လံာ်စီၤပၤခံဘ့ၣ်တဘ့ၣ် 17:11 - Sgaw Karen Common Bible

¹¹ ဒီးအဝဲသ့ၣ်ဆိၣ်ကဲၤတၢ်နၢမူလၢကယဲၢ်ပှၤတစူၢ်တနာ်ယွၤအတၢ်လုၢ် လီၢ်ခဲလၢာ်အဖီခိၣ်, ပိာ်ထွဲတၢ်မၤလၢပှၤဂီၢ်မုၢ်လၢယွၤဟီထီၣ်တ့ၢ်အီၤလၢထံဧိၤ ကီၢ်ဧိၤအပူၤတဖၣ်မၤဝဲန့ၣ်လီၤ. အဝဲသ့ၣ်ထိၣ်ဂဲၤထီၣ်ယွၤအတၢ်သးထီၣ်လၢကယဲၢ်အဝဲသ့ၣ်အ တၢ်မၤအအၢအသီတဖၣ်,

လံာ်စီၤပၤခံဘ့ၣ်တဘ့ၣ် 17:11 Iomraidhean Croise

လံာ်စီၤပၤအခီၣ်ထံးတဘ့ၣ် 13:1

ဖဲစီၤယၤရၤဘၣ်ဆၢထၢၣ်ဝဲဖဲတၢ်လုၢ်လီၢ်လၢကလုၢ်ထီၣ်ပာ်ထီၣ် တၢ်န့ၣ်ယွၤအဝံတဂၤလၢကီၢ်ယူဒၤလဲၤတုၤဝဲဆူဝ့ၢ်ဘ့ၤသ့လး ဒ်ယွၤမၤလိာ်အီၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:15

ယွၤကစံၣ်ညီၣ်ကီၢ်အံၣ်စရ့လးဒီးကီၢ်အံၣ်စရ့လးကဟူးဝးဝဲဒ် တပိၢ်တဘိလၢအဟူးဝးလၢထံကျိဖိတဘိအပူၤအသိးန့ၣ်လီၤ. အဝဲကထဲးထီၣ်ကွံာ်ကီၢ်အံၣ်စရ့လးအပှၤဂီၢ်မုၢ်လၢကီၢ်ဂ့ၤတဘ့ၣ် အံၤအပူၤ, လၢအဟ့ၣ်တ့ၢ်အဝဲသ့ၣ်အမိၢ်ပၢ်ဖံဖုလၢပျၢၤ, ဒီးအဝဲကမၤလီၤပြံလီၤပြါကွံာ်အဝဲသ့ၣ်ဆူထံကျိဖရၤသး အဝၢ်ဘးခီန့ၣ်လီၤ. အဂ့ၢ်ဒ်အံၤ, အဝဲသ့ၣ်ထိၣ်ဂဲၤထီၣ်တ့ၢ်အတၢ်သးထီၣ်ခီဖျိ မၤထီၣ်ကစၢ်မုၣ်အၡ့ရၤအတၢ်ဂီၤတၢ်ဖီၣ်တဖၣ်အဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:4

စီၤယိၤအၣ်ကိးဃီၤပှၤလုၢ်တၢ်အခိၣ်တဖၣ်ဒီးဟ့ၣ်လီၤအကလုၢ်ဆူ အဝဲသ့ၣ်လၢကပာ်ဖှိၣ်ပာ်တံၤစ့လၢအဘၣ်တၢ်ဟ့ၣ်အီၤဘၣ်ထွဲဒီး တၢ်လုၢ်တၢ်ပာ်တဖၣ်လၢယွၤအတၢ်လုၢ်ဟံၣ်အပူၤလၢအမ့ၢ်, တၢ်လၢပှၤဘၣ်ဟ့ၣ်အီၤလၢတၢ်လုၢ်တၢ်ပာ်ဘၣ်ဆၢဘၣ်ကတီၢ်တဖၣ်အဂီၢ် မ့ၢ်ဂ့ၤ, စ့လၢအဘၣ်တၢ်ဟ့ၣ်လီၤအီၤဒ်အမ့ၢ်တၢ်သူၣ်အိၣ်သးအိၣ် အတၢ်ဟ့ၣ်တဖၣ်အသိးမ့ၢ်ဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:10

