လံာ်စီၤပၤခံဘ့ၣ်တဘ့ၣ် 16:9 - Sgaw Karen Common Bible

⁹ လၢတၢ်စံးဆၢက့ၤစီၤအၤဃးအတၢ်ဃ့ကညးအဂီၢ်န့ၣ်စီၤတံးကလး ပလ့စ့ၢ်ဟးထီၣ်လၢတၢ်ဒုးအဂီၢ်ဃုာ်ဒီးအသုးမုၢ်လၢကထီဒါဝ့ၢ် ဒၤမ့ၤစ့းအဂီၢ်ဒီးမၤန့ၢ်အီၤ, မၤသံကွံာ်စီၤပၤရစံၣ်ဒီးက့ၤကိးပှၤဂီၢ်မုၢ်ဆူဝ့ၢ်ကံၢ်ဒ် ပှၤဘၣ်တၢ်စၢဃာ်တဖၣ်အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:9 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 16:4

စီၤဘ့ၣ်ဟဒးဘၣ်သူၣ်ဘၣ်သးတ့ၢ်လၢစီၤအၤစါအတၢ်ဃ့, ဒီးအဝဲဆှၢလီၤအပှၤသုးမုၢ်အခိၣ်တဖၣ်ဃုာ်ဒီးအဝဲသ့ၣ်အသုး မုၢ်တဖၣ်ဒ်သိးအကလဲၤဒုးကီၢ်အံၣ်စရ့လးအဝ့ၢ်တဖၣ်န့ၣ်လီၤ. အဝဲသ့ၣ်မၤန့ၢ်ကွံာ်ဝ့ၢ်ဧံၤယိၣ်, ဝ့ၢ်ဒၣ်, ဝ့ၢ်အၤဘ့ၤလးဘ့ၤ သမၤကၤဒီးကယဲၢ်ဝ့ၢ်ခဲလၢာ်လၢနးသၤလံအကီၢ်ပူၤဖဲတၢ်လၢတၢ် လိၣ်ဘၣ်တဖၣ်ဘၣ်တၢ်ပိာ်ဖှိၣ်အီၤအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:21

လၢတၢ်န့ၣ်အဃိစီၤအၤဃးဟံးထီၣ်ထူလၢယွၤအတၢ်လုၢ်ဟံၣ်အပူၤ, လၢစီၤပၤအနီပူၤဒီးလၢပှၤဂီၢ်မုၢ်အခိၣ်အနၢ်တဖၣ်အဟံၣ်ပူၤ, ဒီးဟ့ၣ်လီၤဝဲဆူစီၤပၤဖးဒိၣ်အအိၣ်န့ၣ်လီၤ. အန့ၣ်ဒၣ်လဲာ်, တၢ်အံၤတကဲထီၣ်တၢ်မၤစၢၤအီၤဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 28:5

မ့ၢ်လၢစီၤပၤစီၤအၤဃးမၤတ့ၢ်တၢ်ဒဲးဘးအဃိ, ယွၤ, အဝဲအကစၢ်ယွၤပျဲကီၢ်စူၤရံအစီၤပၤမၤနၢၤကွံာ်အီၤဒီးက့ၤ ကိးပှၤယူဒၤဖိအါအါဂီၢ်ဂီၢ်ဆူဝ့ၢ်ဒၤမ့ၤစ့းဒ်ပှၤဘၣ်တၢ်စၢဃာ် တဖၣ်အသိးန့ၣ်လီၤ.

လံာ်ယၡါယၤ 10:9

ယမၤန့ၢ်မၤနၢၤဝ့ၢ်ကးလနိၤဒီးဝ့ၢ်ကၢ်ကမံၣ်တဖၣ်, ဝ့ၢ်ဃမါသးဒီးဝ့ၢ်အၢ်ပးတဖၣ်လီၤ. ယမၤန့ၢ်မၤနၢၤဝ့ၢ်ၡၤမရံ ဒီးဝ့ၢ်ဒၤမ့ၤစ့းလီၤ.

