လံာ်စီၤပၤခံဘ့ၣ်တဘ့ၣ် 17:20 - Sgaw Karen Common Bible

²⁰ ယွၤညိကွံာ်ကယဲၢ်ပှၤအံၣ်စရ့လးဖိခဲလၢာ်စံၣ်ညီၣ်အဝဲသ့ၣ်ဒီး ဟ့ၣ်လီၤကွံာ်အဝဲသ့ၣ်ဆူဒုၣ်အၢဒါသီတဖၣ်အစုပူၤ, တုၤလၢ, လၢခံကတၢၢ်အဝဲနီၣ်ထီၣ်ကွံာ်အဝဲသ့ၣ်လၢအမဲာ်ညါတစု န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:20 Iomraidhean Croise

လံာ်စီၤပၤခံဘ့ၣ်တဘ့ၣ် 13:23

ဘၣ်ဆၣ်ယွၤအသူၣ်အိၣ်သးအိၣ်ဒီးသူၣ်ကညီၤသးကညီၤအဝဲ သ့ၣ်န့ၣ်လီၤ. ယွၤတပျဲဘၣ်အဝဲသ့ၣ်ဘၣ်တၢ်မၤဟးဂီၤကွံာ်အီၤ န့ၣ်ဘၣ်. မ့မ့ၢ်မၤစၢၤအဝဲသ့ၣ်မ့ၢ်လၢအဝဲအတၢ်အၢၣ်လီၤအီလီၤဒီးစီၤ အၤဘြၤဟၣ်, စီၤအံၤစဲးဒီးစီၤယၤကိာ်အဃိန့ၣ်လီၤ. ယွၤတသးပ့ၤနီၣ်ဘၣ် အပှၤဂီၢ်မုၢ်နီတစုဘၣ်.

လံာ်စီၤပၤခံဘ့ၣ်တဘ့ၣ် 13:3

လၢတၢ်န့ၣ်အဃိ, ယွၤသးထီၣ်ဘၣ်ကီၢ်အံၣ်စရ့လး, ဒီးအဝဲပျဲကီၢ်စူၤရံအစီၤပၤဃစ့လးဒီးအဖိခွါစီၤဘ့ၣ် ဟဒးလၢကမၤနၢၤကီၢ်အံၣ်စရ့လးတဘျီဘၣ်တဘျီန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:7

မ့တမ့ၢ်ဘၣ်လၢကသ့ၣ်သုးဖိအဂၤယဲၢ်ဆံ, လ့ၣ်ကဟၣ်အဆိတဆံ ဒီးပှၤခီၣ်သုးဖိအဂၤတကလးဘၣ်န့ၣ်, စီၤယဟိအါဃးအသုးမုၢ် အဂၤတအိၣ်လၢၤဘၣ်. အဂ့ၢ်ဒ်အံၤ, ကီၢ်စူၤရံအစီၤပၤမၤဟးဂီၤကွံာ်ဝဲအဂၤတဖၣ်ခဲလၢာ်, ယီၢ်တံၢ်လီၤကလဲဝဲခဲလၢာ်ဒ်ဖၣ်ကမူၣ်ဖၣ်ဆါအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:15

အဝဲသ့ၣ်ဂ့ၢ်လိာ်လၢကစူၢ်အဝဲအတၢ်မၤလိာ်တဖၣ်, အဝဲသ့ၣ်တတိၢ်န့ၢ်ဖံးဃာ်ဘၣ်တၢ်အၢၣ်လီၤအီလီၤလၢယွၤမၤဝဲ ဒီးအဝဲသ့ၣ်အမိၢ်ပၢ်ဖံဖုလၢပျၢၤတဖၣ်, ဒီးအဝဲသ့ၣ်တပာ်လ့ၢ်ပာ်ကါဘၣ်ယွၤအတၢ်ဟ့ၣ်ပလီၢ်တဖၣ်န့ၣ်ဘၣ်. အဝဲသ့ၣ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလုၢ်အပှ့ၤတအိၣ် ဒီးအနီၢ်ကစၢ်ဒၣ်ဝဲကဲထီၣ်ပှၤတဖၣ်လၢအလုၢ်အပှ့ၤတအိၣ်ဒီးအဝဲ သ့ၣ်ပိာ်ထွဲလုၢ်လၢ်တဖၣ်လၢအအိၣ်ဒီးပှၤကလုာ်တဖၣ်လၢအအိၣ်ဝး တရံးအီၤ, ဒီးတစူၢ်ဘၣ်ယွၤအတၢ်မၤလိာ်လၢအသု တမၤဒိးအဝဲသ့ၣ်တဖၣ်တဂ့ၤ, န့ၣ်ဘၣ်.

