လံာ်စီၤပၤခံဘ့ၣ်တဘ့ၣ် 17:8 - Sgaw Karen Common Bible

⁸ ပိာ်ထွဲလုၢ်လၢ်တဖၣ်လၢအအိၣ်ဒီးပှၤဂီၢ်မုၢ်အခံ, ပှၤဂီၢ်မုၢ်လၢယွၤဟီထီၣ်ကွံာ်အီၤဖဲအဝဲအပှၤဂီၢ်မုၢ်ဟဲနုာ် လီၤအခါ, ဒီးတူၢ်လိာ်မၤထွဲလုၢ်လၢ်တဖၣ်လၢကီၢ်အံၣ်စရ့လး အစီၤပၤတဖၣ်ဒုးအိၣ်ထီၣ်တ့ၢ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:8 Iomraidhean Croise

လံာ်စီၤပၤအခီၣ်ထံးတဘ့ၣ် 12:28

ဖဲအဝဲဆိကမိၣ်တၢ်ဒ်သိးအံၤဝံၤအလီၢ်ခံန့ၣ်, အဝဲမၤထီၣ်ဂီၤဖံးဖါခံဒုအဂီၤလၢထူဒီးစံးဘၣ်အပှၤဂီၢ်မုၢ်, “သုလဲၤတ့ၢ်လံဆူဝ့ၢ်ယရူၤၡလ့ၣ်လၢတၢ်ဘူၣ်ထီၣ်ဘါထီၣ်အဂီၢ် ယံာ်တ့ၢ်မးလံ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အအံၤမ့ၢ်သုကစၢ်တဖၣ်လၢအဟဲစိာ်ထီၣ်ကွံာ်သုလၢကီၢ်အဲၤကူ ပတူးအပူၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 21:26

အဝဲမၤတ့ၢ်တၢ်ဒဲးဘးတဖၣ်လၢအလီၤမဲာ်ဆှးအဒိၣ်ကတၢၢ်ခီဖျိတၢ် ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်ဒ်ပှၤအမိၢ်ဖိတဖၣ်လၢယွၤ ဟီထီၣ်ကွံာ်တ့ၢ်အီၤလၢကီၢ်ပူၤဖဲကီၢ်အံၣ်စရ့လးအပှၤဂီၢ်မုၢ်တဖၣ် ဟဲထီၣ်ဒုးတၢ်အခါမၤတ့ၢ်ဝဲအသိးန့ၣ်လီၤ.)

လံာ်စီၤပၤခံဘ့ၣ်တဘ့ၣ် 16:10

ဖဲစီၤပၤအၤဃးဟးထီၣ်လဲၤဆူဝ့ၢ်ဒၤမ့ၤစ့းလၢကလဲၤသဂၢၢ် စီၤပၤဖးဒိၣ်တံးကလးပလ့စ့ၢ်အဂီၢ်န့ၣ်အဝဲထံၣ်ဘၣ်တၢ်လုၢ်လီၢ် ဖဲန့ၣ်, ဒီးဆှၢလီၤကဒါက့ၤန့ၢ်ပှၤလုၢ်တၢ်အခိၣ်စီၤအူၤရံယၤလၢတၢ် လုၢ်လီၢ်န့ၣ်အက့ၢ်အဂီၤအဒိတမံၤဃီတခါတုၤလၢက့ၢ်ဂီၤအဆံး ကတၢၢ်အဒိ, လၢာ်အခၢးဒၣ်လဲာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 16:3

ဒီးပိာ်ထွဲကီၢ်အံၣ်စရ့လးအစီၤပၤတဖၣ်အဒိအတဲာ်အခံန့ၣ်လီၤ. အဝဲလုၢ်ထီၣ်ဒၣ်လဲာ်အဖိခွါဒၣ်ဝဲဒ်တၢ်လုၢ်မ့ၣ်အူတမံၤဆူ တၢ်ဂီၤတၢ်ဖီၣ်တဖၣ်, မၤဒိးလုၢ်လၢ်လီၤသးဘၣ်အၢလၢပှၤဂီၢ်မုၢ် မၤတ့ၢ်ဝဲ, ပှၤဂီၢ်မုၢ်လၢယွၤဟီထီၣ်ကွံာ်တ့ၢ်အီၤလၢထံဧိၤကီၢ်ဧိၤအပူၤ ဖဲပှၤအံၣ်စရ့လးဖိတဖၣ်ဟဲထီၣ်ဒုးတၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:19

