လံာ်စီၤပၤခံဘ့ၣ်တဘ့ၣ် 18:12 - Sgaw Karen Common Bible

¹² ၡၤမရံလီၤကွံာ်ဝဲ, မ့ၢ်လၢပှၤအံၣ်စရ့လးဖိတဖၣ်တစူၢ်ယွၤ, အဝဲသ့ၣ်အကစၢ်ယွၤဘၣ်, မ့မ့ၢ်ဘိးဃၣ်ကွံာ်တၢ်အၢၣ်လီၤအီလီၤလၢ ယွၤမၤတ့ၢ်ဒီးအဝဲသ့ၣ်, ဒီးတစူၢ်ဘၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဘၣ်တၢ် ဟ့ၣ်လီၤလၢယွၤအခ့အပှၤစီၤမိၤၡ့အဃိန့ၣ်လီၤ. အဝဲသ့ၣ်တဒိကနၣ်တၢ်ဒီးတစူၢ်တၢ်ဘၣ်.

လံာ်စီၤပၤခံဘ့ၣ်တဘ့ၣ် 18:12 Iomraidhean Croise

လံာ်စီၤပၤအခီၣ်ထံးတဘ့ၣ် 9:6

မ့မ့ၢ်, နၤမ့ၢ်ဂ့ၤနစၢၤနသွဲၣ်တဖၣ်မ့ၢ်ဂ့ၤ, မ့ၢ်တပိာ်လၢၤဘၣ်ယခံ, တစူၢ်လၢၤဘၣ်ယတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်လၢယဟ့ၣ်လီၤ တ့ၢ်သု, ဒီးဘူၣ်ထီၣ်ဘါထီၣ်ကစၢ်အဂုၤအဂၤတဖၣ်န့ၣ်ဒီး,

လံာ်စီၤပၤခံဘ့ၣ်တဘ့ၣ် 21:8

ဒီးကီၢ်အံၣ်စရ့လးအပှၤဂီၢ်မုၢ်မ့ၢ်စူၢ်ကယဲၢ်ယတၢ်မၤလိာ်တဖၣ် ဒီးတိၢ်န့ၢ်ဖံးဃာ်ယူဒၤအတၢ်သိၣ်တၢ်သီခဲလၢာ်လၢယခ့ယပှၤစီၤ မိၤၡ့ဟ့ၣ်လီၤတ့ၢ်အဝဲသ့ၣ်န့ၣ်, အန့ၣ်တစု, ယတပျဲအဝဲသ့ၣ်ကဘၣ်တၢ်နီၣ်ထီၣ်ဟီထီၣ်ကွံာ်အီၤလၢ ကီၢ်တဘ့ၣ်အပူၤလၢယဟ့ၣ်လီၤတ့ၢ်အဝဲသ့ၣ်အမိၢ်ပၢ်ဖံဖုလၢပျၢၤ တဖၣ်န့ၣ်ဘၣ်.”

လံာ်စီၤနဃ့မယၤ 9:17

အဝဲသ့ၣ်ဂ့ၢ်လိာ်ဝဲလၢကစူၢ်တၢ်, အဝဲသ့ၣ်သးပ့ၤနီၣ်ကွံာ်တၢ်လၢနမၤတ့ၢ်ခဲလၢာ်လီၤ. အဝဲသ့ၣ်သးပ့ၤနီၣ်ကွံာ်လံတၢ်လီၤလးတဖၣ်လၢနမၤတ့ၢ်ဝဲ န့ၣ်လီၤ. လၢအတၢ်ပာ်ထီၣ်ထီသးအပူၤန့ၣ်အဝဲသ့ၣ်ဃုထၢအခိၣ်အနၢ်တဂၤလၢ ကဆှၢကဒါက့ၤအဝဲသ့ၣ်ဆူတၢ်မၢကဲကုၢ်အလီၢ်လၢကီၢ်အဲၤကူပတူး အပူၤန့ၣ်လီၤ. ဘၣ်ဆၣ်နမ့ၢ်နဲကစၢ်ယွၤတဂၤလၢအပျၢ်တၢ်ကမၣ်, နပှဲၤဒီးတၢ်ဘျုးတၢ်ဖှိၣ်ဒီးတၢ်အဲၣ်, ဒီးနတသးထီၣ်ညီကဒၣ်ဘၣ်. နတၢ်သူၣ်ကညီၤသးကညီၤန့ၣ်ဒိၣ်ဝဲဒီးနတလဲၤသဒၣ်အဝဲသ့ၣ်ဘၣ်.