ဒီးလၢကယဲၢ်တၢ်လူၢ်ခဲလၢာ်အဒီခိၣ်ဒီးလၢကယဲၢ်သ့ၣ်လၢအအိၣ် ဒီးအကဒုခဲလၢာ်အဖီလာ်န့ၣ်အဝဲသ့ၣ်ပာ်လီၤလၢၢ်ထူၣ်တဖၣ်ဒီးတၢ် ဂီၤတၢ်ဖီၣ်တဖၣ်လၢအမ့ၢ်ကစၢ်မုၣ်အၡ့ရၤအဂီၤ,

လံာ်စီၤပၤခံဘ့ၣ်တဘ့ၣ် 17:12

ဒီးတစူၢ်ဘၣ်ယွၤအတၢ်မၤလိာ်လၢအမ့ၢ်, တၢ်တဘၣ်ဘူၣ်ထီၣ်ဘါထီၣ် တၢ်ဂီၤတၢ်ဖီၣ်ဘၣ်, န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:6

အဝဲလုၢ်ထီၣ်အဖိခွါဒ်တၢ်လုၢ်မ့ၣ်အူအသိးန့ၣ်လီၤ. အဝဲမၤတၢ်ဒုၣ်တၢ်အဆၢအကတီၢ်, ဒီးတၢ်မၤကဒါမဲာ်ဒီးသံကွၢ်တၢ် လၢပှၤဖးတၢ်ဟဲဝံဟဲစိာ်တဖၣ်ဒီးပှၤသံအကလၤတဖၣ်, န့ၣ်လီၤ. အဝဲမၤဒဲးဘးတၢ်ထီဒါယွၤဒိၣ်မးဒီးထိၣ်ဂဲၤထီၣ် ယွၤအတၢ်သးကဲၤထီၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:25

လၢကယဲၢ်ဝ့ၢ်ဖးဒိၣ်ဒီးဝ့ၢ်ဖိလၢကီၢ်ယူဒၤအပူၤခဲလၢာ်န့ၣ်, အဝဲဘှီထီၣ်ပှၤဘါတၢ်ဂီၤတၢ်ဖီၣ်အတၢ်ဘါလီၢ်တဖၣ်, လၢတၢ်လုၢ်နၢမူတဖၣ်ကဘၣ်တၢ်ဆူးကဲၤအီၤဆူပှၤကလုာ်ဂၤအကစၢ် တဖၣ်အအိၣ်အဂီၢ်န့ၣ်လီၤ. လၢကျဲဒ်အံၤန့ၣ်အဝဲဟဲစိာ်ဃီၤယွၤ, အဝဲအမိၢ်ပၢ်ဖံဖုလၢပျၢၤတဖၣ်အကစၢ်ယွၤအတၢ်သးထီၣ်ဘၣ်အီၤန့ၣ်လီၤ.

လံာ်တၢ်ဟးထီၣ်ကွံာ် 23:24

ဆုးလီၤသုခိၣ်လၢသုကဘါထီၣ်အဝဲသ့ၣ်အကစၢ်တဖၣ်အဂီၢ်တဂ့ၤ. ဟံးန့ၢ်အဝဲသ့ၣ်အတၢ်ဘူၣ်တၢ်ဘါအလုၢ်အလၢ်တဖၣ်တဂ့ၤ. မၤဟးဂီၤကွံာ်အဝဲသ့ၣ်အကစၢ်တဖၣ်ဒီးမၤလီၤပှီၢ်ကွံာ်အလၢၢ်ထူၣ် စီဆှံတဖၣ်တက့ၢ်.

လံာ်ယံးရမံယၤ 44:17

ပကမၤတၢ်ခဲလၢာ်လၢ ပစံးတ့ၢ်လၢပကမၤအီၤန့ၣ်လီၤ. ပကလုၢ်ထီၣ်တၢ်လုၢ်တဖၣ်ဆူ ပကစၢ်မုၣ်လၢအမ့ၢ်, မူခိၣ်အနီၢ်ပၤမုၣ်, ဒီးပကလူလီၤတၢ်လုၢ်စပံးထံလၢ အဂီၢ်, ဒ်ပဝဲဒီး ပမိၢ်ပၢ်ဖံဖုလၢပျၢၤတဖၣ်, ပစီၤပၤဒီး ပခိၣ်ပနၢ်တဖၣ် ညီနုၢ်မၤတ့ၢ်ဝဲလၢကီၢ်ယူဒၤအဝ့ၢ်တဖၣ်အပူၤဒီး ဝ့ၢ်ယရူၤၡလ့ၣ်အကျဲမုၢ်ကျဲဘိတဖၣ်အပူၤအသိးန့ၣ်လီၤ. အန့ၣ်ဒီး, ပကအိၣ်ဒီးတၢ်အီၣ်အါအါဂီၢ်ဂီၢ်, ပကဘီၣ်ထီၣ်ညီထီၣ်ဒီး ပတၢ်ကီတၢ်ခဲတအိၣ်နီတမံၤလၢၤဘၣ်.