လံာ်စီၤပၤခံဘ့ၣ်တဘ့ၣ် 17:18

ယွၤအသးဒိၣ်ထီၣ်ပှၤအံၣ်စရ့လးဖိတဖၣ်ဒီးဟီထီၣ်ကွံာ်အဝဲသ့ၣ် လၢအမဲာ်ညါ, ပာ်တ့ၢ်ဒၣ်ထဲကီၢ်ယူဒၤအဘီအမုၢ်ဧိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:9

လၢစီၤဃံးစကံယၤပၢတၢ်လွံၢ်နံၣ်တနံၣ်အပူၤ, လၢအမ့ၢ်ဝဲတၢ်ဆၢကတီၢ်ဖဲစီၤပၤဟိၤၡ့ပၢတၢ်လၢကီၢ်အံၣ်စရ့ လးနွံနံၣ်တနံၣ်အပူၤန့ၣ်, ကီၢ်အၤၡူၢ်အစီၤပၤဖးဒိၣ်ၡၤလမၤန့စ့ၢ်ဟဲနုာ်လီၤဒုးကီၢ် အံၣ်စရ့လးဒီးကဝီၤဃာ်ၡၤမရံန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:14

ယကပာ်လီၤတဲာ်ကွံာ်ပှၤဂီၢ်မုၢ်လၢအအိၣ်လီၤတဲာ်တဖၣ်, ဒီးဟ့ၣ်ကွံာ်အဝဲသ့ၣ်ဆူအဝဲသ့ၣ်အဒုၣ်အဒါတဖၣ်အစုပူၤ, ပှၤတဖၣ်လၢကမၤနၢၤအဝဲသ့ၣ်ဒီးဂုာ်ဆူၣ်ပျီဆူၣ်အထံအကီၢ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 23:27

ယွၤစံးဝဲဒၣ်, “တၢ်လၢယမၤတ့ၢ်ကီၢ်အံၣ်စရ့လးန့ၣ်ယကမၤကီၢ် ယူဒၤစ့ၢ်ကီးန့ၣ်လီၤ. ယကနီၣ်ထီၣ်ဟီထီၣ်ကွံာ်ယူဒၤအပှၤဂီၢ်မုၢ်လၢယမဲာ်ညါ, ဒီးယကညိကွံာ်ယရူၤရှလ့ၣ်ဝ့ၢ်လၢယဃုထၢတ့ၢ်အီၤဒီးယွၤအတၢ် လုၢ်ဟံၣ်, တၢ်လီၢ်လၢယစံးတ့ၢ်ယဲလၢယကဘၣ်တၢ်ဘူၣ်ထီၣ်ဘါထီၣ်ယၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 24:3

တုၤယွၤဟ့ၣ်လီၤအကလုၢ်တဘျီဃီန့ၣ်, တၢ်အံၤမၤအသးဒ်သိးကနီၣ် ထီၣ်ကွံာ်ကီၢ်ယူဒၤအပှၤဂီၢ်မုၢ်လၢအမဲာ်ညါမ့ၢ်လၢတၢ်ဒဲးဘး တဖၣ်လၢစီၤပၤမနၤၡ့ၤမၤတ့ၢ်ဝဲအဃိ,