ဘၣ်ဆၣ်ကီၢ်ယူဒၤအပှၤဂီၢ်မုၢ်တဖၣ်ဒၣ်လဲာ်တစူၢ်ဘၣ်ယွၤ, အဝဲသ့ၣ်အကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီ တဖၣ်န့ၣ်ဘၣ်. အဝဲသ့ၣ်ကွၢ်လိမၤဒိးလုၢ်လၢ်တဖၣ်လၢကီၢ်အံၣ်စရ့ လးအပှၤဂီၢ်မုၢ်တဖၣ်တူၢ်လိာ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:40

ဘၣ်ဆၣ်ပှၤဂီၢ်မုၢ်သ့ၣ်တဖၣ်န့ၣ်တဒိကနၣ်အီၤဘၣ်. ဒီးအဝဲသ့ၣ်မၤထွဲဒံးဒၣ်အဝဲသ့ၣ်အလုၢ်အလၢ်အလီၢ်လံၤတဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:2

စီၤမနၤၡ့ၤမၤတၢ်ဒဲးဘးထီဒါယွၤ, ခီဖျိတၢ်ပိာ်ထွဲပှၤ ကလုာ်တဖၣ်အတၢ်မၤလၢအလီၤသးဘၣ်အၢတဖၣ်အခံ, ပှၤတဖၣ်လၢယွၤဟီထီၣ်ကွံာ်တ့ၢ်အီၤလၢကီၢ်ဖဲအဝဲအပှၤဂီၢ်မုၢ် ဟဲထီၣ်ဒုးတၢ်အခါန့ၣ်လီၤ.

စံးထီၣ်ပတြၢၤ 106:35

မ့မ့ၢ်ဒိးတ့ဒိးဖျီဃုာ်အသးဒီး အဝဲသ့ၣ် ဒီးအဝဲသ့ၣ်အတၢ်တဘူၣ်ထီၣ်ဘါထီၣ်ယွၤအကျဲတဖၣ်န့ၣ်လီၤ.

လံာ်တၢ်ဟးထီၣ်ကွံာ် 23:24

ဆုးလီၤသုခိၣ်လၢသုကဘါထီၣ်အဝဲသ့ၣ်အကစၢ်တဖၣ်အဂီၢ်တဂ့ၤ. ဟံးန့ၢ်အဝဲသ့ၣ်အတၢ်ဘူၣ်တၢ်ဘါအလုၢ်အလၢ်တဖၣ်တဂ့ၤ. မၤဟးဂီၤကွံာ်အဝဲသ့ၣ်အကစၢ်တဖၣ်ဒီးမၤလီၤပှီၢ်ကွံာ်အလၢၢ်ထူၣ် စီဆှံတဖၣ်တက့ၢ်.

လံာ်ယံးရမံယၤ 10:2

အဝဲစံးဝဲဒၣ်, “ပိာ်ထွဲကျဲတဖၣ်လၢပှၤကလုာ်ဂၤတဖၣ်ပိာ်ဝဲန့ၣ်တဂ့ၤ. တၢ်ထံၣ်တဖၣ်လၢမူကပိာ်လိၤလၢသုညီနုၢ်ထံၣ်န့ၣ် မ့ၢ်မၤပျံၤမၤဖုးတ့ၢ်ပှၤကလုာ်ဂၤတဖၣ်ဒၣ်လဲာ်, ပျဲအမၤတံာ်တာ်သုတဂ့ၤ.