လံာ်ဟိၤၡ့ 9:10

ယွၤစံးဝဲဒၣ်, ဖဲယထံၣ်ကီၢ်အံၣ်စရ့လးအဆိကတၢၢ်အခါန့ၣ် လီၤဂာ်ဒ်တၢ်ထံၣ်န့ၢ်စပံးသၣ်တဖၣ်မဲထီၣ်လၢပှၢ် မုၢ်ကနၢအပူၤအသိးန့ၣ်လီၤ. ဖဲယထံၣ်ဘၣ်သုမိၢ်ပၢ်ဖံဖုလၢပျၢၤတဖၣ်အဆိကတၢၢ် အခါန့ၣ်, လီၤဂာ်ဒ်တၢ်ထံၣ်ဘၣ်သ့ၣ်ချၢၣ်ဒၢသၣ်အမံဆိလၢအဆၢကတီၢ်ဘၣ်ဝဲ အခါန့ၣ်လီၤ. ဘၣ်ဆၣ်တုၤအဝဲသ့ၣ်ဟဲဆူကစၢၢ်ဘဧၤလးပဧိၤန့ၣ်စး ထီၣ်ဘါထီၣ်သီဘဧၤလး, ဒီးတယံာ်ဘၣ်န့ၣ်မၤအသးလီၤသးဘၣ်အၢဒ် ယွၤတဖၣ်လၢအဝဲသ့ၣ်အဲၣ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 12:2

လၢကီၢ်လၢသုမၤန့ၢ်အီၤအပူၤန့ၣ်မၤဟးဂီၤကွံာ်ကယဲၢ်တၢ်လီၢ် တဖၣ်ဖဲပှၤဂီၢ်မုၢ်ဘူၣ်ထီၣ်ဘါထီၣ်အယွၤတဖၣ်လၢကစၢၢ်အထီ တဖၣ်အလိၤ, လၢတၢ်လူၢ်တဖၣ်အလိၤ, ဒီးလၢကယဲၢ်သ့ၣ်သံ ကစဲာ်တဖၣ်အဖီလာ်န့ၣ်တက့ၢ်.

လံာ်သိၣ်လီၤသီလီၤတၢ် 18:9

ဖဲသုဟဲနုာ်လီၤဆူကီၢ်န့ၣ်လၢယွၤ, သုကစၢ်ယွၤဟ့ၣ်လီၤသု အပူၤဒီး, ပိာ်ထွဲပှၤကလုာ်တဖၣ်လၢအအိၣ်ဖဲန့ၣ်အတၢ်မၤတဖၣ်လၢ အလီၤသးဘၣ်အၢအခံတဂ့ၤ.

လံာ်သိၣ်လီၤသီလီၤတၢ် 32:16

အဝဲသ့ၣ်အတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်န့ၣ်ဒုးအိၣ်ထီၣ်ယွၤ အတၢ်သးက့ၣ်, တၢ်အၢတၢ်သီလၢအဝဲသ့ၣ်မၤတ့ၢ်န့ၣ်, မၤသးဒိၣ်ထီၣ်အီၤလီၤ.

လံာ်သိၣ်လီၤသီလီၤတၢ် 32:21

အဝဲသ့ၣ်မၤသးဒိၣ်ထီၣ်ယၤဒီးအတၢ်ဂီၤတၢ်ဖီၣ်တဖၣ်လၢအဘှီဝဲ, မၤသးက့ၣ်ယၤလၢကစၢ်ဒ်န့ၣ်အသိးတဖၣ်, ကစၢ်တဖၣ်လၢတမ့ၢ်ဘၣ်ကစၢ်အမ့ၢ်အတီတဖၣ်ဘၣ်န့ၣ်လီၤ. လၢတၢ်န့ၣ်အဃိ, ယကသူပှၤဒ်န့ၣ်အသိးတကလုာ်လၢကမၤသးဒိၣ်ထီၣ် အဝဲသ့ၣ်, ယကဒုးသးက့ၣ်အဝဲသ့ၣ်လၢပှၤကလုာ်လၢအမ့ၢ်ပှၤဟးဂီၤဖိတဖၣ်န့ၣ်လီၤ.