လံာ်ကွဲးနီၣ်တၢ်အခီၣ်ထံးတဘ့ၣ် 16:13

သုဝဲပှၤလီၤစၢၤလီၤသွဲၣ်လၢကစၢ်ယွၤအခ့အပှၤစီၤအံၣ်စရ့လး, ပှၤလၢကစၢ်ယွၤဃုထၢဝဲတဂၤ, စီၤယၤကိာ်အဖိအလံၤသ့ၣ်ဧၢ,

လံာ်စီၤနဃ့မယၤ 9:2

ဒီးအဝဲသ့ၣ်မၤလီၤဖးအသးဒီးပှၤတခီဘီမုၢ်ဖိတဖၣ်န့ၣ်လီၤ. ဒီးအဝဲသ့ၣ်ကူသိးဝဲထၢၣ်တၢ်ကံးညာ်ဒီးဖှံအခိၣ်လၢဟီၣ်ခိၣ် အကမူၣ်ဒ်အမ့ၢ်တၢ်သူၣ်အုးသးအုးအတၢ်ပနီၣ်န့ၣ်လီၤ. ဒီးအဝဲသ့ၣ်ဂဲၤဆၢထၢၣ်ဒီးတဲလီၤကျဲၤလီၤတၢ်ဒဲးဘးတဖၣ်လၢ အဝဲသ့ၣ်ဒီးအမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲန့ၣ်လီၤ.

စံးထီၣ်ပတြၢၤ 51:13

အန့ၣ်ဒီးယကဒုးနဲၣ်ပှၤမၤကမၣ်တၢ်ဖိလၢ နကျဲဧိၤကပူၤဧိၤ ဒီးပှၤတၢ်ဒဲးဘးဖိကဃၣ်လိၤက့ၤအသး ဆူနအိၣ်လီၤ.

စံးထီၣ်ပတြၢၤ 53:5

ဘၣ်ဆၣ်အဝဲသ့ၣ်အိၣ်လၢတၢ်ပျံၤဖးဒိၣ် လၢအတမၤအသးဒ်အံၤနီတဘျီဘၣ်အပူၤန့ၣ်လီၤ. အဂ့ၢ်ဒ်အံၤ, ကစၢ်ယွၤကမၤလီၤပြံလီၤပြါ အပှၤဂီၢ်မုၢ်အဒုၣ်အဒါတဖၣ်အဃံအကွဲလီၤ. အဝဲသ့ၣ်တဖၣ်ကဘၣ်တၢ်မၤမဲာ်ဆှးအီၤအဂ့ၢ်မ့ၢ်လၢ ကစၢ်ယွၤညိကွံာ်တ့ၢ်လံအဝဲသ့ၣ်အဃိန့ၣ်လီၤ.

စံးထီၣ်ပတြၢၤ 80:13

ထိးမံၤတဖၣ်ယီၢ်တံၢ်လီၤအီၤ ဒီးတၢ်မံၤလာ်တဖၣ်အီၣ်တၢ်ဖဲန့ၣ်လီၤ.

လံာ်ယၡါယၤ 2:6

အိကစၢ်ယွၤဧၢ, နညိကွံာ်တ့ၢ်နပှၤဂီၢ်မုၢ်စီၤယၤကိာ်အစၢၤ အသွဲၣ်တဖၣ်လံ. ထံကီၢ်အံၤပှဲၤဝဲဒီးတၢ်မၤကဒါပှၤအမဲာ်အလုၢ် အလၢ်ဟဲလၢမုၢ်ထီၣ်ဒီးလၢကီၢ်ဖလ့ၡသးလီၤ. ပှၤဂီၢ်မုၢ်ပိာ်ထွဲ ပှၤတခီဘီမုၢ်အလုၢ်အလၢ်တဖၣ်န့ၣ်လီၤ.

လံာ်ယၡါယၤ 45:25

ယၤ, ယွၤအံၤ, ကမၤပူၤဖျဲးစီၤယၤကိာ်အစၢၤအသွဲၣ်ခဲလၢာ် ဒီးအဝဲသ့ၣ်ကဟ့ၣ်ယၤတၢ်စံးထီၣ်ပတြၢၤန့ၣ်လီၤ.”