လံာ်ယဃ့းစက့လး 5:6

ဘၣ်ဆၣ်, ဝ့ၢ်ယရူၤရှလ့ၣ်ပူထီၣ်တၢ်ထီဒါယတၢ်မၤလိာ်တဖၣ်ဒီးဒုး နဲၣ်အသးလၢအအၢအသီဒိၣ်န့ၢ်ဒံးပှၤကလုာ်အဂၤတဖၣ်တက့ၢ်, တစူၢ်တၢ်ဒိၣ်န့ၢ်ဒံးထံကီၢ်အိၣ်ဝးတရံးအီၤတက့ၢ်န့ၣ်လီၤ. ဝ့ၢ်ယရူၤရှလ့ၣ်ညိကွံာ်ယတၢ်မၤလိာ်တဖၣ်ဒီးတလဲၤတၢ်လၢယတၢ်သိၣ် တၢ်သီတဖၣ်အပူၤဘၣ်.

လံာ်ဟိၤၡ့ 5:11

ကီၢ်အံၣ်စရ့လးတူၢ်ဘၣ်တၢ်မၤနးမၤဖှီၣ်, အဝဲအထံအကီၢ်လၢအမ့ၢ်အတၢ်နီၢ်နီၢ်လီၤမၢ်ကွံာ်ဝဲ, မ့ၢ်လၢအဝဲလဲၤဃု တၢ်မၤစၢၤသပှၢ်ပှၢ်လၢပှၤလၢအဟ့ၣ်အီၤတသ့ဘၣ်အအိၣ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:3

မၤဒ်အဲၤကူပတူးဖိလၢသုအိၣ် သုဆိးတ့ၢ်လၢအသိးန့ၣ်တဂ့ၤ. ဒီးမၤဒ်ပှၤကနၤဧၣ်ဖိ လၢယဒုးလဲၤနုာ်သုဆူအကီၢ်အပူၤအသိးန့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 26:1

ဒီးယွၤစံးဝဲဒၣ်, “တၢ်ဂီၤတၢ်ဖီၣ်မ့ၢ်ဂ့ၤ, တၢ်ဂီၤစိးပျၤအသးမ့ၢ်ဂ့ၤသုတတ့လၢသုဂီၢ်တဂ့ၤ. ဒီးသုတပာ်ဆၢထၢၣ်တၢ်ဂီၤအထူၣ်တဂ့ၤ, ဒီးသုတပာ်လၢၢ်အိၣ်ဒီး တၢ်ဂီၤလၢအလိၤလၢသုကီၢ်ပူၤဒ်သိးသုကဘါအီၤန့ၣ်တဂ့ၤ.

လံာ်မံကၤ 6:16

တၢ်အံၤကမၤအသးလီၤ. အဂ့ၢ်ဒ်အံၤ, သုမၤထွဲတ့ၢ်စီၤပၤစီၤဧိၢ်ရံၤဒီးအဖိခွါစီၤပၤစီၤ အၤဃာ်အလုၢ်အၢလၢ်သီတဖၣ်အခံလီၤ. သုလဲၤတၢ်လၢအဝဲသ့ၣ်အတၢ်သိၣ်တၢ်သီအကျဲတဖၣ်အပူၤဒီးတဆိ တ့ၢ်ဘၣ်သတးဒီးယကမၤဟးဂီၤသု ဒီးပှၤကိးဂၤကစူးကွံာ်ညိကွံာ်သုလီၤ. ဒီးယပှၤဂီၢ်မုၢ်လၢတၢ်လီၢ်ကိးပူၤဒဲးကသးဘၣ်အၢသုလီၤ.” revised 16-2-98

လံာ်သိၣ်လီၤသီလီၤတၢ် 18:9

ဖဲသုဟဲနုာ်လီၤဆူကီၢ်န့ၣ်လၢယွၤ, သုကစၢ်ယွၤဟ့ၣ်လီၤသု အပူၤဒီး, ပိာ်ထွဲပှၤကလုာ်တဖၣ်လၢအအိၣ်ဖဲန့ၣ်အတၢ်မၤတဖၣ်လၢ အလီၤသးဘၣ်အၢအခံတဂ့ၤ.