢကီၢ်အံၣ်စရ့လးအပှၤထူးပှၤတီၤ တဖၣ်အအိၣ်ခီဖျိတၢ်ဃ့ဆူၣ်ပှၤတဂၤစုာ်စုာ်လၢကမၤဘူၣ်လီၤစ့, တဂၤအဘ့ၣ်ယဲၢ်ဆံန့ၣ်လီၤ. လၢတၢ်န့ၣ်အဃိစီၤတံးကလးပလ့စ့ၢ် က့ၤကဒါက့ၤဆူအထံအကီၢ်ဒၣ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:7

လၢတၢ်န့ၣ်အဃိယွၤအိၣ်ဒီးအီၤ, ဒီးကယဲၢ်တၢ်လၢအဝဲ မၤတ့ၢ်ဝဲခဲလၢာ်န့ၣ်ကဲထီၣ်လိၣ်ထီၣ်ဝဲဒၣ်န့ၣ်လီၤ. အဝဲပူထီၣ်တၢ်ထီဒါကီၢ်အၤၡူၢ်အစီၤပၤဖးဒိၣ်ဒီးဂ့ၢ်လိာ်လၢ ကဟ့ၣ်လီၤအသးလၢအဝဲအစုပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:8

ကီၢ်အၤၡူၢ်အသုးခိၣ်သ့ၣ်ညါဘၣ်ဝဲလၢစီၤပၤဖးဒိၣ်ဟးထီၣ် ကွံာ်လၢဝ့ၢ်လၤကံၣ်ဒီးဒုးတၢ်ထီဒါဝ့ၢ်အိၣ်ဘူးလၢအမ့ၢ်လံး ဘနၤန့ၣ်လီၤ. လၢတၢ်န့ၣ်အဃိ, အဝဲလဲၤဖဲန့ၣ်လၢကကူၣ်သကိးဖးသကိးအဂီၢ်န့ၣ်လီၤ.

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

လံာ်ယံးရမံယၤ 34:7

ဖဲကီၢ်ဘၤဘူၤလိၣ်အစီၤပၤ အသုးမုၢ်ထီၣ်ဒုးဝ့ၢ်အံၤအခါန့ၣ်လီၤ. သုးမုၢ်အံၤထီၣ်ဒုးစ့ၢ်ကီးကီၢ်ယူဒၤအဝ့ၢ်အဂၤတဖၣ် လၢ အမ့ၢ်ဝ့ၢ်လၤကံၣ်ဒီး ဝ့ၢ်ဧစ့ကၤန့ၣ်လီၤ. လၢကီၢ်ယူဒၤအပူၤန့ၣ်, ဝ့ၢ်လၢအအိၣ်ဒီး အတိာ်ဧိၤတာ်ဧိၤန့ၣ် အိၣ်တ့ၢ်ထဲအဝဲသ့ၣ် ခံဖျၢၣ်ဧိၤန့ၣ်လီၤ.

လံာ်လူၤကၣ် 14:32

အဝဲအဂံၢ်အဘါမ့ၢ်တအိၣ်န့ၣ်, ကဆှၢလီၤဝဲကလူးစိာ်တၢ်ကစီၣ် တဖၣ်ဒ်သိးအကထံၣ်လိာ်အသးဒီးစီၤပၤအဂၤတဂၤန့ၣ်ဖဲ အအိၣ်ဒံးလၢကျဲဖးယံၤအဖၢမုၢ်, ဒီးကကတိၤတၢ်ဒီးအီၤဘၣ်ဃး တၢ်ဃူတၢ်ဖိးအဂ့ၢ်န့ၣ်လီၤ.”