လံာ်ယံးရမံယၤ 15:1

အန့ၣ်ဒီးယွၤစံးဘၣ်ယၤ, “စီၤမိၤၡ့ဒီးစီၤၡမူၤအ့လးမ့ၢ် ဆၢထၢၣ်ဖဲအံၤဒီးဃ့သကွံၢ်ကညးယၤဒၣ်လဲာ်, ယတဒုးနဲၣ်ဘၣ်ပှၤဂီၢ်မုၢ် အံၤတၢ်သးကညီၤနီတမံၤဘၣ်. မၢအဝဲသ့ၣ်ဟးကွံာ်တက့ၢ်. မၢအဝဲသ့ၣ်ဟးထီၣ်ကွံာ်လၢယမဲာ်ညါတက့ၢ်.

လံာ်ယံးရမံယၤ 46:28

ယကဟဲဆူ သုအိၣ်ဒီးအုၣ်က့ၤခီၣ်က့ၤသုလီၤ. ယကမၤဟးဂီၤပှၤကလုာ်ခဲလၢာ်လၢယမၤလီၤပြံလီၤပြါတ့ၢ် သုလၢအကျါ, ဘၣ်ဆၣ်ဒီး ယတမၤဟးဂီၤသုဘၣ်. ယတပျၢ်ဖျဲးသုလၢ တၢ်စံၣ်ညီၣ်အပူၤဘၣ်. မ့မ့ၢ်, ဖဲယစံၣ်ညီၣ်သုဒီး ယကမၤအီၤဖဲအတီအဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 52:3

ယွၤသးထီၣ်ဘၣ် ဝ့ၢ်ယရူၤၡလ့ၣ်ဒီး ကီၢ်ယူဒၤ အပှၤဂီၢ်မုၢ်ဒိၣ်ဒိၣ်ကလဲာ်တုၤဒၣ်လဲာ် ဟီထီၣ်ကွံာ်ဝဲလၢအမဲာ်ညါန့ၣ်လီၤ. စီၤစံးဒကံယၤပူထီၣ်တၢ်ထီဒါ ကီၢ်ဘၤဘူၤလိၣ် အစီၤပၤနဘူၤကးန့စၢ်.

လံာ်ယံးရမံယၤ 6:30

အဝဲသ့ၣ်ကဘၣ်တၢ်ကိးအီၤလၢတၢ်ကမူၣ်ကမှီလၢအလုၢ်အပှ့ၤတအိၣ်, မ့ၢ်လၢယၤ, ယွၤအံၤ, ယညိကွံာ်လံအဝဲသ့ၣ်အဃိလီၤ.”

လံာ်ယံးရမံယၤ 7:15

ယကနီၣ်ထီၣ်ဟီထီၣ်ကွံာ်သုလၢယမဲာ်ညါဒ်ယနီၣ်ထီၣ်ဟီထီၣ်ကွံာ် သုဘူးသုတံၢ်တဖၣ်လၢအမ့ၢ်အံၣ်စရ့လးအပှၤဂီၢ်မုၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ဟိၤၡ့ 1:6

နီၢ်ကိမၢၤမၤန့ၢ်ကဒီးအဖိခံဂၤတဂၤ, တဘျီအံၤမ့ၢ်အပိာ်မုၣ်ဖိ န့ၣ်လီၤ. ယွၤတဲဘၣ်ကဒီးစီၤဟိၤၡ့, ကိးအမံၤလၢနီၢ်လိၤရူ ဃမၤတက့ၢ်. အဂ့ၢ်ဒ်အံၤ, ယတဒုးနဲၣ်ယတၢ်အဲၣ်ဆူ ကီၢ်အံၣ်စရ့လးအပှၤဂီၢ်မုၢ်မ့ၢ်ဂ့ၤ, တပျၢ်အဝဲသ့ၣ်အတၢ် ကမၣ်မ့ၢ်ဂ့ၤလၢၤဘၣ်.

