လံာ်စီၤပၤခံဘ့ၣ်တဘ့ၣ် 16:4 - Sgaw Karen Common Bible

⁴ ဖဲပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ်တဖၣ်, လၢတၢ်လူၢ်တဖၣ်အဒီခိၣ်ဒီးလၢကယဲၢ်သ့ၣ်လၢအအိၣ်ဒီးအကဒုတဖၣ် အဖီလာ်န့ၣ်စီၤအၤဃးလုၢ်ထီၣ်တၢ်လုၢ်တၢ်ပာ်တဖၣ်ဒီးဆိၣ်ကဲၤတၢ် နၢမူန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:4 Iomraidhean Croise

လံာ်စီၤပၤအခီၣ်ထံးတဘ့ၣ် 14:23

အဝဲသ့ၣ်ဘှီထီၣ်တၢ်ဘူၣ်ထီၣ်ဘါထီၣ်အလီၢ်တဖၣ်လၢယွၤကဘျံးကဘျၣ် တဖၣ်အဂီၢ်ဒီးပာ်ထီၣ်လၢၢ်ထူၣ်တဖၣ်, ကစၢ်မုၣ်အၡ့ရၤအပနီၣ်လၢကဘူၣ်ထီၣ်ဘါထီၣ်ဝဲလၢကစၢၢ်ကလိအလိၤ မ့ၢ်ဂ့ၤ, သ့ၣ်အကဒုတဖၣ်အဖီလာ်မ့ၢ်ဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:4

စီၤယိၤအၣ်ကိးဃီၤပှၤလုၢ်တၢ်အခိၣ်တဖၣ်ဒီးဟ့ၣ်လီၤအကလုၢ်ဆူ အဝဲသ့ၣ်လၢကပာ်ဖှိၣ်ပာ်တံၤစ့လၢအဘၣ်တၢ်ဟ့ၣ်အီၤဘၣ်ထွဲဒီး တၢ်လုၢ်တၢ်ပာ်တဖၣ်လၢယွၤအတၢ်လုၢ်ဟံၣ်အပူၤလၢအမ့ၢ်, တၢ်လၢပှၤဘၣ်ဟ့ၣ်အီၤလၢတၢ်လုၢ်တၢ်ပာ်ဘၣ်ဆၢဘၣ်ကတီၢ်တဖၣ်အဂီၢ် မ့ၢ်ဂ့ၤ, စ့လၢအဘၣ်တၢ်ဟ့ၣ်လီၤအီၤဒ်အမ့ၢ်တၢ်သူၣ်အိၣ်သးအိၣ် အတၢ်ဟ့ၣ်တဖၣ်အသိးမ့ၢ်ဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:4

အဝဲတမၤလီၤပှီၢ်ကွံာ်ဘၣ်ပှၤတစူၢ်တနာ်ယွၤတဖၣ်အတၢ်ဘူၣ်ထီၣ်ဘါ ထီၣ်အလီၢ်ဘၣ်. ဒီးပှၤဂီၢ်မုၢ်လုၢ်ထီၣ်ဒံးတၢ်လုၢ်တၢ်ပာ်တဖၣ်ဒီးဆိၣ်ကဲၤဒံး တၢ်နၢမူဖဲန့ၣ်လီၤ.

စံးထီၣ်ပတြၢၤ 78:58

အဂ့ၢ်ဒ်အံၤ, အဝဲသ့ၣ်မၤသးထီၣ်ယွၤလၢပှၤတဘူၣ်ထီၣ်ဘါထီၣ် ယွၤအတၢ်လီၢ်ထီၣ်ထီ ယွၤအတၢ်ဘူၣ်တၢ်ဘါအလီၢ်တဖၣ်, ဒီးထိၣ်ဂဲၤအတၢ်သးဒိၣ်လၢ အတၢ်ဂီၤတၢ်ဖီၣ်တဖၣ်န့ၣ်လီၤ.

လံာ်ယၡါယၤ 65:4

လၢမုၢ်နၤခီအဆၢကတီၢ်န့ၣ်အဝဲသ့ၣ်လဲၤဆူလၢၢ်ကအိပူၤတဖၣ် ဒီးတၢ်သွၣ်ခိၣ်ပူၤတဖၣ်ဒ်သိးကဃ့တၢ်ဟ့ၣ်ကူၣ်လၢပှၤသံအကလၤ တဖၣ်အအိၣ်န့ၣ်လီၤ. အဝဲသ့ၣ်အီၣ်ထိးညၣ်, ဒီးအီကသူထံလၢအဘၣ်တၢ်ဖီအီၤလၢ တၢ်ညၣ်လၢအဘၣ်တၢ်လုၢ်ထီၣ်တ့ၢ်အီၤလၢပှၤတစူၢ်တနာ်ယွၤ အတၢ်လုၢ်တၢ်ပာ်တဖၣ်အပူၤန့ၣ်လီၤ.