စံးထီၣ်ပတြၢၤ 107:17

ပှၤတနီၤမ့ၢ်ပှၤဟးဂီၤဖိလၢအတူၢ်ဘၣ်တၢ် မ့ၢ်လၢတၢ်ဒဲးဘးအဃိ, ဒီးမ့ၢ်လၢအတၢ်အၢတၢ်သီအဃိန့ၣ်လီၤ.,

စံးထီၣ်ပတြၢၤ 78:10

အဝဲသ့ၣ်တတိၢ်န့ၢ်ကစၢ်ယွၤ အတၢ်အၢၣ်လီၤအီလီၤဘၣ်, မ့မ့ၢ်သမၢဝဲလၢကလဲၤတၢ်ဒ် ယွၤအတၢ်သိၣ်တၢ်သီအသိးန့ၣ်လီၤ.

စံးထီၣ်ပတြၢၤ 81:12

အဃိ, ယပျဲလဲၤအဝဲသ့ၣ်ဆူအသးအၢအကျဲပူၤ ဒီးဒုးမၤအီၤတၢ်လၢ အအဲၣ်ဒိးဝဲန့ၣ်လီၤ.

လံာ်ယၡါယၤ 1:19

ထဲသုမ့ၢ်ဒိကနၣ်ယၤန့ၣ်ဒီး, သုကအီၣ်တၢ်အဂ့ၤတဖၣ်လၢ ထံကီၢ်ဟ့ၣ်ထီၣ်ဝဲန့ၣ်လီၤ.

လံာ်ယံးရမံယၤ 3:8

ကီၢ်ယူဒၤထံၣ်ဘၣ်စ့ၢ်ကီးလၢယပာ်မၢ်ကွံာ်ကီၢ်အံၣ်စရ့လးဒီး ဆှၢဖျိးကွံာ်အီၤ, မ့ၢ်လၢအဝဲဃၣ်ကွံာ်အသးလၢယၤဒီး ကဲထီၣ်က့ၤပှၤဃဲသဲမုၣ်တဂၤအဃိလီၤ. ဘၣ်ဆၣ်ဒီး, ကီၢ်ယူဒၤ လၢအမ့ၢ်ကီၢ်အံၣ်စရ့လးအဒီပုၢ်ဝဲၢ်မုၣ်လၢအသးတတီဘၣ်န့ၣ်, တပျံၤဘၣ်တၢ်ဘၣ်. အဝဲဒၣ်စ့ၢ်ကီးကဲထီၣ်ပှၤဃဲသဲမုၣ်တဂၤ,

လံာ်ယံးရမံယၤ 7:23

မ့မ့ၢ်, ယမၤလိာ်တ့ၢ်အဝဲသ့ၣ်လၢကစူၢ်ယၤ, ဒ်သိးယကမ့ၢ်အဝဲသ့ၣ်အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်အဂီၢ်န့ၣ်လီၤ. ဒီးယစံးဘၣ်တ့ၢ်အဝဲသ့ၣ်လၢကအိၣ်မူဒ် ကျဲလၢယမၤလိာ်တ့ၢ်အဝဲသ့ၣ်အသိး, ဒ်သိးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ် လၢအဝဲသ့ၣ်အဂီၢ်န့ၣ်လီၤ.

လံာ်ယဃ့းစက့လး 11:12

သုကသ့ၣ်ညါလၢယမ့ၢ်ယွၤ, ဒီးဖဲသုဟံးဃာ်ဒံးပှၤကလုာ်လၢသု ဃၢၤတဖၣ်အတၢ်သိၣ်တၢ်သီတဖၣ်အဖၢမုၢ်န့ၣ်, မ့ၢ်သုထီဒါယတၢ်သိၣ်တၢ်သီတဖၣ်လၢပှၤယူဒၤဖိအဂီၢ်ဒီးတစူၢ် ဘၣ်ယတၢ်မၤလိာ်တဖၣ်ဘၣ်န့ၣ်လီၤ.”

