လံာ်စီၤပၤခံဘ့ၣ်တဘ့ၣ် 17:27 - Sgaw Karen Common Bible

²⁷ လၢတၢ်န့ၣ်အဃိစီၤပၤဖးဒိၣ်ဟ့ၣ်လီၤအကလုၢ်စံးဝဲ, “ဆှၢကဒါက့ၤပှၤလုၢ်အခိၣ်တဖၣ်အကျါတဂၤလၢပဟဲ က့ၤကိးအီၤဒ်ပှၤဘၣ်တၢ်စၢဃာ်အသိးန့ၣ်, မၢအက့ၤကဒါက့ၤဒီးအိၣ်ဆိးလၢကသိၣ်လိန့ၢ်ပှၤဂီၢ်မုၢ်လၢကီၢ် န့ၣ်အကစၢ်အတၢ်သိၣ်တၢ်သီတက့ၢ်.

လံာ်စီၤပၤခံဘ့ၣ်တဘ့ၣ် 17:27 Iomraidhean Croise

လံာ်စီၤပၤအခီၣ်ထံးတဘ့ၣ် 12:31

စီၤယၤရၤဘၣ်မၤထီၣ်စ့ၢ်ကီးတၢ်ဘူၣ်ထီၣ်ဘါထီၣ်အလီၢ်တဖၣ်လၢတၢ် လူၢ်တဖၣ်အဒီခိၣ်ဒီးအဝဲဃုထၢထီၣ်ဝဲ, ပှၤလုၢ်တၢ်အခိၣ်တဖၣ်လၢဒူၣ်ဖိထၢဖိတဖၣ်အတမ့ၢ်ပှၤလ့ၤဝံအဒူၣ် အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 13:2

ဒ်ယွၤအတၢ်မၤလိာ်အသိးဝံန့ၣ်ကိးထီၣ်တၢ်စံၣ်ညီၣ်အတၢ်ကတိၤထီ ဒါတၢ်လုၢ်လီၢ်, “တၢ်လုၢ်လီၢ်ဧၢ, တၢ်လုၢ်လီၢ်ဧၢ, အအံၤမ့ၢ်တၢ်လၢယွၤစံးဝဲဒၣ်န့ၣ်လီၤ. ဖိသၣ်တဂၤလၢအမံၤ ကမ့ၢ်စီၤယိၤၡံယၤကအိၣ်ဖျဲၣ်ထီၣ်လၢစီၤဒၤဝံးအဒူၣ်ဖိထၢဖိအပူၤန့ၣ်လီၤ. ပှၤလုၢ်တၢ်အခိၣ်တဖၣ်လၢအလုၢ်ထီၣ်ပာ်ထီၣ်တၢ်အံၤ, လၢအမ့ၢ်ပှၤမၤတၢ်လၢတၢ်ဂီၤတၢ်ဖီၣ်အတၢ်လုၢ်လီၢ်န့ၣ်, အဝဲကမၤသံကွံာ်အီၤလၢနလိၤဒီးအဝဲကဆိၣ်ကဲၤထီၣ်ပှၤကညီ အဃံတဖၣ်လၢနဖီခိၣ်လီၤ.”

လံာ်စီၤပၤခံဘ့ၣ်တဘ့ၣ် 17:26

ကီၢ်အၤၡူၢ်အစီၤပၤဖးဒိၣ်ဘၣ်တၢ်တဲဘၣ်အီၤလၢ, ပှၤဂီၢ်မုၢ်လၢအဝဲဒုးအိၣ်ဒုးဆိးအီၤဖဲကီၢ်ၡၤမရံအဝ့ၢ်တဖၣ် အပူၤန့ၣ်, တသ့ၣ်ညါကီၢ်န့ၣ်အကစၢ်အတၢ်သိၣ်တၢ်သီအဃိ, ကစၢ်န့ၣ်ဆှၢလီၤခ့ယုၢ်တဖၣ်လၢအမၤသံကွံာ်အဝဲသ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:28

လၢတၢ်န့ၣ်အဃိကီၢ်အံၣ်စရ့လးအပှၤလုၢ်တၢ်အခိၣ်တဂၤလၢ, အဘၣ်တၢ်ဟဲကိးအီၤလၢၡၤမရံန့ၣ်, လဲၤဒီးအိၣ်ဆိးဝဲဖဲဝ့ၢ်ဘ့ၤသ့လး, တၢ်လီၢ်ဖဲအဝဲသိၣ်လိပှၤဂီၢ်မုၢ်လၢကဘူၣ်ထီၣ် ဘါထီၣ်ယွၤဒ်လဲၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 11:15

စီၤယၤရၤဘၣ်ဃုထၢပာ်လီၤအကစၢ်ဒၣ်ဝဲအပှၤလုၢ်တၢ်အခိၣ်တဖၣ်လၢ ကမၤတၢ်ဖဲလၢပှၤဘါတၢ်ဂီၤတၢ်ဖီၣ်တဖၣ်ဘါတၢ်အလီၢ်, ဒီးလၢကဘူၣ်ထီၣ်ဘါထီၣ်တၢ်ဝံတၢ်နါတဖၣ်ဒီးတၢ်ဂီၤတၢ်ဖီၣ်တဖၣ် လၢအဝဲသိဝဲ, ဒ်ဂီၤဖံးဖါအဂီၤတဖၣ်န့ၣ်လီၤ.

လံာ်စီၤဧ့စြၤ 7:25

စီၤဧ့စြၤဧၢ, သူတၢ်ကူၣ်သ့လၢနကစၢ်ယွၤဟ့ၣ်လီၤတ့ၢ်လံနၤ ဒီးဃုထၢပာ်လီၤပှၤပၢဆှၢတၢ်တဖၣ်ဒီးစံၣ်ညီၣ်ကွီၢ်တဖၣ်လၢ ကပၢကယဲၢ်ပှၤဂီၢ်မုၢ်လၢကီၢ်ဖရၤသးအမုၢ်နုာ်လၢအအိၣ်မူဝဲဒ် ယူဒၤအတၢ်သိၣ်တၢ်သီလၢနကစၢ်ယွၤဟ့ၣ်လီၤဝဲတက့ၢ်. နကဘၣ်သိၣ်လိယူဒၤအတၢ်သိၣ်တၢ်သီန့ၣ်ဆူပှၤတဂၤ လၢ်လၢ်လၢအတသ့ၣ်ညါဝဲန့ၣ်လီၤ.

လံာ်ပှၤစံၣ်ညီၣ်ကွီၢ် 17:13

ဒီးစီၤမံၤကါစံး, “ခဲအံၤမ့ၢ်လၢယအိၣ်ဒီးပှၤလ့ၤဝံတဂၤ ဒ်ယပှၤလုၢ်တၢ်အခိၣ်အသိးအဃိဒီးယသ့ၣ်ညါလၢ ယွၤကမၤတၢ်ခဲလၢာ်ဂ့ၤဂ့ၤဘၣ်ဘၣ်လၢယဂီၢ်လီၤ.”