လံာ်ယၡါယၤ 17:1

ယွၤစံးဝဲဒၣ်, “ဒၤမ့းစ့းတမ့ၢ်ဝ့ၢ်တဖျၢၣ်ယံာ်ယံာ်လၢၤဘၣ်. ကမ့ၢ်ဒၣ်တၢ်လီၤပှီၢ်ဟးဂီၤတဖၣ်အတၢ်ပာ်ဖှိၣ်ထီၣ်အသးအလီၢ် တတီၤလီၤ.

လံာ်ယၡါယၤ 22:6

ပှၤသုးဖိလၢကီၢ်ဧ့ၤလၣ်တဖၣ်ဟဲဒိးကသ့ၣ်, အိၣ်ဒီးစုကဝဲၤလၢအမ့ၢ်ချံၣ်ဒီးပျၢ်တဖၣ်လီၤ. ပှၤသုးဖိလၢကီၢ်ကံၢ်တဖၣ်ကတဲာ်ကတီၤပာ် အကတီၤတဖၣ်လီၤ.

လံာ်ယၡါယၤ 37:18

ယွၤဧၢ, ပဝဲခဲလၢာ်ပသ့ၣ်ညါလၢကီၢ်အၤၡူၢ်အစီၤပၤဖးဒိၣ်တဖၣ် မၤဟးဂီၤတ့ၢ်ပှၤကလုာ်အါကလုာ်ဒီးဒုးအိၣ်သယုၢ်သညိ အထံအကီၢ်တဖၣ်,

လံာ်ယၡါယၤ 7:16

တချုးတၢ်ဆၢကတီၢ်အဝဲန့ၣ်တုၤဒၣ်လဲၣ်န့ၣ်, စီၤပၤခံဂၤလၢအမၤ ပျံၤမၤဖုးသုတဖၣ်အံၤအထံအကီၢ်တဖၣ်ကအိၣ်သယုၢ်သညိဝဲလီၤ.

လံာ်ယၡါယၤ 9:10

“တၢ်သူၣ်ထီၣ်တဖၣ်လၢတၢ်မၤအီၤလၢဒၢးခီန့ၣ်လီၤပှီၢ်လၢာ်လံ. ဘၣ်ဆၣ်ဒီး, ပကသူၣ်ထီၣ်က့ၤလၢၢ်တၢ်သူၣ်ထီၣ်တဖၣ်လၢ အလီၢ်လီၤ. ကျိၤတဖၣ်လၢအဘၣ်တၢ်မၤအီၤလၢသ့ၣ်သိး ဝံာ်ဒၢတဖၣ်ဘၣ်တၢ်မၤတဲာ်ကွံာ်အီၤလံ. ဘၣ်ဆၣ်ဒီးလၢအလီၢ်န့ၣ်, ပကမၤက့ၤအီၤလၢ သ့ၣ်ဆှိးအ့ရ့းအဂ့ၤကတၢၢ်လီၤ.”

လံာ်ယၡါယၤ 9:11

ယွၤထိၣ်ဂဲၤတ့ၢ်အဒုၣ်အဒါတဖၣ်လၢကဒုးအဝဲသ့ၣ်အဂီၢ်န့ၣ်လီၤ.

လံာ်ဧၤမိၣ် 9:7

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ဧၢ, သုလီၤဂာ်ဒီးပှၤကူၤၡးဖိလၢယဂီၢ်တမ့ၢ်ဘၣ်ဧါ. ဒ်ယဒုးဟးထီၣ်သုလၢကီၢ်အဲၤကူပတူးအပူၤအသိး, ယဒုးဟးထီၣ်ပှၤဖလ့ၡသးဖိလၢကီးကြ့တ့ၤဒီးပှၤစူၤရံဖိလၢ ကီၢ်ကံၢ်န့ၣ်တမ့ၢ်ဘၣ်ဧါ.