လံာ်ယၡါယၤ 66:17

ယွၤစံးဝဲဒၣ်, “တၢ်အကတၢၢ်ဘူးထီၣ်လၢပှၤလၢအမၤကဆှီ အသးလၢပှၤတစူၢ်တနာ်ယွၤအတၢ်ဘူၣ်တၢ်ဘါအဂီၢ်, ပှၤလၢအလဲၤသကိးတၢ်ဆူတၤသၣ်လီၢ်စီဆှံတဖၣ်, ဒီးပှၤလၢအအီၣ်ထိးညၣ်, ယုၢ်ညၣ်ဒီးတၢ်အီၣ်အဂၤလၢ အလီၤသးဘၣ်အၢတဖၣ်အဂီၢ်လံ.

လံာ်ယံးရမံယၤ 17:2

သုပှၤဂီၢ်မုၢ်ဘူၣ်ထီၣ်ဘါထီၣ်တၢ်ဖဲတၢ်လုၢ်လီၢ်တဖၣ်ဒီးတၢ်ပနီၣ်တဖၣ် လၢအဘၣ်တၢ်ပာ်လီၤအီၤလၢကစၢ်မုၣ်အၡ့ရၤအဂီၢ်, လၢသ့ၣ်ထူၣ် သံကစဲာ်ကိးထူၣ်ဒဲးအကပၤ, လၢတၢ်လူၢ်တဖၣ်အဒီခိၣ်,

လံာ်ယဃ့းစက့လး 43:7

ပှၤကညီလၢအသံသ့ဧၢ, အအံၤမ့ၢ်ယလီၢ်ပစိာ်န့ၣ်လီၤ. ယကအိၣ်ဆိးဖဲအံၤလၢကီၢ်အံၣ်စရ့လးအပှၤဂီၢ်မုၢ်အကျါဒီး ပၢအဝဲသ့ၣ်လီၤစိၤလီၤထီန့ၣ်လီၤ. ကီၢ်အံၣ်စရ့လးအပှၤဂီၢ် မုၢ်မ့ၢ်ဂ့ၤ, အစီၤပၤတဖၣ်မ့ၢ်ဂ့ၤတမၤမဲာ်ဆှးကဒီးလၢၤဘၣ်ယမံၤ စီဆှံနီတစုခီဖျိတၢ်ဘူၣ်ထီၣ်ဘါထီၣ်ယွၤအဂၤတဖၣ်မ့ၢ်ဂ့ၤ, ခီဖျိ တၢ်ခူၣ်လီၤဘျၢလီၤအစီၤပၤတဖၣ်, အစိၣ်လၢတၢ်လီၢ်အံၤအပူၤ မ့ၢ်ဂ့ၤလၢၤဘၣ်န့ၣ်လီၤ.

လံာ်ယဃ့းစက့လး 6:13

တၢ်အစိၣ်တဖၣ်ကဘၣ်တၢ်မၤလီၤပြံ ပြါအီၤလၢတၢ်ဂီၤတၢ်ဖီၣ်တဖၣ် အကျါဒီးဝးတရံးတၢ်လုၢ်လီၢ်တဖၣ်, ကလီၤပြံလီၤပြါလၢတၢ်လူၢ်ထီၣ်ထီကိးလူၢ်ဒဲးအဒီခိၣ်, လၢကစၢၢ်ကိးဖျၢၣ်ဒဲးအဒီခိၣ်, လၢသ့ၣ်လၢအသံကစဲာ်ကိးထူၣ်ဒဲး အဖီလာ်ဒီးလၢသ့ထိးဖၣ်ဖးဒိၣ်ကိးထူၣ်ဒဲးအဖီလာ်, ဒီးလၢတၢ်လီၢ်ကိးပူၤဒဲးဖဲအဝဲသ့ၣ်ဆိၣ်ကဲၤတၢ်လုၢ်တၢ်ပာ် တဖၣ်ဆူအဝဲသ့ၣ်အတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ. တုၤနုၤတစုပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်သိၣ်လီၤသီလီၤတၢ် 12:2

လၢကီၢ်လၢသုမၤန့ၢ်အီၤအပူၤန့ၣ်မၤဟးဂီၤကွံာ်ကယဲၢ်တၢ်လီၢ် တဖၣ်ဖဲပှၤဂီၢ်မုၢ်ဘူၣ်ထီၣ်ဘါထီၣ်အယွၤတဖၣ်လၢကစၢၢ်အထီ တဖၣ်အလိၤ, လၢတၢ်လူၢ်တဖၣ်အလိၤ, ဒီးလၢကယဲၢ်သ့ၣ်သံ ကစဲာ်တဖၣ်အဖီလာ်န့ၣ်တက့ၢ်.