လံာ်ဒၤနံးယ့လး 9:5

ပမၤတ့ၢ်တၢ်ဒဲးဘး, ပအၢပသီတ့ၢ်, ပမၤတ့ၢ်တၢ်ကမၣ်လီၤ. ပညိကွံာ်တ့ၢ်တၢ်မၤလိာ်လၢနမၤလိာ်တ့ၢ်ပှၤလၢပကဘၣ်မၤအီၤ တဖၣ်ဒီးဃၣ်ကွံာ်တ့ၢ်လံပသးလၢတၢ်အလိၤအဘၣ်လၢနဒုးနဲၣ် တ့ၢ်ပှၤန့ၣ်လီၤ.

လံာ်ဧၤမိၣ် 2:6

ဒီးယွၤစံးဝဲဒၣ်, “ပှၤကီၢ်အံၣ်စရ့လးဖိတဖၣ်မၤတ့ၢ်လံတၢ်ဒဲးဘးတဘျီဝံၤ တဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်ဆါလီၤကွံာ်ပှၤတီပှၤလိၤလၢအလိးက့ၤအကမၣ်တန့ၢ်တဖၣ် ဆူကုၢ်အလီၢ်, ဒီးပှၤဖှီၣ်ဖိယာ်ဖိလၢအလိးက့ၤအကမၣ်တန့ၢ်တ ဖၣ်န့ၣ်လၢခီၣ်ဖံးတဆိအပှ့ၤဒၣ်လဲာ်လီၤ.

လံာ်မံကၤ 3:4

အကတီၢ်တုၤဝဲလၢသုကကိးထီၣ်တၢ်ဆူယွၤအအိၣ်, ဘၣ်ဆၣ်ဒီးအဝဲတစံးဆၢသုဘၣ်. တဒိကနၣ်ဘၣ်သုတၢ်ထုကဖၣ်ဘၣ်. အဂ့ၢ်ဒ်အံၤ, သုမၤတ့ၢ်တၢ်အၢတၢ်သီလံ.

လံာ်တၢ်ဂံၢ် 12:7

ဖဲယကတိၤတၢ်ဒီးယခ့ယပှၤစီၤမိၤၡ့န့ၣ်လီၤဆီဝဲဒၣ်လီၤ. ယပာ်အီၤလၢကယဲၢ်ယပှၤဂီၢ်မုၢ်အံၣ်စရ့လးခဲလၢာ်အခိၣ်န့ၣ်လီၤ.

လံာ်သိၣ်လီၤသီလီၤတၢ် 11:28

မ့မ့ၢ်, သုမ့ၢ်တစူၢ်ဘၣ်တၢ်မၤလိာ်တဖၣ်အံၤဒီးဃၣ်ဃီၤသုသးဆူ ကစၢ်အဂၤတဖၣ်လၢသုကဘူၣ်ထီၣ်ဘါထီၣ်အီၤအအိၣ်လၢ သုတဘါထီၣ်ဘၣ်တ့ၢ်အီၤလၢညါနီတစုဘၣ်န့ၣ်, မ့ၢ်တၢ်ဆိၣ်အၢတမံၤန့ၣ်လီၤ.

လံာ်သိၣ်လီၤသီလီၤတၢ် 31:16

ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 31:17

တုၤတၢ်မၤအသးဒီး, ယကသးဒိၣ်ထီၣ်ဘၣ်အဝဲသ့ၣ်, ယကဲၤသဒၣ်ကွံာ်အဝဲသ့ၣ်ဒီးအဝဲသ့ၣ်ကဘၣ်တၢ်မၤဟးဂီၤကွံာ်အီၤ လီၤ. တၢ်တတၢးတနါတဖၣ်လၢအလီၤပျံၤအါမံၤကလီၤဘၣ်လၢအဝဲသ့ၣ်အ လိၤ, ဒီးအန့ၣ်တစုအဝဲသ့ၣ်ကသ့ၣ်ညါနီၣ်ဝဲလၢတၢ်တဖၣ်အံၤမၤအသးဒီး အဝဲသ့ၣ်မ့ၢ်လၢ, ယၤ, အဝဲသ့ၣ်အကစၢ်ယွၤတအိၣ်လၢၤဘၣ်ဒီးအဝဲသ့ၣ်အဃိ န့ၣ်လီၤ.

