လံာ်စီၤပၤခံဘ့ၣ်တဘ့ၣ် 18:10 - Sgaw Karen Common Bible

¹⁰ လၢတၢ်ကဝီၤဃာ်သၢနံၣ်တနံၣ်အပူၤန့ၣ်, ၡၤမရံလီၤကွံာ်ဝဲလီၤ. တၢ်အံၤမ့ၢ်ဆၢကတီၢ်ဖဲစီၤဃံးစကံယၤပၢတၢ်ဃုနံၣ်တနံၣ်ဒီး စီၤဟိၤၡ့ပၢတၢ်ခွံနံၣ်တနံၣ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:10 Iomraidhean Croise

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်ယၡါယၤ 10:9

ယမၤန့ၢ်မၤနၢၤဝ့ၢ်ကးလနိၤဒီးဝ့ၢ်ကၢ်ကမံၣ်တဖၣ်, ဝ့ၢ်ဃမါသးဒီးဝ့ၢ်အၢ်ပးတဖၣ်လီၤ. ယမၤန့ၢ်မၤနၢၤဝ့ၢ်ၡၤမရံ ဒီးဝ့ၢ်ဒၤမ့ၤစ့းလီၤ.

လံာ်ဟိၤၡ့ 13:16

ၡၤမရံကဘၣ်တၢ်စံၣ်ညီၣ်အီၤလၢအပူထီၣ်ထီဒါယၤအဃိလီၤ. အပှၤဂီၢ်မုၢ်ကသံလၢတၢ်ဒုးတၢ်ယၤအပူၤ, ဖိသၣ်ဆံးတဖၣ် ကဘၣ်တၢ်စူးကွံာ်အီၤဆူဟီၣ်ခိၣ်လိၤဒီးပိာ်မုၣ်လၢအဒၢတဖၣ် အဟၢဖၢကဘၣ်တၢ်ကွဲးသ့ၣ်ဖးအီၤလီၤ.

လံာ်ဧၤမိၣ် 3:11

မၤသးဒ်န့ၣ်ဒီးဒုၣ်ဒါတဖုကကဝီၤဃာ်အထံအကီၢ်, ကမၤဟးဂီၤကွံာ်အပှၤခိးတြီတၢ်တဖၣ်, ဒီးဂုာ်ဆူၣ်ပျီဆူၣ်ကွံာ်အဟံၣ်အဃီတဖၣ်န့ၣ်လီၤ.”

လံာ်ဧၤမိၣ် 6:7

မၤသးဒ်န့ၣ်ဒီးသုကမ့ၢ်ပှၤအဆိကတၢၢ်တဖုလၢအကဘၣ်တၢ်စိာ်မၢကဲ ကုၢ်အီၤန့ၣ်လီၤ. သုတၢ်သူၣ်ခုသးခုအမူးတဖၣ်ဒီးတၢ်အီၣ်တၢ်အီအမူးဖးဒိၣ်တဖၣ် ကကတၢၢ်ဝဲဒၣ်န့ၣ်လီၤ.

လံာ်မံကၤ 6:16

တၢ်အံၤကမၤအသးလီၤ. အဂ့ၢ်ဒ်အံၤ, သုမၤထွဲတ့ၢ်စီၤပၤစီၤဧိၢ်ရံၤဒီးအဖိခွါစီၤပၤစီၤ အၤဃာ်အလုၢ်အၢလၢ်သီတဖၣ်အခံလီၤ. သုလဲၤတၢ်လၢအဝဲသ့ၣ်အတၢ်သိၣ်တၢ်သီအကျဲတဖၣ်အပူၤဒီးတဆိ တ့ၢ်ဘၣ်သတးဒီးယကမၤဟးဂီၤသု ဒီးပှၤကိးဂၤကစူးကွံာ်ညိကွံာ်သုလီၤ. ဒီးယပှၤဂီၢ်မုၢ်လၢတၢ်လီၢ်ကိးပူၤဒဲးကသးဘၣ်အၢသုလီၤ.” revised 16-2-98

လံာ်မံကၤ 7:13

မ့မ့ၢ်ဟီၣ်ခိၣ်အလီၢ်အိၣ်လီၤတဲာ်တဖၣ်န့ၣ်ကကဲထီၣ်ပှၢ်မုၢ်ကနၢ လၢပှၤအိၣ်ဝဲဆိးဝဲလၢအပူၤတဖၣ်အတၢ်အၢတၢ်သီအဃိလီၤ.

လံာ်တၢ်ဂံၢ် 32:41

စီၤမနၤၡ့ၤအဒူၣ်ဖိစီၤယၤအံၢ်လဲၤထီၣ်ဒုးန့ၢ်သဝီတနီၤဒီး ယုၢ်န့ၢ်ဝဲအမံၤလၢ “ယၤအံၣ်အသဝီတဖၣ်န့ၣ်လီၤ.”