လံာ်ဟိၤၡ့ 12:3

အဝဲသ့ၣ်အပၢ်ဖးဒိၣ်လၢပျၢၤစီၤယၤကိာ်ဂဲၤလိာ်တၢ်ဒီးအဝဲၢ်ခွါ တဃံာ်လၢအမ့ၢ်စီၤဧ့ၡီၤဖဲအဝဲသ့ၣ်ခံဂၤလၢာ်အိၣ်ဒံးဒၣ်လၢ အမိၢ်အဒၢလီၢ်ပူၤန့ၣ်လီၤ. ဖဲစီၤယၤကိာ်ဒိၣ်ထီၣ်န့ၣ်အဝဲ ဂဲၤပျုၢ်ထီဒါကစၢ်ယွၤ,

လံာ်ယိၤနါ 1:10

ဒီးပှၤတဖၣ်န့ၣ်ပျံၤတၢ်ဒိၣ်ထီၣ်ဝဲဒီးစံးဘၣ်အီၤ, “နမၤတၢ်အံၤမ့ၢ်မနုၤတမံၤန့ၣ်လဲၣ်.” အဂ့ၢ်ဒ်အံၤပှၤတဖၣ်န့ၣ်သ့ၣ်ညါဝဲလၢ အဝဲဃ့ၢ်ပူၤဖျဲးအသးလၢယွၤအမဲာ်ညါအဂ့ၢ်မ့ၢ်လၢအစံးဘၣ်တ့ၢ်လံ အဝဲသ့ၣ်အဃိန့ၣ်လီၤ.

လံာ်ယိၤနါ 1:3

ဘၣ်ဆၣ်ဒီးစီၤယိၤနါလဲၤဆူဝ့ၢ် တၢ်ၡံၣ်ဒ်သိးကဃ့ၢ်ပူၤဖျဲးအသးလၢယွၤအမဲာ်ညါအဂီၢ်န့ၣ်လီၤ. အဝဲလဲၤလီၤဆူဝ့ၢ်ယၤဖိၤဒီးထံၣ်န့ၢ်ကဘီလၢကလဲၤဆူ ဝ့ၢ်တၢ်ၡံၣ်, ဒီးဟ့ၣ်အဘူးအလဲ, ဒီးလဲၤနုာ်ဆူကဘီပူၤလၢ ကလဲၤသကိးတၢ်ဒီးပှၤကဘီဖိတဖၣ်ဆူဝ့ၢ်တၢ်ၡံၣ်ဒ်သိး ကယံၤဒီးယွၤအဂီၢ်န့ၣ်လီၤ.

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်သိၣ်လီၤသီလီၤတၢ် 11:12

ယွၤ, သုကစၢ်ယွၤအံးထွဲကွၢ်ထွဲကီၢ်အံၤဒီးကွၢ်လီၤအီၤ စးထီၣ်လၢနံၣ်အခီၣ်ထံးတုၤလၢနံၣ်အကတၢၢ်န့ၣ်လီၤ.

လံာ်သိၣ်လီၤသီလီၤတၢ် 32:20

အဝဲစံးဝဲ, “ယတမၤစၢၤလၢၤအဝဲသ့ၣ်ဘၣ်. အန့ၣ်ဒီး, ယကထံၣ်တၢ်လၢအမၤအသးဒီးအဝဲသ့ၣ်, လၢအမ့ၢ်ပှၤလၢအခိၣ်ကိၤ, ပှၤဂီၢ်မုၢ်လၢအသူၣ်တတီသးတရၤဘၣ်အဃိ န့ၣ်လီၤ.

၂ သ့းစၤလနံ 1:9

အဝဲသ့ၣ်ကတူၢ်ဘၣ်တၢ်စံၣ်ညီၣ်လၢအမ့ၢ်တၢ်ဟးဂီၤအထူ အယိာ်, ဒီးကဘၣ်တၢ်ထုးဖးကွံာ်အီၤလၢကစၢ်အမဲာ်ညါ ဒီးအလၤကပီၤဘၣ်ဃးဒီးအစိအကမီၤန့ၣ်လီၤ.