လံာ်သိၣ်လီၤသီလီၤတၢ် 34:5

လၢတၢ်န့ၣ်အဃိ, ဒ်ယွၤစံးတ့ၢ်ဝဲလၢအဝဲကသံအသိးန့ၣ်, ယွၤအခ့အပှၤစီၤမိၤၡ့သံဝဲဖဲန့ၣ်, လၢကီၢ်မိၤအးအပူၤန့ၣ် လီၤ.

လံာ်သိၣ်လီၤသီလီၤတၢ် 8:20

သုမ့ၢ်တစူၢ်ယွၤဘၣ်ဒီး, အန့ၣ်တစု, သုကဘၣ်တၢ်မၤဟးဂီၤကွံာ် သုဒ်သိးဒၣ်ပှၤကလုာ်တဖၣ်လၢအဝဲကမၤဟးဂီၤကွံာ်ဝဲ, ဖဲသုလဲၤ ဒုးတၢ်အခါန့ၣ်လီၤ.

၂ သ့းစၤလနံ 1:8

ဒီးဟဲလီၤလၢမ့ၣ်အူလၣ်အပူၤ, ဒ်သိးအကစံၣ်ညီၣ်ပှၤတဖၣ်လၢအတအၢၣ်လီၤအီလီၤ ကစၢ်ယွၤဒီးတတူၢ်လိာ်တၢ်သးခုကစီၣ်ဘၣ်ဃးပကစၢ် ယ့ၣ်ၡူးန့ၣ်လီၤ.

၂ တံၤမသ့း 2:24

ကစၢ်အခ့အပှၤတဘၣ်အ့ၣ်လိာ်ဆိးက့လိာ်အသးဘၣ်. ကဘၣ်အိၣ်ဒီးတၢ်သူၣ်ဂ့ၤသးဝါလၢပှၤခဲလၢာ်အဖီခိၣ်ဒီး ကဘၣ်မ့ၢ်သရၣ်လၢအဂ့ၤဒီးဝံသးစူၤတၢ်တဂၤ,

လံာ်စီၤယိၤၡူ 1:1

ယွၤအခ့အပှၤစီၤမိၤၡ့သံဝံၤအလီၢ်ခံန့ၣ်, ယွၤကတိၤတၢ်ဒီးပှၤလၢအမၤစၢၤစီၤမိၤၡ့, စီၤယိၤၡူလၢအမ့ၢ်စီၤနိၣ်အဖိခွါန့ၣ်လီၤ.

၁ ပ့းတရူး 2:8

ဒီးတၢ်ကွဲးအသးအဂၤတတီၤစံးဝဲ, “လၢၢ်အံၤကမ့ၢ်လၢၢ်လၢကမၤဘၣ်တိၢ်ပှၤအခီၣ်, လၢၢ်လၢကဒုးလီၤဃံၤပှၤန့ၣ်လီၤ.” အဝဲသ့ၣ်အခီၣ်ဘၣ်တိၢ်မ့ၢ်လၢအဝဲသ့ၣ်တနာ်တၢ်ကလုၢ် အဃိလီၤ. တၢ်ဒ်အံၤမ့ၢ်ကစၢ်ယွၤအတၢ်ဘၣ်အသးလၢ အဝဲသ့ၣ်အဂီၢ်လီၤ.

၁ ပ့းတရူး 4:17

တၢ်ဆၢကတီၢ်ဟဲတုၤဝဲလၢတၢ်စံၣ်ညီၣ်အဂီၢ်လံ, ဒီးကစၢ်ယွၤအပှၤဂီၢ်မုၢ်ဒၣ်ဝဲတဖၣ်ကဘၣ်တၢ်စံၣ်ညီၣ်အီၤ အဆိကတၢၢ်န့ၣ်လီၤ. တၢ်မ့ၢ်ဘၣ်ဆိပဝဲဒီး, ပှၤလၢအတစူၢ်တနာ်ကစၢ်ယွၤအတၢ်သးခုကစီၣ်တဖၣ်န့ၣ် အကတၢၢ်ကမၤအသးဒ်လဲၣ်.