လံာ်စီၤယိၤၡူ 23:13

သ့ၣ်ညါသပှၢ်ကတၢၢ်လၢယွၤသုကစၢ်ယွၤတနီၣ်ထီၣ်ဟီထီၣ် ပှၤကလုာ်တဖၣ်အံၤလၢသုမဲာ်ညါလၢၤဘၣ်. မ့မ့ၢ်, အဝဲသ့ၣ်ကကဲ ထီၣ်ပျံၤသကွီၤဒီးထုလၢသုဂီၢ်, နီၣ်ဖျ့လၢသုချၢအဂီၢ်ဒီး တၤဆှုၣ်တၤမဲလၢသုမဲာ်ချံအပူၤန့ၣ်လီၤ. တၢ်အံၤကမၤအသးတုၤလၢသုဟးဂီၤကွံာ်ခဲလၢာ်လၢကီၢ်လၢအဂ့ၤ လၢယွၤသုကစၢ်ယွၤဟ့ၣ်လီၤသုတဘ့ၣ်အံၤအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 18:30

ဒီးပှၤဒၣ်ဖိတဖၣ်ဆီလီၤတၢ်ဂီၤစိးပျၤအသးလၢတၢ်ကဘူၣ်ထီၣ် ဘါထီၣ်အီၤအဂီၢ်ဒီးစီၤမိၤၡ့အလံၤ, စီၤက့ရၡိၣ်အဖိခွါ, စီၤယိနၤသၣ်မၤပှၤလုၢ်တၢ်အဒိၣ်အတၢ်ဖံးတၢ်မၤလၢပှၤဒၣ်ဖိတဖၣ်အဂီၢ်လီၤ. ဒီးအစၢၤအသွဲၣ်တဖၣ်မၤပှၤလုၢ်တၢ်အဒိၣ်အတၢ်မၤတုၤလၢပှၤဂီၢ်မုၢ် ဘၣ်တၢ်စိာ်ကွံာ်အီၤဆူတၢ်စိာ်မၢကဲကုၢ်အလီၢ်တစုန့ၣ်လီၤ.

လံာ်ပှၤစံၣ်ညီၣ်ကွီၢ် 2:14

လၢတၢ်န့ၣ်အဃိယွၤအသးကဲၤထီၣ်ဘၣ်ပှၤအံၣ်စရ့လးဖိဒီးပျဲပှၤ ဂုာ်ဆူၣ်ပျီဆူၣ်တၢ် တဖၣ်ဒုးအီၤဒီးဂုာ်ဆူၣ်န့ၢ်အတၢ်လီၤ. ဒီးယွၤပျဲဒုၣ်ဒါအိၣ်ဝးတရံးတဖၣ်ဒိၣ်စိလၢအဝဲသ့ၣ်အဖီခိၣ် န့ၣ်လီၤ. ဒီးပှၤအံၣ်စရ့လးဖိတဖၣ်ဒီဒၣ်အိၣ်ပှိၤလီၤက့ၤအသးတန့ၢ်လၢၤဘၣ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:23

တၢ်ပူထီၣ်ထီဒါအီၤန့ၣ်အၢထဲသိးဒီးတၢ်ဝံတၢ်နါအတၢ်ဖံးတၢ်မၤတဖၣ် ဒီးတၢ်ပာ်ထီၣ်ထီသးန့ၣ်မ့ၢ်တၢ်ဒဲးဘးပှဲၤသိးသိးဒီး တၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်န့ၣ်လီၤ. မ့ၢ်လၢနဂ့ၢ်လိာ်ယွၤအတၢ်မၤလိာ်တဖၣ်အဃိအဝဲညိကွံာ်နၤဒ်စီၤ ပၤတဂၤအသိးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:26

စီၤၡမူၤအ့လးစံးဝဲ, “ယတက့ၤဒီးနၤဘၣ်. နသမၢတ့ၢ်ယွၤအတၢ်မၤလိာ်ဒီးအဝဲညိကွံာ်လံၤနၤဒ်ကီၢ်အံၣ်စရ့ လးအစီၤပၤလံ.”

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”